影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
餐廳：WM Café & Bar地點：紅磡馬頭圍道菜式：西餐餐牌：意大利飯及意大利粉、薄餅、漢堡、主菜、小食、餐湯及沙律、甜品、飲品，都有套餐。WM經典下午茶(兩位用) $198 另加一三層架上枱好正呀！薄餅4選1，我地選左海鮮車打芝士薄餅，一客六件，熱辣辣上枱，海鮮有蝦仔同墨魚仔，聞到好香燒海鮮味！每件都有豐富芝士同蕃茄醬，再加上車厘茄，中間加有火箭菜。食落係脆脆餅底加濕潤香甜番茄醬同豐富芝士，唔錯唔錯。鹹點5款包括：煙三文魚芝士多士：捲成花形嘅鹹香煙三文魚加上少少芝士醬，放喺一塊少脆橙色多士上面巴馬火腿哈密瓜卷係無敵組合柚子蜜糖雞翼：外脆內嫩，皮燒得薄脆，唔會太甜，仲係熱熱哋雞尾酒海蝦多士：係白麵包上面一隻加左甜甜地醬汁既大隻爽口蝦吉列炸芝士：外脆內滑，好香芝士味。鹹點伴有沙律菜解膩。4款甜點包括：馬卡龍：有綠色同粉紅色兩粒，分別係士多啤梨同開心果。迷你朱古力布朗尼兩件精選蛋糕係Tiramisu 蛋糕同朱古力蛋糕，前者一共有五層，食落濕潤多層次，少少酒味，咖啡同朱古力味唔會太重，口感黏黏哋，唔係一般Tiramisu。朱古力蛋糕正常。包熱即磨咖啡或者熱茶，可以升級餐飲。士多啤梨奶昔 加$20 另加一奶昔一共有四款口味，我哋揀左士多啤梨味。聽到服務員係即打，奶昔大大杯，面頭加上薄荷葉。士多啤梨味又香甜又滑溜味道唔假，唔算太甜。凍檸水 加$4 另加一凍檸水有三片檸檬，叫左走甜都好飲，好解渴。另外係主餐牌叫左蔬菜。凱撒沙律 $78 另加一凱撒沙律係新鮮沙律雜菜加上白色醬汁同豐富芝士粉，配有車厘茄、鹹香煙肉片、脆口法包粒，好夠味，口感豐富。牛油蒜蓉炒雜菌 $58 另加一牛油蒜蓉炒雜菌用湯碗上，熱辣辣上枱，聞到好香炒蒜味。雜菌至少見到四種，簡單得黎美味健康。總括而言，今日個經典下午茶三層架真係好抵食，呢個價錢有咁多野食，唔係走精緻細細件路線，而係件件簡單得黎好大件，非常飽肚又可以打卡，特別鍾意個pizza。餐廳座位舒適，服務唔錯。
繼續閱讀
再戰浪漫之《WM Café & Bar》再一次嚟到，土瓜灣嘅WM cafe，呢間真係好適合打卡同埋真係好chill架😎。餐湯：蕃茄湯 + 龍蝦湯第一次嘗試呢度嘅蕃茄湯，酸酸甜甜，非常醒胃。而龍蝦湯，味道相當香濃，口感幼滑既感覺係一種享受😊。兩款餐湯都值得一試👍🏻。沙律：是日精選沙律簡單而傳統嘅配料，生菜、醋、橙、橄欖油等等……細細個嘅沙律，食完相當開胃😆。小食：黑松露薯條 + 法包薄餅脆炸薯條，食落唔粉，炸得剛剛好，黑松露汁非常足夠👍🏻。法包薄餅係餐廳贈送嘅，幾驚喜😊，細細舊，食落好似pizza咁，一款幾唔錯嘅小食😁。Dinner set：澳洲和牛牛面肉蒜片茄蓉辣闊蛋麵 + 香烤澳洲草飼羊架(2件)伴燒汁(五成熟)和牛牛面肉，非常軟熟，份量十足。辣闊蛋麵方面，辣嘅程度我同朋友都覺得辣得剛剛好，而且麵條爽口彈牙，正😋；另外，羊架肉質鮮甜、煙韌，五成熟timing控制得幾唔錯，配上其他配菜例如薯蓉、紅蘿蔔、筍等等……多重嘅口感😄。飲品：蘋果紅莓特飲 + 雪沙草莓蘋果紅莓特飲，兩款嘅水果味均衡，相當清甜嘅感覺😊。另外，係一款奶昔嘅飲品，草莓味幾濃郁，朋友話係幾特別嘅感覺👍🏻。總結：啟岸商場，可以稱得上為美食商場，而且平民價，性價比高，環境優美。建議如果有位置嘅話，可以同店員講坐窗邊位，感覺更加浪漫架😊。《WM Café & Bar》土瓜灣馬頭圍道63號啟岸1樓13號舖
繼續閱讀
第二次黎呢到啦～ 感覺一樣幾放鬆舒服😌 燈光💡偏昏暗，裝修以深灰同英倫式磚🧱為主，有一幅由綠化植物🌳同霓虹燈組成既牆🧱，仲有個露台仔，環境幾chill🤩 食物擺盤幾精緻，價錢唔貴亦比起平價西餐高質👍🏻(5 😍 係滿分，🤩係半分）海虎蝦 · 香煎帶子 . 香煎穀飼牛柳 · 時令蔬菜 · 紅酒牛肉汁 🔥🦐⚪️🐮🍷 - $208 (好味指數：😍😍😍😍)虎蝦🦐幾大隻，剝左殼既，可以啖啖肉咁食🤩 煎左會香口啲，鮮甜彈牙～ 帶子⚪️煎到金黃焦脆，入面係半生熟既，質感軟嫩～ 而個穀飼牛柳🐮煎得啱啱好，有均勻既油花分布，肉質軟嫩，牛味🐮幾香濃都唔錯，唔覺得係靠鬆肉粉，配埋香甜惹味既紅酒汁🍷幾好，亦有清香既豆角🫛、爽口既紅蘿蔔🥕同埋香口軟滑既薯蓉🥔慢煮BBQ燒豬肋骨 (4條) 🔥🐷🍖 - $158 (好味指數：😍😍😍😍)另一個主食就叫左燒豬肋骨🔥🐷🍖，有4大條👍🏻 上面搽左酸甜又帶有煙燻香味既燒烤醬🔥，惹味開胃～ 個豬肋排🍖肥瘦適中，表皮燒到🔥帶啲焦香，裡面既肉有慢煮過所以肉質軟嫩，肉味幾香濃同有油香～ 下面有炸到🔥金黃色既薯條🍟，香脆綿密，點埋酸酸甜甜既茄醬🥫一齊食幾好～ 旁邊有香口甘甜既烤牛油粟米 🔥🧈🌽、香甜多汁又可以解膩既烤菠蘿 🔥🍍同埋清新爽脆既田園沙律 🥗～好味指數：😍😍😍😍推介指數：😍😍😍😍
繼續閱讀
今晚屋企無買餸煮飯，唯有出街食野先同老公撐下枱腳。見到附近有間cafe bar 想食西餐添，老公話好耐無食過都想食。我叫左美國安格斯封門柳伴燒汁🩷🩷🩷🩷🩷佢有配個龍蝦湯同沙律菜，我仲加左杯可樂添。佢個封門柳一上菜已經見到個賣相好吸引，因為佢已經係切好晒，好方便食同埋我叫左7成熟燒到岩岩好。配埋個甜甜地既燒汁好夾。仲有個薯菜。個龍蝦湯都好濃味，飲到好濃既龍蝦味，同埋啲沙律菜都好新鮮配埋酸酸汁好開胃。另外仲叫左個澳洲和牛牛面肉蒜片茄茸辣闊蛋麵，配左個沙律菜同檸茶個和牛牛面肉咬落去真係好淋，而且牛味好濃，蛋麵好夠彈牙，不過辣度可能我唔太食得辣，對我黎講有啲辣得滯，甜甜辣辣好夠惹味。餐廳送左個好似法式pizza既小食，幾好食。見有啲唔夠飽加左個焦糖燉蛋🩷🩷🩷🩷🩷個蛋味好出，而且夠滑同埋佢個焦糖都燒得好夠脆。加埋藍莓點綴，好滿足既一餐😍。
繼續閱讀
啟岸呢間餐廳環境舒適有格調 充滿高級感依家晚餐時段仲會送一客法包薄餅見到用HSBC信用卡消費指定2人餐仲有8折我地嗌左一人一個Dinner Set每個餐都包左餐湯同沙律餐湯係龍蝦湯香濃鮮甜 沙律新鮮爽脆澳洲穀飼安格斯肉眼扒肉眼油花分佈均勻 仲有嫩滑多汁口感五成熟度完美掌握 伴碟仲有烤蔬菜同薯蓉香煎馬利蘭蟹肉餅伴蟹膏忌廉意大利粉香煎蟹餅酥脆可口 咬開食到絲絲蟹肉蟹膏忌廉醬香濃滑溜 意粉煮得彈牙爽口仲加左個黑松露薯條蝶豆花香橙荔枝梳打蝶豆花夢幻藍色 打卡勁靚香橙同荔枝味道好夾
繼續閱讀