TLCBBQ

暑假難得無落雨更係出戶外玩盡佢喇🥳大欖好多燒烤場 ，揀咗呢間除咗任飲任食之外仲有好多充氣水池比小朋友放電諗住一個價錢包哂吃喝玩樂8個鐘地方大，設施多不過比預期中差🥹輕食還可以，但bbq同水池有待改善✨3小時 日間輕食甜品放題輕食有自製撈冷麵、薯條、麵包、葡撻、蛋撻、魚蛋、燒賣、雞翼、冬甩、奶凍、蛋糕、刨冰等等 都可以食飽一轉去玩先嘅，不過炸物/撻 最好等人拎咗一轉再整出嚟嘅好味好多🤭✨5小時 任食燒烤/火鍋放題食完輕食又即刻bbq😂成班人勁失望嘅係竟然肉類勁唔ok😳牛無牛味😳豬揼到勁薄😳雞肉雞翼個個都話醃唔夠味😳多春魚溶溶爛爛，第一兩包係完整一條😳食得最多係魷魚、金菇😂😂😂如果bbq首選都係同信😌👍🏻充氣水池平日好多都冇開❌穿越恐龍世界❌水上闖關水池❌放映區水池❌恐龍水池❌懸崖瀑布❌泡泡大戰但都有好多開咗嘅充氣不過好多都漏氣滑唔到😢小朋友們覺得得2個叫好玩d😌不過水池d水係超級污糟!!!😵‍💫水位好少，瀡滑梯嘅時候揼親個PatPat不過有好朋友一齊玩都開心嘅❤️但未必會再嚟呢到囉🤭…查看更多

今次黎到大埔繁星bbq撞岩落雨，所以好多遊戲攤位都暫時冇開，但地方超大，適合一家大細帶埋寵物來玩，喜歡玩球類活動都可以自己帶球來玩，因為場地設有一個大草地，真係滿足哂放電嘅朋友除左場地大，佢地食物選擇種類都非常多。奈何因為人比較多，好多沖飲機飲品裡面嘅野飲沒有補充，而少了選擇食物種類都多，都有好多肉類及蔬菜類除左燒野食，仲可以打邊爐唔怕熱氣，又可以同一班朋友傾計慢慢食👍係下雨天比較麻煩，因為場地遮傘唔唔夠，好多都會漏水，有機會濕身…查看更多

呢間大欖BBQ真係超正！環境好舒服，坐得寬敞，戶外空氣一流，啱晒一班朋友或家庭聚會。食材選擇超過70款，包括自家醃製牛仔骨、豬扒、泰式豬頸肉、咖喱魷魚、各式雞翼、魚、蔬菜同丸類，口味多元，肉質新鮮，燒完外脆內嫩，火鍋湯底可自選沙嗲、麻辣或豬骨湯，啱晒打邊爐控。甜品仲有自助刨冰、麵包、窩夫、香蕉等，食完鹹食再食甜品超滿足！飲品任飲。全部新鮮又好味，燒完啖啖肉超滿足，仲有麵包同甜品做埋完美ending，CP值高，服務又有禮，真心推介！❤️…查看更多

🧭TLCBBQ• 大埔🍴大埔大尾篤汀角路202號地舖夏日熱辣辣，朋友話入大埔燒嘢食。襯住未到炎夏7/8月，就捨命陪君子去燒啦⋯（簡直係愛啦哈利）💙去到環境幾好 一入場俾錢，佢就會俾一set所需要既用具你，之後就可以係個場自由選擇你想坐邊度。所以就可以自己揀啲邊小小位 唔洗咁焗。因為當日星期六都幾full, 如果周圍都起哂爐既話，都幾熱下。🥵🥵之後就入去拎野食，佢食物款式都幾多下。而且每份都係獨立包裝，可以避免俾人不停揀黎揀去 掂哂哂。而且佢有啲醃料都幾特別，係出面小啲食到。同埋佢居然係有西冷牛扒 同 牛肩胛，係無醃到，可以自己落鹽/黑椒食，感覺好似西餐 自己煎，成件事高級左🥩呢度既特色就係中間有個小鍋 可以俾你打邊爐/煮面。食食下可以淥下啲菜 過一過口🤣即食麵亦有福字麵，出前一丁，韓國芝士麵，韓國泡菜麵，印尼撈麵😛仼君選擇😌而且飲品都係仼飲，有汽水之外，亦都有咖啡，白桃烏龍茶，柑桔檸檬🍋🍹🥤食到最尾，佢有刨冰自製，岩哂呢啲咁熱既天氣，佢有唔同配料同醬，可以自由配搭。一食落去 簡直精神都返哂黎🤣呢度環境係舒服，啲野食都高質。而且佢出面有停車場🅿️ 都幾推薦！重點佢廁所係獨立座廁 乾淨光猛，因為附近好多都較污糟同得踎廁 實在無咁方便。呢樣抵讚👍🏻#hongkong #hongkongfood #foodstagram #foodie #bbq #barbecue #familytime #香港#覓食 #香港美食 #新界 #大埔 #大尾篤 #燒烤 #草地 #仼食 #放題 …查看更多

之前見過社交媒體網站彈廣告，見佢個爐幾得意，又可以燒烤，又可以打邊爐，咁就一心諗住試吓。點知原來係不幸嘅開始。首先book咗1830, 目測門口外有60幾人等候，已經覺得奇怪。等到大約1845，先開始慢慢慢慢慢放人入去，其他客人都有少少鼓譟。排到接近門口，正準備要比錢嘅時候，個舖頭跳曬制。。。。全場好似提早收舖咁樣熄晒燈。唯獨收銀counter沒有停電😌繼續如常收錢有啲客要自行開手機燈，有啲摸黑攞嘢食好笑係職員完全沒有驚恐，即代表習以為常🙂‍↔️收完錢之後，就好似你死你事咁架啦完全無人理你，帶位定自己揾位，又無人講。全部客黑暗中摸索，直頭係一片混亂。到自己搵到枱，原來又要憑收據自行領取煮食用具和爐具。我第一次行去問女職員，佢話要收據。但我第二次出去，發現我同行嘅朋友又唔洗收據😑之後問職員攞多一隻碟放食物，佢哋話每枱只有兩隻碟，即六人要共用兩隻碟☺️(隔離個哥哥話吹跌咗，個職員話：咁無架啦) 如果想繼續做落去，個人認為宜家E班職員只係會趕客，態度唔差，但工作態度欠奉，零主動性。可以直頭兩個冰機都無曬冰，見到機底。我去問職員，職員係後場抬咗一包現成冰出嚟，然後表示冰機壞了。。。。重點係，抬咗一包，就完了，我後面有3,4個客人都需要冰🫢只可以用無奈嚟形容今次嘅經歷，sorry直頭係可笑。順帶一提，就算有消費，用佢個爛地停車場也要收費, 真係識做生意🤗…查看更多

希望 BBQ 場老闆自己可以睇到 呢個 食評。 個場本身做得幾靚，食物衛生同環境都唔錯，可惜請著幾個唔多願做嘅員工，收左錢之後俾左 D 餐具同燒網就算數，之後問加炭係咪有同事可以幫手用吹風機幫手打風入炭堆，點知未聽完客人問題就已經唔想答人嘅態度，一味就叫話搵 出面同事幫你，態度差的 4 位 (2 男 2 女 )就圍埋自己玩同擺出一種唔多想答你嘅態度。再重申多一次，唔係叫你幫手加炭，而係問緊你係咪有吹風機幫到手，唔願做野，唔想答野，心情差係可以唔好返呢份工，早 d 返去瞓。希望負責人正視番場地員工問題，唔好因為幾個懶散員工影響客人對你地嘅觀感…查看更多

趁天氣仲凍，假日約了一行5人大家去BBQ，之前睇個fd介紹的TLC BBQ幾正，一於去轉，位置係大尾篤，燒烤聖地，都算方便，(至少比較識路先)，因為好多人，book定穩陣點。網上book，星期六日及假期每位$198，任食13:00-17:30(日間)，好充裕的時間，開爐費$80。燒烤場好大就梗，有瓦遮頭最安心，渡唔洗曬唔怕落雨，因假日之下，越晏越多人BBQ。賣點係呢個燒烤枱，燒烤加打邊爐一次過滿足晒，圍爐用餐，方便又有特色。場內亦有不少玩意啱晒小朋友。自在區，食物上真係幾多選擇，基本野必有，而且有多款口味，多款飲品任食(除左酒同標左價嘅)，仲要有埋咖啡，火鍋湯料有3款，香蒜、沙嗲及四川麻辣，可自行調配。第一轉已燒好多野~~好多野都想食~太耐冇BBQ。叉燒粒，香口惹味，果然係招牌貨必食，追加。中間個火鍋同淥下菜同菇等，有肉有菜。土匪雞翼都好味。金沙骨惹味。牛扒都幾好味。餐肉、鴨胸及豬柳都唔放過。仲要狂燒麵包~蒜蓉牛油太正。燒菠蘿係最好嘅甜品。燒牛油粟米扮以前嘅KFC。食物味道不俗，而且Refill得好快，下次有機再戰。BBQ後散步(太飽要消化)，行去了龍尾灘，吹下海風睇日落。順便回程。…查看更多

真係好迫 一個爐 下係係個鍋裝炭 得中間位熱 仲要得十張凳 一張枱 隔離個張無reserved 又唔比人用住擺野食先 又迫又熱 支裝飲品要比錢 W免費飲品選擇少 野食少過五十款 又要無牛 丸同菜占左6個櫃 無下次 以為有得打邊爐 啲炭屎一定會飛落爐到 望落都無胃口 個爐仲要係個啲一人火鍋咁大個 餸個啲又冇乜 冇雞件 冇羊 冇肥牛 冇雞子 鵝腸 牛柏葉 鮮牛 咩都冇 全部都係丸 食丸我去seven好過 根本攞噱頭 又貴 人頭又要300蚊 泊車全日50唔貴 但係其他燒烤場全部都free bad trip…查看更多

餐廳的地點距離港鐵站有點遠，需要在大埔墟港鐵站轉其他交通工具才能到達。燒烤場地方很大，平日晚上不是很多人，可以選自己喜歡的位置，店員會過來幫忙起爐。與傳統的燒烤不一樣，這裡可以一邊燒烤一邊吃火鍋。食物需要自己在自助區拿，種類繁多，除了不同的肉類和丸類外，還有蝦、魷魚和小墨魚⋯全部都有獨立包裝，安全衛生。蔬菜類和泡麵類的選擇也有很多，飲料也是自助，還有不同口味的醬料。每桌都有帳幕，下雨也不用怕。另外，洗手間乾淨沒異味。比較可惜的是十點鐘就關門。…查看更多

#20241208 🤍📍 #TLCBBQ @tlc_bbq 屯門大欖涌村385地段 🍽️大埔大尾篤汀角路202號地舖➖➖➖➖➖➖➖➖➖➖➖➖➖➖➖➖➖#夜間時段 #星期六日公眾假期 #成人 $238/位💭 呢個燒烤場最吸引人既地方莫過於佢個爐，大大個圓形網燒，圍住個爐係張檯可以方便一路燒一路食，咁就唔會好似以前啲燒野食咁，想食野就要叫人幫手睇住啲野食😂另外中間有個煲仔可以落湯打邊爐亦係一大特別之處🍲. 🥢 #肉類💭 平時常見既款基本上都有，最多就係唔同味道既雞中翼，可以實現雞翼放題🐔金沙骨、牛仔骨都係唔錯，扒類就大大塊，比較難分，雖然有幾款係會醃得有啲過咸，但唔建議拎果啲未醃過肉，無味之餘都會相對韌啲，尼呢啲地方都係食返鬆肉粉會好味啲🥩. 🥢 #海鮮💭 成個場有4款海鮮，多春魚用尼燒一流🐟墨魚仔就無試過，唔知味道如何🐙蝦係用熟蝦再冰左佢，所以食落肉質係霉霉地，燒到佢脆口連殼食都唔錯🦐最好食都係咖喱魷魚，爽口得尼又夠味🦑. 🥢 #包類 💭 燒野食通常一尼到肚餓就梗係燒啲快熟野，包就係一個好選擇，呢度有方包又有法包，方包最岩搽蜜糖🍞法包就最岩搽牛油蒜茸整蒜茸包🥖仲有樣正既係佢有窩夫，可以燒到咁上下加啲朱古力同椰果之類做甜品，飽肚又好味🧇. 🥢 #吊鍋湯底💭 講完燒野食，佢另外個賣點就係有個小吊鍋可以好似去camp咁玩野炊，湯底統一用豬骨湯底，清到清湯咁，但有好多醬可以撈落去用尼自製湯底，要麻辣定沙嗲都無難度🌶️. 🥢 #蔬菜 💭 有左個鍋最好就係終於可以燒野食有菜食，平時啲菜如果唔係用錫紙包住就好難燒，而且可以燒既種類都唔多，煨熟時間亦要好耐，用淥既就唔同，清清地食下菜，係燒野食難得既健康🥬. 🥢 #丸類 💭 丸呀腸呀呢啲野真係好百搭，想淥又得，想搽蜜糖燒一樣咁好味，強烈推薦搽蜜糖燒豆卜同枝竹食，本身就想像唔到味道係點，但食過真係返唔到轉頭，未試過真係要試下🍯. 🥢 #麵類 💭 呢度有好多即食麵供應，日式烏冬又有、韓式芝士麵又有、港式福字麵都有，燒野食最驚燒幾個鐘都無食乜野，到頭來都係餓住咁返屋企食杯麵，尼呢度可以淥返個麵食，咁就唔使驚唔飽啦🍜. 🥢 #飲品 💭 野飲大部分都係汽水機度斟，有肥仔水、蘋果綠茶果啲，不過溝左水咁唔多掂，另外有啲茶包可以自制冷泡茶，建議落兩三個茶包先會夠味🫗雪糕、棉花糖都要收錢，要免費甜品就得刨冰，乾唔乾淨見仁見智，無食到就唔比comment喇🍧.#屯門美食 #🐷在屯門 #大埔美食 #🐷在大埔 #🐷_食 …查看更多

今次團拜一行10 人，試吓BBQ , 最鍾意佢中間可以hotpot , 唔想咁熱氣又可以hotpot 下，仲有好多麵款，仲有烏冬米粉可以選擇👍🏻有自助飲品汽水機供應，亦有冷泡茶，熱茶，款式唔算多，但對我哋來講都算足夠👍🏻朋友飲啤酒$15 一支，都算合理👍🏻整體全部嘢食都質素幾好，最好食係雞翼，有多款味道😋仲有雞全翼🤩我嘅最愛！佢嘅墨魚丸同牛丸都推介，BBQ 任食質素而言算出色！仲有自己燒茄子，有孜然粉辣粉蒜蓉牛油等提供，好正😊人均$250 ， 貴過側邊幾間少少，但係都覺得值得👍🏻👍🏻另外：泊車費$50 ， 開爐費$50 亦有免費彈彈床比小朋友玩，另設付費攤位遊戲、夾公仔機etc …. 小朋友都算有d 嘢玩，真係算唔錯👍🏻可以再回訪👍🏻…查看更多

📍TLCBBQ星期六6:00pm入埸大排長龍比錢 人流安排較差雖然本身$238 per person都不期望太多 但係食物種類太少 肉類只有基本既豬牛雞 不過雞翼有好多唔同既味 調味都唔錯 純粹係方便唔使霸爐買野食 但係質素真係強差人意…查看更多

家庭活動十多人找地方有許多考慮，之前來過，覺得爐間寬鬆，不會與陌生人太緊逼，而且洗手間是很清潔企理，所以家庭燒烤都選這裡。我們揀了日間燒烤時段，1300-1730，很充足，價錢不算貴。不過，付費入場後，若不是來過，根本不知道流程，每每都要問。不過來兩次，職員都友善的。食物種類比上次不同，質素正常，肉質也不會太差，有得燒又有火鍋，這是很好。不過飲品真的一般，許多只有糖水沒有氣。相反有些淡得無味。如果純粹相聚，這是不錯的環境，但若對飲食有要求就會不滿足。今次最讚的是牛仔骨及法包，好味！…查看更多

12月26日仲係聖誕假期紅日，我地約埋一大班朋友到大埔大尾篤諗住BBQ，已經一早上網訂好位。去到現場見到大排長龍登記比錢入場，開頭以為啲人排walkin，點知原來係所有人都要排隊。排左10幾分鐘，終於成功比錢入場。點知入到場，樣野都要排隊，由自己去搵位開始，再到輪候斟嘢飲都大排長龍，甚至連所有雞翼都俾人拎晒🙈雖然選擇多，一個價錢包埋任飲，但係都建議平日先好去，大時大節都係要考慮下！不過整體都有氣氛🤣 多人夠晒熱鬧。…查看更多

12月26日夜晚頭一個鐘冇牛肉。飲品一半飲針都冇曬。牛仔骨要職員一舊一舊價畀我哋。唔知係咪老闆特登頭一個鐘唔出牛肉諗住慳錢。我建議去第二間好過。或者去屯門分店嗰間好啲。仲有食食下停電，簡直嘥時間！牛肉未來之前，得返啲豬扒雞翼同埋蔬菜嗰個問佢話啲牛肉去咗邊佢就話車緊嚟未到未到七點半先到。七點半嚟喇，佢就話仲要等多陣跟住大概八點先有牛肉出。我都唔明點解可以冇曬牛肉嘅。食肆最少要預早幾日嘅食材啦佢就冇預計囉。跟住12月26號又收貴啲喎好似268蚊一位。同埋啲肉可能佢唔夠時間醃啦啲肉全部都好似冇乜味。…查看更多