Unique Café & Kitchen

食物份量小,一d都唔夠飽! 服務態度不好,想搵個人落單都唔知喺邊度搵,都無人理你既! 波波池入口地毯黑蚊蚊的, 見到d波波碌晒去出面食野既位置,d員工照執番d波波放番入去波波池,超級不衛生,有些波波還很黑的和凹的! 波波池圍欄厚度不夠,圍欄入面是木做的, 已有小朋友因踏到波波而撞向圍欄,小朋友眼角即爆開一條很深既血痕,流了很多血! 真的希望你們注意一點!請家長要好好入內看管小朋友玩耍, 波波池有很多危險既地方,要加點注意! 失望!!!食物還不錯,但不會再光顧!…Read More

平時到觀塘的樓上 cafe 都是約了在附近上班的朋友仔食飯 但是這日就約了我個囝囝來開餐 因為這兒是一間位於觀塘區的樓上親子餐廳 有得食又有得玩，啱哂剛考完試的他來放放電 位於 APM 附近的迅達工業大廈，好易搵的 惠顧滿最低消費就可以免費入遊戲室 好似我們兩個咁閒日來食個晏，中午 12 點至 3 點這個時段就啱哂我們 最低消費是 HK$118 成人 + HK$58 小童 ... 這日這個時段無咩人，我們包場咁，遊戲室任玩 先用消毒液搓手，脫鞋就可以入去玩囉 !!! 入面有三條寬大的滑梯、波波池和煮飯仔玩具 囝囝在裡面玩，儍媽可以從玻璃窗看到裡面的情況，咁就放心用餐囉 !!! 墨魚汁海鮮意大利飯 海鮮很豐富，有兩隻彈牙又鮮甜的大蝦、厚肉的帶子、鮮嫩的蜆和青口 沾滿墨魚汁的意大利飯粒粒分明又飽滿 飲品就點了 ... 藍蝶花特飲 賣相很美，很浪漫的紫色啱哂愛紫色的儍媽 ... 不會太甜或太酸，味道清新又解渴 餐廳也有 Lunch Menu 提供，附近的上班的朋友也可以上來食個晏 ** 帶小朋友上來玩遊戲室的要點選餐牌上的食物，Lunch Menu 不適用來的 ** 以上分享是以我的口味、喜好和情況作出分享及感受，一試 / 合用與否請自行決定…Read More

海膽忌廉汁意大利粉配鮮蝦露荀鮮蝦啖啖肉沾埋個汁又香又鮮甜，意粉配有蔬菜中和，食落唔會好漏藍蝶花特飲傳說中有浪漫紫色，再加埋紅色漸變咁吸晴，真係望住都覺得幸福。以為會濃味，原來味道微甜好清新獨立遊戲室上半以玻璃隔牆，就算小朋友玩到忘形唔肯出黎，大人坐外面都望到整個遊戲室，慢慢食嘢聚談都唔怕啦。當然，年紀小既bb就最好有人陪同放心啦，最大亮點係三條寬大既滑梯同超厚既波池呀！真係大人小朋友都岩玩！另有廚房、大型積木同好多架玩具車餐廳落單及各重問題都有點混亂，食物睇得出都有落心機希望下次再嚟會有改進啦…Read More

今天係同奶奶一起食飯，見到里間餐廳便入來試下，奶奶平時好少食西餐，都話味道好，食晒成碟飯，不過重要嘅係 雖然里間餐廳唔大，但是有間兒童遊戲室俾小朋友玩，裡面不只有滑梯 波波池，煮飯仔，玩具都幾多下，我帶住兩個小朋友，通常正正常常食餐飯係好難架，今日就食得好輕鬆，仲可以慢慢食埋甜品，遊戲房就唔大間 ，但一個大人睇二個小朋友就完全冇問題，唔怕周圍跑，兩頭轉，自己覺得，帶小朋友出到來食，最重要係可以食得輕鬆，所以下次會帶埋其他媽咪過來試下，小朋友玩得開心，我中地D媽媽又可以慢慢吹水…Read More

觀塘區工廈臨立，隱秘的特色餐廳特別多，是日到訪的 Unique Cafe & Kitchen，正是例子之一。 Unique Cafe & Kitchen 開業於巧明街，鄰近港鐵站，駕車前往亦相當方便，工廈設有停車場，時租 $15。 餐廳內設約 80 個座位，亮點在於盡頭處的兒童玩樂室。玩樂室地方不大，主要設施是波波池滑梯，另有小廚房及大型積木玩具。因到訪餐廳的多是家庭客，小朋友者眾，人多地小場面易生混亂，尤其年幼小童，在人群穿插下有一定危險性，建議餐廳分齡分時段或限人數入場會較理想。 食品方面，以意式西菜為軸心，整體質素中規中矩。因應餐廳設有玩樂設施，食品單價難免會有少許 mark-up 的情況，但仍在合理範圍內。以凱撒沙律配燒雞及凱撒沙律配自家醃製三文魚作頭盤，味道正常沒有太大驚喜。生菜及燒雞皆切得比較碎，影響了賣相與食感。兩款沙律比較，後者評分稍高一點。 烤法國春雞配燒烤汁出品比預期細隻，肉質「鞋」身，只屬一般。 燒豬肋骨製作入味，食感稍乾。同屬豬肉菜式的烤法式穀飼豬扒配蘋果燒汁比較鬆軟可口，但蘋果燒汁欠缺蘋果韻味，與烤春雞所用的燒汁味道差不多。 烤頂級紐西蘭肉眼扒雖然與頂級二字拉不上關係，其肉香尚算令人滿意。因肉眼扒差不多烤至全熟，肉汁欠奉。近邊位連帶少許肥肉位置的部份最為香軟。 意大利香草汁扁意粉以帶子、意大利青瓜及白菌作素材， 雖然意粉油份量高，但味道仍算不俗。與沙律評價一樣，食材都是切得太零碎。黑松露汁扁意粉配巴馬火腿蘆筍賣相不吸引，完全發揮不到巴馬火腿與蘆筍應有的味道與優勢。哥跟蘇拿芝士汁南瓜飯沒有多餘的配料，只簡單以芝士及南瓜提味，味道簡潔清甜，煙煙韌韌。 薄荷朱古力咖啡味道過甜，沒有薄荷清新香氣，不太喜歡。 整體而言，餐廳的是菜餚水準只屬普通，與其他相類近的親子餐廳比較則不算差。服務明顯不到位，店員很少會主動添水執枱。一枱數個小朋友，亦不會主動地提供兒童餐具或餐椅。遊樂設施方面，在欠缺監管下，秩序頗為混亂。最後一提臨行前的一段小插曲，店員竟向我們追問餐桌上那套兒童餐具是否清潔未用過，當中含意如何值得深思！ …Read More

可以介紹下班比身邊嘅人妻每枱叫夠百幾蚊就入得玩波波池 抵玩過冒險樂園 爸爸媽媽又可以喺出邊吹下水時隔住個大玻璃睇實小朋友.因為係下午茶時間所以叫咗兩個甜品🍫自家製嘅心太軟係超好食超好食超好食（因為重要所以要重複三次）雪糕唔係cheap cheap雀巢雪糕 配埋超級濃嘅朱古力心太軟焗嘅時間控制得非常好🍰芝士蛋糕味道都係芝士同藍莓味（好似講緊廢話🤔)但係十分濃味！！同埋因為夠凍 所以食曬兩舊都一啲都唔膩🍹嘢飲就OK啦 普普通通 同出邊差唔多.仲有特登俾小朋友食嘅BB餐星期一至五都有set lunch 會值食啲…Read More

今日揀咗呢間工廈餐廳試食, 一上到去就見到有個兒童遊戲室, 諗起之前某雜誌有介紹過, 原來誤打誤撞就嚟到呢到, 訂咗位1315去到個場唔多人, 有2枱人係有埋小朋友一齊既, 已經入咗去個兒童遊戲室玩緊, 其實係迷你版PLAY HOUSE, 最注目既都係個波波池滑梯, 兒童遊戲室就有分3個時段入場, 收費其實都唔算太貴, 因為叫餐係散叫, 一款意粉都過百再加多杯飲品既, 咁一定過最低消費, 可以免費入場玩煙鴨胸意大利青瓜蕃茄汁長通粉 - 賣相一般, 但味道都可以, 係有少少偏咸, 有蕃茄蓉同汁撈埋長通粉食好惹味鮮蝦露筍檸檬忌廉汁意粉 - 賣相一般, 鮮蝦好爽口新鮮, 個汁都好濃好味薄荷朱古力鮮奶咖啡 - 賣相不錯, 味道都還可以, 但好似冇乜薄荷味, 底層為咖啡上層為鮮奶, 但唔知點解搞極都搞唔混凍咖啡 - 最怕要自己DIY既咖啡, 因為多數唔好飲, 次次都溝得唔好總結 : 呢到既午餐係抵食好多, 又唔駛加一, 如果散叫主餐牌就比較貴啦…Read More

食物很一般，分量不夠不飽，還境太細，成人沒有套餐，如加前菜，飲品消費很高，完全不值這個價錢，食物上得很慢，坐下巳吹你點餐，話廚師有空,到多客人點餐時要等較長時間，簡單的兒童餐收$88, 分量很少，估計只夠1歳嬰兒分量，很簡單的兒童餐要等很長時間才有，蘋果汁很凍不合幼童。兒童遊戲樂地方很細，很舊，如人數較多或較年紀大一點兒童入內玩，對幼兒非常危險，家長要考慮這一點，完全不值得前往。駕車前往較方便,工廈有停車位但車位不多,需$15一小時…Read More

第一次食呢到既晚市餐廳無set dinner，價錢貴，食物質素一般，食物份量極少，上菜時間最少一個幾鐘，週末期間竟然得2個廚師，有個朋友等主菜等左接近2個鐘。中伏，吾會再黎…Read More

看到雜誌介紹這間親子餐廳, 便打算去試一試, 早已付了按金留位, 去到居然說沒有預位？是但比張4人抬我地6個人, 等拎櫈都等左成10分鐘, 完全沒有人理會你, 叫食物要咩冇咩, 7點就咩都冇晒？？叫個芝士蛋糕, 都要等半個鐘, 追一下個蛋糕, 個職員仲好悔氣咁叫我地等下啦...嘩！已經激到一肚氣, 仲要受埋你氣！呢d服務態度真係有問題囉, 另外遊戲室好細, 沒有職員看管, 不太衛生, 以後都唔會再黎！…Read More

以後唔再黎！等野食等一個鐘！份量少得可憐！服務又差，又要睇個waitress面色同語氣差！食完每人個肚都打曬鼓，要轉場再去第二間食！洋蔥圈得6個圈！pizza叫兩個，紙甘薄又細，食完食左陣風甘！叫薯角得10條！叫埋單都等15分鐘！…Read More

響觀塘返工，食cafe只是常識(sad tone),今次亦不例外。 其實$88一個意粉真係幾貴。 麵包仲係和暖，夠軟身。 蝦肉，露荀，龍蝦牛油忌廉汁意大利粉($88), 蝦夠大隻，但就唔多，露荀幼，夠幼細，有啲茹絲。但我就唔太喜歡個汁，零龍蝦味之餘仲好油膩！重牛油忌廉，仲係唔香添，意粉有點唔夠熟，我覺得食完有啲辛苦。 杯咖啡好夠濃，都香，係我自己頂唔順，要叫佢俾多一倍奶先得。 個甜品係紅豆牛奶布甸，可能食左成個粉都係cream,見到牛奶布甸已打冷震了，食唔到呢！ Unique Café & Kitchen觀塘巧明街114號迅達工業大廈2樓B室電話號碼2126 7279…Read More

在網上見到篇野介紹，有得玩，價錢又合理，決定一試。大概一個月前就打電話去訂位，四大兩細。店方要求要俾$400落訂。ok, 無問題，唸住店方可能驚no show, 大家方便。因當天我為朋友慶祝生日，在訂座時跟通電的女士說想order 甜品寫生日字。女士說沒問題，因此在電話時已order 了一款心太軟朱古力甜品和一款cheese cake 甜品。過了$400訂後，我在WhatsApp 出示入數紙，並再三講明甜品和寫字的要求。對方說沒問題。到正式用餐當天下午，我見餐廳未有任何reconfirm booking, 我就主動send WhatsApp reconfirmed booking 和提醒餐廳準備甜品。WhatsApp 有藍色雙剔，已閱，但沒有任何回應。晚上到達餐廳，一進場發現餐廳很細，桌與桌之間擺放很近。遊戲區也小，只有波波池和滑梯，和一些小玩具如車，和手推車裝波波。而我們當天因其中一大人生病未能到來，就變成三大兩細。餐廳為我們準備了六人桌。而且座位在波波池門口，背後還有櫃子和防煙門，感覺是臨時不夠位搭出來的。第一印象已經麻麻地了。然後坐下研究menu, 店員問我們可否俾張桌佢，因為計少左位，有一家人只有二人桌，問我們可否俾佢地。我們猶豫了一會，想想我們總共5人，坐4人位好像不太夠。而且落了訂食飯，怎會計錯數不夠位？後來半推半就，店員又說請食甜點，就抬走了一張桌。之後點的第一道菜上來了，見到綠色醬的意粉，但表面只有意粉，沒有任何其他食物。心想這是什麼菜？我有點嗎？就問一問店員，是否上錯了？店員研究一番，問我點了什麼菜，我說是帶子意粉，他就說，應該這就是了。我們說，沒有帶子啊？然後他叫我們用餐具撩開看看，果然藏了一小粒在裡面。賣相也真求其了點吧。之後食食下，又有店員走過來要搬走我們的椅子。因當時兩個小孩和一個大人正在遊戲區玩，我們只有一張靠防煙門的椅子沒人坐，而店員竟然要搬我們要坐的一張椅，我說這張有人坐啊，然後他們就二話不說搬走另一張也有人坐的椅子。也沒有好好安置好我們的座位。之後我們要自己把防煙門前卡在角落的椅子搬出來坐。這樣把客人坐的椅子搬走很不尊重人吧！有一道菜很久也沒來，是加單的蜆肉意粉，催了一次沒來，第二次有店員過來問我們催的是哪道菜。我們再說一篇。第三次又來問要催哪道菜。第四次，上了一碟牛排。我們r晒頭因為沒有order 牛排。因此叫店員取走再等意粉。到甜品時間，我趁朋友走開時就跟店員說可上甜品。店員很迷惘，問我要什麼甜品。我說我在what'sapp 已order 了，請記住要寫字。店員走開去check, 不久回來，在我的朋友面前問我要寫什麼字？我真的好尷尬，因為為朋友準備生日甜品通常也是surprise, 無理由在她面前說吧。我就說我再send 一次WhatsApp 給你說詳情吧。於是他叫我send 到另一個WhatsApp 號碼。然後我再send 詳情，不久他們回覆說甜品ready. 我就說可以上了。不久竟然WhatsApp 問我要邊款cheese cake!!! 剛才不是說ready 嗎？於是我再order 兩件裝cheese cake. 再等一段時間甜點終於上。之後埋單，張單多左一樣我們無點過也沒吃過的菜。然後兩款甜點也在單上。於是我就順便問問，剛才說請我們吃甜品，是不是甜品可以free 啊？然後他們又走開說要check 下。之後再送上五杯布旬，說只能free 這種甜品。ok, 無問題，我們也不是來要著數的。這次用餐感覺餐廳很混亂。環境太擠逼，油煙味又重。我也沒想過，落了訂去secure 一個座位，餐廳竟然可以說計錯數，臨時不夠位。而且我們坐的那個角落位很逼很像坐大排檔。雖然這種用餐不貴，但也沒有expect 過這種環境和服務。其實環觀整間餐廳，店員也不少。雖然服務是差，員工卻是年輕有禮的。也許只是欠經驗吧。不過，真的no next time. …Read More

一向都預咗這種比小朋友玩樂的餐廳唔會好食，又有好貴的最低消費，但都估唔到啲服務差成咁！去食晚餐，因為我姐姐只吃豬肉，咁我叫咗個意粉比佢，一路都冇嚟，我以為係咁慢，個似老闆的女性話我們未夠錢，欠188，咁我之前計過唔係這數，我就問佢點計，佢只係比個總數我，我唯有再叫多啲，叫完之後碟意粉仲未嚟，我追單，問好耐都答唔到我，我同佢解釋，如果件冇落單我就取消最新的單，意粉我一定要，點知我再追問佢，佢幫我取消咗碟意粉，話新加的已煮好，我話一定唔得，我姐姐要食。佢就開始串我，又話我姐姐咁耐冇野食唔出聲（我追極冇人埋），又話咩我姐姐只食豬，又話我姐姐睇你地食咁耐冇野食都得。厨房煮好意粉，又唔比服務員放低，咁我話我要埋剛煮好果碟啦！佢話咁我仲欠40喎！我立即再自己計，原來欠2元，佢先話，第二樣都煮好啦！要埋啦！如果唔係佢串我，我都要埋冇所謂，我姐鍾意食甜品，但佢態度太衰，我只叫了10元汽水。小朋友開始玩，又突然話有人尿尿了要關門，關掉所有燈，唔比玩。雖然係好細的活動範圍，但食完冇得玩，小朋友唔開心。…Read More

以佢晚市既價錢，出面可以食得更好，食物質素令人失望。最失敗既係成班伙記趕收工，見你一食完就催你埋單（當晚全晩得我地一枱客），當住你面前大大聲熄冷氣，其他人就有d直頭已經換埋衫望住我地，好似我地阻住佢地收工，但係我地當時都未食完，距離收鋪仲有個幾鐘，咁既態度唔值得再回頭幫襯！因為佢，搞到我都要第一次上黎彈佢！…Read More