URBAN Cafe (駱駝漆大廈第一座)

營業中

休息中

走訪過唔同地區嘅貓貓餐廳，最鍾意都係呢間。皆因環境夠大夠寬敞。食物價格唔貴，特飲選擇多。貓貓數量夠多又痴人，任摸唔嬲。「紐西蘭牛肉眼扒 配 法式胡椒燒汁」大大塊牛眼扒，無乜筋位唔會靭，唔會太多肥膏，有翠玉瓜．蘿蔔片做配菜，薯塊炸得香脆，比起薯條更好味「東瀛酥炸豬扒 伴 麻醬冷烏冬」豬扒炸完無油膩感，入口鬆軟加埋冷烏東配上麻醬，炎炎夏日唔想食熱野就最啱。「青蘋果酸奶 加配 燕麥」青蘋果味好香．酸酸甜甜好開胃，加入粒粒燕麥，令口感更豐富。「雪糕棉花糖朱古力」朱古力味濃郁，仲可以揀半甜，面層有朱古力雪糕球．唔同顏色嘅棉花糖，色彩繽紛。「蘑菇忌廉湯 + 牛油多士條」多士條甜甜地好香脆，沾少少蘑菇湯仲好味。有得同貓貓玩，食得好開心呀

每次去貓貓Cafe都勁開心又期待，摸摸貓咪手上嘅肉球，蓬鬆嘅毛毛，都令人心情非常放鬆，每次都覺得被療癒了。📣📣📣餐廳不收取任何入場費，所以可以用普通西餐廳嘅價錢，就可以同貓貓們近距離接觸，而且食物質素有保證，係即叫即做。觀塘分店有多達60+隻貓貓，隻隻都friendly 又可愛，不時走埋嚟黐人摸摸，無論係BB定大人都咁鍾意，最重要係環境乾淨，無味。🐈東瀛酥炸豬扒配麻醬冷烏冬夏日炎炎最消暑食冷麵，配上即炸日式豬扒，豬扒香脆唔油膩，冷烏冬配青瓜絲，清新爽口。🐈‍⬛香草燒豬扒配菠蘿莎莎• 薯菜燒豬扒香草味豐富而且勁淋，薯菜係厚切自家製嘅厚身焗薯。🐈意式奶油白醬雞肉菠菜扁意粉Creamy 意式白汁，扁意粉軟硬適中，有口感，雞肉唔乾身而且幾滑。🐈‍⬛日式炸餃子🥟即炸餃子熱辣辣，餃子皮鬆脆，食落唔太油膩，冇得挑剔。🐈🐈‍⬛餐廳仲有好多特飲，今次就試咗香草薄荷朱古力，Oreo 脆脆雲朵朱古力沙冰，400次焦糖咖啡。推介佢哋嘅400次咖啡，真係好幼滑creamy。

好耐冇探過Urban Café啲貓貓啦，今日同肥媽咪去仲有觀塘嘅Urban Cafe食嘢！我覺得Urban Cafe係全港最高質素嘅貓Cafe，貓貓夠多，食物又唔貴！貓貓可愛親人、環境又冇臭味，超正！是日餐湯今日供應蘑菇湯，餐湯菇味濃郁，打碎咗好多菇，比較杰身。牛油多士條多士條好脆，甜甜地，做前菜一流。意式奶油白醬雞肉菠菜扁意粉 $102意粉醬汁濃郁又夠多，每條意粉都沾有creamy嘅醬汁。配菜有雞肉、菇同菠菜。雞肉份量多，肉質嫩滑。菇類香滑可口。菠菜新鮮健康。所有配菜同意粉都好夾，芝味無窮。蒜香燒春雞 配蒜蓉燒汁 配薯菜（半隻）$113燒春雞半隻一個人食啱啱好，外皮烤到金黃色，一上枱就好香。雞肉肉質嫩滑又多汁，雞肉加埋蒜蓉醬，味道又夾又一流。薯蓉香滑，帶少少蒜蓉味。另外仲有烤茄子、烤翠玉瓜等等。 意大利焦糖咖啡（熱）+$10咖啡好香，帶點焦糖味，甜絲絲。oreo脆脆特濃朱古力（凍）+$20朱古力味好濃，表面有層cream同有啲oreo脆脆，口感好豐富。抹茶朱古力鮮果忌廉牛角包窩夫 $88甜品好大份！牛角包窩夫新鮮出爐，有兩塊，質感酥脆。抹茶忌廉醬香滑，有少少回甘。伴碟仲有棉花糖、士多

食好西，又被貓圍嘅餐廳😍位於觀塘駱駝漆第一座Urban cafe真係愛貓人士必去嘅好cafe🍽🐱我哋自備貓棒，同貓咪大玩特玩係城市人 #減壓 之選🥄餵貓反而俾貓圍，感覺好興奮!🐱🍽🐱🍽🐱🍽🐱🍽由於我無時間養貓，但又想同貓痴仔仔親近下貓咪，行寵物店又混吉我最鍾意呢個餐廳，真係好多貓出沒旺角店>45🐱 觀塘店>60🐱入面超級乾淨，貓也乾淨，無異味我同老公都經常去，食物質素又高價錢又抵! 只係收最低消費係唯一貓cafe無入場費或計時收費今日係平日18:00 後入座每人最低餐飲消費$100小朋友要計，就可以逗留2小時以往去過貓cafe又貴(三人太貴)食物一般，服務差，又限時探貓有家長會擔心貓是否親人放心大部份貓🐱都非常友善、活潑好鍾意俾人摸，又有名牌，我鍾意青檸🐱要識睇🐱面色，當貓表現憤怒就唔好搞我去過好多次，但一次都未俾貓爪過年幼小朋友要有家長陪同才摸貓店主又細心為貓設休息房，客人不能進入以往經驗，食食下，我試過俾隻貓聞我隻聞我腳(著裙)🙊，好痕。當仔行開了，又多了隻貓陪我坐，如摸得貓味舒服，佢又會裝模作樣再行來。🐱有D高竇，有D熱情，啱玩就同玩一陣。我今次叫了:🍕東瀛蟹籽

貓奴必到既🐱🐱Cafe😻 現場多過60隻🐱星人，而且環境衛生進入餐廳要笠住鞋套，一邊食嘢一邊望住d貓好治癒😺可以好好放電既地方♥ 挪威煙三文魚溫泉蛋黃金卡邦尼意粉🍝第一時間篤穿溫泉蛋撈勻佢，每條意粉都掛汁，質地都啱啱好唔會太淋，最鍾意食卡邦尼就係有蛋香，配料仲有煙肉蘑菇煙三文魚♥ 西班牙燒烤醬烤大豬肋骨三條豬肋骨d肉好容易離骨，時間烤得啱啱好肉質唔會太乾，配搭燒烤醬好惹味，另外仲有薯蓉食到薯仔粒夠晒飽肚♥ 雪山心太軟配雪糕 (抹茶）$58套餐冇跟甜品所以另外揀咗個心太軟，內裏好流心，抹茶味濃唔會太甜，感覺焗耐多少少會正d♡ 二人套餐 $328，包兩個主食兩份餐湯沙律同兩杯嘢飲 仲可以同貓貓玩佢哋都好活潑同親切完全唔驚人😆 好高質素嘅🐱Cafe

平時去開旺角個間 今次第一次去觀塘呢間貓貓cafe有驚喜‼️餐廳空間好大 亦有好多貓窩 貓爬架喺唔同位置 好易有機會同貓貓互動 貓貓都好親人 又唔會出抓 好乖✨避風塘香酥雞翼 $68-好脆 炸皮有D厚 調味都好夠✨東瀛蟹籽軟殼蟹拉絲水牛芝士手工薄餅 $128-薄餅好鬆軟 芝士味同蟹籽海鮮味淡淡地 ✨抹茶朱古力鮮果忌廉牛角包窩夫 $88-牛角包窩夫唔算鬆軟 但好酥脆 新鮮熱辣焗起-抺茶唔會過甜 甘甘地嘅抺茶香✨玫瑰蘋果醋梳打 $42-甜甜地嘅蘋果香-有D玫瑰味嘅爆珠梳打✨ 香橙蜂蜜梳打 $42-蜂蜜味唔係好覺 有D橙味嘅爆珠 口感幾好

呢間貓貓cafe食物定價好平 味道又唔差 仲得同貓貓玩🐱真係超推介呀‼️三重芝士肉醬闊條麵好好食😋除左拉絲芝士 仲有車打芝士同巴馬臣芝士 鹹香十足🧀再加埋酸酸地嘅番茄肉醬 完全唔會溜🍅🐷闊條麵都好煙韌彈牙 正！！

💛Bookmark咗好耐 終於去呢間cafe啦！一間去到會好忙嘅cafe🤣 又要食 又要摸貓 又要影相！小妹我其實係第一次接觸貓✨ cafe全部貓都好乖 好溫和一摸… 啲毛勁soft 勁似摸公仔！啲貓會不停走嚟走去 數量都多 所以總有機會接觸～*一入去有隻貓勁似bts Suga!!! 仲要戴牛仔帽超似that that Suga造型🤣💜觀塘分店好大 有貓樹 但枱同枱有少少近以貓cafe嚟講 食物質素幾好 又有主食 可以食飽✨整體真係好高質💕 推薦推薦✨*入餐廳要著鞋套 (餐廳會供應~*今次book 7:30pm 食完好多枱都走 人會少啲 可以慢慢同貓挽🤣-🍽【二人套餐】$328🥗【餐湯 沙律】🍝【三重芝士肉醬闊條麵】唔知大家係肉醬定白汁控呢？我其實係前者🤤中上嘅肉醬意粉～ 唔錯嘅 有芝士正😋*係扁麵 唔係闊條麵🐖【西班牙燒烤醬烤大豬肋骨】食落都幾多肉～ 味道正常水準 少少偏乾薯蓉好味😋🥛【奶蓋】+$22幾好飲呀 奶蓋正！個人覺得可以少奶 正常設定奶味偏重🍫【薄荷朱古力】+$20朱古力ok 不過薄荷味真係有啲牙膏🙈-✨推薦指數：9/10 (貓奴必去！)💰人均消費：$203.5⏳等候時間：

今日叫左2人套餐包括餐湯，沙律，頭盤，主食$368，埋單$405，2份是日餐湯好似菇湯晤熱，2份是日沙律，冇味，即磨芝士黑松露菠菜野菌忌廉意大利飯，細碟同埋味道欠佳，又晤夠熱，西班牙燒烤醬烤大豬肋骨，唔好食，晤熱，好似煮左好耐咁，一杯已經溶咗嘅抹茶拿鐵（凍)，另一杯Oreo脆脆特濃朱古力，冇乜味，呢度晤太適合食野，玩貓可以，食物要三思，廚師可能要再深造一下

觀塘呢間分店比旺角大好多😍 一入門口勁多貓貓主子到處走～好可愛😍貓奴實會忍唔住摸摸佢哋，一邊食野一邊欣賞貓貓行catwalk，食完野就可以同貓貓玩同影相～我哋點咗2人套餐（餐湯，沙律，頭盤，主食，意大利飯/麵，飲品）價錢$3512份餐湯：南瓜湯，南瓜肉一絲絲，味道好濃郁～2份是日沙律：沙津菜新鮮又清新～挪威煙三文魚水煮蛋黃金卡邦尼扁意粉扁意粉汁本身已好濃厚，撈埋蛋液更加邪惡到不得了～～夏威夷風情拉絲水牛芝士手工薄餅Pizza啖啖充滿芝香，菠蘿清甜多汁～滿滿夏威夷風情～飲品要咗芒果雲朵冰沙同凍檸茶～

朋友生日，知道佢特別鐘意貓貓🐱，所以特意帶佢去呢間《URBAN Cafe》地方夠大，價錢比其他貓cafe較低，加上食物即叫即製，好好味，所以都會經常來呢到Relax一吓☺️！ 餐湯～美國豬鞍扒配青檸蘋果醬～🐷大大塊厚厚的豬扒，肉質好嫩滑，加上酸甜蘋果醬，清新而不油膩！薯角脆卜卜加埋配菜，連賣相都相當不錯！辣肉醬芝士酸忌廉墨西哥卷餅～餅底香脆又鬆軟，肉醬惹味，配上芝士酸忌廉，配搭一流😋！芒果熱情果慕絲蛋糕/雪山心太軟～而甜品方面，感覺賣相比較適合小朋友，加上分量又剛剛好👍🏻！我就特別喜愛食心太軟，每一啖都沾上Cream一齊食，特別滑溜！而OREO 雪糕，濃郁之餘，口感亦十足😋！飲品都有好多選擇👍🏻！

餐廳：URBAN Cafe (旺角)地址：旺角彌敦道566-568A號僑建大廈2樓長期爆滿嘅URBAN Cafe @urban.cafe.hk ，每次唔book位都唔敢去，因為真喺去親都全場坐滿晒人🤣，旺角總店接近45隻喺繁殖場領養返嚟嘅貓貓真喺好吸人氣啊🐱為求令大家又多啲唔同嘢試，URBAN Cafe每兩個星期就會轉一次Menu📋，入座起計可以坐兩個鐘，仲無任何入場費或者按時收費，最重要喺食物唔算貴而且食物有一定水準，呢間貓貓Cafe真喺抵佢咁多人幫襯👍雖然場地細細，但呢度充滿住無限愛心同活力：小朋友拎住貓糧餵一隻隻滿心歡喜嘅貓貓，黑白貓傻氣咁不停舔自己頸上嘅名牌，灰白貓嘅神情動作就好似一隻小豬仔咁🐷，雪白貓貓一粒聲唔出就跳上枱去聞吓食物嘅香氣，所有人就喺呢一刻被呢班貓貓吸引住，可以好好放低壓力同佢哋盡情享受一番✝️2人套餐 $298呢個套餐包2份是日餐湯、2份是日沙律🥗、1款意粉/飯、1款主菜同2杯$38以下飲品，另外仲可以額外加錢叫小食同甜品🍨是日餐湯喺忌廉湯，裡面都幾足料，有蘑菇🍄、粟米🌽、煙肉🥓、洋蔥🧅。沙律就喺田園沙律，加咗啲橄欖油，正常發揮主食叫咗個三重芝士肉醬闊條麵同西班

好耐無見朋友，呢間🐱貓cafe都係佢揀，駱駝漆真係多左好多餐廳~ 呢排朋友gathering都比較鍾意揀工廈餐廳，貪地方比較大坐得舒服✨✨一入門口就有部鞋套機👟，好耐無去動物Cafe，之前其他大部份都係要除鞋～ 個人就覺得用鞋袋乾淨方便好多👍🏻👍🏻👍🏻不過入面地板可能都太乾淨，行快兩步就會有少少冼好搞笑，入到去唔同地方都會有貓貓，周圍都有貓貓歡迎你咁😻😻😻 直程我地張枱就已經有貓貓🐈佢地啲貓同其他我去過啲貓Cafe唔同，呢度啲貓貓超親人又貪玩😹😹 好鍾意係我地側邊坐，但又超乖，知道枱面的嘢食無佢地份，唔會偷食🤣🤣（牛肉都無反應🤣）玩左一輪貓先記得要落單🙈🙈呢度有Set好方便👍🏻我諗好多人都係掛住同貓貓玩無時間諗食咩，嗌Set就最方便，不過估唔到呢度都幾有誠意💕💕望落同出面真係食西餐嘅餐廳差唔多，最開心係有蕃薯條🥰🥰套餐仲包埋餐湯沙律，好抵食，今次係南瓜湯🎃，食到南瓜質地，又好香濃，呢個真係好好味！！👏🏻👏🏻 沙律就可能客人都多(平日非星期五晚都Full house)，所以啲菜都好新鮮✨摸一陣貓貓特飲就到左，呢度好多款特飲，啲名都好吸引，揀左一輪先揀到，夏天就係要飲梳打！！😎😎😎 可以放

💛 #觀塘 #UrbanCafe觀塘lunch好去處！今日同同事嚟咗駱駝漆一期嘅Urban Cafe，呢間貓cafe佔地超大，有好多貓貓任睇唔嬲😚 而且嘢食都好好味㗎💛🍳 煙三文魚黑松露芝士忌廉班尼迪配酸種麵包酸種麵包好味，唔會好似空氣輕飄飄咁嘅包，但又唔會太硬實🤩 平時食開嘅egg benedict通常係水波蛋加煙肉，呢度係加上煙三文魚，更健康又唔會太鹹，鍾意😋👍🏻🥩 紐西蘭牛肉眼扒 配 百里香牛油肉眼扒超級大塊，好惹味好香😚 佢熟得嚟唔會韌，而且又唔肥，推薦😚👍🏻🍯 蜂蜜桃膠水果乳酪杯甜甜哋嘅桃腸加埋乳酪好夾💓🥚 法式焦糖燉蛋燉蛋好香好creamy😚🫖 藍花皇家伯爵荔枝紅茶🌹 400次玫瑰咖啡兩杯都係打卡一流嘅飲品！ 紅茶仲超大壼添🤩

有曬前菜、主菜、野飲、仲可以加配小食，所以好快就揀咗個二人餐，俾有限空間嘅胃食到唔同嘅菜式。一上菜就係番茄羅宋湯同沙律，而且係配上我最鍾意嘅麻醬。我覺得呢兩款都係基本嘅口味，係預想中嘅水準，冇話特別大嘅驚喜，不過已經開左個胃。然後忍唔住加咗個滋味二人小食拼盤，有薯條、炸雞塊、炸魚塊。睇個賣相都見到舊舊都金黃色，雖然食落去唔算係即刻炸起，但都算係脆。之後再額外加避風塘香脆雞翼，呢個真係好脆，見到都覺得邪惡，不過就唔會太辣。芝士控表示兩款主菜都要有芝士，叫左三重芝士肉醬闊條麵同夏威夷風情拉絲水牛芝士手工薄餅芝士肉醬味道適中，麵質都煮得啱啱好，醬料都好多，唔會太求其，不過我會期待可以再多啲層次感。如果係焗嘅煮法應該會更加吸引。手工薄餅食落去的確有芝士嘅拉絲，配菜唔算特別多，可以專注品嚐芝士，味道都係不過不失。薄餅底嘅軟硬度都適中，有少少似包嘅底。每個人對薄餅底嘅要求都唔同，佢呢一款手工薄餅唔會好脆，唔會太厚，我覺得適中。嘢飲就普通，其中叫咗杯特濃鮮奶朱古力，覺得朱古力味可以再重啲，不過有嘢飲都係一餐嘅完滿。整體來講呢一餐都好豐富，可以食唔同嘅菜式之餘，味道都係正常，唔會令你失望。