Wingman (已結業)

一行七人去食，出餐都算快，一盤24隻雞翼，逐盤出比我地。雞翼既味道好多選擇，大部分都好食，我地最多人鍾意食水牛城雞翼，其次係醉雞（但呢到醉雞係麻辣味），除雞翼外，芝士通心粉都唔錯。至於薯條同沙律，個人覺得可以唔洗叫，因為薯粉較幼身同淋，蕃薯條唔甜，沙律落左好多醬同汁。罐裝飲品係任飲，啤酒只有象啤可選擇。整體黎講唔錯，淨係食雞翼都夠晒，我地平均每人食左30隻左右🤣 下次再食可能會揀星期三黎食，因為佢星期三有promotion，可以逐隻嗌，唔洗一定要叫任食

鐘意食雞翼真係要去呢度。呢度主打雞翼放題，雞翼的味道亦十分多，仲有分乾身，濕身同特製三種。門口有個雞頭車廂位比你打咭，裡面裝修有玩味感。我食唔到咁多所以揀套餐，揀左四款口味(巴馬臣芝士蒜蓉，黑芝麻海鮮蜂蜜，日本蜂蜜芥辣同紫菜味)，同兩個小食。雞翼用法國無激素走地雞，大小平均，出品幾香口，而且配番各自的味道絕對唔會食到悶。而家仲有期間限定紫菜系列(紫菜雞翼，紫菜爆谷雞，紫菜薯條)。估唔到紫菜雞翼原來都咁惹味。薯條熱辣辣，加埋紫菜粉冇得輸。怕熱氣仲可以食吓牛油果平衡一下。

YUKI真係好鍾意食放題咖🤩可以想食乜就食乜~今次我哋去咗試咗一間為於旺角既特色雞翼放題店🐥平時雞翼作為小食類，最多一次食四隻八隻，今次可以90分鐘內飲食指定雞翼🍗真係覺得好正🤤@wingman.hk 雞翼放題店主打20幾款特色雞翼口味😎客人可選擇單點、雞翼放題或套餐，佢哋嘅雞係使用法國🇫🇷無激素走地雞🐤唔怕食到唔好既肉落肚🫢雞翼種類繁多，有分為乾身、濕身及特製雞翼三大類😍真係唔怕食厭啊🦾超多選擇~入邊嘅裝修係行玩味摩登風格，大家都可以去食吓雞翼打吓卡😎我哋選擇咗90分鐘任食10款口味雞翼放題有10款口味俾我選擇，有辣有唔辣，我最鍾意食黑椒檸檬、泰式甜辣味同田園風味😛真係幾特別，而且佢哋好快上碟，完全唔會燉波鐘！包你90分鐘一定食到飽！📍Lemon pepper黑椒檸檬📍Mongolian BBQ蒙古燒烤味📍Thai sweet泰式甜辣醬📍Cajun紐奥良香粉📍Hoisin 黑芝麻海鮮蜂蜜📍Buffalo 水牛城醬📍Reaper 死神醬📍Espresso BBQ 咖啡香味📍Cali style 巴馬臣芝士蒜蓉味📍Ranch 田園風味Free flow:📍Soft Drinks📍Iced

有冇人同我一樣，細細個已經好鍾意食雞翼😍，永遠都覺得食唔夠。今日嚟到Wingman呢間以雞翼為主題既餐廳，食雞翼黎填飽肚肚。😆我地叫左Loads O' Birds套餐，套餐包括24隻雞翼以及兩個配菜，而24隻雞翼可以揀四款口味。先講小食先，我哋叫咗杏仁麵包糠炒澳洲西蘭花苗同埋黑松露芝士忌廉汁通粉。*日本蜂蜜芥辣味*黎到主角雞翼啦，第一隻揀就係最穩陣既口味，本來以為會係蜜糖芥末醬，點知原來芥末係真嘅Wasabi醬😆，要自己用手將Wasabi揸勻*新加坡辣蟹味*鍾意食辣嘅話，叫呢個就岩曬啦，雞翼上面嘅辣椒有好多😚，仲有粒粒蒜蓉，超香🤪*蒙古燒烤味*食落類似係平時食串燒粉既味道*海帶味*令我諗起shake shake粉既味道，海帶加落雞翼冇得輸🤪

上星期同好鍾意食雞翼嘅朋友齊試咗wingman放題🍗 前後食左9款口味 total足足36隻返晒本🤪 假日每人$208 10隻口味食90分鐘～ 加錢再upgrade食多達20幾款口味都得，雞翼用既都係法國無激素走地雞 食得多都唔洗擔心喇！🫶🏻 雞翼有分乾身、濕身同特製三種，間唔時仲有限定口味好似全新既紫菜口味🤩 咁多款口味比較推介黑椒檸檬、巴馬臣芝士蒜蓉味、黑芝麻海鮮蜂蜜🍯 呢幾款相對都比較惹味同入味 仲保留到雞皮微脆的感覺 超正呀🍋

♡‎ ♡‎‎ ♡‎ ♡ 旺角 - WINGMAN ♡‎ ♡‎‎ ♡‎ ♡‎ 雞翼放題free flow 食盡十味有段時間我最鍾意嘅食物就係雞翼仲記得小學嗰陣，屋企有雞翼呢個餸就好開心一次過可以食10幾隻去到大個之後，雖然有好多美食但係都不忘雞翼嘅滋味最近搵到呢間雞頭，可以大食特食雞翼各位可以來挑戰一下自己可以食到幾多隻雞翼你又估吓我食咗幾多隻雞翼雞翼放題總共有10款雞翼可以選擇超多選擇 不過唔洗做選擇 款款都食得 正～🌥️Free flow choices ✨🔹Thai 泰式🔸Cajun 紐奥🔹Buffalo 水牛🔸Hoisin 黑芝麻海鮮蜂蜜🔹Lemon Pepper 黑椒檸檬🔸Reaper 死神醬🔹Coffee 咖啡香味🔸Cali 巴馬臣芝士蒜蓉🔹Mongolian 蒙古燒烤🔸Ranch 田園風味推一推：死神醬都真係名不虛傳 食一兩啖幾正辣辣地食第三啖開始就嚟料啦🔥都辣到係咁流鼻水 跟住係咁飲野但係又勁正 想繼續食愛辣者可以試吓～食唔到辣嘅可以試吓先推二推：巴馬臣芝士蒜蓉滿足曬我所有願望又有蒜香味又有芝士味食完個口兩種味都有為免浪費**每次可以點6款，每款4隻**食曬再嗌～૮₍´˶

今日約咗朋友happy hour, 少少肚餓去Wingman 就最啱! 我哋6:30去到，見到門口招牌笑而不語😝餐廳環境比較黑，望着繁忙嘅旺角街道，又有另一種寧靜。睇完Menu我哋決定嗌24隻雞翼有四款唔同口味: 黃金雞翼: 喺燈光下真係金黃色嘅雞翼，好高貴，味道都唔錯鹹蛋黃雞翼: 濃郁嘅鹹蛋黃好岀色，食完一隻又一隻👍🏻水牛城雞翼: 正宗嘅水牛城雞翼，酸酸辣辣，好惹味紫菜雞翼: 店員介紹最新產品，即管試吓，比其他味略淡，但十分適合小朋友就咁食雞翼有啲寡，叫多個芝士薯條同蘑菇通粉，薯條上枱熱到辣嘴，點芝士醬味道好夾，蘑菇通粉亦好creamy，即刻飽晒！

鍾意食雞翼嘅人一定要嚟呢度😋因為呢度嘅雞翼有多款口味，而且全部都整得好好食🤤雞肉嫩滑又多汁，最緊要喺呢度採用法國無激素走地雞，所以食得放心！兩間分店：上環及旺角雞翼放題店，主打 20 多款雞翼口味，可選擇單點、雞翼放題或套餐，雞翼分為乾身、濕身及特製三大類。
餐廳走玩味風格，好啱打卡！宜家有期間限定，全新紫菜口味(紫菜雞翼、紫菜爆谷雞、紫菜薯條）！我哋叫咗咯咯拼盤：24隻雞翼，4種口味，2個配菜$398。雞翼我哋叫咗期間限定嘅紫菜味、黑椒檸檬味、日本蜂蜜芥味、新加坡辣蟹味。配菜揀咗松露醬薯條🍟 牛油燒粟米🌽。雞翼好快就到新鮮炸起，紫菜味鹹鹹地。紫菜味夠香幾好食😋黑椒檸檬味夠清新；蜂蜜芥末味甜甜地；蜜糖味香濃！加坡辣蟹味哂惹味！配菜黑松露薯條🍟非常好食🤤黑松露醬非常之香，薯條新鮮炸起香脆可口！牛油燒粟米面上有好多芝士粉，粟米甜甜地有烤嘅香味。飲品揀咗一個凍檸茶一個凍Lemonade，非常之解渴！

一間係我唯一一間店舖可以食雞翼食得咁放肆!! 咁多雞翼~ 冇後悔嚟咗~ 有街頭嘅感覺 餐廳嘅佈置好有地下街嘅風味講嘢暢所欲言都唔怕播嘅歌令店舖氣氛好好 咁多選擇叫返個set 就最好♥︎Loads O Birds $398 24 wings + 4 flavors + 2small plates 用上法國無激素雞翼 分Dry Rub, Saucy, Specials 3隻不同質地口味選擇好多 仲有幾款你都會見到就想食呢個套餐我揀咗呢四隻Wings 味道♡︎1自家製鹹蛋黃 非常濃郁 唔會太鹹雞翼面鋪滿鹹蛋黃碎 鹹蛋黃香味夠濃烈♡︎2新加坡辣蟹味 大量蒜蓉一啲辣椒 好有風味♡︎3黑芝麻海鮮蜂蜜 呢個食落去有啲似叉燒♡︎4紫菜 好香 食出口口滋味 係我最鍾意嘅味道 都係新出無耐♡︎黑松露芝士忌廉汁通粉 超級濃郁芝士味 仲有好香黑松露 睇落細細碗 但係真係食唔晒 份量非常足夠♡︎菠菜甘藍沙律配柚子醬 超級清新 叫埋呢個 當食雞翼食到有啲飽 食呢一個沙律 酸酸地 等味蕾refresh一下再order杯 ♥︎ Lemonade 好多檸檬大大杯 非常解渴解膩

我諗在香港🇭🇰都有好多人同我一樣都係好鐘意食雞翼，所以我今日就去旺角新城17樓「wingman」挑戰雞翼放題，一次過可以食到10款不同口味嘅雞翼都幾正。我同朋友先叫左四款不同口味的雞翼，同埋呢到每款雞翼都會給4隻的。我地叫左咖啡☕️口味、巴馬臣芝士蒜蓉味、黑椒檸檬、水牛雞翼，我個人最鍾意❤️係黑椒檸檬🍋佢味道有少少辣辣地，加上檸檬好清新減咗雞翼嘅油膩，而最特別係咖啡口味，真係有諗過咖啡同雞翼都幾啱喎⋯⋯靜靜話你知呀，呢度👈可樂都係任飲㗎🥰。

燒雞翼～我自細鍾意食🤤細個食雞翼一定要食雙數，原來雞翼都有放題😍任選10款口味雞翼無限任食～真係啱晒我這個雞翼控! Wingman 係上環同旺角都有分店～裝修走摩登玩味路線，大行懷舊港風，懷舊霓虹光管同鐵閘，幾啱打卡㗎！雞翼可以單點或者放題，我梗係放題啦😂食才好有誠意的用法國無激素走地雞，可以放心食！肉質唔怪得知咁幼嫩！全店有成20款雞翼，如果唔知道自己鍾意食咩口味，可以由乾身、濕身及特製三大類開始選擇！醬汁豐盈的濕身雞翼系列- 被濃濃黏調的醬汁包覆的惹味‼️黑芝麻海鮮蜂蜜、水牛城醬、泰式甜辣醬、Carolina Reaper，泰式酸甜口味大眾化易入口，黑芝麻海鮮蜂蜜的味道有點像北京填鴨！甜甜的很好吃！至於Carolina Reaper簡直是死神般的辣😂成隻雞翼佈滿辣椒籽好辣的，我飲咗成杯水先止到辣！喜歡吃辣的值得挑戰吓 乾身雞翼比較大多是以天然香草調味，再加以燒製，外香惹味又不肉質濕潤，黑椒檸檬、蒙古燒烤味、紐奧良香粉、咖啡香味、Ranch 😍個人比較喜歡的是Ranch美式田園醬汁，芝士粉和蒜蓉香起誘惑！用芝士粉代替芝士醬食多幾隻，都唔覺膩！另外咖啡BBQ亦都好特別，是咖啡粉加上燒烤汁

自細就好鍾意食雞翼，但你有無諗過如果任食你可以食幾多隻？聽到朋友話一百隻無問題... 好，即刻同佢去 Wingman 食個 90 分鐘雞翼放題挑戰下自己最高紀錄，仲有無限汽水供應，間唔中放肆下係幾正😂 星期一至四仲有優惠，7 點後入場都係 $238 任食，而且愈早愈平，幾實幾抵玩！.呢度嘅雞翼間唔中會有特別味道登場，今晚嚟到食放題都有十款口味可以 order，一定要叫齊咁多隻味先知邊隻味要 encore！每個味道一 order 就係四隻 (要注意).泰式 // 紐奧 // 水牛 // 黑芝麻海鮮蜂蜜 // 黑椒檸檬 // 死神醬 // 咖啡香味 // 巴馬臣芝士蒜蓉 // 蒙古燒烤 // 田園風味.雞翼口味有分乾身和濕身兩種，個人嚟講最鍾意係泰式，泰式甜辣醬之下令到雞翼相當惹味；另一款個人喜好係黑芝麻海鮮蜂蜜，仲有啲蔥係面，食落去竟然係北京填鴨醬嘅味道，但係濃郁味道得嚟又幾正！ 經典嘅水牛城雞翼偏咸，至於死神醬就真係諗下先好嗌，因為真係幾辣，令到你好想飲多幾啖汽水，令到戰鬥力一下降😅.最後，認真回顧賽果，每人食到 30 隻左右已經係極限🍻 其實性價比係高，睇下你有幾鍾意食雞翼

自認雞翼迷的朋友，認真不能錯過，整店的裝修設計風格，都以盞鬼的字句及造型而成，多個打卡點，字句抵死又過癮～一次過點了24隻4款口味的雞翼，有紫菜味、蜜糖芥末味、水牛城味及泰式甜辣醬味雞翼，款款都很好吃，可一次過吃盡不同味道，味蕾非常滿足，跟朋友分享吃就最適合了～香蒜龍蒿大啡菇～大蘑菇上面有很多切碎的菇粒，頂部還加了脆卜卜的麵包糠，3重口感，超正～蘑菇雞肉白醬通粉～醬汁很夠，足夠把通粉吃完，頂部還有超多芝士碎，跟通粉拌勻同吃超好吃～

呢間主打雞翼嘅餐廳環境氣氛都不錯，雞翼嘅味道更加係冇得彈👍🏻叫咗咯咯拼盤，🈶24隻雞翼，可以揀4️⃣種口味，2️⃣個配菜雞翼隻隻都冇雪味，皮脆肉嫩，超juicy，真心好味😋巴馬臣芝士蒜蓉味有香濃嘅芝士味，蒜蓉唔會太勁，食落好惹味自家製鹹蛋黃充滿濃濃嘅鹹蛋黃香，真係十分滋味黑芝麻海鮮蜂蜜口感有點兒酸酸甜甜，黑芝麻配上香脆嘅雞翼更加係冇得頂日本蜂蜜芥辣都好香口，面層真係有一粒日本芥辣💕配菜叫咗菠菜甘藍沙律配柚子醬，沙律菜都算新鮮，配上清新嘅柚子醬，感覺好fresh另一款揀咗甜薯薯條，味道香甜得黎又唔會太油，真係幾好食😋飲品叫左Iced lemon tea，味道清甜另一杯Lemonade嘅味道就有點兒酸

這間人氣餐廳WINGMAN主打吃雞中翼，分為乾身、濕身及特製三大類，超過十數款口味，絕對令你意想不到。旺角店以水泥工業風裝修，牆身更有霓虹燈裝飾相當型格。門外更打扮成地鐵車站，讓你步出升降機時，有一種到達” WINGMAN”站的感覺，打卡相當趣致～食物方面，除了單點之外，亦可以選擇雞翼放題。10 Flavours - $208 (Fri – Sun)指定十款口味，每款四隻作一單位。肥美肉厚的雞翼嫩滑多汁，均即叫即炸特別酥香且不油膩。泰式塗滿酸甜的泰式辣醬較濕潤，黏上大量香脆的炸蒜粒。黑芝麻海鮮蜂蜜鹹香的海鮮醬有點像常接觸的京醬，帶少少香甜的蜂蜜及一粒粒的黑芝麻香。黑椒檸檬滿佈香氣強烈的黑椒粉，淋上檸檬汁增添清新。巴馬臣芝士蒜蓉一粒粒細滑柔軟巴馬臣芝士碎，與香濃的蒜蓉好搭配蒙古燒烤常見的孜然粉口味，香濃的香料味帶微微辛辣感。紐奧縈繞著墨西哥紅椒香料粉香氣，有丁點微辣味及蔥香。還有田園風味、咖啡香味、死神醬、水牛，未能盡試。飲品方面，可以FREE FLOW罐裝汽水飲品，又或者加$10的自家製Lemon Tea。