WM Café & Bar (八號花園)

營業中

休息中

WM Café & Bar (大埔) -大埔抵食西餐廳～ 行開大埔，經過見到一間西餐廳環境氣氛睇落唔錯，而且餐牌仲要好抵，就梗係要入去試吓啦！-星期一至五Dinner set🔍 WM威靈頓牛柳$138威靈頓牛柳，牛柳肉質鮮嫩，煮得啱啱好，唔會太硬，再配上薯蓉，份量啱啱好，以呢個價錢食到威靈頓牛柳簡直超抵！-🔍 南瓜貝柱意大利飯配香煎刺身帶子 $86係南瓜意大利飯，配上香煎刺身帶子，上面有三粒帶子，帶子大大粒，帶子煎得啱啱好，而且好有鮮味😋-Dinner set 仲包埋餐湯、餐包、餐飲同埋跟餐甜品！一次過包晒咁多嘢勁抵！餐湯係龍蝦湯，睇個樣已經覺得好高級，飲落去亦都好重龍蝦味，而且仲食到小小嘅龍蝦肉粒添！餐包除咗有牛油之外，仲可以俾你配埋個餐湯點湯食～最值得一講嘅就係個跟餐甜品，係一個朱古力香蕉pancake😍🤤 熱辣辣啱啱煎好，配上朱古力香蕉，甜得來又唔會太漏，作為收尾簡直完美😋-📍WM Café & Bar (大埔)大埔安慈路2號八號花園地下20號舖

呢間野d正評到底點得返黎？賣相係唔差 但講味道就真係唔撚掂 below average 所以其實一d都唔抵食1） 龍蝦湯龍蝦味不足 不過平日出面飲最平8-90 佢呢個set包埋 所以都唔會有乜野特別期望2）意粉個汁得芝士味 不如改名叫軟殼蟹芝士意粉3）雞翼味道偏中式口味 只有表面有味 入面無味4）好少配料 d瓜唔見曬5）中間d牛肉唔掂 同埋唔知點解會超重黑椒汁味 我從未食過威靈頓舊肉會係黑椒味 而且無Parma ham包住6）無食 唔知

聽日係紅日，今晚收工之後專登由九龍灣出大埔搵個朋友dinner～佢住左係大埔好多年，由於佢湊住小朋友唔方便去太遠所以就佢係佢屋企附近食😀我地叫左兩份set dinner，一份係虎蝦海鮮湯燴意大利飯，一份係我一直未試但好想試既威靈頓牛柳😁 飲品朋友叫咗忌廉黑牛梳打，我叫左熱檸檬柑橘蜜～一叫完餐店員就奉上餐湯同餐包，餐湯有幾濃郁嘅龍蝦味，而餐包就係好香既香草味，幾唔錯👍虎蝦海鮮湯燴意大利飯好大碗好豐盛👏🏻 虎蝦大隻兼爽口，帶子都好大粒👍 呢兩樣野同石斑魚都煎得好香😋 配埋啲蕃茄粒同青紅椒好開胃好滿足😊可能因為今日係紅日前夕所以餐廳都比較忙，幾多人等位，威靈頓牛柳都等咗比較耐嘅時間同埋有少少overcooked嘅感覺😅 雖然係咁，裡面既牛柳依然好嫰滑，外層酥脆😋 配埋嘅薯蓉係有薯仔粒係裡面，口感豐富～我嘅檸檬柑橘蜜有三大片檸檬同濃濃嘅柑橘味，酸味甜度岩岩好👍感覺呢間餐廳用料都幾靚但訂價唔貴，唔怪之得咁多捧場客😆

呢間餐廳橙色磚牆加上一啲翠綠草葉裝飾，似田園風格，比到人一種輕鬆嘅感覺。龍蝦湯跟餐會有碗龍蝦湯，香濃龍蝦味，又夠滑，無論點包定就咁飲都超超超級好味。WM威寧頓牛柳牛柳半生熟，肉質軟硬度適中，食到一啲西式香料味，好惹味😍酥皮都夠牛油香，外皮夠脆。唯一美中不足係切開之後牛肉同酥皮容易散開。烤紙包西京比目魚柳配焗雜菜呢個魚相對上比較健康，蔬菜多，味道偏淡，檸檬上面有啲好似味噌醬嘅醬，配搭起黎都算帶比我少少新鮮感，不過我個人都係比較鍾意食濃味啲嘅菜式。朱古力心太軟其實有啲失望，雖然夠朱古力味，但裡面唔夠流心。藍莓芝士蛋糕芝士味濃厚，口感軟滑，餅底夠薄脆唔會硬。忌廉黑牛梳打忌廉唔會好甜，配搭可樂甜味就岩岩好，雪糕好香朱古力味😋兩個人食左三百幾，西餐黎講有呢個質素唔算貴👍🏻👍🏻👍🏻

這次和大家分享的是我在大埔八號花園一間西餐廳的用餐經驗。龍蝦湯(跟餐)龍蝦湯很滑很creamy，味道十分濃郁。龍蝦汁貝柱海蝦蟹肉意粉 $82香甜的龍蝦汁配上啖啖的海鮮，份量十足，而且意粉不會太乾，口感豐富。WM威靈頓牛柳 $138鬆脆的酥皮包住惹味的牛柳，外脆內軟，一次過能吃到不同層次，牛柳很濃味juicy，不會覺得韌，十分驚喜。朱古力香蕉忌廉薄餅(跟餐)熱騰騰的薄餅夾著軟綿綿的香蕉及朱古力醬，吃下去不會覺得很甜，為這次晚餐劃上了完美的句號。總的來說，WM Cafe and Bar (大埔）的食物質素很好，他們的威靈頓牛柳更是十分出色，非常有驚喜，如果有空不妨一試！大埔安慈路2號八號花園地下20號舖

美式BBQ烤手撕豬菠蘿芝士漢堡配薯條價錢: $72食後感: 手撕雞食得多 手撕豬 就第一次 撕得好幼 個汁調得好好 甜甜酸酸 好開胃 同菠蘿好夾 融化緊嘅芝士 為漢堡增加了不少風味 不得不讚 個包處理得好好 夠脆 又唔干 好好食WM威靈頓牛柳價錢: $138食後感: 呢道菜工序繁多 但係呢度 只需要$138就食到 而且仲有埋薯菜 CP值爆燈 酥皮鬆脆 牛柳好嫩滑 味道唔錯 個薯蓉 冇得頂 係有薯粒嘅薯蓉 有啲咬口 好好食意式炸雞翼 價錢: 跟餐加$16 @3食後感: 雞翼都唔錯 食得出有醃過 炸到連骨都好脆 但係內裏又唔乾跟餐龍蝦湯飲後感: 好濃郁嘅龍蝦味 感覺啖啖都係精華 配埋香草包食 最佳拍檔Chef salad 價錢:跟餐加$8食後感: Parma ham 沙律有咸香味 又夠fresh熱檸蜜 跟餐加$4 真峰蜜味 幾好飲薄荷青檸梳打 跟餐加$18 涼浸浸好解暑 自家製朱古力心太軟價錢:跟餐加$20食後感: 食左咁多野 其實好飽 但甜品有第二個胃haha 好彩個心太軟 滴滴骰骰 如果可以佩埋雪糕就好啦 阿華田蛋糕價錢:跟餐加$12食後感: 呢個係男朋友見我話食甜品 佢又要

今日放工就去左大埔搵朋友食晚飯，雖然我返工地點就係葵涌個邊，但去大埔都好方便，附近有巴士，可以直接去到大埔超級城，再行一陣就去到我朋友今晚想食既西餐廳依間餐廳晚餐超級抵食，會包餐包，餐湯同甜品，仲要係百幾蚊就食到，非常豐富忌廉蟹肉龍蝦湯龍蝦湯味道好濃郁，仲食到彈牙蟹肉WM威靈頓牛柳$138酥皮外皮焗得好令，係好吸引人既金黃色，因為牛柳係用左酥皮黎焗，所以食落會鮮嫩多汁烤石班魚柳配芥末籽燒汁$92石班魚外皮香脆，肉質嫩滑，配上醬料一齊食，味道會更加提升朱古力咖啡(跟餐$12)有左朱古力既關係，咖啡味道唔算太濃，加香滑忌廉，連小朋友都會鍾意熱情果菠蘿梳打(跟餐$18)飲落爽口，仲有菠蘿粒係裏面朱古力香蕉忌廉薄餅薄餅裏面包住香蕉，再加上朱古力醬，口感十分豐富

今晚放工同屋企人去咗大埔行街，順便食返呢間WM Cafe，之前喺馬鞍山已經試過一次，覺得好抵食，又精美。今次再嚟大埔分店試吓先😋果然冇失望，質素一樣都好好。我哋大概下午6:30去到餐廳，當時仲有啲位，之後陸續到晚餐時段就越來越多人啦。我哋一人叫咗一個餐，佢仲包埋跟餐嘅龍蝦湯，仲包飲品。我哋加錢叫咗特飲：凍朱古力咖啡同埋檸檬香茅梳打。首先嚟個龍蝦湯，賣相好好。令人食指大動。跟餐仲有埋香草麵包，送湯一流。我哋最愛食海鮮，叫咗一個F 餐馬賽虎蝦海鮮湯配燴意大利飯，夠熱又多料好滿足呀。隻蝦好大要用刀叉切開佢。另外一款就係P餐西班牙伊比利亞法式有骨黑毛豬扒配檸檬胡椒蘋果蓉。豬柳好厚身，肉質好鬆軟。伴碟有埋薯蓉好有誠意嘅配搭，豬柳配埋蘋果蓉好有特色😋中和返油膩感。主菜肉類同海鮮味道剛剛好，不會過咸，無味精👍有質感。最後點埋甜品，自家製蘋果金寶配雪糕。熱辣辣嘅蘋果批配冰凍嘅雲呢拿雪糕，呢個真係好推介！嚟親一定要食呢個！！！

是日同朋友去開大埔，lunchtime心思思想食西餐，甘岩係8號花園附近見到呢間西餐廳，見環境唔錯就試下。環境方面坐得好闊落，侍應會留意下每枱客有咩需要。我同友人各自點左牛肉漢堡拼薯條同牛扒拼意粉。牛肉漢堡上碟夠大份，入面塊牛夠厚同juicy蔬菜配料都好足，一個人食差啲都食唔晒。朋友點的牛扒意粉都唔錯，牛扒煎得恰到好處，唔會過熟或過生。意粉唔會太乾水，朋友話值得推介!另外想提既係，佢前菜既龍蝦湯。唔係間間西餐廳都係龍蝦湯，但呢個就係。而且個湯好creamy,絕對值得一試

📍WM cafe’ & bar(大埔）今日去左大埔一間坐得幾舒服既，燈光比較暗黃，牆身放咗好多掛畫擺設，唔限時坐下傾計幾好架，餐廳對街景，比較開揚，很不錯！order 左兩個set dinner ,包飲品、餐包、龍蝦湯加$12是日甜品,甜品不過不失。1.威靈頓牛柳餐$138有薯蓉、酥皮包住個牛柳。份量都夠飽肚，但個酥皮食落同塊牛柳個味唔太夾。但個龍蝦湯好夠味，好好飲！2.南瓜意大利飯香煎帶子$86呢個真係正，佢個飯軟硬整得啱啱好，雖然成碟都係黃金金但唔會太重南瓜味，飯入面仲有好多一粒粒既元貝仔，令到個飯既口感更豐富。三粒大帶子又煎得好香，都幾鮮甜，好好味呀🤤🤤🤤（推介）

晚餐來吃這一間餐廳，跟朋友一起，所以點了兩個餐。一個係素Burger，令一個就係威靈頓牛柳。一坐低嘅時候，點完餐，餐廳即刻為我們送上龍蝦湯，這裏的龍蝦湯非常鮮味，用蝦殼、蕃茄膏、忌廉、以及應該是清雞湯所整成的，份量適中，不錯。之後來的是這一餐飯的主菜，我點的是素漢堡，外層有非常重牛油味的麵包，麵包上有芝麻，咬落的感覺唔會好齋，而中間除咗係沙律醬之外，中間的漢堡，我食落應該是由豆蓉所整成的，再配埋蔬菜，實在是不錯。之後便是威靈頓牛柳，威靈頓牛柳用酥皮包住，內裏的牛肉幾好食，唔會太硬身，而且都有牛味。之後來的是飲品，我點了凍檸水、同埋一杯梳打特飲。餐廳最後為我們送上甜品，甜品是班cake，配上朱古力醬，幾好食。

喺餐廳門口經過，見到個裝修幾grand.幾甘工業風，就同男朋友入咗去試吓啦！呢間餐廳主要係食西餐嘅!佢哋主打威靈頓牛柳！咁梗係要叫一返嚟試吓啦😜一叫完嘢食就送咗個濃龍蝦湯，好重蝦味！我覺得有點咸，但男朋友話係正常嘅，濃湯係重味道啲嘅！講返我哋嘅主角（威靈頓牛柳）先，扭扭包住脆卜卜嘅酥皮，好夾！不得不提個配菜薯蓉，我覺得好好味😂😂全部清光光！另外，我哋叫咗個雙層脆雞漢堡！但係大件到我一啖都咬唔哂！啲雞肉好juicy!我哋仲叫咗兩杯嘢飲，其中一杯叫白牛！即係搵雲呢拿雪糕加雪碧！超邪惡！但飲到停唔到口😂😂總括嚟講，呢間餐廳好啱幾個朋友喺度傾吓計/食下野，都好relax啊❣️❣️

去朋友👨‍👦‍👦位於大埔的屋企🏠玩，順便去樓下餐廳🍽食個午餐。1️⃣ 牛肝菌汁牛柳焗飯 $682️⃣ 美式BBQ烤手撕豬菠蘿芝士漢堡 $683️⃣ 香煎鹿兒島黑豚西冷扒拼北海道檸檬鹽烤雞配意粉 $88雖然睇落貌相就冇話好吸引，不過食落都OK啦，個焗飯幾香，個漢堡🍔有好多手撕豬🐷，酸酸甜甜咁都幾醒胃，西冷扒🐮同雞肉🐔都幾鬆軟，如果可以多些汁會仲正。跟餐仲有湯同飲品，午市套餐價格親民。我幾鐘意個環境，裝潢幾別緻，有歐綠風情，用上懷舊的紅磚🛢。今次冇美女做點綴，唯有影張切扒相，我覺得兩個拳頭👊👊寫著Nerd Life幾襯我🤓，大家覺得呢？

難得又到星期五， 一定要同埋男朋友出去食返餐好嘅，慰勞下自己辛苦左一個禮拜🥳我地叫左2份set dinner.每份set dinner 都會配餐湯同麵包，佢地嘅龍蝦湯真係冇得頂，好鮮味之餘仲好creamy👍🏻👍🏻真係要試試佢男朋友仔就叫左個龍蝦汁貝柱海蝦蟹肉意粉 ，所有海鮮都好爽口，加上蟹肉，都好鮮味👍🏻雙層檸檬烤雞拼香脆炸雞芝士漢堡配薯條依款漢堡包係有2款唔同做法嘅雞扒組合而成嘅，一啖咬落去會有2款唔同嘅口感，都幾過癮嫁👍🏻👍🏻加上熱辣辣嘅薯條佢地嘅特飲都做得好出色嫁我最鍾意就係佢杯 passion fruit mojito酸酸甜甜好開胃嫁最後又點會少得甜品呢，加12蚊就會有一款佢地自家製嘅甜品，今日依個就係阿華田芝士蛋糕👍🏻阿華田味同芝士原來加埋一齊麵幾夾嫁wok,餅底做得好鬆脆👍🏻好想再食過呀

疫情下好耐冇同honey外出撐撐檯腳啦。難得大家都放假輕輕鬆鬆享受一下二人世界。同事試過WM Cafe and Bar位於馬鞍山店,佢話值得推介。於是我哋就去咗家附近位於大埔八號花園店晚餐。餐廳雖然細細,但座位空間感大。實木檯配半圓形椅背梳化凳, 同紅磚牆紙顔色協調,令人優閑舒服。餐廳有三間店鋪,主打西餐：沙律、套餐、意大利飯、意粉、薄餅、甜品……選擇都非常多。每晚食一款Set dinner,都要大半個月先試吃完我哋點了2個晚餐(B)拿破崙三色腸意粉🍝🍴(Q)WM 威靈頓牛柳🥩🍽️另外晚餐配忌廉蟹肉龍蝦湯餐包 咖啡/茶(熱)朱古力香蕉忌廉薄餅 餐包鬆軟,配幼滑creamy忌廉蟹肉龍蝦湯,好味！拿破崙三色腸意粉睇落普普通通,但除了三色腸煎到香口外,意粉軟硬度控制剛好,每條意粉都掛上酸酸甜甜醬汁、有口感。叉燒酥、酥皮湯就食得多,酥皮牛柳(WM 威靈頓牛柳)就第一次食。薄薄嘅金黃色酥皮外層,包著粉嫩牛柳,完全不滲血水,口感軟嫩。配上薯蓉、蕃茄同生菜絲,平衡味蕾。估不到疫情下毫不影響大廚師廚藝、有驚喜餐飲加$18可升級為梳打特飲。呢两杯熱情果菠蘿梳打同荔枝蜜桃梳打清香微酸,消暑解渴！剛做好嘅朱古