Yau Veggie Diner

大前日（26-4-2025 Sat）同老公行南豐紗廠，買完嘢，都搵間嘢坐低飲同食嘢，見到好多間食過，未食過嘅食肆都執咗，變咗唔少。（無盡 唏噓）我哋經過呢間食漢堡，見價錢都係差唔多而且裝修特別，好有古舊嘅美國feel，於是入去坐低 ，睇完menu就要咗：4. $69.00嘅花生醬奶昔呢個唔大杯，面上唧咗忌廉，飲落，花生味道好夠，但好細杯，咁轉角見（https://www.openrice.com/zh/hongkong/r-%E8%BD%89%E8%A7%92-%E8%A6%8B-%E8%8D%83%E7%81%A3-%E8%A5%BF%E5%BC%8F-all-day-breakfast-r435952）就抵好多。1. $89.00嘅經典芝士漢堡睇見件漢堡唔似素食，但食落就真係豆味嘅素，口感似牛肉漢堡咁鬆同juicy，個包烘得好脆，而佢嘅份量都幾大。2. 叫主食加$40.00成為套餐之一嘅小薯波份量接近兩個薯餅，口感同薯餅一樣，冇乜問題。3. 叫主食加$40.00成為套餐之一嘅檸檬梳打老公一飲覺得好正，因為清新解到膩，但我飲就覺得唔好飲。其他：menu啲字太細粒。抵食係2.5分…查看更多

沒想過素漢堡都可以有咁多不同選擇，並非其他餐廳可以搵到。試了素羊漢堡、素煙肉漢堡、磨菇芝士素漢堡，各有特色。食物好美，氣氛愉悅。餐牌上所有東西都可以變成純素。善待動物，有益身心健康。Delicious and good vibes. Can change everything into vegan. Kindness for animals, good for health and spiritual well-being. Every burger has its unique flavour. Not ordinary patty out there in the market. …查看更多

今日 lunch 又到紗廠尋找美食，難得見到店開門營業，看完餐牌，就決定入去一試。平日呢區本來就比較靜，所以店內衹有我一位客人。店舖主打美式懷舊設計及美式食物，主食是漢堡系列，而且是以素食為題（食完才知道）。值得推薦一試，食物質素不俗。PS: 店內只有一位店員服務，而且是位可愛女孩子。…查看更多

星期六中午來附近買嘢，午餐時想食輕鬆啲，搵到紗廠呢間素食餐廳就試下 。食物做得好有heart ！可憎可能人流太少，餐牌本來好多選擇，但當時有一半都做唔到，不過server 話可以預訂 。下次再嚟支持之前，預約定多啲喜歡嘅菜式啦！今次試咗一個蘋果焦糖鵝肝，同埋一個合桃沙律。沙律好大份，差啲食唔晒。非常之新鮮，個汁都啱啱好，味道好夾。焦糖鵝肝有驚喜，估唔到素食都可以做到喺法國餐廳嘅fine dining 效果 !擺盤亦都非常之精緻，一路食，一路感受到廚師用咗好多心機去設計菜單。我一個人坐入去，差不多食到尾先有兩檯客…喺香港搵神獸餐廳真係好難，搵到好好味嘅純素餐廳就更加難 。一路食，一路都擔心之後嚟仲會唔會喺度，始終而家咁多餐廳結業… 好希望大家支持一下佢哋！…查看更多

今日老細請食飯，帶我哋見識素食都可以好fusion，Yau Veggie Diner以多國融匯素食菜餚，注入藝術烹調文化，藉著素食文化及文藝創作傳遞理念。擺盤精美見心思，整體味道好唔錯！記得去食要預約先，否則好多招牌菜就食唔到🫶🏻🌟*頭盤*香煎鵝肝配黑醋無花果鵝肝凍配玫瑰䠵枝果醬茄子魚子醬頭盤的香煎鵝肝配黑醋無花果，口感滑順，搭配甜酸的無花果，味道不錯。鵝肝凍搭配玫瑰䠵枝果醬，清新又有層次感，好食🫶🏻*主菜*威靈頓牛柳🌟必試！普羅旺斯燉菜白醬小牛肉帕門蒂爾餡批威靈頓牛柳的外皮酥脆，內裡的牛肉多汁，令人難以抗拒，真係有肉味咁👍🏻*純素甜品*千層酥甜品唔會太甜，好正。以素食來講，Yau Veggie Diner真係好多創意菜式，岩晒茹素的朋友，絕對值得一試！…查看更多

荃灣南豐紗廠新開的美式紅白懷舊主題素食餐廳，主打美式漢堡及純素新地、奶昔。經典芝士漢堡的素牛肉口感同真牛肉分別不大，夠juicy而且份量夠大又足料❗️另一個吸引我嘅係「楓糖煙肉奶昔」，奶昔使用燕麥奶及雲呢拿籽製作，加上純素煙肉粒及煙肉脆片鹹甜交雜，又一衝擊味蕾之作😋不過價錢略嫌偏貴，間唔中食一次半次都ok嘅😅- 經典芝士漢堡- turtle sundae- 楓糖煙肉奶昔- CoronaTotal $266…查看更多

呢間係同場南豐紗廠Yau 游bistro的另一間餐廳，主打美式漢堡包。點了classic burger同bacon burger. 每款burger 都係有素牛肉。小店慢工出細課，用心做，店內播住懷舊英文歌，配合美式懷舊裝修，空間感十足，節奏立即放慢，時間彷彿停頓了。見到每個Burger都係新鮮做。食落口感真係似牛肉，素牛肉也juicy, 包內有番茄，沙律菜，酸瓜，加上茄汁、mustard, 而素煙肉係炸，外表係彷真的煙肉，咬落去係脆卜卜，整體配合得好perfect! 食得出素牛肉非買現成貨，應該係店內自己搓同調味。店內還有milkshake 同sundae 、香蕉船等供應，但怕肥的我就點了lemonade走糖漿。combo set叫左椰菜沙律。甜品都係留返下一次再食。見到有一位帶著小女兒的媽媽幫襯，點餐時同店員講想將素牛扒煎得熟一點，因為女兒還細個，怕腸胃不適。店員表示可以。我杯lemonade 又記得走糖水，可見店員好細心，抵讚。…查看更多

Yau Veggie Diner 嘅食物質素好高，賣相同相片睇到嘅一模一樣超級靚 我係第一次食全素嘅雪糕，我叫咗杯朱古力新地 個Cherry好味 雪糕同真嘅奶做雪糕一樣好綿密好好味 素漢堡包係好大一份 好多唔同嘅蔬菜同塊肉真係好厚 成個包真係好大一個 口咬唔晒 個賣相特別吸引同相睇到嘅一模一樣芝士薯條熱辣辣送上枱面 芝士拉絲超級高 勁好食 10分吸引如果唔叫芝士薯條，普通薯條都熱辣辣送上枱面好脆好好食薯波都好食，好香好重薯仔味依間餐廳唔睇字都唔知原來係間素食餐廳，因為餐廳設計真係好舊美式快餐店嘅style，入到去好似去咗八九十年代，所有枱枱凳凳都好特別好得意間餐廳嘅設計真係特別適合打卡，食物嘅賣相都啱晒影相…查看更多

素食漢堡 薯條好食🥬🍔🍟🥛餐廳名: Yau Veggie Diner地區: 荃灣水牛芝士漢堡 HK$99 - 少少辣 幾惹味 略嫌蓋過素肉味薯條同檸檬梳打跟餐HK$50 - 薯條新鮮炸 熱又脆皮檸檬梳打味道正常 玻璃杯上成件事高級左素奶昔 海鹽焦糖 HK$69 - 味道同正常奶昔一樣 奶昔比cream可以多返少少環境衛生: 🌕🌕🌕🌕🌕食物味道: 🌕🌕🌕🌕🌗服務態度: 🌕🌕🌕🌕🌕@yvdiner#荃灣美食 #荃灣#奶昔 #漢堡#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHelpYouE #HelpYouEat #HongKong #HKFoodie…查看更多

Yau Veggie Diner係喺南豐紗廠1樓的Yau Veggie Bistro的另一間舖，後者提供素法國菜，呢間專賣素美式漢堡。喺佢裝修時，我同狗狗爸爸已經諗住開舖後要幫襯，終於等到，星期日就嚟試下。呢度環境寛敞，座位有卡位、吧檯同普通檯櫈。周日下午茶時間嚟到有1檯客。餐牌簡單，主食係各款素漢堡，只係配料/醬料有少少區別，見佢有羊漢堡，但肉餅好似同其他漢堡一樣，用Impossible beef patty。配菜係薯條之類，而飲品有汽水、酒精類飲品同奶昔，甜品係雪糕製品，如新地、香蕉船。餐飲基本上係單點，配搭上如果點漢堡可加$50變combo，但$50 combo的配菜只有薯條（$39），飲品可以揀汽水（可樂或lemonade，$29）。想揀其他配菜/飲品就要補錢/補差價。漢堡包的單價係$89起，以漢堡包餐嚟講，佢算係貴；而以南豐紗廠嚟講，價格可能都ok。之不過，佢唔似其他食店劃分一啲範圍係pet friendly，佢冇得俾寵物內進架，呢點就真係「click」。經典漢堡：饀有素牛堡、芝士、蕃茄、生菜醃青瓜、洋蔥同埋Yau's mustard sauce。我點咗少醬，走沙律醬。雖然餐牌好似冇寫，但當店員聽到我話少mustard sauce時便問我mayonnaise需唔需要少醬，所以原來仲有沙律醬。個漢堡真係好好食！Burger bun有少少脆又好軟熟；塊牛肉漢堡似真牛肉咁，外面係啡紅色，入面少少嫩紅色；其他配料冇乜特別，但都係新鮮蔬菜。至於Yau's mustard sauce到底係點，我食唔出，加咗個醬係令個包的口感濕潤啲，但食唔到芥末味，對唔鍾意芥末的人係一件好事（因為最基本亦係最平的漢堡就係用呢款醬，如果換另一種醬，如狗狗爸爸揀水牛漢堡，麵包同饀完全一樣，將Yau's mustard sauce 換成Yau's buffalo sauce ，就已經貴$10喇）~水牛漢堡：麵包同饀同上，配Yau's buffalo sauce；狗狗爸爸話幾好味，但事後回想，佢描述唔到個醬的獨特之處我哋今次係窮食Yau Veggie Diner，只係一人一漢堡，冇點其他食物、飲品，而人均消費已經$95。另外，如果大家要窮食，都係有啲實際困難，因為餐廳唔提供水，所以正常食的話點都要加錢變combo，最低消費$139（$89+$50）。漢堡包係好好食，不過做法始終較簡單，醬汁亦唔太突出/特別，所以我同狗狗爸爸一致認為，要喺遮住價錢牌時，先可能再食多次。同埋，嚟南豐紗廠時，我哋好多時都帶埋狗狗，呢度唔係pet friendly，就點都爭啲。…查看更多

今日嚟到荃灣南豐紗廠嘅 Yau Veggie Diner，上次嚟係食 Yau Veggie Bistro，YV Diner 係漢堡包店，大家都知有咩賣啦 😅，價錢亦比 Yau Veggie Bistro 親民啲，感覺亦 casual 啲。餐廳裝修走美式懷舊路線，播嘅音樂都係舊啲嘅英文歌。餐牌上嘅食物都係素食，可按需要轉為純素。但佢哋嘅 milkshakes 同 sundaes 就已經係 vegan 㗎喇。💚漢堡包嘅種類有八款，望吓成份全部都一定有 Impossible beef patty，就算小羊漢堡都係 🐑，真係幾好奇點樣可以做到食落去各有自己嘅特色呢？可惜我人得一個，只可以試一款口味，就揀咗有辣肉醬嘅 Carolina Burger $129。另外加 $50 轉 combo，小食揀咗薯條，飲品就要檸檬梳打。🥤真漢子覺得今次冇揀錯，因為加咗辣嘅嘢通常都唔會太差，辣肉醬真係幾辣幾刺激，加埋塊牛肉漢堡扒可謂雙重享受。配料仲有芝士，捲心菜，洋蔥，紅蘿蔔絲。薯條比較一般，檸檬梳打飲落咸咸哋，似飲緊茶餐廳嘅咸檸七。🍋素友如果去 Five Guys 係咪好好奇奶昔加咗煙肉係咩滋味呢？而家唔使估估吓，YV Diner 嘅「楓糖煙肉奶昔」可以滿足到你。不過佢再勁啲，唔係比煙肉碎，而係兩大條煙肉，大你一百萬。🤣Vegan 奶昔每款都係賣 $69。呢個楓糖奶昔味道都 okay ，不過可能我少飲奶昔就覺得比較甜。煙肉除咗個樣似，味道都好像真。另外 cream 上面有啲脆脆唔知係咩嚟嘅。😂佢哋嘅營業時間比較特別，係 12 - 6。所以想試嘅朋友要早少少去，否則摸門釘就唔好了。⏰…查看更多