UCC COFFEE SHOP

營業中

休息中

在太古城那邊一輪忙碌的工作過後，便打算到康怡廣場忙裏偷閒一下。UCC coffee shop一向以香濃的咖啡著名，這次我想一嚐店內的即製窩夫。下午茶時段提供了數個窩夫款式，有：巧克力香蕉味、抹茶紅豆味、肉桂蘋果味......看了看餐牌圖片後，便點了一客鮮果窩夫（全份）。過了一會兒，香噴噴的即製窩夫上桌了。窩夫上鋪滿了多款水果，配以雲呢拿雪糕及忌廉，令人內心十分滿足。窩夫即叫即製，所以非常鬆脆可口。下午茶時段還配一杯飲品，一邊喝着熱飲，一邊吃着鬆軟綿密的窩夫，這個下午過得很寫意。

lunch time嘆左杯咖啡軟雪糕🍦即刻開心晒～諗返起幾年前成日去澳門～指定動作必去觀光塔既coffee shop食咖啡軟雪糕當時香港都仲未有咖啡軟雪糕所以成日到想為咗杯雪糕而去澳門而家唔使去咁遠都有得食啦UCC咖啡軟雪糕$30軟雪糕夠冰凍，唔會一下子就溶晒質感軟滑，啖啖都充滿住香濃咖啡味，好似飲緊杯Latte咁雪糕筒好脆，食到尾唔會比雪糕浸淋晒本來未食飯好肚餓，食晒成杯都飽咗一半所以份量都好大杯架不過堂食就唔可淨叫一杯雪糕入座因為有最低消費，但雪糕唔計如果唔係我一定坐底慢慢嘆下次會再encore

星期六晚想食個早dinner，去到UCC大概5:35pm，好多人排隊，可能大家都行累了又或算是食早的晚餐。我的票號是165，而叫的是154，都等了20多分鐘，入座後剛好叫得切下午茶餐。排隊等的過程，看到在門口寫著不給塑膠飲管，我好喜歡這樣支持環保♻️👍👏抵讚。後來見有食客想要飲管給小朋友，侍應也給了，我好同意這個做法🙌寫清楚不主動提供飲管，這樣一般人都不會反對，大家不知不覺中減少了飲管的使用，因為有就用，無的話除非有需要，一般人都不會特登去要求，這樣其實都省了很多飲管。一般市民未必有意識主動提出不要飲管，這樣由餐廳主動減用，值得大讚，多謝支持環保🙏這樣有需要的人仍可要求，餐廳可以提供給有需要的食客，真好♻️👏👍💖下午茶餐牌也有頗多選擇，我覺得價錢一點都不算平，最平都七十幾蚊，有鹹 (意粉) 有甜 (waffle) 的選擇，包餐飲。要加一。我和朋友都是叫意粉，餐牌雖然寫明是輕量，其實都估到，話晒係下午茶，只不過到第一碟意粉上時，我同朋友都有點驚訝，個碟的size有點似比麵包碟大少少，有點似一碟粉一齊share時每個人分出來落自己碟的份量😅😅問題係都成$77仲要加一，性價比(CP值)就不太理想

每次黎康怡，同小朋友係上面玩完車車，就會落黎UCC食返個Tea set先走！甜品Tea set係我的至愛，仔仔都好鐘意食😍因為餐廳規定，每人都要至少叫一個set餐，所以我地兩大一細，就叫左半份窩夫再加一份窩夫share食，因為仔仔未食午餐，另加左一個兒童餐比佢！呢個綠菜雪糕配紅豆窩夫第一次食，紅豆唔太甜，綠茶有濃濃抹茶味，好食！雜果窩夫係我至愛，每次必點！每個餐都附送UCC咖啡或茶！小朋友餐有兩款，因為仔仔鐘意車車，點左呢款比佢！一黎到佢就好開心！不過味道都偏濃味，太細的小朋友未必啱食！每份兒童餐會附送玩具一款！小朋友最開心😊

呢度好受歡迎，連平日下午茶時分都要排隊，呢日終於試到，無讓我失望。海鮮湯意粉好夠份量，海鮮好足料，湯底鮮甜，我喝得1滴不漏。甜品雜果waffle外脆內軟熱辣辣，配球雪糕真是perfect match. 滿足的tea!!

今天3個大人帶著2個小朋友去ucc 康怡分店， 拿了5人的籌， 等了很久。 餐廳看來只想做2-4人枱的生意， 較我們後到的2人枱也開始入了， 餐廳也沒興趣給我一張5人枱， 最後向侍應生查詢何時有5人枱， 侍應的態度好像嫌我多事並黑面， 說下一張將輪到我們。到叫我們的時候， 侍應跟我說坐4人枱ok嗎， 因為不想等， 就應承了。 到點餐的時候， 才告訴我因我有5個人， 要點5樣食物。 心想， 人我真的是5個， 但座位給我4人的， 點餐則維持要我點5樣， 真的很公平!食物方面還可以， 跟其他分店差不多， 但選擇較少， 加上態度欠佳， 這一次該是我最後一次光顧， 也絕不建議其他人光顧

到底有咩使佢閒日都咁多人排隊呢?！😭😭😭睇下個餐牌都唔算好平而且仲要加35蚊先有野飲。。。☕算啦行到攰入去坐下，試下啲野食啦！！我個朋友話個白汁海鮮湯意粉明顯退步好多🤨🤨🤨第一個湯淡左第二啲海鮮唔夠新鮮好掛住果陣濃郁既味道呀😣😣開頭以為三文治實唔夠飽點知原來有三大件🥪🥪🥪我係堅持唔哄底既人食到第2件已經覺得飽仲要配埋薯條🍟三文治材料新鮮🥦🥬🥒生菜尤其爽脆而且牛油上面仲加左芝麻理應好香點知食唔出有咩特別另外沙律醬對公司三文治黎講又係好緊要呢份只有極少量幾乎食唔出味如果唔係材料新鮮鮮味搭救基本上個包係無咩味雖然職員好好禮貌都有咩洗唔洗加野飲但35蚊真心太貴出面分分鐘叫到杯特飲啦！！！🤪🤪🤪薯角唔算脆但勝在入口咸香十足最後我必須要問職員攞茄汁除左點薯角之外🍅🍅🍅亦要為三文治調味調味！！！

去鰂魚涌康怡廣場shopping，Aeon做聖誕節特價，仲唔血拼？買吓買吓又到下午茶時間，近近地就去2/F果間UCC咖啡，食個Tea set充吓電先！好鍾意呢度杯招牌蒸溜咖啡，單叫都要$47，叫個tea set大約$71，又有埋一個雜果窩夫，或者意粉，都好扺食！雖然等咗半個鐘，仍然值得！點咗一客鮮果窩夫，一客煙三文魚意粉另外跟餐茶係招牌熱（UCC)咖啡！窩夫有好多生果鋪面，有萍果、奇異果、橙、香蕉、藍莓、士多啤梨！好大球雲利拿雪糕！好香滑，混埋窩夫一齊食，又熱又凍特別有口感！煙三文白汁意粉，三文魚就咸咗D，意粉就好有咬口，配以磨菰、洋蔥、波菜，又好好味！但白汁就唔多夠，俾多少少就更加好味啦！最期待果杯蒸溜招牌咖啡出場啦！香濃滑，三個字形容！好多客人特登走來就只是單飲呢杯蒸溜咖啡！一定有原因！

🥐不是窩夫的牛角酥🥐～～～～～～～～～～～～～～～～～～～去UCC 叫個Tea set, 個甜品外表似窩夫卻不是窩夫，而是牛角酥，創意十足。🤭合桃牛角酥窩夫配海鹽焦糖醬（$93）雖然價錢有D貴，但食完飽左成日。牛角酥好鬆脆，手掌咁大，加上雲呢拿雪糕同海鹽焦糖醬，甜度剛好，食埋合桃真的很飽！～～～～～～～～～～～～～～～～～～

位於Aeon Store的二樓UCC cafe店子雖不大，只有大約30個座位左右，店外卻站著很多等候的人，我也是其中一個，嘻～等候接近半小時，終於到我了。我點了Lunch Special, 芝士波菜三文魚螺絲粉，主餐加$32就可以享受UCC招牌咖啡！芝士配波菜還有三文魚，烹調方法是先煮後焗，芝士溶掉了還有一點烤焦感，惹味非常！螺絲粉不會煮的淋淋，就是有彈彈感，很好吃！還有招牌咖啡，濃郁且非常滑口，不帶有咖啡渣，很好喝！另外，店員告知用餐時限為1小時30分；是基於輪候人數太多的關係吧～

Tea set 2:30先開始款式都明顯只有意粉 🍝或者 窩夫選擇🥞窩夫其實都好吸引下次會去試下個窩夫🥞🥞🥞沙律 和 兒童餐餐牌我同阿仔都係飲橙汁走冰🍊🍹叫咗個和風什菇意粉（輕量）果然真係好輕量同埋好細碟平心而論呢一個價錢再加一服務收費有啲覺得唔抵食呢個兒童餐等左勁耐😵tea set就話要等啫但兒童餐照計應該唔駛等咁耐我碟意粉食晒兒童餐都仲未出現加一服務收費以佢哋服務態度加效率非常一般雖然食物質素尚可

康怡廣場ucc嘆下午茶，等候時間不太耐點鮮什果窩夫同ucc招牌咖啡，食物及飲品溫度夠熱，味道適中，吾會太甜，環境舒適，座位坐得舒服，希望下次再來光顧ucc分店．

約左朋友係太古城睇戲，趁仲有少少時間決定食左野先，費事一陣一邊睇戲個肚打鼓🥁行行下行到ucc，俾佢menu既海鮮湯意粉吸引左入去食。估唔到有驚喜！價錢唔貴，但係個海鮮意粉有好多款海鮮！有扇貝、魷魚、蜆、蝦、八爪魚...真係好多海鮮！個湯係番茄湯，飲落仲有少少海鮮的鮮味，意粉吸晒海鮮湯嘅味道，非常好味。如果唔怕辣嘅人，我建議可以落少少tabasco，酸酸辣辣的味道會令成個口感更加有層次，更加惹味！

UCC我一向都十分支持無論食物質素定係咖啡質素都係Very Good! 最驚喜既係星期六日都有Tea Set, 實在係太好啦平時一個窩夫加一杯咖啡仲要加埋一，咁就多謝$150..... Tea set 抵食好多啊!有d餓所以點左 #煙三文魚意粉 , 評分100分滿分我比夠101分! 意粉軟硬度剛好, 白汁調味夠濃郁, 仲有數片煙三文魚, 簡直就係無得輸!無得輸既仲有雜草莓窩夫! 窩夫所製既蛋漿夠味夠份量; 熱辣辣既窩夫配上凍冰冰既雲呢那雲糕, 又係無得輸!最開心係Tea set包埋咖啡, UCC既咖啡超好滑, 又滑口, 睇黎每個星期都會黎一次, 哈哈~題外話, 超超超超多人幫親的啊, 排隊攞飛等候接近1小時好在Aeon可以慢慢Shopping!

食物品質是沒有問題，但服務態度極之有問題，今日下午本來和太太同小朋友三人去康怡ICC Cafe 午善，很多人等位但仍然攞位等，我三個人當然是等三至四人枱，等了半個小時終於可以入坐，waitress 帶我地去座位竟然比一張二人餐枱其實旁邊有張枱只有一位女士而她對面位是吉的，而且對拍就是一一張四人枱我一家三口當然坐三個位waitress 竟然叫我地坐一邊一張枱，大姐我個BB 都係人而且我係拎三至四人枱叫三人餐點解要我地逼一張二人枱而且細到放二個餐都啱啱好嘅都唔夠放三個餐，佢仲話如果唔座你地出去再等，真係火都嚟！日式cafe d service 有冇衰到咁d staff 有冇train 過㗎 傻㗎 ! 下次唔會再去而且完全唔Baby friendly .