The Pizza Pig

營業中

休息中

坊間食牛嘅餐廳非常之多，但係食豬嘅就好少，今日同唔食牛嘅豬隊友嚟咗呢間口碑唔錯嘅豬門店聚餐 ！餐廳樓底超高，空間感十足好舒舒適，四周都擺放着有關豬嘅擺設十分貼題喎！烤斧頭豬扒 $298500g配辣肉腸醬、菠菜、忌廉、蒜香蜜糖汁，斧頭豬扒非常厚身大件，醬汁微辣惹味，三個人食都足夠。意式炸雜錦海鮮 $148海鮮豐富有白飯魚、迷你八爪魚、青口、軟殼蟹、大蝦、檸檬和蠔，配香辣菠蘿醬，甜甜地幾開胃！8 ＂Margherita $118蕃茄、羅勒Cherry Tomato ，芝士有Parmesan 水牛芝士，簡簡單單，味道唔錯！Tiramisu意大利芝士蛋糕 $88呢個甜品係餐廳signature軟滑mascarpone 芝士，咖啡酒手指餅，入口軟滑輕盈！

The Pizza Pig荔枝角分店開在D2 place Two,，環境舒適，裝修精緻走歐陸復古風，結合窗外光線打造一種輕鬆愉快的用餐氛圍。餐廳設有好多卡位，非常舒適，適合家庭聚餐或朋友聚會，讓人感到放鬆。餐廳的招牌菜式SIGNATURE PIGGIE非常出色，薄餅的餅底薄脆，配上手撕豬手、意大利香草肉腸、辣肉腸及火腿，口感層次豐富。再加上烤燈籠椒、紅洋蔥和水牛芝士，賣相出色，可以揀晤同嘅尺寸，適合唔同人需要。56 H SLOW-COOKED BBQ BEEF SHORT RIB的慢煮醬燒牛肋骨，超級大份，色澤吸引，牛肉肉質軟嫩，醬汁香濃，搭配烤薯和菠菜，非常值得一試！

聽人講啲嘢呢間Pizza幾好，今日就嚟試一試煎海鱸魚柳海鮮燴 198半條嘅份量都好多，唔會過度調味仲食到魚味！海鮮燴入面仲有大隻鮮蝦，腸辣肉腸 蜆肉沾麵包🥖很鮮Deluxe mushroom 🍄 來得呢度梗係試埋pizza!!呢個青醬配上不同種類既菇，又有松子仁增添口感口感勁香 餅底香脆，新鮮岀爐，白松露油香氣四溢！PARMESAN FRIES 配茄汁同松露醬 剛炸起卜卜脆厚身薯條有口感！Pink Piggy🍹呢杯紅粉佳人好清新用番石柳, 蘋果同土多啤梨汁特調幾特別！

服務差, 態度差, 食物差😡😡😡吾會再有下次😡😡😡第一次覺得劣質到要寫食評.兩個人9pm去到, 企喺門口等咗3分鐘都冇人行出嚟招待,咁就自己行去搵位啦！落單時又黑面, 吾知我地兩個係唔係因為Order 咗$6xx 嘅食物, 所以佢地全程黑口黑面🤬🤬🤬,佢地嘅服務態度真係好....到嘩一聲😡😡😡9：15pm就話要last order.9：20pm食物都未有就叫我地埋單,重要叫完要又叫,個高級啲嘅員工重放部咭機係我地枱面.😡😡食物質素就麻麻地, 個豬肋骨又冇味,白烚豬骨一樣.其實我哋都係唔啱嘅,9點鐘先入去食,阻人收工,應該等佢早啲收工,但係好似收10點喎.比完錢,服務員就即刻攞走,沒有一句多謝😤😤😤😤未食完就趕住收碟,真係食到一肚氣😡沒有好態度,沒有好服務,今時今日咁嘅服務,如何競爭呢？😤😡🤬😤😡🤬😤😡🤬😤😡🤬

係open rice見無得訂想要嘅時間致電訂位 男職員聽電話已好有禮貌幸好還有二人位枱 因為係星期一晚主菜一送一 會比較多人meun 好多選擇 有選擇困難症咩都好想食 但見隔離枱的食物份量如此大份好彩 無眼闊肚窄 叫左兩份主菜試試先我同先生都係食肉獸關係第一次叫都係 全肉餐廳做得好好 食物係同步上枱可以一齊打卡🤣牛扒好夠香味 真係做到五成熟 牛肋骨肉 慢煮方法令到肉質好軟腍 五洗切 就甘用叉都叉得開 餐廳仲好貼心 已整塊肉幫你起埋最後 光盤了 很滿足呢 服務員都很貼心 不停的加水 不用客人叫會再來的🥰

再同朋友嚟食 叫咗招牌pizza ，芝士意大利飯 同慢煮豬肋條 每道菜都好好食，新鮮滾熱辣。嘢飲都好有心思， 揀咗佢嘅芒果青瓜特飲，真係幾夾，仲有淡淡柚子皮。再有聚會絕對會嚟幫襯。

朋友二訪，極力推介嘅一間餐廳位於荔枝角D2 Place地下，裝修充滿歐陸風情禮拜一仲有主菜買一送一，真係勁抵✨Seared prawn & avocado salad ($168)非常適合作為開胃菜，沙律有芒果、青瓜、蕃茄仔、牛油果，配甜酸沙律汁沙律清爽～蝦夠新鮮✨ Signature Piggy （$138）用石爐焗即叫即做，賣相好吸引🐷我哋揀咗八吋就係圓形，15吋以上就係長形～呢款pizza最特別係面頭嘅炸豬皮，脆卜卜好食餡料有手撕豬、辣肉腸、加上蕃茄醬同大量芝士，好好味✨烤斧頭豬扒Pork Tomahawk（$298）斧頭豬扒超厚肉‼️分量十足！表面應該有一層辣肉腸醬，口感鬆化有充滿肉汁，惹味！真係幾好食～配菜有忌廉菠菜，忌廉汁好香滑，中和咗肉嘅油膩✨Tiramisu（$88）幾乎每一枱都有嗌嘅甜品食落充滿咖啡香，又夠濕潤Cream打得挺身柔滑，朱古力香味十足

熱辣辣唔想煮飯，一於出街食。 小朋友想食意粉，咁就去Pizza Pig啦！Pizza Pig 個menu都幾多選擇，頭盤、沙律、Pizza、pasta、肉類樣樣都有啲，大家可以各自揀自己鍾意嘅食物。我就食得light啲，叫咗nachos，超級香脆，不過如果醬汁多啲就更加好！小朋友揀嘅兩款意粉都非常不錯，大大碟又好味。蕃茄肉丸芝士意粉味道香濃，意粉沾滿酸酸甜甜嘅醬汁，好開胃👍👍👍 另一個意粉係香煎雞肉忌廉青醬貓耳朵粉，呢個清淡啲，雞肉好健康，煎完之後唔會嚡霎霎。creamy嘅青醬鋪滿一粒粒嘅貓耳朵粉，小朋友好鍾意食，非常推介。食飽飽之後要食甜品🤭 甜品胃今晚想食心太軟～ 雲呢拿雪糕配心太軟配藍莓，不能輸的組合👍

三人行揾野食，一個喜歡食披薩，一個喜歡食豬，一個想食素，咁啱喺D2附近，今日注定要食披薩豬The Pizza Pig啦😆今日先試 8" Margherita $118， 下次call齊人馬再試30"招牌長薄餅🤣。Margherita是pizza選擇中食材最簡單，但又有齊三種我喜歡的味道，薄餅不能缺少的水牛芝士、鮮甜開胃嘅蕃茄和香氣四溢嘅羅勒🌿烤斧頭豬扒$298，配辣肉腸醬、菠菜、忌廉、蒜香蜜糖汁，斧頭扒好厚肉但唔覺得鞋，醬汁微辣好惹味，配搭返少少菠菜清清地無咁濟。意式炸雜錦海鮮$148，集合了多款海鮮，有白飯魚、迷你八爪魚、青口、軟殼蟹、大蝦、檸檬和蠔，沾一些香辣菠蘿醬，甜甜地更加惹味。Tiramisu $88，餐廳招牌甜品，口感幾幼滑，酒味再濃一點就更加完美。

今次嚟慶祝生日，冇乜特別安排，都係普通食餐飯，咁岩遇著係星期一，主菜買一送一，明明寫住15吋薄餅先計，點知叫8吋佢都話計。買一送一只可以一次，叫主菜嘅話叫翻主菜先抵，pizza、意粉、飯就比較平。我哋最後就叫兩個main，加兩杯飲品。本身諗住叫兩個main再加8吋pizza，好彩冇叫到，估唔到啲main咁大份。半張枱咁大嘅碟，塊扒都好大塊，下面薯條都有好多，加燒番茄、洋蔥、蘆筍。扒叫medium真係medium，唔會過生/過熟，肉都幾香有肉味，煎得幾香。薯條熱辣辣好脆牛肋骨都幾大舊，同埋好多肉，其實個度有兩舊肉勁厚，好大舊，只有少少筋，邊邊有啲肥肉，其他大部分都唔會好肥，肉好腍夠軟熟，上面個醬好食，咬開入面啲肉有少少乾，就可以點旁邊嘅蘑菇汁食，好夾。飲品就還好，冇乜特別

The Pizza Pig (荔枝角)呢間西餐廳絕對係高質素打造首先要推介PAN-ROASTED SEABASS FILLET & STEWED PRIME SEAFOOD,售價$198(半份)。呢道菜肯定唔會令你失望!細心挑選嘅新鮮海鱸魚配上精心烹調嘅頂級海鮮,每一口都充滿海鮮鮮味,而且肉質嫩滑可口。佢哋仲用獨特調味手法,務求帶出每種食材嘅本味。我試咗之後,真係讚不絕口!第二道要介紹就係SIGNATURE PIGGIE,每件$138(8吋)。呢個就系呢間餐廳嘅經典招牌菜!佢哋嘅炸豬皮有獨特嘅風味,加上鬆軟既薄餅底,簡直就係完美組合。即使你一個人也能輕易解決,但我建議同朋友一齊品嚐,定保証飽肚返屋企。最後,就係PREMIUM ITALIAN COLD CUTS & ASSORTED ITALIAN CHEESES,售價$238。呢度供應嘅意大利凍肉同芝士真係頂級貨色!嚟自意大利嘅名廠,佢哋堅持用最優質食材製作,而且配搭得天衣無縫。即使只係簡單咀嚼,都同樣能感受到醇厚濃郁嘅意大利風味。總括而言,呢間西餐廳絕對係一間質素出眾嘅餐廳!佢哋嘅菜式精心製作,每一道都充滿特色,價錢雖然略高但相當物

今日行完D2 place既市集就順便同埋朋友慶祝生日，當然要搵番間chill餐廳啦🍹🍹 Slow cooked BBQ beef short ribs 平時豬既ribs就食得多，反而牛好少見，就試試佢🤩唔試唔知咁有驚喜，上菜嗰陣時，餐廳已經原條骨起咗，即姐係話啖啖肉😋😋好大舊肉，仲要好淋，淋到可以直接用個叉一吉就食到🤭 Signature Piggie pizza🍕 係手工pizza，等嘅時間係會耐少少，不過美食係需要等待😋個pizza好足料，好多餸，而且好多醬。佢個皮係即搓即焗，個邊邊好脆，但係中間好煙韌。而且呢個價錢一啲都唔貴。👍👍 chicken florentine orecchiette 平時好少見到貓耳朵粉，而且我哋都係青醬愛好者，就梗係要叫埋啦！首先佢啲雞胸好嫩，應該係慢煮，再煎一煎，一咬就散開！貓耳朵粉好有口感，而且佢中間可以包住啲青醬，變咗淡淡意粉都有醬，好好味😚😚 pineapple mimosa🍍 雖然係用咗菠蘿汁，但係因為有芒果蓉🥭，所以芒果味更加突出，都好好味，酒味唔係好覺，好似果汁咁易入口🥰🥰oreo madness 佢唔似其他奶昔咁杰撻撻，反而仲冇咁甜，

荔枝角都有高質餐廳! 餐廳係D2 TWO，一入餐廳，就覺得好似去左另一時空咁，餐廳裝修好靚，好歐式，店員好友善，最重要服務好快，好緊要!!!煎海爐魚柳海鮮薈海爐魚好滑，外皮煎得少少脆，好味! 下面仲有蝦、蜆、辣肉腸同麵包粒，個汁吸哂海鮮既鮮味，我幾乎飲哂D汁招牌鬼馬豬意PIZZAPIZZA上面舖左手撕豬手、腸、火腿同水牛芝士，口感豐富，仲有唔同大細可選，我地兩個人叫左8寸PIZZA，份量岩岩好烤豬青豆西洋菜蓉意大利飯呢個飯好特別，有淡淡既青豆味，意大利飯唔會太硬，岩番香港人口味，上面舖左幾件厚切烤豬，烤得好好

係D2 Place行完街，發現地下有間西餐廳The Pizza Pig環境幾好，樓底好高舒適寬敞，風扇同吊燈有少少懷舊風格，再望望餐牌，炸豬皮Pizza幾吸引，就入去試試🩷Signature Piggie (8吋) $138果然係招牌菜式，餡料豐富，份量都十足，面層炸豬皮大大塊，炸到黃金色脆卜卜好香口，估唔到用黎做Pizza又幾好食，好有口感，另外配料有香草肉腸、火腿、芝士、紅洋蔥等等，啖啖肉，薄餅餅底好香麵粉香，烤得鬆軟，我會為左呢個Pizza再去食🩷Crispy Chicken Wings (6隻) $ 130​​秘製香料辣雞翼，隻隻雞翼都好大隻，連炸粉都有調味，所以外層炸得非常酥脆惹味，內裡肉質仍保持嫩滑多汁，味道香香辣辣，愈食愈開胃🩷Crispy Calamari酥脆辣魷魚圈，魷魚圈厚身大大件，外層酥脆，入口爽口彈牙，係好出色嘅小食，好好味🩷Pork and Green Pea Risotto烤豬腩肉青豆西洋菜蓉燴意大利飯，賣相幾靚，豬腩肉大大塊肉質鮮嫩，味道香濃偏咸，再配搭上清新的青豆西洋菜燴意大利飯，可以中和到豬腩肉的油膩，幾新穎的組合🩷飲品 - 西班牙水果酒🍹Sangri

Tuna Tartare 吞拿魚他他 $148見有墨西哥辣椒，店員話可走辣👍🏻。個汁好開胃，蓮藕脆片好有驚喜，香脆帶有淡淡藕香，好好食，配上吞拿魚嘅軟，牛油果嘅滑，口感一流🤩。Seabass Half 煎海爐魚柳海鮮燴 半份 $198海爐魚柳煎得皮脆肉滑，正。海鮮燴有鮮蝦、蜆、辣肉腸、麵包粒。海鮮質素不錯，蝦大隻彈牙。蜆雖不多，但每隻都大，完全無沙，鮮甜肉厚，正。海鮮中加辣肉腸可以提升辣和咸，令海鮮濃郁惹味。Signature Piggie 招牌鬼馬“豬”意薄餅 15" $198最初諗住叫8吋，但8吋同15吋價錢差好少，長形又好吸引😆，結果貪心致兩人食到勁飽🙈，不過真係好好食。最特別係面頭嘅炸豬皮，特色好食。個餅底做得好好，邊厚中間勁薄，厚皮食到麥香面脆。餡有手撕豬，個醬帶有BBQ味。Tiramisu $88比較甜，我食唔出有酒味😅，咖啡味都唔夠出，不過芝士好滑。Ginger Ale $28 Ginger Beer $28 其實我成日都分唔到Ale同Beer嘅分別，咁就叫晒2杯慢慢試😂。結論係Beer濃過Ale，大家都係汽水🤣。💬呢間餐廳用色柔和又舒服，食物有質素，店員有禮唔趕客，又近