Try My Bread (營盤街)

營業中

休息中

今日懶惰唔想出街買野食，更加唔想開火煮，所以用外賣平台叫外賣！ 不過外賣平台 coupon code真係廢，張張都話唔得！ 講番try my bread,今日叫左3樣野食，1. 唐揚炸雞， 2. 炸蝦餅，3.脆炸軟殼蟹滑蛋吐司！今日外賣等候時間大概30分鐘，食物熱度可接收！ 最好食居係係唐揚炸雞，一個字形容「嫩」！ 至於，炸蝦餅就略為普通，好似係泰國鋪頭食會好味d! 今日主角，脆炸軟殼蟹滑蛋吐司，賣相係吸引，食落滑蛋真係好滑！ 軟殼蟹都係正常！ 整體來說，成個吐司都係好味！

nice recommedation from a friend. loved their softshell crab sandwich with scramble eggs just a perfect combo of dried crispy and soft when you take a bite in your mouth. I ordered a set and ordered their avocado drink which was nice as well. The price is quite good for what it has to offered, location is not exactly super convenient but worth driving by just to by a quick takeaway. recommended.

今次🧒🏽點了又想吃的Try My Bread，當然又是脆炸軟殼蟹滑蛋吐司，外賣都有一萬個正點，軟殼蟹真的好好好味，不過今次有點燶，但是都依然好食，外賣來了雖然可能凍左少少，但是都很好吃！飲料方面今次選了#牛油果沙冰，都幾好味好rich的感覺，在家都真的吃到真的超幸福，住得近真的是幸福10000倍哈哈哈

舖頭雖然款式唔多，但幾特別我唔鍾意食軟殼蟹，所以揀左芝士腸仔滑蛋吐司，賣相滿分，滑蛋望落就知道正，好綿好滑，腸仔都好食。但食時要留意，因為好容易整到周圍都係🤣🤣

非常好食。睇相呢，會擔心係咪得個樣。滑蛋，炸軟殼蟹喎。會唔會又油又冧？點知出到嚟唔會喎，出餐好準時，包裝好妥當，冇話漏冇話走位。蟹又脆又有肉，大啖肉，唔油。滑蛋唔乾，包軟脆。再望個價錢我呆咗，佢係咪半賣半送呢？ 仲有布丁多士，包裝合宜冇走位，應脆則脆應滑則滑應軟則軟。牛油果沙冰好足料，椰奶沙冰好香椰，唔漏。而且香港好少有。所有嘢恰到好處。原諒我冇相，嘢食一落枱就俾人搶晒喇。唯一唔好係位置啫。要預多少少時間出入。

吐司同法包，我揀左吐司，最大原因係脆炸軟殼蟹滑蛋吐司 $50好IGable！即叫即製等左大概15分鐘，拎到返去想趁熱食亂拍幾張，食完睇相先發覺影得唔夠震撼lol...應該要從上影落去先見到份吐司有幾厚幾多餡！第一啖咬落去係仲暖仲脆既軟殼蟹同嫩滑炒蛋，夾埋個醬，加上厚吐司外脆內軟，口感味道都好豐富。美中不足係個包邊失手烘燶左。食完隻蟹同炒蛋，吐司下半部得番生菜，有點失色但可以中和返前半部分既熱氣。值得一讚係個包裝，除左打卡美觀，仲好實用，唔怕整污糟手。

近期，韓國大熱嘅爆餡多士，香港都開咗幾間類似嘅麵包店，而位於深水埗嘅Try my bread就係其中一間，由開業到而家，人龍唔少👐🏻。脆炸軟殼蟹滑蛋多士 $60 (7/10)🦀大隻到oversize嘅軟殼蟹，放係多士入面夠曬震撼，已經係打卡點之一。多士明顯烘乾過，入面搽咗層牛油，咬落十分香脆。軟殼蟹炸到脆卜卜，非常邪惡，配埋滑蛋加沙律醬，咁多餡料，食完十分滿足！☺️牛油果拼蝦仁滑蛋多士 $50 (7/10)🦐晶瑩剔透嘅蝦仁非常爽口，配上滑蛋，感覺似中式嘅蝦仁炒蛋咁，除此之外，有幾塊牛油果，感覺都幾清新，去除咗油膩感。☘️

難得出開長沙灣，就決定黎依間好早就bookmark左既滑蛋吐司店，之前已經係社交平台成日見到佢既蹤影，今日終於有機會黎見下佢個真身啦～由於唔係太想食油炸野，所以無叫最受歡迎既軟殼蟹，而叫左個牛油果拼蝦仁滑蛋吐司。吐司本身唔太大份，大約同平時M記既包差唔多，但當然佢依個既麵包係好食好多，麵包用牛油煎香過，所以佢軟熟得黎外層會帶點香脆。而最出名既滑蛋都真係好滑，但d配料份量就有點少，得三片薄薄既牛油果同兩隻細細既蝦仁，完全唔夠喉呀！同埋唔知點解整體味道比我一種茶記蛋治既感覺，所以$40黎講唔太值。總結整體味道正正常常，但唔算話特別出色，所以對我黎講有點貴。而且佢主打係外賣，所以鋪頭都比較細同得幾個小位置可以食野。同埋個日假日既下晝去到都幾多人買，所以假日去既話要有心理準備要熱住企係度等。

位於深水埗嘅一間小店，招牌係滑蛋吐司🍞同越式法包🥖。只有少量座位同企位，主力做外賣。.🦀「脆炸軟殼蟹滑蛋吐司」(HK$50): 用上原隻軟殼蟹所以一定食到啖啖蟹肉😌，比較香口(亦好邪惡)。賣相一流‼️ 勝在有滑蛋同生菜🥬中和番冇乜油膩感。牛油吐司🧈輕輕煎過所以更加熱同鬆軟。.🥑「牛油果拼蝦仁滑蛋吐司」(HK$40): 牛油果厚切、大大舊，不過當日咁啱未夠熟，偏硬。蝦仁有預先煎過都有心思，滑蛋🍳份量唔少。主要食到牛油香同沙律醬味，相對軟殼蟹吐司淡味少少。.當下午茶呢個size係好飽肚。賣相類似韓國Egg Drop，但未試過冇得比較。下次經過會試下越式法包😬。

❀Try My Bread #長沙灣❀❗️港版egg drop 人氣爆饀蛋吐司❗️ ——————————————————前牌掀起一股韓風蛋吐司熱潮，呢間都算係較早期開業，但最近朝早11點去到依然人流不絕💥店主係之前去唔同地方旅行取得靈感，然後開咗呢間小店，除咗蛋吐司之外，佢哋仲供應越南法包、小食同特飲，所有食物都係即叫即製，熱辣辣香噴噴🔥。.✷𝑀𝑒𝓃𝓊✷☞脆炸軟殼蟹滑蛋吐司配飲品🍞$60最熱賣嘅款式🌟用上超厚身吐司，每一面都會先搽上牛油煎香，然後加上滑蛋同原隻炸軟殼蟹，再加沙律菜同埋蛋黃醬🥰特別欣賞佢嘅軟殼蟹，即叫即炸，脆口之餘幾大隻，有唔少蟹肉，最正嘅係仲有蟹膏，完全食到蟹嘅鮮味！滑蛋亦夠滑溜👍🏻不過略嫌整個吐司味道未夠香濃惹味，牛油味、蛋味亦唔夠，而且沙律醬亦都比較少🙈勝在冇咁易覺得膩，但覺得加多少少沙律醬或者鹽落個蛋度會更好。呢個價錢仲包杯茉莉綠茶，熱辣辣嘅天氣有杯涼透心嘅嘢飲都唔錯🥰鍾意佢冇乜加糖。味道:3.6/5 性價比: 3.6/5.整體來講，呢款吐司對我來講驚艷度唔算太高😶曾經喺大圍食過另一間蛋吐司(e for egg)，覺得嗰間嘅麵包更加鬆軟，味道亦更惹味，不過嗰間嘅軟殼蟹

炸軟殼蟹滑蛋吐司$60 軟殼蟹即叫即炸，好脆😍，本身隻軟殼蟹算大隻，炸粉唔會好厚，可以食到啖啖肉👍。嗰日我嗰隻仲有蟹膏（笑😂），滑蛋見佢係用明治牛奶煮嘅，唔會煮到太熟非常好，包體都有烘過脆脆的，滿意😋唯一缺點可能係太貴掛，不過之前食issac吐司經典款火腿蛋都要$4x就覺得呢度算合理😌，仲有作為軟殼蟹迷真係大滿足，成隻好好味嘅軟殼蟹😍-好食度：🌕🌕🌕🌕🌕Cp值：🌕🌕🌕🌑🌑

小店店內坐位得四個大家要預左立食啦兩個人叫左兩款多士同一杯野飲木瓜牛奶沙冰淡淡既木瓜味唔係得個甜字既假木瓜味—牛油果拼蝦仁滑蛋清新配搭唔膩有兩層牛油果蝦仁就得面頭一層食到尾仲有強烈黑椒汁係面包到—洋蔥牛肉滑蛋 芝士醬味道香濃肉量足—個人幾喜歡飲品個味道（飲料味道偏淡 未必個個喜愛）但炎炎夏日有杯沙冰已經加左好多分多士方面份量不大 大概3/4隻手掌雖然味道惹味但略略偏貴不過覺得小店食物有誠意全部賣相都好靚味道都相當不錯會再幫襯試埋其他款

想食呢間野好耐啦！今日行過所以就去食啦，我個人就很喜歡吃軟殼蟹所以一入去就即刻揀咗呢個T1餐，再跟一杯牛油果沙冰。所有嘅吐司都係即叫即做，所以要等一段短時間。但呢個等待係值得嘅，然後下一食落口就感覺到鬆脆，版的部份我很喜歡可能係因為醬汁的關係與這個滑蛋很相配，超愛他們的炒蛋🥰🥰雖然這個吐司要$60 ，但我覺得CP值很高CP值

🍞Try My Bread💛見到網上OpenRice IG都好多呢間小食店既野食相！作為麵包控嘅我當然一定要試吓呢個包啦🥰推薦美食：酥炸軟殼蟹滑蛋吐司味道：🌟🌟🌟🌟環境：🌟🌟🌟價錢：🌟🌟🌟🌟服務：🌟🌟🌟首先講下環境，店舖都係小店經營！店內位置大約有六個位左右，所以都比較推薦大家去買外賣。當日我係大約7點到，等包時間約20分鐘左右！所以都要比小小耐性～🦀吐司整體大小比想像中細，不過軟殼蟹都算炸得脆，只係略嫌有少少油膩，而配搭上滑蛋就令到成件事比較多層次同好味！滑蛋都算炒得滑同埋夠蛋味！越南法包嘅味道比較淡，相對而言滑蛋吐司表現較出色，不過如果鍾意食冇咁油膩多士嘅朋友都可以試吓呢一款💚

最近在網上看到長沙灣這間吐司非常受歡迎，所以決定前來一試😂自己對於吐司本身興趣也不是很大，結果試完後卻有不一樣的驚喜，太好食了😋👉🏻 脆炸軟殼蟹滑蛋吐司吐司是即叫即製， 是熱辣辣的🔥。材料豐富十足，女仔吃一個已很飽😂，可以當做一餐飯。甜甜的沙律醬和其他鹹的材料配合得剛剛好😋，而且我吃到最底都仲有滑蛋同椰菜絲， 真係值得一讚👍另外不得不提的是炸軟殼蟹脆口之餘裡面仍非常Juicy😍, 吃到一半仲有蟹膏， 好味💁🏻‍♀️