Turkeyano

營業中

休息中

喺香港嘅好處就係可以喺呢個彈丸之地都搵到各式各樣嘅世界美食😚💗今日同各位介紹嘅就係位於油麻地嘅依間土耳其特色餐廳，同之前喺土耳其食到嘅味道一樣，都係咁高質，仲好啱香港人嘅口味😆👍🏻加上知道餐廳最近推出咗新小食！超級吸引😛我係爆谷同埋土耳其雪糕🍦過嚟食下新嘢先！一開始我哋就叫咗一個三球嘅雪糕🍦有唔同嘅口味，包括士多啤梨、朱古力等等，我哋就叫咗一球朱古力，另外兩球叫咗混呢嗱😚特別推介朱古力，朱古力味勁龍勁香，裏面仲食到朱古力碎碎🍫之後上網見到依度嘅薄餅都好吸引於是就叫咗一個10吋嘅夏威夷雞肉pizza🎉分量十足，同朋友兩個人外賣返屋企食都仲係熱辣辣，而且兩個人食都食到超飽😛Pizza超級足料，裏邊落滿咗雞肉，而且餅底唔會太厚，幾脆口，味道辣辣地，啱晒香港人嘅口味，好有層次😚👍🏻

呢段時間都少咗出街食飯～通常都係買外賣～ 住返出市區買外賣都好方便～日日都可以試吓唔同款今日行過就食呢間啦！係一間土耳奇餐廳黎既～咁梗係嗌佢哋既烤雞肉卷啦～烤雞肉卷真係好足料，卷好長一半生菜一半都係雞肉黎，真材實料～雞肉入味，配埋醬汁加生菜好好食～炸脆雞粒配薯條盒 呢個box都夠料，入面雞粒好好食，外邊脆脆地入邊雞肉係嫩口嘅，雞粒嘅比例比薯條仲多， 讚！爆谷估唔到呢間都有爆谷，真係口痕痕想食～ 啪晒成盒都無問題～

在油麻地行街，經過Turkeyano，原來新裝修好，還加入了雪糕和爆谷。小店的食譜和外藉員工都夠地道，一於支持下。買咗一杯雪糕和一份細爆谷，一個人啱啱好。朱古力味雪糕有朱古力粒，不太甜。坐係店內長櫈，望住對面教堂和熙來攘往的彌敦道，都幾寫意。食完雪糕再買外賣回家。土耳其佬卷kebab roll是招牌菜，必食。羊癡當然選烤羊肉卷，羊肉和蔬菜量夠多，羊肉唔羶，調味醬適中。鷹嘴豆泥配Pita bread，皮塔餅軟了的話可以回家後用Airfryer翻熱，抹上順滑又健康的鷹嘴豆泥，簡單而完美的一餐。

Not fast food. Took 40 mins to get my 2 takeaway kebabs at lunch time. Ain't got time for that amount of shenanigans I'm afraid.Food was not bad. Chips were crunchy, kebab tasted fresh. No diet soda though. Would consider going back but would need to order way in advance.

在某個最多人用嘅foodpxxdx外賣平台上面用假名Faasos營業,原來係為咗買啲垃圾食品厄人，冇諗過用假名營業呢啲事情都會喺香港發生，$58六件炸雞，來到變咗炸雞粒，重點係我淨係食到炸麵粉既道，完全食唔到有雞肉，就算入面有雞肉，我都唔知加埋個份量有冇一件麥樂雞嘅份量 ，唔係好明點解要用假名，超級垃圾食品，直頭係欺炸，我唔知係咪因為我係叫外賣你覺得我唔會有任何嘅渠道去投訴，就算投訴因為你係用假名，所以都冇乜所謂，都唔諗住啲客會再幫襯，所以就咁做，還是你賣畀街客都係咁，完全係當啲客係傻仔，如果你覺得冇錢賺就唔好做喇，唔好咁樣呃人啦，有冇諗過人哋收到食物之後個感受，假如你係我，你自己會點諗呀，將心比己唔該你。

之前見到很多人推介這間，不過因為不順路的關係一直沒去，今天終於的起心肝特意去試一試，實在是不枉此行！叫了最普通的轉轉卷，餡料我就選了我最喜歡而坊間比較少有的羊肉。調味很好，很正宗，店員也是當地人，材料雖然簡單但非常豐富，所有東西合起來也很好吃。羊肉也很多，用了毫不吝嗇。這間店舖實在是人很想再去一次，唯一要挑剔的地方就是只做外賣，沒有地方讓人立即吃，新鮮度會減退，餐只有薯條汽水等配搭，如果有沙律或果汁果茶等等其他清新選擇會更好

Openrice 外賣自取幾方便而且比其他平台平！但可能太多單，搞到有啲混亂，差啲比錯另一個訂單我，好彩我望一望個袋先買咗3個卷，過咗20分鐘左右食，仲暖暖地，料好多，一個女仔食好飽，都幾好味！

土耳其佬羊肉卷 Lamb Kebab Roll:入面有好多材料，入面有蕃茄、香草、青瓜、羊肉、羊蔥。。。好多材料，仲有好吸引嘅調味醬，一間細細嘅土耳其小店，但味道真喺好好味 。羊肉唔叫好羶，但保留住原有嘅味道 ，每食一口都覺得，越嚟越入味。我真喺超中意，食完佢一條我就覺得好飽。 而佢店內雖然細細，但都保留土耳其嘅特式，我幾中意 ，由其全店員都喺外藉人仕，喺疾情當中都幫到其他國藉有工作做，呢樣都幾好。支持一下小店 👍

幫襯左兩次，買了羊和雞kebab。味道是好的，但員工的工作效率實在極低，說好了大約30分鐘可以自取，結果等了1小時，而且不是peak hour (我在10:55am 佢未開門已打電話去order四個kebab ，整整1小時才 ready) 這樣的效率，就算食物味道不錯，我怕它在香港很難生存，實在可惜。

🚩土耳其佬雞肉卷🌯💰價錢：$52.5（foodpanada外賣自取價)雞肉口感幾嫩味道好香、微辣自認完全食唔到辣而認為微辣香料味略重食落好惹味配上千島醬味道一流👍🏻建議外賣要即食因為放耐咗啲醬會浸到卷餅皮又濕又淋口感會變差唔好問我點解知😹推薦卷餅下次會想試下其他口味🚩 夏威夷烤雞pizza 🍕💰價錢：$91 (foodpanada外賣自取價)用料真心少得濟淨係食得出有烤雞🍖、菠蘿🍍、芝士🧀同茄醬🥫烤雞份量唔多Size都係細細粒Pizza 有拉絲效果其實我有俾錢額外+$9加多啲芝士🤦🏻‍♀️但芝士份量感覺仍唔算好多可能我食開厚批鐘意又厚又多料所以口感方面都係麻麻地👎🏻而且落既醬真心唔夠導致食落唔夠濃味其實我唔係重口味嘅人但都覺得味道唔夠濃🤷🏻‍♀️講差啲真係pizza hut仲好食過佢🙄P.S. 依間小店有個好大既缺點真係好奇怪外賣pizza竟然冇俾袋裝？要自己用手拎住成嗰盒好麻煩但就有俾袋裝卷餅裝卷餅嗰袋都好大一大個袋裝一細個卷餅就係裝唔入pizza盒🤦🏻‍♀️

位於彌敦道嘅土耳其餐廳我本身好鍾意食肉卷，所以成日都周圍去試食。今次就俾我搵到係彌敦道嘅土耳其餐廳，佢地有轉轉燒肉肉卷！價錢唔太貴，幾十蚊有大大條肉卷，又有薯條，又有汽水，真係夠晒飽肚。肉卷非常足料，一打開個錫紙包裝，啲牛肉多到跌出嚟，🤣🤣除左肉仲有洋蔥、蕃茄同生菜，加埋酸酸甜甜嘅醬汁，簡直係絕配！口感同味道都一流，值得推薦！

疫情之下小店生意很難做，所以要多多支持小店！來到佐敦一家土耳其菜外賣店來買外賣叫了一張14寸的披薩🍕兩個人吃份量很足，沒吃完，留到下一餐繼續吃味道是那種劣質pizza的口味，面餅硬硬的但是重點是支持了這樣的小店自己也很開心，所以口味就顯得不那麼重要了～

土耳其佬轉燒雞肉卷 $55即叫即整既土耳其卷好足料、大大條🤩！入面有大量Doner Kebap（旋轉烤肉），用不同醃料醃制既雞肉即場削落黎，香噴噴又帶有焦香味🤤。加埋爽口蔬菜例如洋葱、椰菜等等，再淋上三款特製醬汁，辣辣地好惹味！當手卷捲好後，會成條拎去煎至餅皮微焦，令整體口感更佳👍。不過唯一扣左少少分既係生洋葱太辣啦🙈，同埋醬可以再多啲。素菜芝士卷 $55以爲無肉會食唔飽，點知食完都有7、8成飽👍。皮香薄，輕易就可以搣開一半。蔬菜好fresh，都幾多唔同種類，有生菜、洋葱、青椒、番茄同黑橄欖等等🤤，醬汁同洋葱少少辣，醬汁唔會多到漏或少到乾，整體都唔錯。唯一可惜係芝士太少🙈。

夜晚學完琴， 自己一個喺佐敦度周圍行諗緊食啲咩好，當毫無頭緒嘅時候見到有一片黃色嘅外牆， 原來係土耳其卷小店， 小店嘅外牆非常之吸睛，我忍唔住去睇吓有啲咩選擇原來除咗土耳其卷，仲有埋咖喱飯、沙律pizza等等.......平時平時食土耳其卷嘅餐廳更加多選擇最後我揀咗香辣雞卷等咗大概15分鐘左右我就可以取雞卷，價值$60嘅雞卷非常大條咩啊打開，已經聞到好香嘅烤雞味臨出門口時先發完原來有套餐，不過好少飲汽水嘅我都係揀返單點手卷好啦辣雞卷份量幾大，足以滿足我成個夜晚，而且唔食得辣嘅人都可以應付到佢嘅難，佢係香料味辣，特別惹味又開胃佢哋嘅黑色膠袋仲好型添啊

係香港好少有得食土耳其菜，剛剛經過油麻地就見到呢間路邊嘅外賣店。雖然係做外賣，但同樣設有探熱器，環境亦好整齊乾淨。店員好有禮貌，會講解有咩選擇。Menu款式多元化，meat-lover同素食人士都有好多選擇。土耳其佬鷹嘴豆哈瑪信卷（Hummus roll $50）今日天氣有點悶熱，所以就選擇食清淡D。佢個包裝好保暖，入面洋蔥嘅辛辣，生菜同紅椒嘅清爽，同鷹嘴豆泥既微甜配合起嚟，好清新，意想不到嘅夾。