We Time Cafe (光輝圍)

老實講句，都叫做係街坊幫襯咗成五六年。近年不斷退步都不在話下，但見係小店，價錢尚算合理，有時午餐、下午茶、晚餐都有去支持。但今天既遭遇，真係令我無法接受⋯⋯今日下午茶去食個慢煮雞髀加薯條，都明白雞慢煮起上嚟係會有少少紅色，但今天呢個真係直頭有血。想話可唔可以幫手翻一翻熱（焗翻熟少少 因為本人腸胃較差 容易肚痛）首先員工百般阻撓，話係咁樣，係正常，再焗就會好鞋（我唔想肚痛呀大佬）然後老闆就大大聲 串串貢話 白切雞都係咁啦 熟哂咖喇⋯⋯ 經過今日後 已經決定WeTime Cafe 永不錄用 非常之失望同不愉快 其實如果態度好啲都無咁嬲 正如某啲Openrice Comment既意見相同 兩個字： 「趕客」…查看更多

首先一入門口 個女仔就問你幾多位，差一個都唔得喎要齊人先比入，我話就到啦 佢問仲有幾耐呀？ 我話係附近，10分鐘到啦 佢先勉勉強強比入。當時有吉枱，但佢唔比你 照叫你搭枱啦。咁算啦照搭，一坐低 Menu都未打開佢就企係度望住你問要咩。大佬你唔係急成咁呀？？我叫左一個牛扒+帶子餐（$118）到後面我食緊 仲未食完（如圖），我已叉住一舊西蘭花食緊，仲有咁大舊粟米同西蘭花未食，佢就收走我碟野。我：我未食完喎。佢疾左一下照拎起要收，我再講一次我未食完喎，佢先擺番低 一句唔好意思都無。但其實我先食左35分鐘，完全係正常用餐時間，仲係算係食得快啦，咁都要趕我？！完全係離哂譜！野食一般啦唔係好食又唔係難食 位置細又逼 仲咁衰衰格 0分呀！👎🏽👎🏽👎🏽👎🏽…查看更多

都幫襯咗We Time Cafe好多年，一直睇住佢裝修，換餐牌，加價等等…..次次等半小時以上已經係等閒之事，都已經習以為常，唔當一回事。食物質素都還可以，有時啲新菜式都會 surprise 到我地，尤其佢既奶茶同咖啡，都一直保持到質素。可惜近年每況愈下，日式拉麵麵質笠口、鰻魚炒飯無鰻魚，軟殼蟹又無味，泡菜炒飯又鹹過海水，原本鎮店之寶最好味既凍咖啡，由唔知幾時開始已經變成極之難飲，呢杯壞左既咖啡又酸又稀，真係難以用筆墨來形容。最近佢又換左新餐牌，今日就試下佢既定食，香蒜牛油雞脾定食，絕對係本人呢一世人食過最難食既定食，食得雞脾就諗住啖啖肉，開開心心咁食，點知果隻咁既雞脾一上枱已經十分驚嚇！好似只係用清水來白烚一樣，上枱前再塗啲蒜蓉牛油上面，入面完全無味，又鞋口，啲珍珠米又硬又難食，果碗麵豉湯淡而無味，不知所謂，極之難食。真係伏到不得了！另外，果個阿伯服務態度極差，長期黑口黑面，又大大聲聲係度聽新聞，嘈住啲客人，有咩要求時，就答句：我地係咁架啦！串過 hello 文。幫襯咗咁多年，見住佢由一間都叫做高質既餐廳，變成一間只會一直加價但食物同服務質素越來差既餐廳，真係感到非常可惜。…查看更多

之前食過幾次，都係食鍋物，正正常常。今次第一次同男友喺度撐枱腳，相當滿意。一段時間冇嚟，啲枱櫈換晒，冇咗之前嘅迫狹感。見到扒餐好抵，分別點咗肉眼扒（+$5鐵板上）同豬鞍。肉眼同豬鞍都好大件，而且厚切。最驚喜係豬鞍幾好食，食落唔會乾柴。原本呢間平時lunch time經常要排隊，好多時連收工時間6點已經見有人排緊隊。本身都擔心店員做到黑面（理解嘅…咁忙…），服務態度都正正常常，侍應哥仔仲主動話幫我哋倒黑椒汁。現金埋單仲有95折，埋單$173非常抵食，男友仲想再去試其他。加油啦～保持質素…查看更多

下午茶時段不用排隊，下單後一會先上熱湯，然後熱飲，每人叫了一個六十幾元的下午茶套餐，一個卡邦尼意粉，本人覺得味道可以，想更濃味可以叫芝士粉後加，一個牛油果三文魚凱撒沙律，用的是煙三文魚，點沙律醬後更美味，下午茶時段正好可以舒舒服服不用逼人。結帳時有95折，因為現金付款?詳情請向店員查詢｡…查看更多

We Time Cafe光輝圍21號昌發樓地下6號舖平時收工時間。 葵興嘅餐廳都好靜，唯獨呢一間cafe午飯時間已經係排曬隊，晚餐嘅時間竟然都坐足89成。我望一望出面嘅餐牌，橫掂未食晚飯，於是就入咗去，好彩仲有一張枱（不過結果都要同人搭枱）。我自己一個叫咗一個豬鞍扒，配蘋果蓉。 好想試吓點解呢間餐廳咁吸引喺晚飯嘅時間，竟然可以坐到咁滿？ 當然，如果以呢一件優質豬扒嚟講， 價錢都尚算抵。 佢仲配有一個羅宋湯同埋一杯嘢飲。 我嗌咗薏米水， 都只係需要加兩蚊。豬扒唔係一般茶餐廳嘅豬扒， 厚身而有肉汁， 非常大塊。 配上蘋果蓉，非常合襯。 豬扒厚身嘅大大件隔離枱望見以為我仲食緊一嚿雞扒。埋單總共100蚊。 雖然係葵興呢個位置，但係佢嘅質素性價比算係相當高。…查看更多

一行5人在餐廳外等了差不多半小時, 女侍應才打開門告知我們要分開兩張檯, 服務態度差之餘, 還即時催促我們趕快決定是否要先坐兩位, 如果不要, 就讓給其他人坐! 難得約了朋友們食飯當然不想分檯食, 我們詢問5人檯需要等要多久, 她告知之後安排不到5人坐位, 那麼我們浪費了時間等了半小時, 餐廳為什麼不早些告知? 如餐廳提供不到位子給客人, 就不要任由客人在餐廳外面等, 對於餐廳的安排非常失望!! 無下次, 唔會再去此餐廳用餐, 都唔提議大家去幫襯! …查看更多

我哋一行5人去食lunch, 等左大半個鐘後, 女既服務員出嚟就話要分開兩張枱坐, 如果唔係就唔使諗, 唔會有得食。當我地正在商量考慮的時候, 呢位女服務員係咁話「點呀, 你地要唔要入，唔要我就放其他人入」, 語氣態度就好似係我地問題咁。我地覺得無奈氣忿嘅原因係, 因為我哋前面本身有6人等, 咁如果一開始知道我地5個人係無可以一齊坐既座位, 點解唔一早講話唔會有一齊坐既枱, 而唔係到我哋等左大半個鐘到先出聲, 仲要語氣態度好唔好。好差既體驗…查看更多

今次是我第一次評論⋯今日lunch time 去食，雖然本身要搶檯，但有位佢幫我轉番張一人檯覺得幾彈性，可以坐得舒服啲，我本身叫左個軟殼蟹意粉，之前去食都好快上菜，但唔知係未新年期間廚房唔夠人家轉左手，因lunch time 時間有限，加上等左大概20分鐘，後到的人叫焗飯都有了，因此追左第一次次，女待應話落單時間係比正常時間快15分鐘，我表示理解當30分第二次追單時我係睇左自己手錶表示我lunchtime 就快完要趕回公司，想說如果未完成我取消單到附近買其他野食算，佢表示可以幫取消，但意粉快完成只而2分鐘，我表示咁少時間我可以等，個女待應就發脾氣表示我要比時間佢地煮，佢地唔可以比唔熟野比我食，但我有表達我時間有限，要趕回公司，態度之惡劣令我不能接受，我最後要用10分鐘食左半碟意粉我比成$90蚊食個lunch,態度比茶餐廳都不如為何不算太忙，都可以發客脾氣，以前去過幾次食都從未有過咁的體驗，食物質素都不如以前，我不會再光顧奉勸如對一分錢一分貨，對基本服務有要求就不要去光顧，價錢貴，又無服務可言⋯食物又唔係特別好食…查看更多

今次第二次食啦！呢間午餐經常滿座，12:30開始就已經要等位。遲少少嚟起碼等成半個鐘至九個字。店內唔算多位，不過都容納到起碼七個人以上入座。不過佢喺呢區嚟講，需要咁早就排隊，已經反映質素簡直係超班，好值得等。feel到老闆用心製作、用心經營。上次試咗油封鴨腿黑松露燴，簡直係完美烹調處！今次試佢另一樣。// 生酮料理餐: 椰菜花仿炒飯配豬扒一開始覺得$68食菜炒蛋同豬扒好似唔係好抵，點知一上，係兩大塊豬扒，再加好多炒蛋椰菜花，仲有一大堆沙律菜，簡直係抵食又健康！最後我仲要食唔晒，打包咗一半走。第一次食嘢菜花炒蛋，唔知係佢份量多定點，但都好有飽腹感，佢都炒得好好食，有適當調味。豬扒都處理得十分好，厚身但肉嫩，高質！…查看更多

呢間午餐經常滿座，12:30開始就已經要等位。遲少少嚟起碼等成半個鐘至九個字。店內唔算多位，不過都容納到起碼七個人以上。不過佢喺呢區嚟講，需要咁早就排隊，已經反映質素簡直係超班，好值得等。feel到老闆用心製作、用心經營。// 油封鴨腿黑松露燴飯雖然呢個餐等咗起碼10分鐘，但佢即煎即焗油封鴨好正，皮脆肉嫩！完美烹調處理呢隻油封鴨！！！個黑松露燴飯又係煮得完美，唔會覺得好Creamy好漏，黑松露味都好夠香！不過佢份量嚟講偏大，多飯，適合男仔。…查看更多

呢間位於光輝圍既淘式茶餐廳/冰室啲野真係大件夾抵食，每次去食早餐都必點呢個大滿足扒餐，$46就可以食到雞扒/豬扒/吉列魚柳既set,牛扒就要加錢；配有沙律、煎蛋/炒蛋、茄汁豆、炸薯餅、丹麥多士，真係超超超抵食呀。為左對比埋全日早餐既分別，呢日專業叫埋黎做對比，大滿足全日早餐：煙三文魚、炸蘑菇、香草腸兩條、煙肉、薯餅、牛乳炒蛋、茄汁豆、沙律、窩夫 、生果乳酪（價錢：$98）當然兩個餐都好豐富同埋多元化，但全日早餐既性價比就無咁高，不過佢既窩夫同埋生果乳酪係好食既，咁我就寧願食大滿足再加$6轉窩夫啦🤩🤩食早餐又點少得飲番杯咖啡呢，呢度跟餐加$12就有杯鮮奶咖啡啦，真係勁勁勁抵呀🥳出面啲cafe 閒閒地都要30-40蚊一杯呀🙈We Time Cafe📍葵涌光輝圍21號昌發樓地下6號舖星期一至日：07:00 - 22:00…查看更多

我叫凍奶茶小冰， 但係佢畀咗成杯都係冰的凍奶茶给我， 我問佢，我叫奶茶係小冰喎，那個男侍應話我哋嘅小冰係咁㗎啦。 每個人嘅少冰定義唔一樣呀。 我哋餐廳係咁㗎啦， 嘩！真係態度其差。 以後都唔會再去。…查看更多

我等左一小時 只係一個burger 成個幾鐘 個人覺得真係好過份 本人本來都好體諒兩位樓面姐姐Burger黎到之後 薯條係辣既 餐牌都無寫到係辣既 以前食都唔係辣 問樓面姐姐 有無唔係辣既佢話 你唔要辣咩 你下次留意返呀 我話 我留意左啦 你餐牌無話辣架 我之前食都唔係辣仲講到好似我地好唔講道理咁 話要炸話份 好耐架喎 我等個burger 都等左個幾鐘啦仲串串共問 咁係要紫菜味 定 芝士味呀我唔係要求緊啲另外既野 係要求緊啲正常既野 我都等左超過一個鐘啦！ 仲串 咁未寫你囉！…查看更多

做嘢經過光輝圍，突然好肚餓，於是就幫襯咗 We Time Cafe，呢間係 cafe 裝修同食物，但價錢偏向茶餐廳水位，幾抵食，難怪要排長龍。叫咗個三重芝士鮮茄吉列豬扒焗珍珠飯，由於即叫即焗，所以都等咗一段時間，上枱時超熱辣辣。叫得做三重芝士，果然幾重手，𢳂一羹，勁拉絲，我最鍾意😋。芝士同茄汁味道都夠濃，送飯一流，至於吉列豬扒就正常水準，唔算好 juicy，但亦都唔會嚡到擦紙膠咁。包餐湯包茶，六十蚊，抵食啦。…查看更多