URBAN Cafe (麗新商業中心)

營業中

休息中

第一次黎貓貓cafe~感覺好新鮮~double door & 要著鞋套好pro~不過見住個staff返工就直行入去😅入到去地方大，乾淨，無異味~有十多隻貓，唔知算唔算多~啲貓貓唔驚人，但都唔算主動同人玩~有1/3都係恰眼瞓狀態~ 都理解嘅~日日都要俾我地咁搞法~🙈貓貓嘅初體驗都算唔錯~不過啲貓貓嘅樣唔係隻隻都好可愛，大部分都係有性格嘅款😂第一次黎唔知太多規矩，其實係咪可以抱住啲貓唔放，同自己帶工具去引走哂啲貓嫁呢？🤔啲staff無出聲，大部分時間都係企晒喺門口，得返個男侍應喺到傳餐，陰公~野食黎講都算係幾好嘅，價錢高啲，但唔駛入場費嘛~溫馨提示:水係要收錢嘅~

第一樣，叫左個伯爵茶蛋糕難食到屎咁，同店員反映，叫佢換過第二樣食物比我，店員答我已經食左，換唔倒，咁我唔食點知難食呢？我話叫佢同廚房反映，叫佢地自己試，又敷衍我，話「咁我幫你唔到喎」話員工唔可以食野第二，BB都要收min charge叫餐/野飲，請問bb點食一個餐，點飲一大杯野飲？第三，唔比bb企上張凳(卡位)出面餐廳都冇話唔比啦店員係咁過黎話bb，態度勁差！我地幾個bb只有歲半當然係企上凳追貓同睇貓，點樣坐定定？第四，野食超難食！水又冇杯，碟又冇第五，大多數貓都走左入去廚房通道，客人想過去睇貓，影相，店員就要人走開唔比睇，咁點解要打開門？大家想受氣就去幫襯啦，野又難食，店員又態度差，真係諗唔到有咩理由去幫襯

-一想去貓cafe一定會諗起呢間社交平台人氣熱店，有主子陪食飯🤤知道喺荔枝角開咗新分店，梗係要試吓！/▫️二人套餐SET FOR 2 $348▫️—餐湯+沙律各兩份—南瓜湯，夠晒滑，仲有濃郁南瓜味雜菜沙律，夠晒fresh，食主菜前清新味蕾🌱/—煙三文魚溫泉蛋卡邦尼扁意粉—將溫泉蛋拌入意粉中每條意粉吸收蛋液，食落更嫩滑配合煙三文魚，口感更豐富🥰/—夏威夷薄餅(羅勒番茄醬，水牛芝士，車打芝士，煙肉，菠蘿)—即叫即焗，上枱仲係熱辣辣薄餅皮好鬆軟，配合大量芝士芝士輕易做到拉絲效果🧀細細份，兩個人share份量啱啱好😋/—飲品兩杯—飲品有好多款選擇包$38或以下兩杯，或可補差價升級其他飲品今次叫咗熱檸水，熱鮮奶(+$7) 鮮奶上放上少量玫瑰花乾花碎🌹即刻igable咗，好靚呀！📸奶味香濃，溫度啱啱好，鮮奶迷一定要試😋/荔枝角分店地方闊落，空間感十足貓貓有更多地方走動🐱大家來嘅時候記得遵守店內嘅小規則好好愛錫貓貓💛

身邊總有幾個朋友係特別鐘意去貓café 🐱 上次去過旺角分店逗貓後 今次訪問荔枝角新分店呢間分店採木×白文青嘅裝潢 空間非常闊落場中有好多隻貓貓走嚟走去 時而上演追逐show時而乖乖喺枱上、牆邊每個角落安眠我同朋友都影咗唔少嘅貓貓寫真呢～嚟得呢度當然主要係為咗玩貓 不過食物都算係唔錯架******************************食物s:4人套餐包沙律、餐湯、2個意粉或飯、2個主食同飲品🥗精選沙律🍲餐湯 蘑菇湯中都幾多蘑菇粒 味道不過不失🍝煙三文魚温泉蛋卡邦尼扁意粉幾足料嘅主食 意粉軟硬度恰到好處🦐明太子紅蝦蝴蝶粉有2隻大紅蝦喺面上 肉質都算彈牙滿滿明太子醬汁 食落幾Creamy 🐷西班牙燒烤醬黑毛豬肋骨豬肋骨焗得幾腍 一切即骨肉分離沾上滿滿嘅燒烤醬 酸酸甜甜咁 係濃味之選🍕夏威夷薄餅Pizza焗得香脆 以羅勒蕃茄醬為基底 面上舖滿水牛芝土同車打芝士 雙重"芝"味 輕易拉絲仲有菠蘿🍍同煙肉粒 整體配搭得宜🫐藍莓青檸梳打 (+$5)青檸味比藍莓味出 酸酸哋咁☕精選特調咖啡(凍) (+$4)🍯熱蜂蜜生姜茶(+$5)🍊香橙蜂蜜梳打 (+$5)🍰日本伯爵茶芝士蛋糕配雪糕 (+$

Set for 4 $727首先每人會送上一份餐湯和精選沙律。主菜煙三文魚溫泉蛋卡邦尼扁意粉扁意粉上面係一隻流心蛋，輕輕切開可以見到蛋漿緩緩流出嚟。攪拌之後扁意粉口感更加幼滑，又有火腿嘅鹹香。明太子紅蝦蝴蝶粉大大隻嘅紅蝦，新鮮又彈牙。而蝴蝶粉亦都好掛汁，有明太子獨有嘅咸味。西班牙燒烤醬黑毛豬肋骨燒到外層焦香嘅黑毛豬肋骨，充滿燒烤醬嘅甜味，口感煙韌又有肉香。夏威夷薄餅極長拉絲嘅薄餅，有齊菠蘿和火腿，非常惹味。甜品日本金澤柚子芝士蛋糕和伯爵茶芝士蛋糕。我自己都係比較鍾意伯爵茶味，因為充滿茶香又唔膩。飲品方面都有好多選擇，我哋就揀咗精選特調咖啡、蜂蜜生薑茶、香橙蜂蜜梳打和藍莓青檸梳打。URBAN Cafe (麗新商業中心) (荔枝角)荔枝角長沙灣道680號麗新商業中心1樓

Urban Café又開新店！記得大學個時去過佢哋嘅旺角分店，短短幾年已經開多左2間分店🤩。荔枝角呢間又大又闊落，多咗好多空間俾貓貓走動同休息🥰。食物方面都係同其他分店一樣咁高質，仲多咗好多菜式選擇！2人餐 $348套餐包咗餐湯、沙律、2個主食同2杯飲品。雖然地方大，又多客人，嘢食都上得幾快👏。主食我哋叫咗四重芝士肉醬蝴蝶粉，安格斯牛肉手工漢堡🍔四重芝士肉醬蝴蝶粉好濃芝士味，肉醬都幾多，所以會有啲啲heavy🤏兩個人Share就啱啱好～安格斯牛肉手工漢堡牛肉好厚實，咬落仲好Juicy，麵包烘到外面有啲啲脆，入面軟熟😋同其他分店一樣，店內有好多貓貓，一定會有貓經過你張枱😻。

📍荔枝角貓貓cafe🔥向左撥➡️ 欣賞𝐂𝐚𝐭 𝐖𝐚𝐥𝐤 𝐒𝐡𝐨𝐰小朋友鍾意貓貓半年前去過觀塘分店見荔枝角分店開左 又話要過嚟睇貓貓👉🏻Cafe樓底高空間感大貓貓可愛都友善🧡但貓貓相對冇觀塘咁多🤝喺Cafe 客人可進入範圍大約十幾隻貓中間位置會有貓貓久不久行吓cat walk 坐吓大家都可以影到可愛貓相兩邊嘅貓貓相對唔多/或者過嚟訓覺不欲打搞反而進入貓貓休息室前嘅位置好多貓但喺客人禁步範圍內✋🏻🔥 當日有位係聚集多幾隻貓貓大家都會衝哂埋去圍爐先氣氛不錯（尾圖 x2➡️）👉🏻相信部份貓貓係由觀塘搬屋過嚟記得其中一隻貓貓冬瓜喺觀塘見過🤤📌入座時間90分鐘每人最低消費$100有不同西餐/薄餅/意粉/小食拼盤及飲品供選擇質素合格✅🐱現場有糧食可以買黎餵貓貓濕糧或者乾糧 $18或者太多客人到訪餵食貓貓對乾糧興趣比較細場內只有3成貓想食少少呢個位小朋友就比較失望 瘋狂食檸檬🥹但整體空曠啲冇咁迫貓貓活動範圍都多咗嘅～

小編今日去荔枝角貓貓主題餐廳。成間餐廳門口就係落地玻璃Urban Cafe 有好多的特色飲品，咖啡都係水準之上🤤我點了二人套餐肉醬蝴蝶粉：意大利麵條呈蝴蝶形狀，搭配濃郁的肉醬，是 Urban Cafe 的招牌菜之一。南瓜湯：濃稠的湯汁口感豐富（另外加錢）小食拼盤：包括薯條、炸雞塊和雞肉塊，份量十足，非常適合和朋友分享。煙燻豬肋骨：經過煙燻處理的豬肋骨非常嫩，配上獨特醬汁，味道美味😋預先記得呢要訂枱，同埋餐廳數有最低消費嘅入面會提供有唔同嘅貓貓零食可以額外加錢去為喂貓貓🐱入面嘅貓全部呢都係唔驚人嘅，所以你任摸都OK🥰

Book 左12點帶寵物，但係排隊時一開始係一條隊，之後職員先話分開Walk in同埋有Booking，我諗住去問下啲人又勁鼓譟以為我打尖（排貓cafe 果啲人好緊張）。排到又話要等帶位去另一邊（另一個入口），好混亂同埋經驗唔係好好，同個職員講又當聽唔到。食物係幾好，咖啡都唔錯，不過就要自己去拎餐攞食物，有啲唔方便，坐高一層嘅人就不停上上落落，張檯亦太細。同埋唔知點解係冇侍應，要等有侍應經過先至可以叫埋單或者問嘢。整體黎講，價錢都算合理，食物唔錯，不過冇乜服務。但帶寵物來講坐室內有冷氣係好重要❗️香港真係冇乜地方可以室內帶寵物。

去過URBAN CAFE旺角店同觀塘店，分別都有好多貓貓🐱真係令人好開心！知道荔枝角開咗新店，更大更舒適，我就約埋朋友一齊去同貓貓玩😻12點開門就到場，都有好多人排隊～證明貓貓的吸引力😘 午餐時間每人最低消費一個午市套餐，套餐包咗主菜，餐湯同牛油多士條。份量好豐富。✪ 烤韓式五花肉泡菜蘇格蘭漢堡 💲122五花肉烤得恰到好處，半肉半脂，好滋味。泡菜酸酸地好開胃。加咗牛油果奶昔💲30，口感好奶滑，淡淡牛油果香。✪ 帆立貝青醬忌廉長通粉 💲103青醬味道好濃郁，掛係意粉上，好好味。帆立貝有嚼口。加咗青檸薄荷梳打 💲48，感覺好清新！✪ 忌廉蟹肉薯餅💲48用優惠價加配咗4件薯餅。外脆內軟，入面忌廉蟹肉好綿密。✪ 提拉米蘇 💲78估唔到係咁好大份！入口順滑，唔重酒味，底層有軟透嘅餅乾。【 Urban cafe 】📌荔枝角長沙灣道680號麗新商業中心1樓

首先餐廳向未夠一歲既BB都要收最低消費，但餐廳又無提供BB可進食的食物，咁點消費？夾硬收多一個人頭錢🤔而向員工查詢時只表示唔滿意可以離開？什麼態度？由於未試過去餐廳要向未夠一歲既BB收取最低消費，只係想查問清楚，怕自己聽錯，但員工態度惡劣。另外員工們就算見到揮手示意都視而不見，連餐具都係自己拎，無服務可言。而餐廳標榜歡迎寵物，寵物不用最低消費反而未夠一歲既BB就需要？各位帶BB既家長諗清楚先去😒另外場地太大，貓貓比例唔多，基本貓貓只係遠觀，而接觸得到既時間好少（幾下左右），因為當你一伸手接近，貓貓便跑走了。

之前去過一次 Urban Cafe 覺得好好玩，貓貓全部又得意又乖，餐廳又好乾淨，重點係食物即叫即整，好有水準 😋 見到荔枝角都有分店，所以就約埋喺附近返工嘅朋友一齊去比貓貓治癒一下 💕去到要爭取時間陪主子啊 😍 所以快快手揀左個 Set for 2，入面已經有餐湯、沙律、兩個主菜同埋兩杯嘢飲，我哋仲加錢加多個小食拼盤，食飽 d 先有氣力同主子玩架嘛 🤩明太子紅蝦蝴蝶粉兩隻紅蝦都好大隻 😍 而且非常鮮甜 🤤 蝦頭入面 d 膏簡直係 MVP 😋 我啲粉煮得剛剛好，明太子嘅 sauce 好香，味道唔算太濃，唔會搶左紅蝦嘅鮮味 👍🏻夏威夷薄餅水牛芝士同車打芝士組成了澎湃嘅拉絲 🤤 上面仲有煙肉同菠蘿，屬於厚 pizza 但係個邊都幾脆，唔錯 😋滋味小食拼盤入面有薯條、炸芝士雞胸同埋紐西蘭魚寶，全部都唔會殺得太乾，而且都幾脆，又唔會好鹹 😋 加上份量都多，食得好滿足 😆飲品：香橙蜂蜜梳打、玫瑰蘋果醋梳打兩杯梳打入面都有爆珠㗎 😍 而且唔會好甜，香橙同蜂蜜味好夾，微微酸甜好 fresh，蘋果醋就偏酸，有少少玫瑰香，飲落都好舒服，推介 😆 沙律同餐湯都幾唔錯，尤其係餐湯，夠曬濃同 creamy，勁

❣️荔枝角新開貓cafe❣️之前都去過觀塘同旺角分店，見今次開咗新分店就過嚟試下新分店係木系風格，空間好大，亦有好多比貓貓休息嘅地方，舒適休閑。場地都好乾淨，唔會有異味👍🏻👍🏻食物味道都唔錯，特別推薦封門柳，火候控制得幾好，肉味香濃，另外仲有松露汁同奶香薯蓉伴碟，味道配合得幾好。甲羅燒長通粉都好唔錯，意粉熟度恰到好處，醬汁味道濃厚，有埋蟹殼一齊上碟，打卡一流👍🏻👍🏻但甜品就差少少，叫咗個伯爵茶蛋糕，冇乜茶味，而且偏甜，雪糕都係一般，大家唔洗專登叫🥲新分店一樣有好多可愛親人嘅貓貓🐱😻貓貓全部都肥嘟嘟，毛毛都好順滑。想同佢哋有更親密接觸仲可以問店員購買乾糧或者濕糧，親自喂比貓貓食🥰🥰整體表現ok，有貓玩，嘢食質素都唔錯，甜品麻麻哋，經開呢頭都可以試下

荔枝角新開左一間貓貓Cafe呀！係外面就已經望到勁多貓貓啦！平時去開既貓貓Cafe嘢食都覺得麻麻，但係呢間又唔錯喎，水準你完全唔會覺得差👍🏻我7:30去到，大約見到都有數十隻貓貓🐱4個人去到，叫左個4人餐$658套餐有4個沙律🥗，4碗餐湯🍲，4款主食，4杯餐飲套餐加$48仲可以有四人小食拼盤🥘🔸沙律🥗餐湯🍲作為前菜，沙律同餐湯都不過不失，正正常常啦！🔸4人小食拼盤🥘小食拼盤有薯條🍟，炸芝士雞胸🐤，紐西蘭魚寶，炸雞翼🐣令我最讚不絕口就係個炸芝士雞胸，個皮好薄，炸完出嚟仲好脆口，咬落雞肉仲好多汁😍🔸煙三文魚溫泉蛋卡邦尼扁意粉🍝傳統嘅卡邦尼意粉，個人覺得卡邦尼就一定冇得說，不過溫泉蛋就煮得有啲過左，做唔到留心嘅效果🥹🔸明太子紅蝦蝴蝶粉🦋有兩隻大蝦係碟上面👍🏻分量十足，都好大碟㗎，蝴蝶粉配上明太子一齊食，真係冇得輸👍🏻🔸西班牙燒烤醬黑毛豬肋骨🦴起碼有超過10條骨呀😍份量都唔少㗎👍🏻燒烤醬汁都好入味，仲有薯條做底👍🏻🔸夏威夷薄餅🍕即叫即整，做到拉絲嘅效果👍🏻薄餅底都唔算厚🔸梳打咖啡☕️第一次飲梳打咖啡，就覺得好特別，嚟到已經聞到香濃嘅咖啡味🔸檸檬茶🧉我就叫咗少甜，正正常常啦！又真係會小甜👍🏻🔸蜂蜜

Urban Cafe應該好多人都識，佢喺觀塘同旺角都有開設分店，知道佢哋喺荔枝角開咗新分店，咁我都即刻過嚟同貓貓玩下，食下嘢！新分店行小清新路線，空間感好強，裝咗好多落地玻璃，光線充足。同時亦設有貓樹同貓架比貓貓休息同玩，設計有心意。而場地都好乾淨，唔會有任何貓貓嘅味道，客人入場前都要着鞋套同埋消毒雙手以確保場地衛生同保障貓貓嘅健康👍🏻雖然urban cafe係貓cafe，但食物味表現都唔錯。封門柳配上松露汁同薯蓉，大約係五成熟，肉味濃，都唔會靭，份量都ok。無食開咁生既我都覺得好唔錯！甲羅燒長通粉，意粉有咬口，撈上醬汁同蟹膏，味道濃厚，係打卡之選👍🏻 比想像中好味🤭新分店嘅貓咪一如既往嘅咁得意🐱肥嘟嘟，毛毛順滑，全部都可以摸，見到好多小朋友都可以玩得好開心。想喂貓貓嘅人都可以向店員購買乾糧或者濕糧，不過數量有限，想喂就要提早同店員講聲。眼見小朋友有得參與其中，佢哋都好開心😁整體嘢食質素唔錯，鐘意貓貓嘅朋友唔好錯過！🥰有得食又可以同貓貓玩一舉兩得如果用餐時間再長啲就更理想啦！