URBAN Café Commune (屯門市廣場) (已結業)

呢度唔使點排隊, 就入左去試。叫左個烤雞, 另配龍蝦湯同DRINKS龍蝦湯: 幾濃, 5錯烤雞: 等左都幾耐下, 都有1/3隻雞, 雞脾位唔錯, 其他位都正常, 佢話係辣GE, 但只係表面有D 黑椒, 基本上係唔辣, 面頭茶左D 香草一齊烤,幾香。 佢個醬就有少少辣, 點來食幾好。BTW, 友人話D薯條唔夠熱, 只是微溫。DRINKS叫左桃茶, 好香桃味, 微甜, 唔錯。

其實已經黎過好多，次次都覺得呢間餐廳d服務員成日都態度好差，叫極都唔應，儀容又好唔掂。但見佢最近換左新meun就決定再去一試。點左個咖喱三文魚risotto，一個bugger同all day breakfast。個三文魚risotto嘅三文魚扒煎得啱啱好，risotto亦煮得好好味。bugger同all day breakfast 都整得幾正常。今次去發覺佢嘅服務都好似有改善

這一餐...是唔好食的一餐。我同朋友都點左一個牛肉漢堡，加$25可以連湯及飲品。今晚湯飲是龍蝦湯，個湯係好好飲，亦係全晚最好食的，濃濃的龍蝦湯配上幾舊小小的龍蝦肉，彈牙有口感，令我更期待之後的漢堡。之後上的是熱桃茶，茶包散及陣陣香濃桃味，幾好飲。到主菜係牛堡賣相100分，但味道唔得。牛肉唔juicy,但最接受唔到係塊牛勁「蘇」，我同朋友都只係食左半塊牛就冇再食，太「蘇」，可能係我唔太識欣賞。芝士好大塊，但個芝士味唔濃郁，其實我食唔到有芝士味，只係食到好滯的感覺，最juicy的係塊蕃茄。另外薯條好明顯唔係新鮮炸完出黎，擺左好耐先上碟，所以唔脆口，不過抵讚位係薯條都有好多。整體黎講係失望，因為我覺得麥當當好食過佢，但價錢加埋一套餐計都要$168一位，而且亦唔好食，所以冇下次。呢間野入座計90分鐘，但最後都全超過左90分鐘，原因係冇咩人等位，在周末的食飯時段都不用等位，好處係可以坐耐d,唔好處係要接受這裡食物質素一般，或者下次試意粉可能會好一點。

今日和家人到屯門市買東西，又不想吃outback, 便試了這間餐廳，點了3小時慢煮烤雞和Supered boner breakfast，點餐後等了10餘分鐘便上菜👌🏻慢煮烤雞：烤雞不論肉質還是味道都是相當令人失望的👎🏻肉質粗糙、煮得很乾、更吃不出有任何調味；由於煮得太難吃的關係，我便讓侍應換餐，可惜新換的烤雞並非新煮，只是將已烤好的雞，再加熱👎🏻 反而跟餐的沙律，調味恰到好處；薯條係鮮炸的，熱辣辣，內有足夠的薯肉，相當好吃👍🏻Supered Homer breakfast:炒蛋：不算綿滑 但亦炒得不老炒蘑菇：調味恰到好處煎蕃茄：不過不失牛角包：不夠脆口腸仔&煙肉：煮得恰到好處，反正都是交來的貨🤷🏻‍♀️

最愛的人話生日要去食西餐，本想去個間要等位，見到對面有間未去過既西餐廳,基於大定都肚餓，見唔使等就入左去，叫左3樣野食，加錢轉套餐，有碗龍蝦湯同飲品，龍蝦湯都幾好飲，有幾舊蝦肉仔，主餐有溫泉蛋卡邦尼意粉，份量算多，不過偏鹹，要改善，第二樣炸魚薯條，炸得夠脆，兩件魚柳好大份，不過味道淡，要加醬食，第三樣係芝士牛肉漢堡，最驚喜算係個漢堡，個包好香，外面有d脆，入面都算軟，牛肉夠味，係未算十分juicy,但可以接受，最鍾意d薯條，夠粗身，脆得黎入唔硬，如果下次想食西餐，都會再去食。

吃過數次Urban的牛角酥都覺得非常出色，這次就來試試它的午餐。這個煎三文魚黃咖哩意大利飯來到的時候香氣四溢，是滿滿的咖哩和三文魚香味啊！ 三文魚煎的金黃，肉質保持著嫩滑鮮味。 而意大利飯是濃稠稠的質感，濕潤又煙韌。重點是每一口都是非常濃烈的咖哩味，惹味十足！想不到Urban的芝士牛肉漢堡都如此高水準呢！半溶的芝士加上超級厚身又juicy的牛肉漢堡，是個極致的配合啊！ 男友說連漢堡內裡夾著的蕃茄也是微煎過熱辣辣的，覺得特別有誠意。而伴菜的薯條也是剛剛新鮮炸好，香脆可口又充滿薯味！

Ambiance was decent and not too loud. The service by the waiter was average, but the food was served at a speed faster than expected.The menu was confusing as the item names were not arranged in a coherent order with the food illustration.We ordered two items, one was the seafood risotto and the other was 1/2 roasted chicken. Seafood risotto: the portion of the risotto was suitable for sharing, the taste had a creamy rich tomato favour, which made the meal more appetising. It came with mussel, s

喺屯門 town plaza 等朋友，所以入去坐陣，飲杯茶，食件 cake.叫咗個士多啤梨蛋糕賣相不錯有支針管比你打 d 士多啤梨醬入去。蛋糕食落 d cream 算滑。士多啤梨味主要黎自個醬不過海綿蛋糕就比較硬，唔夠鬆軟。對於士多啤梨愛好煮既我黎講，不能滿足到我了。

在屯門市中心下午茶 到了Urban cafe commune teatea😙除咗下午茶餐外餐廳仲有唔少散叫食物可以order ga!我地叫咗三樣嘢食兩個人share叫咗一個龍蝦仔咖哩牛角三文治($52)牛角包鬆脆， 中間夾咖哩龍蝦仔 , 十分滋味仲有strawberry cake($38)係流心的士多啤梨蛋糕, 十分特別最後再加一個芝士薯條($45)薯條炸得脆卜卜加上滋味的芝士， 令人吃不停口。最後連加一，總共148元， 也算是不錯的下午茶選擇。

情人節當晚同3個朋友去食飯，原本去德國餐廳既，不過勁早full house就轉黎排呢間，輪到差唔多先知只可以叫2人set，每人盛惠260(未加一)，都預左過節被人劏就照入去一開始侍應問得90分鐘，同埋細枱比我地坐有無所謂，肚餓加上企得耐就諗住算啦照食，點知入到去叫完2set野食之後，上菜有幾快就有幾快。上完個沙律未食到一半就上湯同野飲，張枱都夠位擺無問題，問題係第一碟都未食完就上兩碟意粉，個waiter都見到張圓枱無乜位放，但都係叫我地移少少位照放… 我地唔係介意迫，但正常人無食得咁快，清唔曬d食物，張枱又邊夠位放= =…想我地即食完即走咁既諗法完全表露無遺！食多陣見到有大枱吉左就問下有無得調位，真係怕左咁快既上菜速度，勁驚牛扒會好快又上，帶位個個都幾好，肯帶去新既大位先鬆動少少，但係一換位，真係就上左牛扒…有無咁趕阿…overall侍應既態度真係麻麻，明白節日個陣多人會忙好多，有少少情緒都在所難免，但係我地又唔係提出d咩無理要求，只係有禮貌咁問下有無水同碟d基本問題就已經黑口黑面，仲要係被我地望到一行開就口郁郁…d服務真係唔值個加一。叫左兩set既甜品，上菜只上1set，補返1set

平時都想試下呢間，見個晚無乜人就入左黎食，不過坐得先知意粉無哂，見隔離枱隻雞又幾大隻，所以叫左隻黎食。黎到賣相算係咁，面頭有好多黑椒同香草，不過食落有d失望。唔係好入味，亦有d乾，相反薯條又幾好食，新鮮現炸，熱辣辣，香口。下次都係想試返意粉多d！

星期六不想出城就決定同友人係屯市HEA下醫完心靈上既購物慾就要醫下肚友人話呢度D野幾好食就決定試下係呢到DINNER龍蝦餐湯平時餐湯唔係羅宋湯就係蘑菇湯估唔到有龍蝦湯跟機咁高汁以前有飲過好低質既龍蝦餐湯好重胡椒味又冇鮮味好難飲但呢度既龍蝦湯好鮮甜仲可以食到龍蝦肉 幾好飲法國雞肉沙律見到個份量都嘩咗聲 都幾大碗如果一個人食完應該都夠一日蔬果攝取量沙律菜好新鮮 雞肉量都唔少最欣賞係麵包粒 係用焗脆咗既牛角包粒真係好香好食 海鮮意大利燉飯友人上次食完意粉話伏今次不如試下RISOTTO 龍蝦汁鮮味十足 RISOTTO個口感外軟內韌 啱啱好海鮮都唔腥 尤其係虎蝦大隻又彈牙結果係無伏唔錯凍桃茶茶底係紅茶 桃味自然冇怪味ON DIET緊就叫咗少甜 所以唔會好甜幾好飲果然友人冇介紹錯仲以為係連鎖食肆都應該係麻麻地冇諗過呢間美心旗下既西餐廳做得幾好價錢上唔算話平 但份量黎講都合理想食西餐可以一試

利申唔係打手，不過再評原因係覺得要推薦個牛角包真心好食！同埋想分享個人覺得隻雞麻麻地🙈琴日補祝朋友生日，再去一次依間餐廳，同上一次去比多左好多人，應該因為琴日係星期五所以多人ｄ，不過仍然未到需要book位既狀態。同上次一樣仍然點左全日早餐，同上一次對比，牛角包無失水準，仍舊出色！咬落去唔油，又唔會太腍，有ｄ咬口，個皮唔係蘇，不過脆脆地，建議經過都可以幫一個試下！真心正！然後叫左半隻雞，嗯…賣相唔係太吸引，而香草味夠，不過係唔鍾意佢個肉身，唔係唔鍾意既，無咩特色囉，食到入面有ｄ似白烚雞胸，不過勝在唔un，但下次唔會再食雞。包湯包野餐，兩個人食每人$175，個人覺得依度食物ok正常，同勝在夠舒服同唔駛等位。同埋見到隔離枱兩個家庭帶住兩個bb一齊食，唔趕時間地方又闊落，有小朋友又想同朋友傾下計，依度係個不錯之選！

就到聖誕購物慾好强， 就趁聖誕前嘅星期日同老公行下屯門市廣場睇下有冇聖誕禮物買啦！行完找地方食晚飯，由於星期日嘅屯門市廣場係非常多人，間間餐廳都大排長龍，見呢間唔人多，又食開都穩陣。 等了唔到十分鐘就入得啦， 入到去坐低了坐下了一張四人圓枱都幾闊落。 我們叫了兩個set， 一個漢堡包set， 另外一個牛扒配青醬set， 另外再加了一個牛角包， 餐飲叫了果茶， 餐湯係龍蝦湯。 呢個 牛扒餐係第一次叫， 牛扒很嫩滑， 而且所配嘅青醬好好味， 非常配襯，正！

早幾日臨收工前即興約的飯局，即興的在屯門吃，，，，，，，，友人隨機的一句:不如就呢間啦!!! 我說好呀，就入左呢間餐廳食，以前在旺角新世紀食過lunch，都叫做ok，可以試下呢間分店。是夜我地叫左幾個菜，賣相，，幾好幾好，，味道，，還可以，當中的意大利飯我地一致覺得最好味，三個人三個主菜，我地飽到食唔曬，食剩左少少燒雞，(大家唔好學，咪做大嘥仔)好想試下d蛋糕，，，，太飽唯有等下次，食飽行街街