Wingman (閣麟街)

營業中

休息中

話說同朋友都好鍾意食雞翼知道中環有一間餐廳可以任食雞翼仲要有18款嘅味道選擇再加上可以飲啤酒放工一於約埋一齊試試佢雖然大家都係想食雞翼但又驚淨係食雞翼會太悶所以決定叫放題$260除咗雞翼仲可以任食配料放工飲酒最開心梗係要飲番杯啦呢度係可以任飲啤酒首先試咗兩種唔同嘅沙律菜一款係蘋果一款係椰菜花作為前菜幾開胃好快今日就有啦一次過可以試晒六款口味好正特別最愛嘅係海鮮味同埋芥末蜜糖味超級好食雞翼亦都唔會好乾身食落覺得都好滑會有食唔停嘅感覺另外仲叫咗薯條薯條配雞翼正呀仲叫咗豆同Mac and cheese味道都好食由於太鍾意呢兩種味我哋決定再叫！三個女仔食到咁多嘢價錢仲要$900內好抵食又好食如果喺附近返工一定要來試

雞翼控天堂呀喂😝 Wingman開左都幾年，次次都叫外賣，今次終於可以拉埋朋友同我一齊食雞翼放題🥰即食口味仲正18款雞翼任食，啤酒任飲，仲有5款前菜都可以任叫😍如果你好鐘意食雞，呢到絕對啱呀，同埋啱唒一大班朋友過嚟一齊聚會傾偈🤩前菜包括毛豆、黑松露薯條、捲心菜沙律、MAC & CHEESE🤩 薯條係啱啱炸起，份量又多，加埋黑松露醬點簡直係一流每round 雞翼只可以叫6款雞翼，但每次準備雞翼都需時，所以建議第一round 叫唒自己想食嘅味先，之後再order小食就會最perfect 😛雞翼口味比較有特色，例如蒙古燒賣味、新加坡辣蟹味、自家製咸蛋黃😂雞翼外脆肉juicy，件件雞食完都好想再食💕同埋staff 超friendly 同nice，會再去💕📍Wingman (閣麟街)地址: 中環閣麟街37-43號祥興商業大廈6樓

喺Restaurant week 訂左位去食Lunch, 本身對佢哋嘅雞翼都好有期待，話唒係招牌菜，點知喺呢間餐廳我食到人生食過最難食嘅雞翼。Restaurant week special menu 有沙律，10隻雞翼(2隻味)同甜品，沙律同甜品一般啦，正常2個人叫左4隻唔同嘅味share, honey wasabi, cheese and garlic, buffalo, Cajun 雞翼黎到已經唔係熱，呢樣已經好差，honey wasabi 係蜜糖雞翼加一舊wasabi🤣如果要有wasabi味應該係要自己擦上去🤣Buffalo wings味道好怪，唔係平時食開嗰種，好難食Cajun 同cheese正常，食到但唔係好食另外叫咗凍檸茶，冇味的，係凍水一樣Service okay but the food quality was poor! 中伏指數爆燈🤦‍♀️

放工約左班朋友食飯，佢哋話要去任食雞翼🤣好啱成班朋友吹水，咁耐我都唔知有啲咁有趣嘅放題餐廳細細地但係都有好多雞翼控同上班族幫襯。餐廳提供唔同嘅放題package，但要試就梗係要食晒18種口味嘅雞翼放題啦，平日$260一位，仲包咗free flow snacks, selected beer 同soft drinks，鍾意食雞翼嘅真係可以一次過滿足晒你所有願望每次可以嗌最多六隻口味，而每round每隻口味會係四隻四隻甘上，我哋落單嘅時候可以揀唔同口味都揀得好興奮😆個人最鍾意honey Wasabi嘅口味，甜甜地又有少少芥辣味衝擊下。另外蒙古燒烤味都唔錯，好惹味。雞翼一定係要配啤酒咁飲先夠暢快，呢隻Peroni beer偏麥味重，都幾易入口，女仔飲幾罐都冇問題🤣🤣另外當然唔會淨食雞翼甘dry啦，都仲有其他小食可以任叫，想平衡返都有啲沙律等等🥗食完罪惡咁冇咁高😝

The restaurant was not easy to find, located in a commercial building with small entranceWe had a wing set and a wrap set for lunch, both came with fries / sweet potato fries, but sweet potato fries were not available on the day we visited, so they offered us onion rings, yum!The wings tasted better than the duck wrap, would recommend those spicy flavours for excitementLovely experience

自小就好鍾意食雞翼，估唔到香港有雞翼食到飽，3個人都真係食到非常飽，18款味道中大部分都啱我哋口味，另外仲有椰菜沙律、椰菜花沙律、毛豆、通心粉、炸薯條，只要你食得落就可以無限order，加$10仲有凍檸茶同啤酒任飲，加埋一每位大約$300(fri-sun+$10),而且服務好、有禮貌，我覺得非常可以😋

同大佬一齊叫雞吧！！！雖然午市可以叫放題仲有酒飲但Lunch食又未免太過份Wing Set $88: 8 Wings | 2 Favours+$15 for extra 2 wings 雞翼想食乾身就要咗Espresso BBQ 加 Mongolian BBQ。一隻係淡淡咖啡香，一隻係少少辣，兩種味道都非常惹味。同事就叫咗個爆谷雞（set +$25)同埋雞腿扒（$69/2pieces)兩款都炸得脆脆～ 入邊依然保持Juicy，爆谷雞本身配一個甜酸醬，而雞扒就可以揀唔同嘅味道，我就揀咗原味。再同我share Wings Set個洋蔥圈（因為無蕃薯條所以就可以揀洋蔥圈或者薯條），炸得脆脆又爽口嘅洋蔥圈，點茄汁最夾❤️

值得期待的一個晚上，專登同朋友過嚟試下呢間。雞翼有非常之多款，最深刻印象死神雞翼，本身個人唔係太食得辣，食到咀都震埋。有一個非常之深刻嘅印象。雞翼有非常之多款，有一隻酸酸甜甜覺得最好食，但唔太記得個名。嘢飲剩係得汽水，略嫌冇咁貼心，因為全部都有氣飲品，都有少少頂肚。上菜嘅時候，店員都會介紹邊種打邊種雞翼，咁你就可以清楚知道邊隻好食再叫。餐廳環境都唔算大，如果淨係食雞翼嘅你不妨過嚟試一下，可能有唔同嘅驚喜

中環呢間 Wingman 係🇭🇰香港少有主打唔同口味🐔雞翼嘅酒吧餐廳🍴，除咗單點之外，亦有🐓雞翼放題🤩，簡直係雞翼控嘅天堂😇！呢度雖然唔係好大，不過🛠裝修幾有特色，🚪門口位置有一片仿曾灶財🖊墨寶嘅特色牆，入邊霓虹燈寫住一齊叫雞🐔，幾過癮😆。呢度嘅🐓雞翼放題限時🕘90分鐘，分咗三個唔同嘅 grade，最平💰$138就可以任食三款口味嘅🐔雞翼，我哋就揀咗最貴嗰款😆可以任食佢哋全部😍18種口味嘅雞翼🤤！呢個 grade 嘅🐓雞翼放題可以任食我🥰鍾意嘅🍄Truffle Mac & Cheese🧀 ，另外仲有呢啲配菜都係可以任食嘅：薯條🍟、椰菜花沙律🥗、捲心菜🥬、香炒毛豆，同埋任飲🍺啤酒汽水🥤，真係幾抵食。🐔雞翼放題每次可以叫🤤六款口味，每個口味最少四隻，呢度分別係：黑椒檸檬、蒙古燒烤味、泰式甜辣醬、紐奥良香粉、黑芝麻海鮮蜂蜜，同埋水牛城醬。食完😋第一 round 當然要💪再接再厲：特製水牛城醬、死神醬、咖啡香味、巴馬臣芝士蒜蓉味、田園風味，同埋日本蜂蜜芥辣。🤤最後一 round：日本吉列咖哩味、自家製鹹蛋黃、四川甜辣醬、印度唐杜里烤雞、加勒比海香辣雞，同埋新加坡辣蟹味。個人推介🥰巴馬臣芝士🧀蒜

如果比雞翼你去調味，你可以做到幾多種口味？今次專程黎試呢間餐廳，人氣都好爆場，就算閒日都好多人放工過黎飲杯酒、食雞翼，而且播放啲Hiphop類型歌，氣氛放鬆真係好唔錯！而我今次黎就係為左食佢出名既雞翼放題，呢間餐廳可以製作18款味道，每次最多叫6款口味，同一款口味會黎4隻，所以多啲人黎試多啲試真啲會比較好，我同朋友兩個人都勉強地可以挑戰食哂咁多款口味，挑戰過後深刻推薦當中幾款必試口味比大家：自家製鹹蛋黃醬、日本蜂蜜芥辣、 巴馬臣芝士蒜蓉味、死神醬，我覺得最特色必試，尤其鍾意食辣真係挑戰死神醬！整體黎講，平日$260任食18款雞翼，而且包埋啤酒、汽水任飲，其實相當之唔錯同抵食，值得一試！

我係雞翼狂魔，亦係啤酒狂魔！呢間店絕對滿足我，又有雞翼任食，意大利啤酒Peroni都係任飲！餐廳內外食物選擇今次我同女友揀咗任食，但如果細食或者唔想淨係食雞翼，都有單點。 雞翼放題 $138起 有唔同數量可揀，愈多款價錢愈高，既然要試就試哂𝟭𝟴款雞翼，仲有Free Flow，薯條、沙律、毛豆、Mac ＆ Cheese 都可以係 90分鐘內任食。18款雞翼試唔哂，但都有試咗12隻，我同女友都鍾意食黑芝麻海鮮蜂蜜、Buffalo，都係Sauce 類；乾身就有Lemon pepper 、巴馬臣芝士蒜蓉味、Mongolian BBQ；仲有特別味道，日本吉列咖哩味、新咖坡辣蟹、自家製鹹蛋黃。無論係乾/濕款，都有一個共通點，就係每款味道都夠濃烈，絕對唔會Hea比醬同粉，肉質亦正常，我哋前後都點咗3轉！至於Free Flow，我哋叫咗𝗦𝗮𝗹𝗮𝗱同毛豆，仲encore tim，毛豆唔係就咁烚，有用醬汁煮，有啲似甜醬油，鹹鹹哋好開胃。

𝟭𝟴款雞翼任吃！！！( ´▽｀) 意大利啤酒𝗣𝗲𝗿𝗼𝗻𝗶 也任喝，還有任吃𝗙𝗿𝗲𝗲 𝗙𝗹𝗼𝘄 太讚了！環境一直播放着外國歌曲，加上霓虹燈裝飾，好有氣氛，店員也是外國人，相信中環分店比起其他分店更濃外國氛圍。餐牌 如果不想只吃雞翼，不一定要選任吃，也有單點。 雞翼放題 $𝟙𝟛𝟠起 可選𝟯款 / 𝟭𝟬款 / 𝟭𝟴款雞翼任吃，我選了𝟭𝟴款任吃，除了雞翼，薯條、Salad、毛豆、𝗠𝗮𝗰 & 𝗖𝗵𝗲𝗲𝘀𝗲 也是任點任吃！ 雞翼必吃𝗠𝗼𝗻𝗴𝗼𝗹𝗶𝗮𝗻 𝗕𝗕𝗤, 𝗛𝗼𝗶𝘀𝗶𝗻(紐奧良香), 𝗕𝘂𝗳𝗳𝗮𝗹𝗼, 𝗖𝗮𝗹𝗶 𝘀𝘁𝘆𝗹𝗲(巴馬臣芝士蒜蓉味)，想試特別味道的有新咖坡辣蟹、鹹蛋黃、日本吉列咖哩味。每一款的醬料/粉味都好足，味濃肉質不錯，我們兩個人吃了接近𝟱𝟬隻雞翼(*¯︶¯*)小吃方面，𝗦𝗮𝗹𝗮𝗱和毛豆也必點！毛豆用醬汁烹調，甜甜鹹鹹好開胃。總括而言，另一半表示會再來！有Peroni任喝真的太爽了！

係#中環 行街突然好想食雞🐣又唔想食KFC個d😭突然比我搵到呢間#wingman 佢有#雞翼放題 食😱乜原來#雞翼 都可以有放題嫁係中環地鐵站行過嚟左約10分鐘左右就到👍🏻👍🏻👍🏻方便我呢d係中環返工既人🫣講一講呢個個環境先上到去地方唔算好大，但都可以容納到30人左右既，如果你唔係繁忙時間上去，應該可以上去打下卡，坐位都好舒服👍🏻食物方面：今次我就揀左18隻雞翼任食90分鐘，90分鐘其實足夠我地食到飽🤗有18隻味，可以比我地慢慢品嘗😋佢呢個餐除左有雞翼係任食之外，都有小食係任食既薯條🍟係炸得岩岩好，唔會好乾👍🏻👍🏻推介必食😋有指定既酒同汽水🥤都係任飲嫁👍🏻👍🏻👍🏻服務方面：員工都好好👍🏻佢地一見到d雞骨滿曬就好快幫我地清好👍🏻推薦：⭐️⭐️⭐️⭐️⭐️價錢：⭐️⭐️⭐️⭐️服務：⭐️⭐️⭐️⭐️⭐️佢除左中環有之外，旺角都有嫁👍🏻想食既朋友仔可以去試下啦🤗WingMan📍 中環閣麟街37-43號祥興商業大廈6樓📍 旺角彌敦道594-596號旺角新城17樓

話說#雞翼放題 我一直都好想去食今日終於搵到朋友去食啦！要食梗係食多啲口味啦所以我哋就揀咗18隻口味嘅雞翼放題 平日$260/人雞翼種類有好多每次落單只可以六種味道🫣每種味道四隻🤗叫完第一輪，我哋都飽咗一半😂食完第二輪，飽到想死🥹建議如果去食，最好多啲人一齊去因為兩個人去食嘅話，兩日已經會好飽😂😂除咗雞翼，佢地仲有其他小食😋😋個薯條🍟都幾好食喎👍🏻👍🏻👍🏻不過兩個人真係會食唔晒😂😂佢嘢飲仲係任飲👍🏻👍🏻👍🏻呢度簡直啱晒 #雞翼控 值得推介👍🏻👍🏻👍🏻👍🏻同埋呢度有個位可以俾我哋打卡㗎🤗我既評分（5⭐️為滿分）環境：⭐️⭐️⭐️⭐️⭐️食物：⭐️⭐️⭐️⭐️⭐️服務態度：⭐️⭐️⭐️⭐️⭐️推薦：⭐️⭐️⭐️⭐️⭐️WingMan📍地址：中環閣麟街37-43號祥興商業大廈6樓📍地址：旺角彌敦道594-596號旺角新城17樓

前幾日朋友話好想食雞翼，於是我地就一齊去左中環呢間Wingman食雞翼放題。我地揀左$260可以任食全部雞翼嘅餐，有18隻口味嘅雞翼、五款小食任食，仲有啤酒汽水任飲，我地就加左$10要埋任飲iced lemon tea。雞翼方面每次最多可以揀六款，每款最多四隻，不過我地三個人，所以每款我地都淨係要三隻，有幾款係辣嘅，分別係特製水牛城醬、死神醬、四川甜辣醬、加勒比海香辣雞同埋新加坡辣蟹味，因為朋友唔食辣，所以有幾款我地就淨係要左一隻比我自己食。最後十八款雞翼入面，每款我都有食起碼一隻，發現原來真係唔可以低估自己嘅食量。喺等緊雞翼嘅時候，我地叫左啲小食先。我覺得比較正嘅係Truffle Mac & cheese同埋薯條。薯條竟然有得揀番薯條，正，食落香脆又香甜。雞翼方面我地比較鍾意嘅味道係食落甜甜地嘅黑芝麻海鮮蜂蜜、充滿蒜香嘅巴馬臣芝士蒜蓉味、感覺有啲似sour cream味嘅田園風味、 自家製鹹蛋黃、甜中帶點wasabi味嘅日本蜂蜜芥辣同埋泰式甜辣醬。呢幾款我地都有encore。至於辣嘅雞翼我就最鍾意四川甜辣醬，有啲似食緊雞煲嘅感覺。