The Stadium (已結業)

放工想搵地方食下飯放鬆一下當然要揀啲坐得舒服氣氛好既餐廳。當然地方有要求外對食物都一定有要求。今晚同朋友嚟到觀塘既The Stadium，之前嚟過食tea,今晚一於試下dinner，令小妹再嚟幫襯其中一個原因係呢度既裝修好吸引，以運動來做主題的裝修令人感到另一番熱血沸騰既感覺，不論餐枱，房間，大門外連洗手間既裝修都花了心機，喺呢一個環境下同朋友暢談特別痛快！特色球迷沙津 $108 (素食)先嚟個頭盤沙津，平時小妹通常會點有肉類拌既沙津，今次小妹為我主菜肉眼扒而準備，點了以全素既沙津。名都夠架勢叫特色球迷，不得不試了。沙津配料很多，除了沙津菜外有車里茄， 甜粟，黑豆， 黑欖，半熟蛋， 無花果，西柚， 葵花籽，南瓜粒，栗子。。。葵花籽跟無花果的獨特味道為沙津帶來驚喜，更清新。令小妹對全素沙津完全改觀，原來可以咁鮮味！美國特級肉眼扒 $288 （9 oz）嚟到西餐小妹必食牛，而肉眼扒係小妹最愛既部位。5成熟肉扒保持粉嫩顏色，肉質更嫩滑有質感，肉味甘香，油脂剛好。9oz肉眼扒配上大大份薯角及配菜，另配有蘑菇醬汁。300蚊有找，抵讚！脆烤雞翼 $88 (6隻)雞翼外層炸脆，再表面淋上BBQ s

觀塘真係有好多各式各類嘅餐廳，今次就去咗呢間走美式運動風格既餐廳。呢度地方非常之寬敞，用咗好多唔同運動嘅元素，杯，枱墊，仲有足球機，直播球賽嘅電視等等。嘢食方面都係以美國菜為主。今次要左份安格斯牛肉漢堡，呢個漢堡包真係好！高！分！先講個安格斯漢堡牛肉味勁濃又juicy，其他配料亦都好豐富，有大啡菇，生菜，蕃茄，青瓜，炒洋蔥，煙肉，最有誠意嘅係連芝士都有兩款！啖啖滋味。伴菜嘅薯條都好好味，粗身唔油膩。另外亦要左一份香蒜蜆肉意大利粉，其實呢款意粉只要蜆肉夠新鮮，白酒味夠濃通常已經好好食。我好欣賞呢個就係加咗少少辣椒同埋蕃茄，小小辣同埋酸更加可以提升意粉嘅味道。飲杯野chill下，都真係有一刻以為自己去咗美國旅行。

之前喺觀塘返工做過一段時間，掌握左唔少打工仔休閒嘅好地方，今日同同事lunch可以食耐少少，即刻諗起呢一間The Stadium 地方夠大，空間感十足，播着悠閒嘅音樂，可以俾你慢慢坐，慢慢食同埋慢慢傾愛呼吸新鮮空氣的朋友，亦有戶外空間俾你選擇，恍如鬧市中嘅一個綠洲午餐嘅選擇種類多元化，有沙律意粉漢堡包燒雞等等，一應俱全蕃紅花忌廉汁燒蝦扁意粉扁意粉烹調得夠煙靱，口感一流。忌廉汁掛滿每條意粉，每一口都很滋味。一碟有四隻大蝦，蝦肉結實，爽口彈牙之餘，蝦味亦都濃郁惹味辣香草燒春雞愛香草的朋友有福了，用咗大量嘅香草去燒，每一啖雞肉都釋出香草嘅味道，外層燒得乾脆，做到鎖死雞肉肉汁的效果，雞肉嫩滑。已份量來講，我會叫佢做燒雞，而不是燒春雞，因為其實幾大隻下餐飲套餐包餐飲，連Rosemary lemonade 都有，酸酸甜甜凍冰冰，夏天解渴之選連加一每人百零蚊，好悠閒地食到一餐高質午餐如果有時間，仲可以喺度玩足球機同桌球添

觀塘工廈隱世西餐呢間餐廳經常都好Full ，今次三個朋友專登book位食 ，地方好大環境好靚，三五知己食下飯吹下水真係一流👍🏻 The stadium 啲野食真係唔係講笑 ～每份都好大份架～我哋三個人叫三份野食都食唔哂😂好抵食 牛扒～牛味十足～薯條大大條仲要岩岩炸出黎好香口 👍🏻 牛肋骨～一黎到見到好大排骨已經嘩左一聲😆味道真係唔錯 肉質好鬆軟好易入口～仲有票米同沙律做伴菜 焗薯～配搭芝士我最愛食芝士 呢個要推介比鐘意食芝士既朋友👍🏻

星期日，去運動前，先去以運動做主題的餐廳食飯。The Stadium位於觀塘the wave4樓，可以乘坐升降機直達。12:00-15:00提供午市套餐，餐牌中英兼備。最基本是一客主菜和飲品，加錢可享餐湯、沙律或咖啡。做運動前，當然不應吃得太飽，所以只叫了一客芝士忌廉醬烤雞肉寬麵。芝士忌廉醬味道調得剛剛好，芝士醬不會太過濃烈。黏黏的口感，配合彈牙的寬麵，是個一流的配搭。雞肉的細嫩，加上andouille sausage的香辣，是個令人食指大動的午餐。飲品是簡單的熱檸茶。加一後消費不需150元，加上場內運動設施與及非常寬敞的座位，可以說是渡過週末的理想休閒之處。

觀塘出名多工廈餐廳，但有時又唔想去啲咁舊既大廈、搭啲「依依兀兀」既𨋢，去The Wave會係個唔錯既選擇。呢座翻新過既工廈全座都係食野既，離港鐵站大約兩三個街口，門口係搶眼既黃色，唔難搵。今次就揀去Stadium，主要因為佢星期日都有set lunch，主菜包杯野飲，價錢大約$100，唔算太貴。呢度一層一間餐廳，所以都幾闊落。餐廳每個角度都有擺部電視，我地附近嗰部就播緊英超精華，一坐低就見Aubameyang入波🤤🤤🤤叫咗兩個set lunch，首先嚟既係雞肉寬條麵。坦白講有啲失望，唔知點解我會期望佢係焗寬條麵，不過個汁有好香青檸味，比起平時啲忌廉汁冇咁漏。另外就嗌咗個burger，塊肉唔算超級juicy，但勝在夠淋，加埋啲菜呀蕃茄呀一齊食都唔錯。另外薯條幾香脆，就算明知熱氣都一條接住一條喪食😂🙈備註：晏晝嚟食walkin都大把位既，但之前試過夜晚嚟可能因為有波睇，冇book就冇得食。想試既留意返

好耐都未食過美國菜，一向知道美國菜比較大份，我同老公兩個人通常叫得一兩樣菜式。今次約咗朋友嚟觀塘呢一間餐廳，係一間樓上餐廳嚟㗎。裝修好有特色，用咗我同老公都好鍾意NBA做主題。連杯墊係用籃球🏀皮做岀來的！ 到處掛滿球衣，亦都有開放大電視俾我哋一齊睇足球。呢度啲啤酒真係超級平。三十八元一杯Stella！ 仲要大大杯。呢度啲菜式都普遍大份，而且價錢10分合理我最鍾意嘅pork rib有half size選擇。$188半份，288一份，方便我哋個肚有位可以叫其他小食，但係其實本身都相當夠食。我嗌左杯Rose MaryLemonade，老闆話喺呢度嘅主角飲品賣相真係幾正而且唔係好甜.我最怕甜耶耶嘅東西。$68一碟芝士厚切薯條超大碟，下次想試埋黑松露。如果約到朋友嚟飲啤酒同埋食小食都超級抵。喺呢度好似何時間都係happy hour

朋友啱啱轉左新工係觀塘返工，趁今日happy快哋就約咗佢喺附近嘅The Stadium食飯。早一日打去想book位佢話已經full左只能夠walk-in，不過去到又唔算算好多人。餐廳嘅設計係以運動為主，一出𨋢就有部足球機，仲有露天可以坐，不過星期五都係想有冷氣舒服dHappy hour做到8點，Stella同Hoegarden都只係$38一杯咋，好抵Mac&Cheese-足料但唔會好膩，份量剛好，多d都食唔晒安格斯漢堡-呢個推介，牛肉份量好足，個包烘過有少少脆，同埋鍾意有幾條沙律菜中和返，最鍾意實火箭菜架啦。不過薯條唔可以加錢轉黑松露薯條，所以只能食返普通薯條🍟BBQ雞翼-呢個係有失望嘅，本身諗住應該係烤雞翼，點知做法其實同水牛雞翼完全一樣，同埋個醬太濃，同埋炸粉太厚，後悔點左呢個黎食總括來講，建議可以分兩次點野食，因為上菜好快，一次過黎晒，都唔知食得邊樣，可能雞翼就係因為咁唔好食，價錢方面尚可，座位亦夠舒服。

這裏場地很大整層樓都是這間餐廳的，一步出大堂就看到美式足球機，而在酒吧前面亦有美式桌球枱。特辣肉腸至尊薄餅脆薄餅底像餅乾鬆脆，上面的辣肉腸其實不是超辣，我就覺得可以接受而且很香很開胃，材料新鮮簡單，烤的溫度剛剛好不會過焦。美國極黑毛豬不是全熟的豬肉真是要外國進口才敢吃，聞落去有浸酸宿味，吃下去又正常。Negroni這款雞尾酒不是所有人能夠接受，有種苦澀味，秋天喝一流，成份有gin，Campari和sweet vermouth，幾種苦甘味留在口中。

觀塘活化工廈後總令人百去不厭 太多小店了也有很多特色小店 這次去這家桌球+西餐廳去過銅鑼灣分店覺得不錯 所以再來觀塘店😏這家店位於活化後的<The Wave>裡面4樓全層環境挻涼快 地方比銅鑼灣店大 還有戶外座位挻多位置可以坐呢 看看餐牌也有好幾款選擇·All Day Breakfast HKD$108·烤連骨豬扒配鮮果沙沙醬 HKD$138·熱朱古力 HKD$20(跟餐價)·Rosemary Lemonade HKD$0食物素質不錯挻大份🤤 豬扒挻多肉汁不太韌All Day Breakfast很大份食到很飽耶😋😋在一個環境不錯的地方與朋友食個午餐也不錯我們也慢慢地享受 這次也沒有玩到桌球

同同事係嗰邊開完會就想揾個氣氛好又可以飲酒吹水既地方，The stadium絕對係一個唔錯選擇，睇得出入面既佈置格調都花過心思。主打運動風格，牆壁上掛左一些網球或拍等，因為係平日唔需要等就入得。叫左三樣野食，幾鐘意佢既黑松露薯條，新鮮即炸，好食。pizza亦相當有風味，份量同size都扺食，陪酒既推介。 另外可以叫既酒類亦相當多，生啤，cocktail, mocktail應有儘有，唯一係個人覺得cocktail個d嗰杯size好似冇bar咁大。

每逢月尾都要放縱下自已個肚位於觀塘The Wave有好多餐廳，今次揀咗The Stadium, walk-in 好多人今次好彩indoor有位一開始叫咗個火辣脆烤雞翼，味道好濃有小小辣。主菜叫咗個茄汁肉丸意粉同美國特級肉眼扒，意粉有好多肉丸好抵食（有5粒），而塊扒又大塊又多配菜有薯條大份夾抵食

觀塘工廈西餐雲集，呢間the stadium一直人氣唔錯，黎到都見到好多人食晚餐。Caesar Salad $128海鮮扁意粉 Seafood Linguine $168海鮮份量豐富，有大蝦同青口等，味道相當清甜，意粉麵質都唔錯。安格斯牛肉漢堡 Beefy mushroom burger $138牛肉好juicy，而且份量好大，食完好滿足。蘑菇雞肉闊條麵 chicken and mushroom tagliatelle $128汁好creamy味道濃郁，雞肉口感都唔錯。

一向同朋友鐘意食西餐，The stadium既野食唔錯，於是夜晚就係到食晚餐。Menu 都好多選擇，大大張好別緻。Chicken& Mushroom Tagliatelle$128雞肉磨菇寬條面，味道好好。白汁濃郁，份量足夠，寬條面吸晒汁。The stadium Caesar Salad$108沙律加了溫泉蛋，味道清新。Beefy Mushroom Burger $138牛肉磨菇漢堡份量十足，薯條即叫即炸，牛肉夠厚切，餡料足。

跟朋友一起來吃 餐廳很大 很多電視機播放體育節目 點了一份愛國者漢堡 一份西瓜汁 很快就上餐 覺得挺好吃 但是太撐了 環境很吵 講話要很大聲 但是食物質量好 很不錯👍🏽 就是感覺價錢可以再便宜點