Woodsage

營業中

休息中

餐廳座位較少.食飯時間比較full我們大約9點到客人很多開始離開所以很快有位等位時可以坐在餐廳外拍拍📸·其實平時吾太喜歡泰式奶茶的味道但又被奶蓋吸引了🥛少少咸味又濃好想飲成杯奶蓋🤤·又夠脆又夠熱·朋友嫌pizza不脆有點難咬但我挺喜歡這種口感·意大利飯偏硬但意大利飯係要咁先好食😋個汁都好濃好夠味🥰·最不推介的甜品😂焦糖勁黏牙😱個燉蛋底奶茶味吾夠出口感仲要似凝固了的cream我地兩個人食都只食了·雖然店鋪關10點但到10點3左右都沒有摧我們結帳價錢較一般西餐便宜兩個人結帳都不到$300價錢非常公道😋·

同朋友黎到依家cafe，外牆已經睇落好文青好靚，仲有位可以坐黎打卡因為疫情關係，店舖都有做足防疫措施店員服務態度好好，食物不論外貌還是味道都好好，我地叫左牛肉漢堡配炸薯條，個漢堡包係用竹炭麵包，有烘過所以好脆😋😋重點係薯條係新鮮炸好，側邊有啲沙律菜做配菜，成個觀感一百分👍🏻另外我地有叫到巴東牛肉芝士烤餅配炸薯條，首先個烤餅入面係有勁多芝士，熱辣辣咁食係有拉絲既效果😍牛肉係有特別醃製過，有好中東食物既感覺，薯條係粗既波浪薯條（偏心喜歡粗薯條）最要讚既係個咖啡！好多時cafe既奶啡真係麻麻，但依間既latte一黎奶同shot mix得好好，二黎有拉花加分🥰環境好舒服，係會再黎既店舖👍🏻👍🏻👍🏻

由於疫情關係，（無飯夫婦🎎）少咗外出用膳食，但多咗叫外賣😹😹😹今晚想試吓Woodsage，我落完Order之後就叫咗老公去外賣自取🙌🏻是晚點了 ：❤️《帶子刺身配泰式青檸汁》～冷盤先吃個帶子刺身，蘸上泰式青檸汁，入口有少許酸酸辣辣刺激味蕾，開胃醒神。🧡《炸水牛芝士條》～ 水牛芝士炸到半溶，有拉絲最好食🤤 外層炸得香脆，內裡的芝士有嚼口，在旁的伴菜有車厘茄及生菜，能解除炸物的油膩喔。💛《炸軟殼蟹番茄意大利麵》～可能外賣關係，意粉比較乾身，但酸酸甜甜的蕃茄意大利麵，配上軟殼蟹，入口的味道還是不錯的。💚《烤雞胸野菌配意大利飯》～飯粒軟硬度適中，飯裡有磨菇仔，增加口感，入口帶有奶香的忌廉，頗Creamy。烤雞胸不會太乾，配搭不錯👍🏻叫咗4樣先係$276，價錢相宜，味道不俗 ❣️

今次介紹既係元朗新開既cafe店，繼續用灰色裝修為主加上，裏燈光亦暗，可以舒舒服服進食，不過地方有限，唔算大，亦多人食，建議大家要早啲去啊！青咖喱雞肉意大利飯$82咖喱味可以再濃啲 份量又真係好多2個人食都得啊！ 好多肉🥰炸軟殼蟹番茄意大利麵 $82呢個要讚下！份量好多！蕃茄味夠濃！唔係用返茄膏而真係用好多番茄去整！正！打完都好想再去食泰國奶茶無咩特別，同真係泰國奶茶一樣咁甜！都幾好飲既😎平日去會少人啲星期六日就要排隊啦！

難得山長水遠入元朗親親草泥馬🦙，當然要係返元朗搵野食🔥由於我地食early dinner，6點左右，所以我地walk-in就即刻有位🌸Grilled Angus beef sirloin🧂：例牌叫左個medium rare 既西冷😎佢煎出黎嗰個生熟程度都滿意，最令人驚喜嘅係塊牛扒表面唔會話好燶，同時保留到入面嘅肉汁（因為煎牛扒係要用大火煎，好多時候都會好焦，食開就會知）😗百零蚊價錢嘅牛扒，完全對得住個質素～Tomato spaghetti with soft shell crab 🦀：佢個番茄汁好掛到喺個意粉上面，而且係食到有蕃茄蓉，酸甜開胃🌈佢個軟殼蟹入面都好多膏，creamy🤓Thai Tea 🧉:用呢個特別樽仔裝thai tea呢下已經覺得好cozy💄飲落感覺比正宗thai tea 煉奶份量係少左d，對於我黎講就有少少美中不足！-Oolong tea with milk foam 🥃：茶味幾重，而個奶蓋食到精髓少少鹽味，而且佢唔會好快話滲曬落茶mix埋d味👍🏻

見到Facebook有group 友話呢間好食，放假即刻嚟朝聖，午餐試咗一個青咖喱吉列豬扒飯，賣相幾好，亦有唔少錯配菜，分別有粟米芯，番茄仔，茄子，有少少香葉，青咖喱汁夠撈晒成碗飯，青咖喱唔太辣，味道唔錯。另外試咗個漢堡包拼薯條，漢堡包係黑色，我估應該加咗墨魚汁，入面塊漢堡應該係手打，夠厚亦都幾Juicy。奶蓋泰式奶茶唔太甜，茶味幾出。幾好飲。店內裝修走文青路線，以木色為主，環境幾舒服，牆身油左水泥，用嚟做背景影食物相一流。每次有客人走，店員都即刻抹枱，亦都抺得幾仔細，今時今日呢個步驟，即刻食得安心啲。服務態度好好，店員好友善，環境走文青工業風，坐位舒適度一般。

同朋友嘅聚會嚟到呢間小店，我係俾佢嘅裝修吸引到嘅，好彩一早打咗嚟預約，因為好快就好多好多人係出面排隊，同埋因為小店座位比較有限，同埋店家應該盡量唔想啲人坐得太過密集，因為疫情嘅關係所以建議最好預約裝修簡約得來非常之靚仔😂餐牌簡簡單單，嘢食唔算太多，不過個人認為專注做幾樣嘢食反而仲好同埋嘢食係勁快嚟到好犀利😂依個雞胸沙律不得了，個雞胸好好食，蔬菜非常之新鮮，仲有個流心蛋，好高質，我同朋友都好欣賞豬頸肉方面，個人應為隔離醉串好食d😂有d鞋同乾黑松露芝士薯條好正，個醬汁好香好夾個薯條軟殼蟹意粉估佢唔到咁大碟，非常之高質素，本身諗住叫其他嘢食不過依個太大食飽咗我哋😂😂😂什菌pizza，芝士味好香，餅底係脆卜卜style ,友人非常喜歡飲品方面，泰式奶茶好味，青檸梳打非常清爽，奶蓋泰式奶茶賣相都非常之靚值得一提嘅係，店員服務非常親切，同埋喺呢個環境入面，口罩係非常之值錢嘅，竟然佢都會擺個口罩喺店內比有需要嘅人取用，非常有心，依間小店不論佢背後嘅理念，食物同埋環境服務本人都非常之欣賞，希望佢哋可以繼續壯大店舖生意發展更加之好啦支持你地！

餐廳位置偏僻，真係揾左陣先揾到😂。但係因為咁，餐廳有種遠離煩囂既感覺，幾chill又relax😌-如果餐廳有黑松露薯條我都一定會點黎食😎，依個黑松露芝士薯條($48)🍟似m記薯條，芝士唔夠多，黑松露就正正常常，大家可以嗌其他小食😂。-主食方面分別叫左炸軟殼蟹蕃茄意大利麵($82)🍝，烤安格斯肉眼扒($158)🥩，Parma ham pizza($88)🍕。3樣野食都幾高質😍😍😍，意粉軟硬適中，蕃茄味濃，軟殼蟹炸得岩岩好，唔會太乾太油！肉眼扒叫左5成熟，鎖得住肉汁兼軟冧得宜，而且肉眼扒都算厚切，食落有口感，冇乜筋位，可以話係啖啖肉😋。另外肉眼扒揀左跟薯條，驚喜既係，係配蕃薯條🍠，蕃薯條好食過薯條，有陣陣蕃薯味，好食喎🤤。至於pizza就係薄餅底，如果鐘意食厚批既就會失望喇！但係個人覺得都烤得唔錯，芝士落得足🧀，有拉芝效果，不過記得要襯熱食！-大致上食物都高質，而且價錢合理，仲要唔收加一，又多一間dinner choice喇😌😌😌

附近都係大排檔，唯獨有一間餐廳寧舍不同原來係食泰國fusion菜環境幾優雅野食方面雜莓沙冰 -酸酸甜甜幾開胃朱古力-唔會太甜，有朱古力既苦味生蝦刺身 - 新鮮彈牙青咖哩雞意大利飯辣辣地，咖哩汁意外同意大利飯都幾夾軟殼蟹番茄意大利麵軟殼蟹炸得好鬆脆茄汁唔會太酸松露野菌薄餅松露味一放低就聞到配上芝士同野菌唔會太膩焗魔鬼魚第一次食魔鬼魚果口感幾得意D魚肉係一絲絲咁分出黎醬汁略嫌重左d但可能為左僻腥薯條同番薯條伴碟唔錯

好耐無同大學朋友聚餐，難得終於約岩時間，就花少少心思搵間好食處一齊圍爐。漫無目的東找西找，搵到呢間新開無耐嘅小餐廳，地理位置都算方便，朗屏站 B2 出口沿天橋行大概10分鐘左右，見到惠康後轉入後街就係。餐廳面積唔算大，裝潢簡約，色調以石屎灰、純白為主，坐得都算舒服。同埋可能新開無耐，客源有待增長中，所以聚餐當天同朋友傾耐少少都唔怕有客人等位搞到要趕住走。🤣臨近聖誕嘅關係，店員一開始有介紹聖誕套餐 setsss，不過因為同行嘅友伴戰鬥力都唔算強，所以我哋最後散叫：頭盤係燒雞胸·凱撒沙律（HKD68）、小食要咗黑松露芝士薯條（HKD48）、主食就清清地要烤雞胸配野菌意大利飯（HKD82）、另外再要多個風乾火腿瑪嘉麗塔薄餅（HKD88）。燒雞胸·凱撒沙律勝在夠 light，因為我個人好怕又滯又溜嘅沙律醬，菜幾新鮮、爽脆，不過伴隨嘅溏心蛋就略嫌咸咗少少，同雞胸燒到有啲啲乾。然後黑松露芝士薯條就係理想與現實嘅差異😂🙈，我哋叫之前，想像係原切薯條，然後有一大pat 溶咗嘅芝士醬淋喺面；而結果卻係普通size 嘅薯條、再加灑咗啲芝士粉喺面。其實都好食嘅，只係同預想嘅有少少出入啫😂。同埋現實呢個版本都

成條街突然有間裝修特別嘅餐廳，膽粗粗一試。價錢平，選擇亦算多。lunch50幾蚊已有。份量仲要唔少。我地4個人叫左生蝦、雞翼、Pizza、炸洋蔥圈、意大利飯同一個lunch set生蝦夠鮮最重要係個汁非常口味。雞翼夠大隻唔太乾。pizza好脆口，炸洋蔥圈好香口。意大利飯夠芝士味，而lunch set叫左個咖哩豬扒飯。唔太辣豬扒大大塊。我地仲叫左泰式奶茶同咖啡。唔太甜值得一試。服務態度好好，好細心。支持元朗小店

最近同女友行經元朗廣場附近啲後街，發現咗呢間門面走簡約風嘅新餐廳，裝潢令我諗起台灣啲特色 cafe。正好要祭五臟廟，就入去試下。一睇餐牌，有青咖哩香茅又有 risotto 風乾火腿，係新派 fusion 菜。好多菜式都唔常見，睇得出老闆用過心機諗菜單。頭盤叫咗【焦糖合桃紅菜頭蘋果沙律】。一上枱，造型已經激活食慾，色彩豐富嘅材料擺得滿滿，加埋睇得出酸味嘅開胃醬汁，未入口已有滿足感。主菜係【麥片大蝦意大利麵】。麥片入饌並不常見，印象中只喺肉餅哥見過。麥片黏住意粉食，口感有層次，特別喜歡佢唔多汁，又唔會食到成口油，唔知關唔關麥片事。大蝦亦夠香夠彈牙。見餐牌有【烤魔鬼魚】，覺得好新奇。我同女友都怕食多骨魚，但都想試，所以特登問侍應多唔多骨。侍應好有禮貌咁答我哋魔鬼魚啲骨好易拆，而且完全冇脂肪，好健康，於是就試下。一試，超級有驚喜！首先係賣相好似魚翅咁，啲骨晶瑩剔透，啲肉好易一條條咁拆出嚟，好易食。魚肉入口彈牙香甜，配埋醬汁非常滋味。想講係餐廳環境相當舒適，空間感十足，小店嚟講好難得。近門口位嘅雙人枱有兩張獨立大疏化，店外有可以坐嘅吸煙位，咁嘅舖香港真係唔易搵（可惜我同女友都唔食煙）。兩個人嘆下

因為環境幾靚，所以揀左Woodsage同好姊妹食Lunch傾計👭。佢既門面靚，但好唔顯眼。 我地行過兩次都見佢唔到... 🤣🤣大家要記得認真望清楚😊原來Woodsage主打泰國Fusion菜。元朗無乜，幾特別，幾新穎，所以我地都點左同泰國有關既菜式。前菜： 泰式生蝦🦐生蝦賣相幾靚既，但生蝦就唔算好新鮮。如果成隻蝦沾滿泰式青檸汁食，就可以去除「蝦味」。腸胃唔好既朋友仔，免食生野為妙。另外，可能因為係fusion菜既關係，特製青檸汁唔會好似一般泰國餐廳個d咁辣，好似無左應有既風味。（個人比較喜歡傳統泰式生蝦醬汁。）小食： 黑松露芝士薯條🍟呢個薯條真係要試。薯條切得幼（似M記個d)，炸得幾脆，再加埋黑松露醬，好正👍🏻👍🏻 個黑松露醬係重點，真係好好味，我地全部沾晒😂😂。 主食：青咖哩雞肉意大利飯賣相靚，份量少。由於佢太creamy, 太膩，食完其實都夠飽肚。蔬菜類有鮮味，好食，但雞肉味道就一般，有少少雞腥味。撈左青咖哩既意大利飯，如果青咖哩既味道再濃郁d，整道菜既味道都會即時提升。試食報告：可以再次光顧，但唔會再叫生野，亦唔會點Thai fusion既菜式。

今日難得入到元朗見客.一路諗元朗食咩好，聽朋友講元朗開左間西泰Cafe，所以就過去試下！Cafe係元朗廣場附近小街內.遠離煩囂有別於元朗市中心人頭湧湧.感覺格外休閒😍剛好黎到係食晏時間.cafe有Set Lunch提供！而且意粉份量係大大份👍仲包一杯飲品架😊朋友點左意式肉丸紫蘇蕃茄意粉 $52我試左小小意粉.蕃茄味濃👍而我就叫咗吉列蝦忌廉汁意粉！蝦炸到非常香脆，意粉軟硬度適中😋 $58飲品方面店員推介左店家自家調製的泰國奶茶.因為本身好怕飲甜野，而且記得泰國嘅奶茶係非常之甜.但係店員話佢哋嘅泰國奶茶係特別調製過，唔會好甜所以我地就叫黎飲下！結果如店員所講唔太甜😍仲有好欣賞佢地用樽入起.感覺好特別👍另外店門外亦設有一個露天座位.方便一眾煙友Chill下🤣唔吸煙既我地下次可以叫杯咖啡坐外面吹下水打個卡📸如果去開元朗既朋友可以去支持下小店啊😉

學完車要塭食，路經此地，見到一間裝修好型格嘅小店，門口仲有個餐牌，去八下先，應該是一間偏向泰式風味嘅西餐小店，同男友都覺得可以一試喎，就咁就入咗去！男友點左泰式奶茶同青咖哩雞意大利飯，我就點了肉碎意大利麵！首先來到的是泰式奶茶，用個四方型玻璃瓶+木塞裝住，超型！同茶記的奶茶完全不同感覺 ，可能是有點香料的味道，是好飲的，易入口，不是中東重口味的感覺，所以都幾過癮!之後是肉碎意大利麵，因為我食唔到辣，我叫了走辣，一睇到配菜有粟米仔已經超開心，碟麵有少少甜甜地好開胃，好食！男友的青咖哩雞意大利飯也不辣的，有青醬+青咖哩味道，雞肉砌了粒粒狀，易入口！八十幾蚊一個飯賣相好靚，以為食緊高級餐廳咁正！店員真的好有禮貌，由其是四眼哥哥，找錢也是雙手奉上的，我又以為自己去左日本！總括來説這間店會長期幫襯，裝修好禮貌好食品好價錢好，不過有時我同男友會食素，如果多一兩款素食主菜提供會更吸引，下次有機會再食其他食品再分享比大家！今次係小妹第一次打食評，因為係呢間鋪令我好想打呢篇文，事關香港食嘢真係又貴又受氣，見woodsage是難得有誠意的食店所以我要為佢地打氣，希望你地嘅誠意可以千年如一日，勿忘初心，下次