Wake Up

營業中

休息中

最近同朋友去咗Wake Up餐廳食午餐，呢次體驗真係好難忘。餐廳喺鑽石山荷里活廣場，環境整潔典雅，靜靜地，好舒適，陽光曬落嚟好舒服，非常適合同朋友聚會。入到餐廳，座位間距適中，坐得好鬆動舒適，非常適合悠閒地食午餐/tea。整個環境都好整潔，典雅嘅裝潢令人覺得好高雅。我哋點咗幾道菜，包括香蒜蝦橄欖油炒扁意粉、燒澳洲肉眼扒配燒汁薯菜，同埋金沙薯條。另外，餐包同南瓜忌廉湯係跟餐送嘅，好貼心。餐包配上餐廳提供嘅牛油，香氣四溢，入口即化，好好食。- **餐包**：烘熱嘅餐包加上餐廳提供嘅牛油，好香好味。- **南瓜忌廉湯**：呢碗湯嘅口感好細膩，南瓜嘅味道同忌廉完美融合，飲落去好舒服。- **香蒜蝦橄欖油炒扁意粉**：呢道意粉嘅口感好特別，煙煙韌韌，蝦唔細隻，有蝦味，同蒜一齊炒，味道好豐富。雖然份量唔算太多，但係佢個意粉調味調得非常之恰當好處。- **燒澳洲肉眼扒配燒汁薯菜**：肉眼扒嘅質地好嫩，七成熟嘅火候控制得好好，帶有濃郁嘅牛味，燒汁嘅味道都好濃郁，配上薯菜，整體嘅搭配好合理。不得不提嘅係佢個汁落去啱啱好。- **金沙薯條**：呢個金沙薯條其實係用咸蛋黃製成嘅，入口鹹香惹味，香氣飽滿撲鼻，

星期日，約咗好姐妹行商場！去到餐廳門口已經排哂隊！Ok, 無問題，唔肚餓，行陣商場差唔多啩！好半小時後可以入座！嗱嗱林即叫兩位午餐醫吓肚先😅午餐：香蒜鮮蝦橄欖油炒扁意粉Wake up all day breakfast 食物求求其其，賣相一般！熱檸水冰檸茶餐飲

同老公去鑽石山探朋友，之後去荷里活廣場行下，晚餐時間去咗WAKE UP食晚餐，餐廳是一間西餐廳，裝潢清新時尚，燈光柔和，一排芒草佈置更為突出。日本黑毛豬鞍架伴蘋果醬配薯菜：黑毛豬鞍架肉質較鬆化，肉味也較濃，口感味道遠勝一般豬扒，加上味道甜甜酸酸又充滿香料香氣的蘋果醬，味道更有層次，薯條香脆可口。追加-新鮮法國生蠔兩隻：生蠔的味道層次豐富，入口不獨有海水鮮味，更能嚐到甜味。經典美式雜扒：材料豐富，除咗有豬扒、雞扒、香腸、火腿，更有羊架，好少餐廳嘅雜扒會有，羊架高質，肉質鮮嫩，配黑椒汁好惹味，配茄汁意粉，飽肚又美味！餐湯係南瓜湯，味道香甜，口感creamy。餐包煙靭有口感。咖啡夠香濃，口感順滑。檸檬茶色呈透徹琥珀色，茶味、檸檬香、 酸甜味兼備！

今日收工同朋友係鑽石山行街，見到有間餐廳個名好特別-「Wake Up」，一望下menu原來係食西餐，所以就同朋友決定試下😙我地order左👇鐵板燒日本黑毛豬鞍配牛肝菌拼蕃茄意粉 $188黑毛豬肥瘦均勻，肉質嫩滑，又唔會過熟，配埋酸酸甜甜嘅蕃茄意粉，幾好食🍅🍝推薦指數：8.5/10香煎羊架（3支骨）配牛肝菌汁黑松露燴飯$198羊架煎得岩岩好，重有小小脆邊添，厚得黎唔乾，切開仲好嫩🤩🤩，食落唔會好重羊騷味，唔點汁都覺得好食，燴飯好香黑松露味，配埋一齊真係好夾。❤️❤️推薦指數：9.5/10焦糖香蕉朱古力窩夫伴雪糕 追加價$48食到最尾一定要加返個甜品食😳見到佢有得追加窩夫就order左啦🤣🤣窩夫外脆內軟，焦糖香蕉又唔會好甜，配埋一齊好味道🩷推薦指數：9/10另外見到menu宜家做緊優惠，就加咗8蚊嘅薯條任食，因為我哋有2個人所以一加就要計2個人，估唔到份量超級多，薯條夠熱夠脆唔算太油，幾好食，感覺就算唔添都好抵食🍟優惠期去到3月9號咋～～大家快d去試下😳跟餐仲有麵包、湯同飲品，我哋就簡咗凍果茶，而湯方面係南瓜湯，但之後賣曬另外果個湯就轉咗黑松露忌廉湯，南瓜湯飲落好creamy好有南瓜味，忌廉湯

話說呢日中午，肚餓得嚟又有啲期待，因為同朋友約咗喺鑽石山荷里活廣場一間餐廳食 lunch。呢間餐廳位於地鐵站出口嘅荷里活廣場，位置真係方便到爆，一出站行幾步就到，無論係返工一族定係同朋友聚會都好啱。餐廳環境光猛企理，坐位寬敞，雖然係商場內，但氣氛唔會太嘈，坐低一刻即刻有種舒服嘅感覺。服務員態度親切，招呼周到，menu 選擇豐富到令人有啲眼花繚亂。最後我哋決定試咗兩個午餐套餐，再加個小食，結果真係令人滿意！我點咗嘅係「秘製烤無激素春雞（半隻）配蕃茄雜菜意粉」。一上枱，香氣撲鼻，春雞皮烤得金黃香脆，咬落去肉質嫩滑多汁，完全唔乾柴。用咗無激素雞，食落健康又放心。秘製醬汁味道濃郁但唔會過膩，帶點香草同微微甜味，完美襯托雞肉嘅鮮味。配菜嘅蕃茄雜菜意粉同樣出色，意粉煮得彈牙有嚼勁，蕃茄醬汁酸甜開胃，雜菜如紅椒、洋蔥同西蘭花新鮮爽脆，增添咗層次感。呢個組合真係令人滿足，吃完仲有啲回味無窮。朋友揀咗雙重芝士焗肉醬扁意粉。呢道菜嘅亮點在於其完美嘅芝士同肉醬比例。雙重芝士嘅使用令整道菜唔會過於膩口，反而增添咗層次感。芝士嘅份量啱啱好唔會太多，亦唔會太少每一啖都芝士濃肉嘅口感。意粉煮得恰到好處，口感爽口彈牙

8層和牛芝士漢堡 配三色薯條（吉列茄子、白菌、洋蔥、番茄、雙層牛、芝士）經典鐵板燒Pan-Seared Lamb Rack (3 bones)餐前的暖暖餐包也相當可口，外脆內軟，沾上黃油後更加美味。叫套餐配埋野飲同湯。餐前配上暖暖的餐包。漢堡的層次非常豐富，裡面有吉列茄子、白菌、洋蔥、番茄，雙層牛肉和芝士。而薯條的搭配更是增添了口感的變化，吉列茄子的酥脆、白菌的香氣和洋蔥的甜味相得益彰。至於香煎羊架，三支骨的份量剛好，肉質鮮嫩，外焦內嫩，搭配適度的調味，令人一試成主顧。套餐中還包括了蔬菜瓜類，套餐加了義大利麵。麵的硬度和味道剛剛好為整個餐點增添了不少風味！甜品方面，我們點了菠蘿雪葩，使用了半個菠蘿裝盛，外觀獨特，口感清新，正好為這頓豐盛的晚餐畫上完美的句號😄。同朋友share 食岩岩好！

朋友用$100成為餐廳會員，佢話有唔少會員優惠，包括升級咖啡，所以㨂咗嚟呢度食早餐。約1000入座，餐廳未爆，但食客都多。早餐的價格比茶記略高，但的確坐得舒服啲。水波蛋蘑菇鬆餅+火腿湯通粉：賣相一般，雖然整整齊齊，但冇乜擺盤，只係將幾樣食物放喺碟上，冇配菜；蘑菇炒得幾香口，估唔到係水波蛋得1隻，而英式鬆餅亦只有半份，粟米就1-2湯匙。呢個早餐好似$60，份量偏少。通粉有肉，所以我俾咗朋友食，如果唔係嚟之前食咗嘢打底，真係唔夠飽。整體食物味不過不失。由於朋友係會員，同檯客人點咖啡有得受惠，可升級為Wake up coffee（正常要+$10），不過我唔係好知分別係點，咖啡的味道還好，只嫌送嚟時已加咗奶，同茶記一樣，奶唔係另上，亦唔肯定係咪落鮮奶~~同行朋友點咗雞扒餐同魚柳餐，雞扒同魚柳唔算好大件，多士幾好，係厚多士，但只有半塊。早餐性價比一般，餐廳勝在位置優越，環境舒適，如果有時間坐低慢慢嘆，考慮到佢只係比茶記、大家樂貴~$20，都值得既，速食就唔需要揀呢度喇~

成日喺鑽石山行過都見到呢間餐廳，今日終於入咗去試。🙏🏼 以下我會跟餸菜嚟到嘅先後次序，分享些少我品嚐的心得：第一碟上菜係薯條，薯條即炸新鮮，食得出係真用薯仔做的🥔外脆內軟！南瓜湯好味，是南瓜打到很creamy 的味道，味道適中，忌廉不會太濃味，足料。第二碟到的是意粉，意粉第一啖比較乾，之後發現原來啲油喺底，撈完之後成碗意粉嘅味道提升咗，先味好多。每一碟上面都有趣波波嘅蒜片，後期發現每啖意粉都加一粒蒜先會最突顯嗰種先蟹肉味，建議大家咁樣食！😻🫶🏻之後就是想從頭戲，他們的招牌鐵板燒，我們叫了個多拼的，因為想試吓不同肉的味道。餐包有驚喜，食落去唔係硬過嗰啲，係軟身有麥味的，燒肉方面，整體來說燒肉都比較乾身，有肉味但是裏面的汁不是太多，不過CP值來說，一個套餐這個價錢有+$8薯條任食、餐飲及錢財還是可以的。最後加了$48上了個窩夫甜品，是即做的外表幾好水果也新鮮只是窩夫皮稍為厚了一些。以上係個人少少評價，少少食物的美中不足。整體來說，這個價錢吃到這樣的套餐+環境，也不錯，推介朋友及家人聚會的好餐廳。

行商場時被呢間芒草吸引了,好文青feel就去左食晚餐了。叫左碗龍蝦湯,濃濃既龍蝦味,仲有一絲絲龍蝦肉。沙律就叫左個西班牙火腿配蜜瓜,甜味既蜜瓜配鹹味既生火腿,呢個組合真係無得輸。好出色!主食就叫左北海道帶子龍蝦汁燴飯,飯吸收左飽滿既龍蝦汁,好開胃,而帶子有成3大隻,煮到外焦內嫩,裡面晶瑩剔透。甜品叫左個波羅sorbet,有椰子同波羅既清香甜味,個波羅仲係空運過黎既呢!飲品就叫左芒果熱情果yogurt,甜甜地但唔係死甜,好開胃呢!另外,店員有禮成日叫我慢用。

用openrice訂了位，準時抵達告知是openrice訂位，進食途中被問會否加單，因確定訂位要標明消費金額，這還是第一次訂位會遇到這笑話！後來在進食甜品時收到通知因缺席，訂位獎賞會取消……我消費6xx是假的？店舖可以把我的訂位獎賞給反而沒出席的人？為什麼不叫缺席的人幫我結帳？openrice和店舖是否要給我一個答案？

今日在鑽石山荷里活廣場行街商場大部份餐廳應該都是連鎖但竟然都俾我發現到呢間有驚喜既西餐廳餐廳環境相當舒服一半在店內 一半在半開放的商場位置空間感十足 晚餐有十數款SET DINNER款式選擇都算多餐湯係洋蔥湯 洋蔥炒到軟淋淋再煲湯底甜味好出而口感濃郁配埋牛油+圓麵包一齊食準備開餐 //水牛雞翼(4隻) $32//我地另外加了一個水牛雞翼小食雞翼外皮炸得好香脆內裡肉質嫩滑 仍然保存肉汁水牛雞翼最緊要係醬汁呢個汁做得相當不錯酸酸辣辣口感真係非常開胃 //輕煎刺身級帶子鮮蝦蛋黃忌廉汁手工意粉 $168//主菜係在餐牌入面見到又刺身級又手工意粉所以選擇了果然係刺身級的帶子超大隻口感爽彈 煎得外香內嫩另外蝦仁都好大隻爽口彈牙最正係個手工意粉口感煙韌之餘重蛋香最重點係意粉超掛汁每一條都沾滿蛋黃忌廉汁每一口都好滋味滿足 //燒日本黑毛豬鞍 $188//厚切豬鞍真係好厚切落去的第一秒真心驚喜肉質嫩滑一切到底豬鞍能夠做到呢個質地已經相當不俗而且表層仲烤到焦香味好出係會令人食過番尋味的感覺 //朱古力咖啡 (+$18)//口感不錯 咖啡豆的香中和了朱古力的甜飲完都不會感覺太甜是一種舒服的感覺

食材：非常一般，感覺很廉價低級。味道：上菜時食物已經變涼，廚師餐湯很像用即食沖劑，點了一份澳洲和牛肉眼扒，口感肉質差勁，沒有牛味，沒有肉汁，多筋，又乾又韌。基本上有一半都咬不到。豬肉乾比它還juicy。還有一份鮮蝦帶子蛋黃汁忌廉汁手工意粉，淡而無味，意粉太乾，醬汁少，上菜時已經凝固。水牛雞翼隨便林想燒烤醬汁敷衍了事。價錢：貴，性價比極低。 500蚊買難受。太難食了，以後一定不會再來，非常不推薦，訂座前請三思。

係荷理活廣場行街, 睇下附返有咩好食, 最後揀左呢間西餐廳😋餐廳環境相當舒服, 佢座位有一部分係商場入面, 空間感十足👍🏻食物方面, 都有十幾款SET DINNER, 款式選擇都好多, 另外我見隔離枱個鐵板餐牛扒好吸引, 我又跟住叫左🤗經典鐵板,美國安格斯肉眼扒配牛肝菌汁同鮮茄意粉：呢個經典鐵板真係非常好味！安格斯肉眼扒煎得啱啱好，有少少焦香味, 入面既肉仲好粉嫩，牛肝菌汁嘅香氣濃郁，令牛扒更加分。仲可以配埋鮮茄意粉，酸甜嘅茄汁同意粉嘅彈牙口感，真係好豐富😍安格斯燒烤汁和牛漢堡配薯條：和牛做既漢堡肉質鮮嫩，加上燒烤汁嘅香甜味，配合得好好, 佢個漢堡麵包都係脆身既, 相當有誠意!薯條炸得香脆，外脆內軟，配埋漢堡食真係好正🥰

喺鑽石山荷里活廣場嘅 Wake Up 食咗一餐，真係要讚一讚！呢度嘅環境好舒服，燈光柔和，加埋靚靚嘅裝修，係一個慢慢享受餐點嘅好地方。餐湯係洋蔥湯，湯底濃郁，洋蔥炒到香甜又有層次，配埋暖粒粒嘅圓麵包，簡單而令人滿足。開餐前我哋揀咗水牛雞翼，上枱嗰陣啲香辣味即刻撲鼻。雞翼外層炸得好香脆，醬汁酸酸辣辣，辣得嚟又唔會太刺激，真係非常開胃，食完都想再加單！我點咗鹽煎比目魚伴大蝦香草忌廉汁配薯菜，魚煎得香脆，肉質嫩滑，配埋香草忌廉汁啱啱好，大蝦新鮮又彈牙，加上薯仔同蔬菜真係完美嘅搭配。朋友嗌咗日本黑毛豬鞍架伴蘋果醬配薯菜，豬肉嫩滑而且脂香唔會太重，蘋果醬帶酸甜味，非常解膩，兩道主菜都係高質！甜品揀咗焦糖香蕉朱古力窩夫伴雪糕，窩夫外脆內軟，焦糖香蕉甜度適中，配埋濃郁朱古力醬同香滑雪糕，簡直係甜品迷嘅天堂！飲品試咗招牌Wake Up Coffee，一杯凍一杯熱。熱咖啡香氣十足，入口順滑又唔會太濃，凍咖啡則啱啱好，仲帶有少少清香，真係滿足唔同口味需求。呢餐無論小食、主菜、甜品定飲品都係高水準，價錢算係中等，但質素完全值返票價。下次一定再嚟試其他菜式！

鑽石山荷里活開咗間新餐廳「Wake Up」 ….有Tea set但看見餐牌有鐵板肉眼牛扒，所以就決定今餐食好啲😝😂😂餐湯粟米南瓜忌廉湯，口感滑順👍經典鐵板餐美國安格斯肉眼扒（10oz)，安格斯肉眼扒肉汁豐富不錯，配菜也很豐富有沙律菜同埋黃瓜西蘭花等！意粉是茄汁意粉味道OK值得一讚就係個秘製地獄黑椒汁好好味😚😚松露蘭王蛋芝士和牛漢堡, 漢堡的肉質相當豐滿, 松露醬汁好香濃配埋芝士好好味！薯條外脆內軟！