WM Café & Bar (海之戀商場)

營業中

休息中

比個室外海景座位吸引左，見到餐牌D野又唔貴，即刻叫明友一齊去試下，我叫左午市套餐，餐湯龍蝦湯好味，但雞扒勁雪藏味，好似好求其煎咁，個人認為出面普通茶餐廳D雞扒餐仲好食得多，另外叫左少甜檸檬茶，但杯野完全走晒甜，朋友都係叫扒餐，好似係豬扒，都係話味道一般般，佢話之前係其他分店食過，質素都係咁上下！

同朋友行完荃灣Donki，大家都肚餓啦！咁啱大家都想食西餐，見到呢間餐廳望落都唔錯就入咗去！🔅WM安格斯牛肉芝士漢堡配薯條佈滿黑白芝麻漢堡包，麵包烘得夠脆！切開漢堡扒，大約七八成熟，食落無多餘嘅脂肪，又唔油膩，幾健康👍🏻🔅WM威靈頓牛柳外面包咗一層酥皮，切開入面嘅牛柳約七八成熟，酥皮焗得好鬆化，牛柳咬落勁腍！其實我都係第一次食威靈頓牛柳，估唔到呢度整到咁腍又夠味！第一次食就令我愛上咗佢啦😍🔅WM雞翼拼盤一盤有三種唔同口味嘅雞翼，分別有水牛城香辣、意式原味、柚子胡椒蜜糖！👉🏻水牛城香辣味夠辣，唔會好甜！👉🏻意式原味夠香脆！👉🏻柚子胡椒蜜糖味甜甜哋！每個晚餐都有跟餐湯、餐茶同甜品！餐湯竟然可以揀龍蝦湯，估唔到咁有驚喜🤩忌廉龍蝦湯龍蝦湯質地較為竭身，配上小麥餐包點嚟食，簡直係完美！龍蝦味入口勁香濃👍🏻估唔到餐廳可以飲到近似酒店龍蝦湯嘅味道😍朱古力香蕉忌廉薄餅一件暖笠笠薄餅，入口香蕉味爆發出嚟！正👍🏻淡淡朱古力味，又唔會太甜！我真係好鍾意❤️凍檸檬柑橘蜜甜甜哋鹹鹹哋，飲落有少少似鹹檸檬味！加上鮮檸檬味，飲完個喉嚨好舒服，好啱呢個秋冬天😚熱即磨咖啡非飲不可，夠哂香濃！⚠️PS.好彩入早咗！入遲啲可能

假日梗係要帶主子們出外走走。荃灣除咗南豐紗廠外, 都冇乜比較好同舒適O既餐廳同狗狗們用餐。 不過近來好多狗友都推介呢間餐廳，話有戶外位置可以帶埋狗狗一齊用餐，所以我哋二話不說就即刻GOGOGO。去之前我有打電話去餐廳確認係咪真係有戶外位置可以帶埋狗狗一齊去，店員確認之後我就順便book埋位。(提提你：去之前最好都打個電話確認一下)去到同店員確認左Booking之後，店員請我地行隔離商場通道去戶外位置，帶住狗狗係唔可以經餐廳入去嘅。入到去, 發現原來戶外都幾多位。我地被安排坐O係靠邊位。LUNCH 好多選擇! 餐湯我叫左忌廉龍蝦湯 (右), 好濃味! WM安格斯牛肉芝士漢堡配薯條老實講, $65 可以食到漢堡我覺得算平, 而且性價比高。薯條份量多, 中間塊肉好JUICY! 香煎牛柳配紅酒燒汁飯呢個等左15 分鍾左右先到, 都幾好食! 不過少少貴! 餐廳戶外環境都幾好, 店員照顧周到, 唔會忽略左。下次會去試晚餐。

每次在海之戀行完日本大型連鎖超市後，都已到晚飯時間，便會在商場內尋覓晚餐處。電梯扶搖直上至3樓，在昏暗的走廊，關閉了的課外活動中心與家居用品鋪頭中，發現了名牌光亮的西餐廳內裡已放有聖誕裝飾，大門放有一棵彷白雪聖誕樹，牆上掛有聖誕花圈，那些裝飾都與餐廳特色草磚牆及小屋斜頂非常恰襯，加上傢具主要以啡木色為主，有如置身於外國小屋一般有種溫暖感晚上8時多座位大約有八成滿，座位與座位之間寬躺，不需瑟縮入座，亦不會聽到鄰枱對話，自在舒適晚餐套餐餐牌款式甚多，多達19款！涵蓋之食品類種亦非常廣泛，有飯、意粉、扒類、農夫包、早午餐甚至威靈頓牛柳也包含在內，價錢最低的主菜只需$78便可配送餐湯、飲品或甜品！特飲亦有14款，還包含近來流行的芝士奶蓋，一於加錢升級試一試特飲吧率先送上呈金黃色，脹卜卜的酥皮餐湯，酥皮十分酥脆，浸過湯後更特出牛油酥香，而內裡的餐湯被酥皮覆蓋更為滾燙。龍蝦湯有明顯蝦頭鮮咸香，整體咸度剛好，湯亦不算太油膩，內含少量蟹肉絲，可惜此量未能提供蟹鮮味與口感當天是日餐湯為羅宋湯，辣與酸恰到好處，完全沒有刺喉情況，入口溫和，而且內有已接近熬成蓉並切成粒狀的蕃茄、蘿蔔及西芹作配料，若有牛肉絲增

再次光顧這間CAFÉ，之前其他分店也有吃過感覺價錢划算且環境舒適比較喜歡室內的位置，始終現在室外大風每人各點了一份午餐忌廉龍蝦湯&餐包橙紅色的龍蝦湯細味品嚐下極鮮甜濃郁還有些龍蝦肉絲，認真真材實料酥皮忌廉龍蝦湯 +$28酥皮香脆口感千層浸湯後口感鬆軟煙韌香煎牛柳扒配紅酒燒汁配薯菜 - $83牛柳扒位置很鮮嫩稀有，一頭牛只有兩條入口酥軟咀嚼無阻力油脂含量、肉筋及肥肉均非常少薯條炸成金黃色香氣撲鼻，口感外酥內軟雙層檸檬烤雞拼香辣脆炸雞芝士漢堡配薯條 - $73清新開胃的檸檬汁平衡肉類的膩感雞皮烤得很酥脆，雞肉嫩滑多汁香辣炸雞較為香口惹味，裡面依然不乾柴漢堡包烤焗得外脆內水潤意式炸雞翼3件 +$18雞翼炸得透香，不算油膩，一咬肉汁四濺葡萄柚蜂蜜茶 - $22葡萄柚本身帶點微苦，能減少脂肪蜂蜜天然味正好中和苦味，營養價值又高抹茶牛奶 - $24純粹的抹茶搭配香濃的牛奶強調原始茶香也溫和了抹茶的濃郁口感柔順餘韻回甘

今日係荃灣西鐵站旁海之戀商場享受一個悠閑午餐第一次黎呢到食，呢間餐廳分室內和室外，趁今日天氣晴朗就坐室外，對住靚景食午餐餐湯：龍蝦湯，濃郁綿滑，仲有龍蝦肉；蕃茄湯，大量蕃茄肉，酸甜適中餐飲：焦糖咖啡，跟餐加12蚊，呢個質素抵呀明太子海膽蟹柳意粉：意粉偏軟，好多醬汁，每一啖都充滿海膽味既醬汁，有大量既洋蔥全日早餐：大部分地方既全日早餐都係果幾樣，茄汁豆，大啡菇，肉腸，太陽蛋，煙肉。其中牛角酥同肉腸係有驚喜，牛角好香牛油味又非常鬆脆，肉腸多汁呢個餐廳好適合假日去輕鬆一下

海之戀真係新開咗好多餐廳，而且係之前都冇咩見過。經過見到呢間食西餐，價錢仲好親民，所以都決定入去試吓。Set dinner 包埋忌廉蟹肉龍蝦湯，個湯幾creamy 同龍蝦味好出，黑糖餐包都有驚喜。今日叫左南瓜意大利飯配香煎刺身帶子($98)，個汁收得幾靚，而且啖啖南瓜香，份量仲要好多！粒帶子煎得岩岩好，外面香但入面唔會太熟，做到刺身感覺！WM 威靈頓牛柳（$138），首先睇個酥皮都覺烤得幾靚，一切開無令人失望，肉保持到嫩滑多汁但酥皮香脆！如果佢配菜再豐富啲就完美！嘢飲方面以套餐價$28叫左芝士奶蓋牛油果沙冰，真係好好飲！入口好滑，每啖都有芝士味但都唔會搶左牛油果本身嘅淡味，比例控制得幾好。好滿足，整體黎講依個價位真係唔貴，絕對係親民之選。

位於海之戀商場裡的西餐廳，有室外/室內選擇-暖的黑糖飽，-龍蝦湯，好有龍蝦味，食到有1-2粒龍蝦肉-加追薯條+$10-農夫飽，超多芝士，足料，好多雞同波菜；雞是嫩滑的-威靈頓牛柳$138，有牛味，但過熟，同埋不知道為什麼有一小部分的底部有好多鹽，所以部分好咸。-芝士奶蓋牛油果沙冰芝士味唔多，但牛油果味重，有粒粒牛油果。-甜品，即整，夠熱整體服務好

今日放早，一個人悠閒地去海之戀商塲donki行街，晚餐就揀咗海之戀商塲3樓【WM Cafe & Bar】 餐廳係新開業，環境舒適，坐位寛濶， 設有室內外坐位 店員介紹，餐廳最近推出冬日暖意餐，有牛、羊、雞，以不同烹調方式，再配以農夫包，另有芝士火鍋，都係每日限量供應 因一個人關係，最後點咗晚餐，“烤西班牙伊比利亞法式黑毛豶扒配檸檬胡椒蘋果蓉“，包有餐湯、主食、甜品、餐飲等，另有沙律、小食，可加錢追加廚師沙律（＄10追加）沙律菜新鮮，加上一小片煙三文魚，黑醋汁，入口清爽，開胃醒神 忌廉龍蝦湯，酥皮另加＄28熱辣辣龍蝦湯，入口有小量蝦肉絲，龍蝦味勁濃，配上酥脆酥皮，非常惹味烤西班牙伊比利亞法式黑毛豶扒大大一份厚切黑毛豬扒，表層微微煎過，切開肉質鮮嫩，入口軟腍多汁，配上檸檬胡椒蘋果蓉，酸酸甜甜，可中和肥膩感之餘，亦令層次更豐富 即磨咖啡芳香撲鼻，入口香濃

露天用餐位是賣點，情調滿分，是舉辦慶祝活動的好地方; 室內如美式舊快餐廳模樣: 仿暗紅磚牆、褐棕皮卡座等。早吃飯餐，可避開人潮。二人各點一套餐，主菜份量比想像少，幸套餐內容豐富: 有湯墊肚，又有甜品作結，所以飽肚。-餐湯#忌廉蟹肉龍蝦湯明顯喝到濃郁的蝦殼味，湯中沒什麼料，以海鮮濃味吸引人。-#番茄濃湯吃到不少新鮮番茄顆粒，淆得濃厚!-主菜#烤黑豚西冷配檸檬帶子青蘋果絲 $98烤得香，黑豚肉頗厚，整體沒甚脂肪，所以吃下偏實淨。切開帶子，呈半熟狀態，嫩口鮮味，讚! 而青蘋果絲則可先泡梳打或醃漬，應可除去氧化效果，畢竟主菜不錯，但被伴碟水果破壞味覺就有點可惜。-#烤石斑魚柳配芥末籽燒汁 $98石斑魚柳皮烤得薄脆，肉質也嫩滑，蘸不蘸芥末籽都好吃，就是魚塊能更大塊就好了。題外話: 上桌才意識我倆都點了「烤」類菜，因此伴碟都是薯菜，其中蔬菜非常新鮮，沒有吃到臭青味，這點加分。-甜品#朱古力香蕉忌廉薄餅小巧玲瓏的薄餅，香蕉味比較出眾，不太甜，算是少吃多滋味。-加菜#廚師沙律 $10為自己補菜量，竟有一片三文魚在上，彷彿賺到了，哈哈!-#意式炸雞翼 $18就名字看以為是披着麵粉去炸的雞翼，上桌後才發現

行Donki行到晚飯時間喺海之戀搵地方醫肚發現咗呢間唔起眼嘅西餐廳睇餐牌覺得Set Dinner都幾抵食就決定試一試佢餐牌最吸引我 正正就係個龍蝦湯!!!跟餐配龍蝦湯真係好少見我地兩個Set其中一份仲加咗酥皮(+$28)個湯龍蝦味幾濃郁 唔會太鹹飲到底仲有啲蟹肉添~酥皮脹卜卜 睇見都好開心食落好鬆脆 唔會油淋淋浸落湯一齊食好鬼夾主菜就揀咗一份pasta一份扒鴨肶香煎鵝肝菠菜意大利蛋面 ($98)意大利蛋面口感好正 超有咬口鵝肝細細塊 一啖食超滿足 如果鴨肶再juicy多少少就perfect喇烤黑豚西冷配檸檬帶子青蘋果絲 ($98)帶子煎得岩岩好 鮮甜嫩滑黑豚西冷配埋青蘋果絲 食落幾清新仲想讚讚佢啲粗薯條食落唔熱氣仲好有薯仔味連平時少食炸野既我都忍唔住食咗好多條甜品跟餐係配朱古力香蕉薄餅薄餅即叫即整 送到黎仲暖笠笠香蕉似係溝咗落粉漿所以啖啖都有香蕉味另一份加錢轉咗冧酒提子巴斯克 ($12)真心推薦大家試吓呢度嘅自家製蛋糕平時食芝士蛋糕食到一半總會有膩膩地既感覺但呢件cake食極都唔會膩 芝士仲好幼滑香濃個人覺得仲好味過蛋糕鋪買嘅蛋糕件cake為呢餐晚餐畫上完美句號!!總括黎講 呢間餐廳真

海之戀商場開左之後，除左行donki之外，真係無乜係呢到食過野或者行過街。今日比較空閒，所以就同朋友黎兜個圈，順便食lunch。行到3樓角落就見到呢間西餐廳，仲有室外座位，望落感覺唔錯，就入左去。lunch選擇唔少，假日既價格黎講都算親民。餐湯可選龍蝦湯，味就同質地唔錯，仲有少少肉絲。但餐包就略嫌乾同脆得制。WM All Day Breakfast with Croissant擺盤，碟都幾靚。烤肉腸多汁香口，大啡菇好厚肉，但無乜汁。太陽蛋都係煎得幾靚，煙肉亦夠脆身香口。香煎牛柳配紅酒燒汁配薯菜牛柳唔算大件，我地叫左5成熟，但望落去煎得過熟左。我用刀切落去，感覺佢肉質比較軟熟，好易切。雖然熟左啲，但入口咬落又覺得佢既肉質唔錯，唔會鞋，仲有肉汁。佢地煎得香，但牛肉味略嫌不足，而且燒汁味道有啲濃，建議唔係食飯/意粉既朋友可以走汁，自己落鹽應該會幾好食。宇宙洛神打卡一流！！超靚既顏色同造型，女仔一定鐘意！味道酸酸甜甜，幾開胃～

餐廳環境好舒適、 開揚， 在室外露天座位用餐時 ， 景色怡人， 可以欣賞到藍天白雲、青馬大橋及無敵海景，令人胃口大開。全天候早餐定牛角酥$103全日特色早餐配料好豐富，有厚實大肉腸、滑溜大啡菇、 煙肉和牛角包， 牛角包烤得香脆可口， 散發著牛油香氣， 煙肉煎至金黃香脆， 最喜歡煙肉和炒蛋，夾入牛角包一起吃，別有一番風味，新鮮蕃茄 、大啡菇， 與爽甜沙律菜 一起吃 ， 豐富而滋味。黑松露炒蛋(追加)$10炒蛋嫩滑細緻，蛋香誘人， 配上香濃的黑松露，更加吸引 。三文魚(追加)$16煙三文魚鮮味、滑溜， 夾合爽甜沙律菜，口感更豐富。烤燒紐西蘭肉眼扒配紅酒燒汁意粉及忌廉龍蝦餐湯$93紐西蘭肉眼扒表面深褐色， 上枱時， 散發著陣陣燒烤的香氣， 用刀緩緩切開，內裡肉質保持嫰紅，質感軟腍， 配上紅酒燒汁， 更加帶出牛扒的鮮味，跟配的意粉，軟硬適中 ， 煙煙韌韌 ，與牛扒非常搭配，的確不錯。 濃稠的龍蝦湯， 加咗忌廉後， 口感更加creamy 順滑， 滋味提升。意式炸雞翼三件(追加)$18意式雞翼， 皮脆肉嫩 ，十分 香口和惹味。芒果百香果青檸特飲$26 、熱朱古力咖啡芒果百里香的蜜甜，正好中和 青檸

海之戀商場有間平價親民既西餐廳，dinner set大約$70幾至$200幾， 餐廳環境幾大， 好有聖誕氣氛， 門口有聖誕樹和雪人，坐位闊落坐得好舒服。酥皮忌廉龍蝦湯龍蝦湯好香濃， 有幾粒龍蝦肉， 酥皮唔油膩。沙律 $10醬汁酸酸味味，好開胃。炸雞翼 $18即叫即炸好香脆，雞肉仲好juicy。拿破崙扁意粉 $78意粉質感係爽口。美式bbq手撕豬菠蘿漢堡 $78麵包好香脆，有牛油香，豬肉非常juicy， 加埋菠蘿好 青森。心太軟 $28朱古力味香濃，唔太甜， 少少流心效果。冧酒提子餅cake $18淡淡芝士奶香味，加上提子甜甜的，唔會好膩。宇宙洛神 $22士多啤梨雪葩 $24兩杯飲品都好靚，打卡一流。 紅色溝紫色， 好吸睛，睇得又好飲。 味道有啲似利賓納。士多啤梨嗰杯比較酸，有粒粒果肉，士多啤梨煉奶雪葩好正。

週末心情靚，同先生嘆返個休閑午餐，揀咗位於海之戀商場三樓嘅呢間cafe，開業短短一段時間已經積落唔少好評，而且食物選擇亦非常多。Lunch Combo超多選擇，由A到X足足成二十幾款可以慢慢揀，價錢亦相當合理。點餐後先送上嘅係餐湯，龍蝦湯香濃鮮甜，羅宋湯酸甜交雜，味道濃郁，兩者質素都唔錯。雞翼外皮炸得非常香脆，內裡依然保留到肉汁同嫩滑嘅口感，令人想食多幾隻。漢堡配薯條係weekend lunch嘅指定食物，先生嗌嘅北海檸檬黑豚豬柳太陽漢堡非常厚身，而且色彩繽紛，令人食慾大增，薯條亦係新鮮即炸，香脆可口，份量稍增就更好。黑豚豬柳厚切，鬆軟香口，入口帶少少檸檬清香，減低膩滯感，配上煎蛋、蕃茄、生菜同芝士，成個組合格外清新。港女嘅醒神餐永遠離不開all-day breakfast，食材配搭豐富，啱哂貪心又有選擇困難嘅我，仲可以食得斯斯文文，特別要求太陽蛋要全熟，亦非常配合，加分。先生一入門口已經睇中咗櫥窗雪櫃入面嘅榛子朱古力mousse cake，蛋糕有幾層唔同嘅口感，特別係面頭嗰層，香濃細滑，榛子嘅味道非常突出，完全係幸福嘅滋味！青檸梳打大大杯，口感清爽，加上清新嘅薄荷葉零舍醒神，但味道略