The Platter (悦品天秀酒店‧元朗) (已結業)

香港疫情比之前已經暖和些，找過環保舒適地方吃午餐，在天水圍近近地坐輕鐵到天悦站，就可以去到悦品天水圍酒店The Platter 吃過半自助午餐，現在還有75折，在餐廳門口職員也很細心，叫每位客人量度體温，搽手液，裝安心出行，才分配坐位，這天餐廳都坐滿7成人，我已吃過幾次，覺得價錢合理，食物品質幾好，一份主菜有5款選擇，飲料，餐湯，沙律吧，甜品也是任飲任食，職員態度有禮，環境舒適，休休閒閒地享受午餐。10－4－2021

老公生日，想租間新界西既酒店Staycation,見到The Platter呢個Package平得黎包一餐自助晚餐就訂了。半自助晚餐黎講，佢既沙律同甜品吧選擇真係唔多，而且睇落好食會想夾既更少。最好食既係麵包糠，應該係用蒜蓉包黎整，好香口。貌似最唔伏的中華沙律，好淡口，勝在夠凍。甜品方面有隻港式雪糕，有啲味望落好奇怪唔夠膽試……例如係麻辣味。食左雲呍拿同玄米茶味，唔Creamy, 但都算正常雪糕味。主菜方面，睇到好多人都話個牛扒Overcooked. 就算已經叫五成熟已經都係好熟，惟有自己切細舊啲食冇咁老。不過個薯菜又真係好有驚喜！超Creamy, 香，外層焦脆，有淡淡菜味，仲食到薯仔塊，暖笠笠食真心好想瘋狂Encore! 整體而然如果用Package價食呢度環境，再加酒店鋸扒黎講，佢性價比都真係算幾高，好收貨。不過如果75折淨係過黎食晚餐，我相信呢個價都仲有大把選擇。

超級冇野食的早餐因為Join左Package所以送免費早餐。不過如果要俾$4X食，就真係幾唔抵下喇。一黎佢既款式超少，基本上10隻手指數得完。煎蛋係相對地好食既食物，其他我自以為係基本野既Yogurt, 麵包類都係冇既。二黎其實佢啲食材…..咦咁熟口面既，差不多是等於前一晚會見到既野，例如2款沙律菜、午餐肉。想食得飽啲都唔知可以夾咩好，好似都係俾附近食番個正常茶記早餐會豐富、開心啲。

行過見到外賣自取6折一個飯$60～75 咁都係貴過附近餐廳少少所以就試吓先始終酒店出品唔會太差但打開就真心中伏啲雞煮到勁爛慘過嘔吐物味道得辣字冇咸味又冇雞味啲飯又太淋太爛....完全想像唔到一間酒店餐廳出品可以難食到咁早知行多兩步去天一兩間冰室又平啲又包野飲仲好食好多

自從疾情開始呢間係天水圍酒店入邊嘅餐廳就開始做緊唔同嘅折扣優惠，前牌做緊七折晚市半自助餐優惠，決定一試。由於係酒店入邊嘅餐廳，地方都算大，座位之間尚算闊落坐得舒服。自助區方面嘅選擇就真係好少啦，除咗飲品之外，有少量嘅甜品，兩款湯嘅選擇，仲有少量嘅沙律菜同泡菜，半自助形式來講都算比較少選擇。比較推介嘅係個南瓜湯，都算幾濃郁，同埋個焦糖燉蛋。至於主菜方面，選擇都有唔少，牛扒就係最貴既， 但係就10分失望，比較硬又乾，唯一驚喜嘅係佢嘅配菜薯蓉，好香牛油味。

天水圍悅品天悅酒店半自助餐晚餐75折主餐我叫了西冷牛扒 ，我要5成熟，但結果似7成。幸好牛的質素不錯，汁不太咸。最驚喜的薯蓉，煎過，裏面勁多芝士，好正任食前菜，湯和甜品和飲品質素唔多掂是日中湯白菜乾豬骨湯，太淡味，太多水甜品無嘢推介。cake 味道怪怪我未食過這牌子雪糕，寫住番港製造。玄米茶特別。一食是重玄米味，但雪糕質感唔滑，唔好味西冷牛扒最貴＄228再有75折這酒店很好喎10％服務費是按75折後計

本人在9月12日在貴酒店食晚餐半自助餐。有一枱食客太嘈，影響我享用食物的時光和情緒那枱食客一共四人，一女三男。其中紅衫女食客大聲呼喝一名戴眼鏡的職員。該名女食客叫職員輸入她信用卡密碼付款 .職員拒絕。食客大怒並多番刁難該職員。我相信貴酒店一直以優良的服務態度行先。這事件中，我認為貴酒店對員工培訓不足，未能有效處理食客無理要求和控訴。我希望貴酒能對前線的工作人員作出適當培訓。另外，我也希望貴酒店能有黑名單，不招待這四位食客，令其他食客能在安靜的環境享受貴酒店高質素的食物。

新冠肺炎疫情在2020年7月中又轉為嚴峻，政府更禁止晚間堂食。酒店餐也要推優惠自取外賣求存。呢間餐廳一遇上疫情，加上在天水圍北，附近多是公共屋邨，人流生意大減，也推自取外賣優惠。只要預先打電話預訂，就可以免去你等食物，反而是食物分分鐘已在你抵步前已整好。優錢看來吸引，由五十幾元至七十幾元都有，不分午市或晚市。但當我取貨後一看，那盛器並不大，可謂佢打折比你，份量也打了折。胃口大的男人可能不夠。其中，咖喱雞飯收成七十元，不如去快餐店或茶餐廳，價錢更相宜。另外一提，那烤豬肋骨，骨大而肉少，要點，建議你點兩份，加起來都只是一百六十元左右，不算貴，但至少你會飽。

聽朋友介紹，就去悦品酒店試吓半自助午餐，環境舒適，服務有禮，食物一份主菜，沙律吧、飲料、甜品可任吃，只可惜没有雪糕同生果，整體上食品味道可以，以一個午餐價錢，可以吃到好滿足，所以下次會再光顧，也會試吓半自助晚餐。

Finally got a chance to have lunch buffet there!The price is reasonable, a steak costs $138 including the buffet!If only buffet (without the main) it’s $58 only. The buffet area is not big, but got most thing we need, like salad, pasta, bread, soup, dessert and drinks. I like the pumpkin soup, rich and smooth. But seems lunch buffet no ice cream.

收工黎呢度食semi-buffet，一個人都係百幾二百蚊度，但估唔到啲main course 都幾有驚喜🙈🔸芝士肉醬千層麵（$158）一上菜嗰時覺得賣相好靚，而且啲芝士味勁香勁濃💕🔸燒牛西冷配紅酒燒汁（$228）🔸香煎石斑魚柳（$198）🔸焗豬柳配葡萄馬爹拿酒汁（$178）豬柳既酒味好夠，估唔到仲好食過牛🤭自助吧方面，選擇就唔算多，主要都係沙律同菜咁，唔見有生果🤔湯都係分咗中西湯，西湯係蘑菇湯，唔會太傑身，飲落有淡淡既蘑菇香好正🤤甜品有涼粉、tiramisu、麵包布甸等等，雪糕隻牌子比較少見，但都有好多唔同味，最鐘意沖繩海鹽味，一打開係粉藍色好靚，食落咸咸地咁幾特別😋呢個價錢有得食semi-buffet，仲要主菜質素都唔錯，性價比真係幾高😋

今日去食一間天水圍悅品酒店既西餐廳呢間酒店都系天水圍開左好一段時間，今晚就決定試下佢首先，餐廳環境絕對要一讚，三個字「夠哂靜」晚市套餐會配送半自助沙律吧（原價$58）款式都幾多，有泰式粉絲沙律、紅腰豆、火箭菜等，岩哂夏天食呀香煎盲鰽魚柳配海鮮忌廉汁焗薯一上菜就比塊煎到金黃色既魚柳吸引到，仲有菠菜+紅蘿蔔做伴碟，魚肉煎得夠乾身，同時keep到肉汁，但略嫌有腥味，後黎友人拎左塊檸檬揸汁🍋先去到腥味，配埋忌廉汁，成個味道正常返哂另外，友人叫左個焗葡汁雞飯，佢話要比滿分，個汁做得非常出色，椰漿味重依家晚市仲做緊7折優惠服務員好勤力咁幫忙收碟加上環境夠靜，絕對係談心好地方

位於天水圍內的天秀酒店的餐廳，現做緊半自助餐晚餐7折，花款不多，勝在靜靜地又唔貴，「燒肉眼扒」不錯肉質鬆軟，燒過更香，「煎焗鴨胸配砵酒紅梅汁」鴨胸過火靭了，其他食物都不錯，如經過天水圍，可以試下

天水圍……除了濕地公園，許鞍華的<日與夜>及<夜與霧>，實在概念迷糊。什麼？！有酒店有自助餐？！好吧，相請往大西北走走，就走走，但醫肚皮是要事。午餐餐牌如下。至四月十二日做八折優惠，咁就試試，理應不會太差異吧。沙律吧，圖中小碗是中湯赤小豆眉頭粉葛紅蘿蔔湯。點解要重點描寫佢？因為佢竟然系我依餐唯一可以叫做熱的食品(可能西湯都系的，但紅甘荀忌廉湯真系敬謝不敏)。這個薯蓉用了太多牛油。七成熟牛扒是放了多久才由廚房送上？入口沒暖度，還得配一個糊得很的肉汁。這個豬排骨好一點。但同上，配菜只有色，無味而老江湖。您巴望薯條好多點？對不起，不脆的。其實還有三四樣式的甜品自助取，可惜己無勇氣。觀其佈局也有用心位，可借服務員神色慌張，加添了許多古怪氣氛。

Semi buffet黎講算係ok吖，食物選擇雖然唔多，但基本嘅嘢都有，沙律前菜、麵包、雪糕、啫喱、蛋糕仔，飲品都係自助，熱茶、咖啡、橙汁自己斟。今晚一行4人叫咗牛、羊、魚。份量比想像中少，味道方面牛同羊都ok，但魚就比較失色煎得唔夠香口，加咗d汁上去令到條魚淋咗。值得一提嘅係雪糕有好多味道揀，芒果、椰子波羅、海鹽、等等應該有起碼6款我揀咗玄米茶，因為少見d餐廳面積雖然唔大，但坐得都算舒適，價錢方面每人平均$200唔洗，包主菜、沙律、甜品、飲品。呢度傾計enjoy下都唔錯，而家喺出邊求其食餐飯都幾百蚊 啦