Wanna Eat

營業中

休息中

今日行過新蒲崗附近見到呢間餐廳裝修好文青，好日式feel.但原來係食中西式菜，價錢合理，所以入去試一試。起初以為受疫症影響，客人不多。但過左七點鐘好多客人，可見質素應該不錯。而且每座位都有隔板消毒液提供，亦提供放口罩既紙，相當細心。👍加了$20set:清新爽口既沙律菜同蕃茄蘿宋湯，非常之開胃😄小食：脆香炸雞翼🐣食落唔會話好油膩。雞翼炸到好香脆，不會好厚炸粉！雞翼都大隻，肉質非常之嫩滑再沾上蜜糖芥末醬，甜甜辣辣，好惹味開胃🙂 再配埋沙律🥗好清爽解膩。推薦：惹味 櫻花蝦雞樅菌炒粉絲🦐呢碟炒粉絲真係炒得好好味，夠乾身彈牙。落左櫻花蝦調味，炒到好香。仲落左蛋絲，雞肉粒同野菌，食落夠哂濃味！唔落辣椒都好惹味，如果加埋辣，一定更開胃！😄好喜歡！柚子雞定食，包含小食兩款：麻辣雲耳同蓮藕。唔會話好辣既麻辣小食，食落惹味醒胃。食完辣野，食啲甜甜酸酸既柚子雞中和一下，很夾。柚子雞香脆可口，送白飯一流👍都唔錯呀！另外可以半價加購飲品： 榛子牛奶朱古力🍫棒子味濃郁加上淡淡牛奶香味，唔會話好甜。幾好飲😋😋

跟女友經過新蒲崗，便選了這家試試她最愛的食物-明太子意粉，二話不說點了，還有蕃茄意大利飯及凱撒沙律。沙律中規中矩，蔬菜新鮮但沙律醬可以改進 略酸，明太子意粉偏淡可多加淡忌廉，最對胃口是意大利飯，但亦略咸。

「Do you wanna build a snow man? 」⛄️有位閏蜜寶寶細細個已經同我一齊玩，呢幾年大家都忙，有時都會約出嚟食飯，今次喺不明朗因素情況下都要一個月前約🤣藜麥煙三文魚沙律 $86清新嘅沙律份量都幾多，三文魚每人都分到2-3塊😌落咗醋開胃好多😳櫻花蝦雞樅菌炒粉絲 $82炒粉絲喺好幼細，有啲似中式嘅炒粉絲，菌類好香同埋幾惹味😆黑松露薯條 $48每條薯條都脹卜卜，放耐咗都唔易變腍👍🏻黑松露醬味道唔算太突出🤔是日蛋糕：抹茶紅豆蛋糕 $48🍵抹茶味濃‼️蛋糕入面嘅紅豆粒粒分明，有咬口，而拌碟用嘅紅豆略甜🥺富士山 $30呢個menu上無寫，要問店員先知今日有無😂飲品上枱時，店員話要快啲飲，遲少少會爆出嚟🤣影相時間時，愈嚟愈脹卜卜😳原來喺表面爆炸糖落咗去底部藍色梳打度會愈嚟愈脹😆又靚又好玩嘅飲品紫薯拿鐵 $18甜甜哋紫薯味濃郁☺️

Wanna Eat 係我新蒲崗區收藏名單的第一位， 始終新蒲崗區 老店就多， 傳統中菜但係雲吞麵雞蛋仔小食咩都有，但比文青chill 下 嘆杯咖啡食件cake嘅 小店真係冇。 橫掂住喺附近，約朋友喺舒適嘅餐廳食餐飯， 食件cake， 的確賞心樂事。 餐廳 環境唔算好大，但係用色柔和， 木系、淺灰色 再加上小小植物盆栽， 已經令到成個環境 同出面 有著好大嘅對比。 而餐牌都涵蓋中西， 有中或飯類，亦都有日式定食，另外仲有pastor同埋pizza， 當然唔少得角色小食同埋 咖啡飲品等等， 梗有一款啱心水。拔絲咕嚕肉定食 先叫咗一份中式套餐拔絲咕嚕肉定食， 定食套餐包括前菜麻辣雲耳同蓮藕， 雲耳帶點微辣但不過嗆 ， 蓮藕爽口勁開胃。 咕嚕肉即叫即炸 炸至金黃色，炸漿薄、肉質靚，肉粒入口還有肉汁，最重要係真係有拔絲效果，估唔到小店都有大牌檔必叫菜式，勁一流。 是日餐湯 另外定食加廿蚊可以跟是日餐湯，碗羅宋湯 都幾足料㗎。 海鮮蕃茄意大利飯 至於西式蕃方面叫咗一客海鮮蕃茄意大利飯，有香厚濃郁海鮮鮮味，risotto煮得剛好濕濕地，又唔會太水，幾creamy，飯入口更香而滑溜。 海鮮就

今次係第二次食Wanna Eat對上一次係weekend下午茶咁啱經過試左，食完先發現原來佢有冇打卡signature富士山特飲，所以一直想揾機會再試，但去過幾次即興都話fully booked。所以今次終於醒目，喺openrice book定位先去。yeah！今次食左：黄金雞柳 (超好味！黄金質感啱啱好，啲肉又唔老，有啲食黄金蝦嘅感覺！)想食。明太子意粉 (我本身就好鐘意食明太子，所以好味！再加5粒大大粒帶子，正！)櫻花蝦雞樅菌炒粉絲 (估唔到佢小小店，又文青feel咁，都咁有鑊氣喎！真係聽住廚房勁有鑊氣咁炒出黎架！)+$20 配餐湯 (今日係唔記得咩咩椰菜湯。清清地，唔錯。)+大部分飲品平價 (我地揀左blueberry soda) +signature富士山特飲 正價$30

剛好來到新蒲崗又到午飯時間，想起Wanna eat, 好今次試試它的午餐。套餐包沙律或湯，加主菜配餐飲。兩人都點了是日餐湯 - 甘筍湯，帶淡淡甘荀香。我的主菜點了柚子雞飯（少飯），酸酸甜甜帶陣陣柚子蜜香，旁邊配了黑醋沙律，挺有心思。餐飲點了咖啡，香濃。老公點了最愛的咖哩牛肋肉飯，大大份，足夠一個男士食量。老公評語咖哩汁味道濃郁，非常合胃口，牛肋肉就比較瘦，薯仔也炆得夠入味，不錯。餐飲他點了凍Latte, 保持水準

態度差👎🏻食物水準一般野飲都幾差下😑星期六下午茶時間都幾多人吓，要等位都好正常！但餐廳等位安排真係好差，無籌就咁同你講係第幾個，當時好清楚男店員同我講係第4個！之後［轉咗女店員負責叫位］～等咗成「半個鐘」，終於等到我哋！問題就出現啦！😡😡😡女店員話我哋無拎到位，店員同店員之間交接得唔清楚！佢叫我哋［重新拎位］！等咗成半個鐘叫我重新等，太過分啦掛🙄重點係女店員［態度極差］，實際對話有：女店員：「咁而家係咪要俾你哋入先啊？」女店員：「你唔行前我點探熱？」語氣極差！你哋安排得唔好，發脾氣喺客人身上真係好低質！終於順利入坐！叫咗千島海鮮薄餅$68味道正正常常啦，唔會話好食但又唔難食！蜜糖芥末雞翼$42有6隻份量都ok，係略嫌炸得有少少乾！醬汁味道都唔錯～飲品方面就唔係咁滿意啦～跟餐熱咖啡可以用難飲嚟形容！成杯係凍嘅 糖都溶唔到啊！一啲咖啡香都無，差過茶餐廳！baby pink soda （跟餐$22）係西柚梳打嚟，味道正正常常糖漿加梳打囉～但要加$22好似細杯左少少～奉勸大家如果要幫襯呢間餐廳嘅話，最好確認多幾次真係真係拎咗籌啊！同埋果位染髮半黑半灰嘅女店員態度真係欠佳，唔想受氣就少接觸為妙～

復活節長假期唔想去太遠食野，所以行咗15-20分鐘去新蒲崗食下午茶。我同老公叫咗2個餐share, 公司三文治比較一般，不過個沙律就幾好食，值得推介。餐飲叫咗Cappuccino同埋Flat White。Flat White奶味比較重，我都係鍾意Cappuccino多啲。下次再試下其他食物同飲品。

約左朋友係新蒲崗交收順便聚下舊,醒起有朋友之前介紹過Wanna eat西餐廳,係門口見到裝修好靚,menu中西款式甜品種類多元化,入到去環境光猛,座位闊落 柚子豆腐' 豆腐口感幼滑,豆味超香濃,完全唔起渣,再配合埋酸甜適中既柚子汁,味道非常夾, 係一款唔錯既開胃菜式! 黑松露薯條' 熱辣辣粗身既薯條已經非常出色,口感外脆內軟,再加上有黑松露同芝士係面,令味道層次增加,再配合埋黑松露醬一齊食,真係令人一試難忘! 千島海鮮pizza’ 薄餅厚度同size啱啱好,出爐時間準確,外皮唔硬非常香脆, 用新鮮茄粒同汁打底,再落左好多既芝士同千島醬係面,芝士味香濃,配合埋海鮮既配料,食落去味道豐富, 口感煙韌,絕對夠二人份量,非常滿足! 香蕉朱古力雪糕窩夫' 窩夫新鮮出爐,非常香脆,加埋cream,焦糖香蕉,朱古力雪糕,黑糖味啫喱, 味道一流唔單調, 食起上黎唔太甜膩,飯後必選! 荔枝冰茶' 清新既茶香味配合埋淡淡既荔枝果香,味道不太甜👍👍

星期日經過新蒲崗，就唸住揾下有咩好野食la. 經過wanna eat, 覺得個裝修都幾新淨企理，d座又闊落，一於就入去試下。餐廳入面燈光柔和，好適合談心菜單選擇都幾多，除左有西餐，仲有韓國菜，台灣菜，岩晒我呢d想試吾同野既人。行左成日好肚餓，所以嗌左一個意粉，兩個飯，同兩杯野飲。等左15分鐘左右就有得食啦，第一樣上場既係意粉明太子意粉，面質彈牙，d汁好香濃豚肉泡菜飯 泡菜辣度適中，酸酸地好開胃好期待既煙蠔煙肉意大利飯，冇令人失望，飯質軟硬適中，d汁好鮮味凍朱古力，紫薯牛奶，香滑濃郁最後埋單每位$190左右，總括黎講，全部野食都好滿意，而且餐廳既店員都好友善，下次一定再幫襯

今晚又到外面食晚飯想起之前和朋友吃過的這一間 — Wanna Eat環境舒適 食物選擇多元化 味道又不錯於是這晚便帶了男朋友再來試一試香辣雞翼雞翼新鮮炸起 非常酥脆熱辣辣 外脆雞肉汁鎖在裡面點上香辣汁 更惹味 好過癮伴有沙律菜 營養均衡想食 台式三杯雞定食有兩碟伴菜 麻辣木耳同黑醋蓮藕三杯雞採用雞柳 雞肉嫩滑 以洋蔥、蒜頭和香葉炒得好惹味一上菜已經好香 好吸引香芋雪糕窩夫香芋迷當然要點這這款窩夫 賣相十分吸引忌廉窩夫配上黑糖啫喱、芋頭粒和芋頭雪糕 再淋上了焦糖汁 香味濃濃同軟脆既窩夫十分夾 有驚喜

去了新蒲崗很多人覺得係老區，隨著鐵路開展，新開了不少餐廳，這次看到越秀廣場後面，開了一家新cafe，門面看來相當不錯，一於入內食個晚餐。想吃 台式三杯雞定食 ($88) Wanna Eat Taiwanese Style Three-cup Chicken W/ Rice (HKD88) 據說，三杯雞就是麻油一杯、米酒一杯、醬油一杯，想不到cafe內會有如此傳統菜式賣！整體味道很不錯，雞肉肉質既嫩滑又香口，炒得很好，也有雲耳和蓮藕；另外飯的質素也是上乘，估計是絲苗香米，吃過就知多好味。霹靂雞扒沙律及辣味薯角 ($138) Piri Piri Chicken w/ Salad and Potato Wedges (HKD138) 雞扒等了一段時間。新鮮煎起，香脆又有油香，雞排外層內嫩，而且份量吸引，大大份，正！另外有沙律和薯角。另外還有兩款飲品！Iced Caffe Latte ($40)Green Tea Latte ($36)兩款食品兩款飲品質素均好，而

💛支持醫護良心食店💛早前同同事黎咗新蒲崗一間黃店食lunch，呢間黃店入面有文宣，門面亦都貼咗支持醫護，並提供八折優惠給醫護人員。滑蛋厚切豚肉飯同事叫咗spaghetti，我就叫咗個滑蛋豚肉飯食。飯上面舖咗滿人滿人嘅豚肉，每一塊都好厚，目測應該有2cm🤣 另外仲有我最愛嘅炒滑蛋，仲有紫菜同仲唔到嘅蓮藕。成個飯食落口感豐富，肉汁鮮嫩好juicy，飯質都係我鍾意嘅，唔會太淋。另外，lunch仲跟一個嘢飲咖😜

去開新蒲崗買麵包, 順便食埋飯, 新蒲崗真係好多好野食, 今次呢間wanna eat既環境好舒適, 食物仲好高質!!我地叫左幾個main course同甜品share, 晚餐可以加錢要餐湯, 果日係蕃茄忌廉湯, 酸酸甜甜幾開胃~主菜叫左羊架, 燒雞排, 咕嚕肉羊架7成熟, 真係煮得岩岩好, 而且調味好好, 只係簡單用上鹽同胡椒, 內裡非常juicy, 呢個價錢有個質素同份量真係相當抵食!!!燒雞排又係超大塊, 辣辣地,, 幾惹味!薯條又係海量咁多, 真係share先得重點係我既甜品, 窩夫熱辣辣又脆, 好滿足呀!!

呢間係屋企附近，但晚餐都係第一次食🤣都幾唔錯又抵食。叫咗2個小食，一個係紅油抄手 ($35) 冇咩辣味，連唔食得辣既都可以叫黎食。餡料好新鮮，口感味道都唔錯。另一個黃金雞柳 ($55)超有驚喜，超濃郁既咸蛋黃味，炸到外脆內軟，食落一點都唔乾，好快就俾我地清哂😆叫咗個set餐同埋散叫一個意粉。拔絲咕嚕肉 ($92) 好有質素嘅一個小菜，每拎起一塊肉都可以拉住啲糖絲上黎，甜甜地個皮又炸得好薄好脆，好高質！雞肉檸檬青醬忌廉長通粉 ($88)青醬味道濃郁，意粉好有咬口，特別嘅係帶少少檸檬味，食落都唔會覺得漏～