URBAN Cafe (駱駝漆大廈第一座)

營業中

休息中

超治癒拜會貓主子午餐午餐walk in 試左觀塘工廈呢間貓cafe, 第一次去呢類型餐廳，去到原來要先著鞋套（有部機！）同消毒雙手先可以入去好衞生. 一個時段可以坐2 小時， 每個成人要最少叫一個餐，小朋友就可以叫一杯飲品/ 甜品. 價錢幾合理由七八十蚊至一百頭不等，午餐有十一個選擇有肉類意粉等，仲包左餐湯牛油多士條同飲品，試左兩個味道都不錯. 兩大一小三百有找，又有貓玩，真心抵到爛. #煙三文魚班尼迪酸種包伴黑松露忌廉上碟忍唔住先食伴碟薯條，香脆味道不錯. 水波蛋入口一咬香濃蛋汁溢出配上煙三文魚及脆脆麵包味道清新好適合夏日冇乜胃口食heavy 主食. 有埋沙律菜，又魚又蛋營養十足，啱曬女士. #明太子玉子蛋卡邦尼扁意粉明太子醬汁濃郁帶咸香份量不少，玉子都滑身蛋味足，意粉軟硬度剛好配上creamy 卡邦尼汁同香口煙肉好好的配搭. #日式忌廉蛋糕配雪糕埋相精緻，細細件卷蛋配上棉花糖及雪糕忌廉等，好滿足！臨走前隔離枱開左罐罐引左一堆主子過嚟場面勁墟冚! 暑假關係不少小朋友歡笑聲始起彼樂，的確令人忘卻煩憂.

上幾次都過嚟食晚餐 今次過嚟食lunch Menu 都唔一樣 上到嚟一如以往咁乾淨 叫咗兩個set 配drink 抵d甜品就另外叫 $300左右兩個人食飽飽之餘又可以玩meow meow 2小時 鍾意飲朱古力 因為唔太甜又好味 但係朱古力都有幾款唔同嘅選擇我就叫咗 400次朱古力 & Oreo脆脆特濃朱古力 今次嘅餐湯係南瓜湯 有好香嘅蒜味質感比較液態 仲有一絲絲南瓜嘅口感 Lunch set 🤍L6. 明太子玉子蛋卡邦尼扁意粉, 餐湯 + 牛油多士條 (跟餐) + drink 🤍400次朱古力 (凍) $113 有雪糕嘅質感 上下分層 攪勻佢哋有口感好幼滑 🤍L10. 香草豬扒伴蘋果醬(闊條麵), 餐湯 + 牛油多士條 (跟餐) + drink 🤍Oreo脆脆特濃朱古力 (凍) $119 Dessert : 🤍D10. 法式焦糖燉蛋 $58

話明係貓貓cafe，當然最重要嘅就係貓貓，呢間係朋友介紹嘅，所以都好放心，值得一讚嘅係環境好乾淨、衛生，員工都好愛錫貓貓，對佢地好好。當食客食完，員工都好快黎執枱，人手充足，經常見到員工係到清潔同執整，整體感覺良好！呢到貓貓種類都多，隻隻都肥肥白白，好健康，毛毛好順滑，相信一定係被悉心照顧得好好，大部分貓貓都訓緊覺，成個環境有一種慵懶嘅感覺，又好靜，搞到自己都有啲眼訓😂所有貓貓都好乖好純，比客人任摸咁濟😍而食物方面，有得散叫或叫套餐，我地今次就3人行，然後叫左4人餐，由於食物份量唔多，最後啱啱好食晒。食物味道都ok，係好味嘅，做到出面cafe嘅質素，所以大家可以放心叫。最驚喜嘅係雞胸同豬肋骨，雞胸好林好Juicy ，豬肋骨好林好入味，推薦推薦！整體非常滿意，感覺良好，推薦愛貓人士黎玩貓順便食下野，值得留意嘅係用餐時間係90分鐘，每人至少消費$100（好似係）

阿仔舅父舅母一直有養貓，佢成日去玩，對貓貓都好有感情。自從去年貓貓過身，佢就傷心左陣，佢有話想養貓，不過細妹敏感，唯有食次帶佢嚟貓Cafe等佢開心下！趁暑假平日tea time帶佢嚟，唔算多人。呢間貓Cafe,有好多款貓，阿僕一完全心心眼，可以近距離玩貓，佢好開心，我都好開心食個tea 🤣煙三文魚凱撒沙律 呢個沙律🥗好清新，伴碟又靚。我好少見凱撒沙律伴碟係菠蘿同蕃茄，酸酸甜甜，原來好夾好開胃。凱撒沙律配上麵包糠，口感一流。煙三文魚忌廉芝士牛角包😆伴碟沙律配上日式胡麻沙律醬，沙律醬唔少，食落好好味。牛角包重熱的，配上煙三文魚同忌廉芝士，再以青瓜中和芝士的膩，不錯！

之前都去過幾次貓 cafe ，但環境咁大咁多貓貓🐱都比較少見🤣今次去嘅貓 cafe 位置係觀塘工廈，門口有2部鞋套機提供，消毒雙手就可以，真係好注重貓貓健康🙌🏻 裝修光亮感覺好舒服，裏面有好多可愛貓貓😻全部都好cute cute ，好多都唔驚人😽貓貓餐廳自由穿梭，有啲仲企係你張枱望住你，食物飲品方面都有唔少選擇😎🤌🏻煙三文魚牛油果酸忌廉墨西哥餅呢個墨西哥餅幾煙靭好食，唔會太硬太乾，夾住煙三文魚、牛油果🥑口感唔錯，份量唔算大份不過好好食🤣幾適合做前菜🤌🏻煙三文魚千島薄餅Pizza加入大量芝士、煙三文魚，三文魚鹹香柔軟同芝士好惹味，批底算鬆軟，係預期中嘅味道，加埋千島醬真喺幾好食喎😋🤌🏻安格斯牛肉手工漢堡配脆薯漢堡入面好足料，加上厚厚嘅安格斯牛肉配埋芝士、蕃茄、黑松露汁無得頂🤣😎🤌🏻濃厚芝士肉醬千層麵千層麵份量夠晒大，新鮮熱辣，餐廳將蕃茄醬、肉碎、芝士撈埋一齊食，蕃茄醬酸酸甜甜而且味道係天然味道，肉醬量亦好多😛麵皮柔軟，滿滿醬汁，以貓貓主題嘅餐廳嚟講算做得好好🤣🤌🏻朱古力鮮果忌廉牛角包窩夫窩夫比較煙靭，朱古力雪糕香濃🤌🏻雪山心太軟（抹茶）配雪糕心太軟亦算不過不失，抹茶味唔算太濃，都係一樣咁

呢間係觀塘駱駝漆嘅貓貓cafe環境好大 好多唔同品種嘅貓貓🐱🐱🐱🐱🐱 而且全部都好乖唔怕人 仲會主動走埋嚟好cute cute😳💕門口有2鞋套機提供 亦會提醒消毒雙手 真係好注重貓貓健康☺️ 食物飲品方面都有好選擇！而且味道都唔錯😆 俾咁多隻貓貓圍住食飯嘅感覺好治療～～✻煙三文魚牛油果酸忌廉墨西哥餅 HKD88呢倜墨西哥餅係我覺得最好食嘅！口感煙靱夾住煙三文魚同埋牛油果🥑🧡 配埋酸忌廉非常之match！😽✻煙三文魚千島薄餅 HKD118有好多芝士同埋煙三文魚 加埋千島醬呢個配搭冇得輸！而且pizza批底都幾鬆軟😼🍕✻安格斯牛肉手工漢堡配脆薯 HKD118漢堡賣相好靚🍔上面仲有個貓貓牌仔🐈‍⬛漢堡都好足料 安格斯牛肉好厚身！配埋芝士 蕃茄好juicy😻✻濃厚芝士肉醬千層麵 HKD128肉醬千層麵幾好食！估唔到貓貓Cafe嘅意粉除咗睇得亦都食得🤣❤️ 真心唔錯 份量多而且麵皮好柔軟仲好掛汁 有好多肉醬同埋芝士🧀正😺😋✻朱古力鮮果忌廉牛角包窩夫 HKD98✻雪山心太軟（抹茶）配雪糕 HKD68甜品就不過不失 不過賣相吸引！❤️ 同埋個雪糕好食🍨✻古早冬瓜茶HKD42✻藍糖酸奶雲朵沙冰 HKD59

今年夏天，下午出街個太陽好似火爐咁，行一陣都曬到皮膚灼痛。趁住暑假，想同小朋友去玩，除咗室內同沙灘真係冇咩地方好去。又到咗星期日，上網搵緊乜嘢好地方時，睇睇下見到貓貓餐廳，都可以一試喎！室內，有嘢玩，有嘢食，即刻出發～～因為我哋冇訂枱，到餐廳門口時，職員已經提我哋下次要訂枱，仲俾埋訂枱link 我地。咁我哋去到門口，梗係想入去食嘢啦，好彩有客人no show, 我哋有位坐。先穿鞋套，可以入餐廳場內，跟住要消毒雙手。餐廳都算大，比我想像中多貓貓，我哋叫左一客二人餐，包括餐湯，沙律，一個Pizza，一份溫泉蛋卡邦尼意粉，加$28有小食拼盤。以動物餐廳黎講，我覺得佢算數一數二好食，記得以前去動物餐廳，大部份都係難食。根本都唔係搵廚師煮，求其搵個職員，多少少經驗就去煮。這間動物餐廳比較用心，感覺到佢真係搵個廚師去煮，除咗有貓貓作伴，仲有用心嘅食物。限時90分鐘，準時會有職員禮貌地提你，一切滿意。

地方不大，就是很多枱職員不友善，非常多職員監視着你，一旦看到少少動靜都要被說成是做了壞事一樣食物水準差，叫咗一個意大利飯同埋意粉都係超級不好食！仲要勁少配料，貴 不如不吃！啲貓全部都好攰，唔會同你玩，淨係喺度瞓覺！有零食先會走過來到你買咗零食俾佢食嗰啲職員要求你唔可以離開枱面，同埋唔可以離開嗰個範圍玩嗰張枱仔勁細囉玩咩呢？再加上啲貓自己都會周圛走，咁我哋又點樣可以唔離𨳒嗰個範圍呢？而且好硬嘅人哋其他都係咁樣周圍走周圍餵！個職員仲要我去到邊就跟到邊 好似入咗監倉咁以後都不會再去！

趙bb 好鐘意動物, 不過見到佢特別鐘意貓🐱 所以就約左朋友仔去貓cafe食下野玩下貓🐱其實上網搵左好多間, 有啲有年齡限制, 有啲有入場費, 有啲係無野食.. 左揀右揀, 揀左 “Urban Cafe”! 而去完今次貓cafe, 令怕貓既趙c9 都徹底改觀🤣場內應該有 20隻貓貓左右, 每隻都有名牌🤭 每一隻都好乖, 隨意影相, 佢地會周圍行, 周圍望, 但又唔會影響你食野🤣 每一隻都好靚, 可以輕輕咁摸下佢地影下相添😍至於點解改觀, 因為場地好乾淨, 大小朋友入去都要消毒雙手, 著上鞋套, 非常衛生👍🏻 而且場內❌無貓毛 ❌無異味, 仲要野食好好味😋 下次一定會再去🙌🏻

前幾日同朋友仔黎到呢間貓Cafe，傳說話呢度有成60+隻貓，即刻被吸引左過黎，但最吸引既竟然係美食！煙三文魚溫泉蛋卡邦尼意粉勁多醬汁勁流勁鐘意，濃郁味道再將中間既蛋漿撈埋，真係好好味！重點：唔乾身！黑松露芝士菠菜野菌忌廉意大利飯最突出就係黑松露加野菌既菇味！每一啖飯都起芝士一絲一絲，同樣濃郁唔乾身！巴馬火腿薄餅厚底薄餅上滿滿蕃茄醬、水牛芝士、車打芝士、巴拿火腿、野菌，多重層次口感！西班牙燒烤醬烤大豬肋骨特製燒烤醬鋪滿大大塊豬肋骨，咬起黎近骨既肉特別好味，真係要用手拎住慢慢損！其他飲品沙冰都好吸引，當然有貓貓陪伴成餐飯都好開心！

已經第二次到訪呢間工廈既貓貓Cafe，最主要呢間貓Cafe既野食真係好好食，醬汁、用料都好講究，其次呢間貓Cafe唔需要入場費、唔洗每小時收費，只要消費就可以黎食！以Cafe形式黎講呢度既重點真係特製飲品，試左兩杯飲品都好好飲！抹茶拿鐵 、 四季春鮮奶，兩杯都滿滿純滑厚泡蓋面，兩款茶底都非常濃郁，而且都算大杯啱哂一路傾計一路玩貓！簡單再叫左一個小食拼盤，有齊脆薯、雞塊、魚寶、雞翼，每份油炸得勁脆勁好食，一啲都唔乾身！甜品方面試左 自家製生日抹茶水果窩夫，側邊放上濃厚既Cream同埋一球朱古力曲奇雪糕，窩夫外脆內嫩，內裡真係濃郁既抹茶軟綿綿口感，好好食！再放上Cream同雪糕一啖食都真係好好味！同友人簡單輕食吹水都真係一流好地方，如果同啲新識既朋友怕尷尬黎呢度都唔錯，可以玩下貓貓緩和氣氛！

上星期日去左觀塘既「Urban Cafe」，愛貓人士不能錯過既地方，餐廳有十幾二十隻可愛嘅貓陪你食野，尼間餐廳絕對是愛貓人士的天堂！你可以在這裡與可愛的貓咪一起度過愉快的用餐時光。而且，貓咪都非常友善，令整個用餐體驗更加愉快。我哋點左二人套餐，首先是蘑菇忌廉湯，這道湯非常濃郁香濃，蘑菇的味道十分突出，讓人一口接一口。接著是精選沙律，這道沙律非常新鮮，裡面有各種蔬菜和水果，令人口感豐富。再來是滋味二人小食拼盤，裡面有脆薯和萬金雞塊，外脆內嫩，味道非常好。最令人驚豔的是煙三文魚溫泉蛋卡邦尼扁意粉，蛋汁同意粉完美結合，令人回味無窮。最後係西班牙燒烤醬烤大豬肋骨，肉質鮮嫩多汁，香味四溢。除了美食，餐廳的環境也非常舒適，氣氛輕鬆愉快，非常適合與家人和朋友一起用餐。餐廳的服務員也非常友善和細心，讓人感到賓至如歸。總括而言，我們在「Urban Cafe」度過了一個非常愉快的用餐時光，不但可以一邊摸住貓咪，一邊品嘗美食，仲可以享受一個輕鬆愉快的氣氛。如果你是貓奴或者喜歡貓咪的話，這裡絕對是你不能錯過的地方！🐱🐾🍴👍

去過唔少樓上Cafe，觀塘呢間Urban Cafe真心唔錯呢間樓上貓Cafe位於觀塘工業區，鄰近港鐵站，都算就腳方便有唔少貓Cafe，入場費同食物叫同事計算，呢度只需要點餐就可以免費玩貓，無入場費/無計時，性價比就算好高呢度有唔少種類嘅貓，每一隻都幾活躍，願意同客人有互動，環境乾淨、無臭味，小朋友玩得開心至於我對呢度嘅食物都幾滿意，今日叫咗紐西蘭牛肉眼扒配胡椒汁肉眼扒歐美唔錯，肉質柔軟，配上胡椒汁辣辣地，意料之外嘅好味海王明太子忌廉意大利飯大大隻半邊海蝦，上枱非常吸引，忌廉汁香濃，襯上意大利飯，口感豐富，真係幾好食隨餐送上餐湯、牛油多士條，當時上枱仲係有溫度，好貼心Oreo脆脆朱古力雲朵沙冰朱古力味香濃，啱晒小朋友蜂蜜柚子茶大大杯嘅蜂蜜柚子茶，仲有少少柚子係入面，真材實料喺貓Cafe難得食到咁高質嘅食物，價錢比其他西餐廳更低，值得再嚟幫襯

如果你鍾意貓貓，又想食一頓平價又好味嘅餐，不妨去觀塘urban cafe一試。呢間cafe佔地4000呎，有超過60隻不同品種嘅貓貓陪你食飯，仲有好多款式嘅食物同飲品供你選擇。今次我同男朋友點咗佢哋CP值好高嘅二人餐，只係$348就可以食到兩份精選餐湯、兩份精選沙律、兩款主菜同埋兩杯飲品，真係好抵食！首先，我哋試咗佢哋嘅精選餐湯，係蘑菇湯。呢個湯好香濃，有好多蘑菇碎，好滑口。另外，我哋又試咗佢哋嘅精選沙律，係鮮果沙律。呢個沙律有新鮮水果，拌埋秘製沙律醬，好清新開胃。主菜：一款係黑松露芝士菠菜野菌忌廉意大利飯。呢個意大利飯非常之香濃，黑松露同芝士嘅味道好突出，仲有菠菜同野菌增加營養同口感，意大利飯煮得夠熟夠creamy，每一啖都好滿足。另一款係安格斯牛肉手工漢堡配脆薯。呢個漢堡非常之大隻，牛肉漢堡扒厚實多汁，夾埋生菜、番茄、芝士同埋特製醬汁，好豐富好惹味。脆薯條炸得香脆，唔會太油膩。最後，我哋揀咗兩杯凍飲品。一杯係美式黑咖啡（凍），一杯係檸檬茶（凍）。呢兩杯飲品都唔錯，黑咖啡有苦中帶甘嘅味道，檸檬茶有清新提神嘅效果。如果你想試其他款式嘅飲品或者甜品，佢哋仲有好多選擇，例如OREO脆脆特濃

有時一個人食午餐，無人傾計有啲悶。既想享受屬於自己的時間，又怕悶。去貓貓CAFE就最適合。睇住貓貓走來走去、訓下、玩下、灘下，令生活充滿生氣，好治癒呀。講返正題，我要去食飯醫肚呀。午餐有湯、飲品、主菜，價錢70幾蚊起，仲有咁多貓貓招呼你，非常抵食啦餐湯係南瓜湯，香濃又足料，啖啖奶油味加埋好有誠意的多士條，有糖喺面，焗到脆卜卜，甜甜地。主菜有驚喜！真心好食！我就嗌咗 「香草豬排伴菠蘿莎莎」($93)豬排真心超JUICY！火喉岩岩好！煮豬肉都煮到岩岩熟！豬排常見的老鞋乾柴情況完全無出現！咪以為打卡餐廳就唔好食。真心高質啊。加埋用菠蘿煮的醬汁，酸酸甜甜，好夾好好食！真心推薦！飲品就嗌咗「芒果雲朵沙冰」（原價$59）嗌餐就補差價OK！天氣太熱好想飲凍野！呢杯沙冰真係太邪惡啦！勁大舊CREAM放喺面落足本！味道好清新，唔算甜，舒暢哂！有得玩下貓貓，打下卡，望住佢地走來走去，加上有冷氣，簡直係夏日好去處。消費又唔高，坐得都幾舒適，地方乾淨企理，值得再去呀！