The Patagonia 阿根廷扒房

講起食扒，今次試呢間食肆真係一個驚喜。首先個empanadas嘅牛肉餡十足吸引，啖啖肉嘅當量嚟，外皮酥脆之餘，裏面牛肉汁滿溢，啖啖正！個蘑菇配菜呢，口感爽滑，同牛扒一齊嘟嘴簡直夾到完美。至於搶鏡頭嘅是塊sirloin西冷扒，賣相亮眼到不得了，脆皮噴香之餘，肉質嫩滑得嚟肉汁保持得宜，一啖落口，個味道浸透晒整個舌頭，真係好食到一滴都唔想浪費。值得一提，侍應服務好得嚟又貼心。平時啲食店有時候服務員寡言少語，但呢度店員勁熱情，連廚師都出嚟同我哋分享下廚藝術同背後嘅小故事。好鍾意佢哋喺食物上嘅用心同對顧客嘅關懷。總括嚟講，呢間食肆提供嘅不單止係食物，更係一份溫馨同享受。天南地北嘅美味匯集喺一個唔俗嘅地方，確實反映到阿根廷嘅熱情同埋對美食嘅堅持。下次攞開心，唔洗諗咁多，直接走入黎，保證唔會俾你失望嘅！😊🥩🌟…查看更多

為咗尋找地道既阿根廷味道，足不出門我就去到咗呢家餐廳，同三五知己一齊嘗了一頓午餐。😋🍴頭盤點咗是日例湯——甘荀湯，翻糖咁滑，湯底出奇地鮮甜，伴隨著脆卜卜嘅法包，剛烤出嚟熱辣辣，真系一絕！主角當然係10oz嘅ribeye啦，磅數夠晒哂意，我叫咗medium嚟，但送上嚟中心部分居然幾乎全生，不過其實咬落去依然惹味，肉汁豐沛滋味正！雖然我覺得下次可能會試下well-done，適合唔同嘅口味啫。邊紥同樣唔令人失望，松露粉同薯條絕配，薯條那種香脆啱晒挑剔嘅舌頭。冷檸茶雖然有啲淡，但適中嘅酸甜仍然可以提提神。整體黎講，呢間餐廳提供嘅食材絕對係高質，但火侯掌握似乎需要再苛刻啲，至於牛肉，我都有少少疑問，下次食阿根廷牛扒係咪應該黎啲生嘅？😉🤔总之，過百蚊嘅價格，性價比算係中上，可以再黎挑戰下次嘅味覺之旅！…查看更多

上次食完Carne’s，發現原來仲有一間姊妹店，同樣主打阿根廷牛扒，上次食完太回味，於是動身去食呀食！The Patagonia Argentinian Steak House位於上環的樓上舖，有隱蔽的感覺，而餐牌上有少少分別，但依然有好多不同部位揀，包括肉眼扒、fillet、西冷等等，肉肉人士必定揀到心頭好，店員好nice，加分！◾️ 香烤八爪魚這道八爪魚相當有驚喜，單看Size已經好驚人，食落口感彈牙卻不會太韌，味道鮮嫩惹味，佐酒一流！◾️ Sirloin 12oz、Skirt 12oz上次食完Sirloin同Skirt，今次再食依然好味，前者咬一口即有濃郁肉味；後者軟嫩又好味，滿口油香大滿足，蘸上chimichurri sauce更惹味，肉肉朋友食完表示好滿意！◾️ Mixed salad 番茄、沙律菜的配搭，食完肉帶來一點清新。◾️ Fries 炸至香脆上桌，一條薯條一口肉，人生就是間中要放肆！ ◾️ Red and White wine晚上有一杯美酒助慶，紅、白酒都好好，配肉配海鮮都好夾！餐牌參考：…查看更多

今次同朋友想食牛扒，成日聽人講啲阿根廷steak house好食，今次就嚟到上環嘅The Patagonia 食Dinner，結果真係好唔錯！⭐️ Canasta de Empanadas ($218) ❤️9.0呢盤係有四款口味嘅餃子型餡餅，有ham and cheese、beef、chicken 同vegetable四款。四款都好好食😍 個皮香脆但唔油膩，配上特色香料醬汁更有風味👍🏻 我最鍾意ham and cheese，因為好惹味🤤 四件都唔細件，一件= 平時兩件餃子嘅size，所以兩個人share都飽飽哋🤣⭐️ Mix Grill 19oz ($658) ❤️8.5Mix Grill 有sirloin、fillet同埋skirt，配上阿根廷青醬chimichurri sauce。一次過試到三款肉真係好正🙊 Medium rare烤得剛剛好，幾款牛都好好食，sirloin嘅牛味最濃郁，fillet就最軟腍口感最舒服， skirt就肉味同肉汁並重🤤 兩叫一份share就可以試吓三個部位👍🏻 不過我會希望個炭火味再重少少～ 青醬幾得意有啲似鹽蔥醬，不過我都係最鍾意點鹽🙊⭐️ Sauteed Mushroom ($88) ❤️8.0⭐️ Creamed Spinach ($88)❤️8.0配菜都好出色💕 mushroom調味好惹味，啱曬重口味人士🙊 spinach 好creamy仲有芝士，唔會唔好食～ 一碟嘅份量都幾多!⭐️ Cinderella ($58)❤️7.8其實即係fruit punch~ 正正常常但對我有啲偏甜，我加咗少少水溝淡佢🤣呢度環境細細哋但又幾有氣氛，幾啱慶祝🙊 食物質素唔錯，價錢唔算平但份量好多🤣 如果兩個人嚟建議叫少一個side dish/ 叫兩隻empanada會好啲～ …查看更多

因為朋友生日又好耐冇黎 所以提議去食上菜速度好好可以等你慢慢食每道菜是日餐湯都有驚喜 南瓜湯內裏炒香洋蔥唔錯另外辣汁吞拿魚沙律好野味好開胃牛肉及雞肉餡餅都唔會好乾身 有汁 好鬆化主角當然係阿根廷牛 好正 必食之選 今次選拼盤每個部份都有 可以等你試到唔同感覺抵食之選薯條亦十分香口 唔會好油膩感今次試埋雞 但我嫌太乾身 唔太喜愛反而伴碟南瓜蓉及大葱唔錯整體真係不錯 雖然店舖唔太大 唔多枱去前記得book枱但坐得都好舒服 下次朋友又可以再黎…查看更多

為了與家人慶祝生日，我們找到了這間位於上環主打阿根廷菜式的西餐廳；印象中沒有特意食過阿根廷菜，所以我們都很好奇究竟是怎樣的一個用餐體驗。餐廳位於一條後街裏的一棟舊式商業大廈，後街位於大街的旁邊不難找，但少去附近的朋友或許會容易經過了後街也不知道。燈光調教得較暗而桌面擺有一個蠟燭凝造氣氛，餐廳比想象中細，有一個開放式的水吧和大約20個位置，但星期五的晚上基本上是全場滿座的，看來都幾受歡迎。驟眼一看，食物都幾有特色，我們一行三人就點了四個菜式一齊分享，沒有點任何飲品。餐廳的位置有限，大概廚房都是根據客人的柯打來逐碟製作，上菜方面客人則需要耐心等候，等待期間可以聊聊天，期待一下食物。本身我們想點招牌沙律Patagonia Salad($128)，但店員告知該菜式未有供應，我們則轉了一款是日沙律。沙律的材料簡單直接，有布袋芝士、蕃茄仔以及青醬。當把所有食材拌起來吃時，新鮮juicy的蕃茄仔掛上了濃烈奶香的軟身芝士，再加上青醬的清爽平衡得不錯，即使食了芝士也不會覺得飽膩；不過款式來說是一個普通的沙律，沒有甚麼特別之處了。見到很多檯的客人都有點這款阿根廷餃子Argentinian Empanadas($128)，我們也點了兩件試一試，另有4件裝選擇。餃子比我們一般吃的湯餃、蒸餃大概有一倍大，兩隻餃子用手捻了不一樣的花紋，再整隻拿去炸。外皮炸得香脆但不熱氣也不算油膩，而是有點香口的感覺，至少我們在座其中一位一個月都食不到一次炸物都很接受得到。裡面的牛肉餡料濃味，夾雜著一些洋蔥等的蔬菜提升香味，然而客人可以選擇沾著跟配的紅色醬汁，帶有少辣令整隻餃子更惹味，第一次吃的我們都覺得幾得意。接著就是特意來到這間扒房的原因！我們點了三成熟的Ribeye 14oz($358)，牛扒的兩面以大火烤過，油脂香氣隨著蒸氣上升讓人急不及待想要品嚐。肉眼扒裏面的肉仍然程粉紅色的，很容易切開，肉質軟熟，咬著咬著濃郁的肉味會不斷滲出來充滿著口腔，初嚐阿根廷牛扒的表現幾有驚喜牛扒配有旁邊的一款特色醬汁，裡面有些蔥蒜那樣的材料，味道清新，不過個人認為牛排的質素好，不需要添加任何調味料已經很好食了我們另外點了一客Provenzal Skinny Fries($58)作為牛扒的配菜。熱得燙手的薯條為幼身，灑上鹽粒、蒜以及香草；除了幫助帶出薯味，還能夠增添薯條的層次，讓我們每一個人都一口接一口的吃，是我食過很突出又有個性的薯條，很有驚喜，很推薦大家點來分享品嚐過肉眼扒以後，我們緊接著試試Sirloin 12oz($288)。同樣是三成熟的西冷裡面呈現著誘人的粉紅色，外面以大火烤過散發著陣陣的焦香味；西冷的肉質的確沒有肉眼那麼軟熟，可是那種肉味卻是要比肉眼更加澎拜，除了是充斥著整個口，吃完以後肉味仍然會在口裏迴盪，特別是我們在吃前面的那款牛扒時已覺得肉味濃郁，想不到這款的肉味會令我們感覺震撼 無疑兩款牛扒的表現是出色的，大家亦可以因應個人口味來選擇啊！來用餐之前，我預先聯絡過餐廳打算安排小小的生日驚喜，接電話的是一位外籍廚師，他十分友善地給我他的私人電話號碼，直接當晚用餐時我也能夠直接與他聯絡安排甜品，又不會被壽星發現 我們請他幫手在碟上寫上字句，但除了我們想要的文字以外，他還畫上不同的圖案裝飾整隻甜品碟。是次就不會在這裏放上甜品的照片了，但設計有創意得來又有心思，令我們每一位也很是驚喜 Panqueques($58)是用可麗餅包裹著一些焦糖醬做成巨型蛋捲的外貌，總共有兩件，另外也配有一球雲呢拿雪糕，香香甜甜的是一款不會太飽、作爲飯後點綴、適宜分享的甜品。除了那位為我們安排生日驚喜的廚師，餐廳職員的態度友善又有禮，讓我們的用餐體驗也很愉快。Thank you for providing us a wonderful dining experience, especially the chef for preparing such delicate and thoughtful birthday surprise! 直至現在寫下這篇食評時，我仍然在回味她們的阿根廷菜式，推薦大家來享用有心機、有水準的食物，亦是一個慶祝的好地方啊！…查看更多

今日試吓這間阿根廷牛扒小店。雖然地址是永樂街，但入口是永吉街，十分不起眼。店子的面積比較小，－目了然，簡單的木系裝修，座位也不算太逼。午餐真係好抵食，有前菜、主菜、配菜加飲品，即使是12oz 牛扒餐，也只是$288！今日我哋－行四人，分別點左四款牛扒share.Appetizerspotato soup這薯仔湯熱乎乎的，口感幾滑溜，有濃厚的薯仔風味，是家庭風味。Appetizers:Beef empanadas 這牛肉批真係唔錯！脆香的批包住味道濃厚的牛肉餡料，幾juicy,惹味，再加上少少辣醬提味，正呀！Side:Ratatouille 這什菜有洋蔥、蕃茄、粟米、青瓜等，味道豐富，蔬菜軟腍腍，熱乎乎的，是沙律以外的另－選擇。Side:Fries這炸薯條炸得乾身不油膩，加上鹽的點綴，是平實原始的薯仔風味。我們點的牛扒全部是medium rare, 但真係唔建議，因為這兒的medium rare太rare! 加上碟是冷的，應該點medium 好－點。12 oz Skirt steak $288這牛扒是四款之中最好吃的。牛扒不但有肉味，肉質很軟很鬆化，而且有少少醬汁，比較juicy, 真係份量十足又好吃。10 oz ribeye steak $238這肉眼牛扒也不錯，雖然油花不多，但肉質軟身，纖維唔多，啖啖肉，肉味沒shirt steak 濃，但也不錯。8 oz Fillet steak $278這fillet steak 肉質比ribeye 緊密，切的時候要加把勁，由於煮得比較生，油脂又唔多，有點兒像吃牛脷的感覺。12 oz Sirloin steak $288這西冷煮得太生了！就像吃生肉－樣，加上肉質比較firm, 口感比較tough, 又沒有脂香，不太推介。Cappuccino 有豐富的泡沫，咖啡細細杯，但味道甘香，好ok.所費不多，但牛扒份量十足，首推skirt steak 和ribeye, 加上配菜不少，下次會encore.…查看更多

之前見過人地介紹呢間阿根廷牛扒小店，今日中午一於相約喜歡吃牛扒的男朋友試試！🤭🤭 雖然個店好細，得幾張枱，不過食物好有水準，服務員亦好有禮，非常滿意，會想再去食。😁😁我地各叫左一個set lunch, 包appetiser + side + main + soft drink。Appetiser 我選了Beef  Empanada，好juicy 再點埋個醬更提升到味道。男朋友則選了Tuna Ceviche，幾fresh既，但本人唔太喜歡個sauce 有陣芹菜/芫荽味，所以就覺得一般般，但tuna 同牛油果都唔錯。原來仲有免費既麵包，好新鮮，聽講可以refill架，不過我地每人食左2塊都覺得夠了。Side方面，男朋友選了薯條，好厚身又熱同脆，我鍾意呀。😋我就選了類似烤菜既東西（唔記得左個名），出奇地好食喎。🤭Main方面，男朋友選了較貴的Sirloin steak，超級厚身😂，medium rare 火喉控制得幾好，呢隻扒少D油花同脂肪，肉質較實，男朋友話滿意既。我就選了平少少既rib-eye steak，都係medium rare，比預期中出色！肉質嫩滑，油脂夠，好易切，我就覺得非常好喇。👍🏻總括嚟講，係一間有誠意CP值高既小店，👏🏻👏🏻希望下次再去食都keep 到水準啦。😆…查看更多

正！比想像中好。我逢親一出去食都肯定會肥，但今次竟然冇，對於我黎講屬於健康食品了，冇味精冇口渴冇水腫。尋日食完今日已經又想再去。職員廚師有禮，地方環境算OK。一個set lunch main course sirloin steak 加埋10%服務費埋單$317. …查看更多

星期一同老公放假，夜晚就上網見book位有折就book位去試吓啦，去咗到餐廳門口侍應已經好有禮貌咁帶我入去，入到餐廳唔係好大，當時可能仲早得我哋包場🤭，坐底見到餐牌有斧頭扒🪓🥩緊係唔好錯過啦，另外再加咗個沙律，首先佢會有幾塊包，塊包🥖真係好好食，之後沙律就到，嘩！個沙律🥬真係好好食，睇得出食材新鮮，好快就清咗，重頭戲斧頭扒到，塊斧頭扒就比較多肥肉，但味道都係好食，臨走前忍唔住再睇個餐牌，已經諗好下次食乜😝，可以再嚟……查看更多

以前喺上環返工，一路都想試呢間阿根廷餐廳。事隔多年，終於去咗。因為臨時約朋友食。飯，佢又想試啲唔同嘅菜式，就醒起呢間餐廳。 佢個Set lunch 價錢合理，包頭盤,salad，主菜同杯餐飲， $13x -$2xx,視乎你點咩Main。我同朋友都點咗佢個肉眼， 第一次試阿根廷牛，大有驚喜！！！今次要咗medium rare， 煮得啱啱好，個肉好淋， 肉味又夠，加埋有啲charcoal嘅烤味，好香好Juicy ，再加上佢哋秘製個chimichurri， 無得彈！😋😋😋頭盤我就揀咗吞拿魚ceviche, 不過不失，好足料！朋友就揀咗個傳統阿根廷酥皮餃子 Empanada，裡面釀滿咗牛肉餡， 大大隻，勁滿足佢個沙律分量都唔係講笑，睇得到佢哋唔係hea 揀食材， 好新鮮。食完個lunch，晚飯都唔洗食🤣…查看更多

適逢家人生日，在上環找到了一家主打阿根廷菜式的餐廳打算試試，結果令人驚喜！午餐時候到達，店裏面沒有客人，地方尚小但光綫充足，餐桌間亦有足夠距離，不會太狹窄。環境沒有音樂，坐在風口位附近，風聲有點大，除此之外只有厨師的做菜聲，莫名地療愈。一行四個人叫了一個Grill Octopus($158), 四個set lunch，set lunch 包括 1 appetizer + 1 main dish + 1 side dish + one soft drink價錢在上環來説十分相宜。四個set lunch 分別叫了 : 1. Ribeye2. Fillet3. Skirt4. Salmon餐廳先上一籃熱烘烘的Sour bread，非常好吃。麵包外殼烘得脆脆的，麵包體有彈性，有麵粉的香氣。一掃而光之後waitress很細心的問要不要多一籃，喜愛吃麵包的我馬上說了 "Yes Please!"。但烘麵包需時，可以耐心等待一下，就不要不斷催促了。Grill Octopus第一道上的菜，以爲很普通結果驚爲天人！馬上被一掃而光，連拍照的機會都沒有。八爪魚肉質非常軟，但仍有彈性，有著非常淡的調味，但恰恰如此才襯托出它八爪魚的天然味道。很順口，不會要咬很久，吃過一次會再想來十碟。會願意因爲它特意來一趟，就是這麽好吃。推薦大家一定要試試看。Appetizer可惜沒有拍照。Appetizer方面Beef Empanada 熱辣辣，外脆内熱。裏面的牛肉碎仍有肉汁，調味相宜。Tuna Ceviche，吞拿魚和牛油果很搭，配上微辣的醬汁，十分開胃。Chorizo Sausage，吃下去口感扎實，味道跟salami相似，偏咸。MainSalmon ($138)表現中規中矩，三文魚熟度剛剛好，中間絲毫不會乾柴，下面的意大利青瓜是神來之筆，吃下去有種鮮甜的感覺，吸收了醬汁的味道，平常不喜歡吃配菜的我也吃的津津有味，但分量有點少。左上角的蘑菇和沙律都是side dish。蘑菇軟硬度非常適當，香草的味道很出，金針菇稍咸。沙律分量多，沙律下了醋，對我來説偏酸，但嗜酸的人一定很愛。其他牛排部位全部偏熟，叫Medium rare上來結果有medium。另外肉質不太出彩，肉的纖維感太重，唯獨skirt比較軟，有肉汁。Dessert四人吃到最後已經抱著肚子，但還是忍不住再share了一個peras al vino tinto (紅酒燉梨)。又是一個令人驚艷的甜品。紅酒的調味與烹煮十分恰當，紅酒酒精的味道完全揮發，只剩下那葡萄香氣，讓人夢繞魂牽。調味方面有著明顯的玉桂香，散發著熱紅酒特有的香料味道，本人身爲玉桂控非常滿意。梨子方面毫不遜色，用湯匙挖下去，很快遇到一股阻力，擔憂著梨子會不會吃下去很硬，沒有外面紅酒的香氣的我把湯匙中的小塊放進口中。一咬，哇！梨沒有失去本身的爽度，仍然是有咬口的。每咬一口，那紅酒的葡萄和香料味道便在口腔中噴湧出來，配上vanilla ice cream的香甜，簡直是一個完美的收尾。 唯一可惜的是雪糕的冰粒感太重，相信是雪得太厲害，導致裏面結冰，稍微影響口感。總體來説，某幾道菜式很出彩，但也有踩雷的地方，明明是牛排館，但牛排的質素卻不太穩定。但店内氣氛，waitress的態度，也令人用餐的時候感覺舒服。會再來光顧，嘗試其他阿根廷的特色菜式，也再來回味一下那Grill octopus 和peras al vino tinto。…查看更多

阿根廷扒房樓上小店，餐廳既位唔多，但到lunch time🕛都唔少人黎捧場，呢間係同事推介。Side dishes🌮幾出色，呢個價錢係中上環區都食到有質素既牛扒🥩//🥩8oz Fillet Steak ($278)肉質厚實，叫左medium，但都過左時間變左medium well，所以建議叫低一個Doneness；個Sauce淨係用black pepper & salt🧂都已經夠晒味，佢會配埋自家製chimichurri sauce🌱，有啲herbs同olive oil都幾fresh*Sides同同事叫左Beef Empanada，佢係款pie🥧，配埋蕃茄醬，加上本身個餡辣辣地幾爽；Chorizo Sausage同一般脆皮腸🌭既肉質好唔同，夠彈牙，呢款大推；Creamed Spinach🌱同左Parmesan cheese🧀食落好濃郁，因為成餐都冇carbs，所以都唔會太膩🤟🏻…查看更多

A piece of Argentina in the heart of Central. From the hands of Argentinian chefs, it doesn’t get more authentic than this! A great way to please the wanderlust foodie while travelling is not an option!Definitely a go for a quick bite or something to spice up a party. Tried 4 flavours and the verdict: (from best to worst)beef: juicy, juicy, juicy. It reminded me of chilli con carne but it was not. ham and cheese: a crowd-pleaser, so much cheese it flowed like lava upon the very first bite. chicken: awesome alternative for meat lovers if beef is no good vegetarian: had low expectations and imagined it to be spinach but being assorted veggies, it wasn’t as soggy as I thought it would be …查看更多

今年細佬生日決定試試新菜式，感受一下阿根廷扒嘅特別之處~坐低冇幾耐就有熱辣辣嘅餐包送上。難得有Argentinian Empanada所以叫左兩隻每人一半過下口癮，餡餅熱辣辣，牛肉餡料勁juicy同個sauce惹味，配埋另上嘅辣椒醬有另一番風味，非常唔錯！今次晚餐嘅主角係阿根廷扒，爸爸唔好太生嘅所以全部扒都order了medium。主廚好用心咁係個烤爐前慢慢grill d扒，Ribeye端上嘅時候仲有油滋滋嘅聲音超治癒~ Ribeye係牛胸背脊同肋骨之間嘅肌肉，有足夠嘅厚度但冇overcooked，切開非常粉嫩而且咬落去夠淋同juicy，牛香味係口中爆發，全家人對呢個扒都讚不絕口，超impressive！Side dish order嘅skinny fries都好有驚喜，油底加左好多蒜頭去炸d薯條，crispy得來蒜味非常出，正！Mix grill (sirloin steak, fillet steak, skirt steak) 係為食精選，一次可以試三個唔同部位嘅扒，超滿足~ Sirloin西冷係牛後腰脊肉，油花較少，得邊旁有較大塊脂肪，所以比ribeye更有咬口，係三款裡面我最鐘意嘅扒。Fillet steak話係牛腰脊中最嫩滑嘅肉，但我食落又唔係好察覺個分別。Skirt steak側腹橫肌牛排薄薄一片，三款裡較韌。成個menu除左薯條同薯蓉就冇其他澱粉質，冇得揀之下order左daily pasta，番茄蘑菇長通粉真的非常普通，嚴重overpriced。餐廳知道我地嚟慶祝生日，幫我地係order嘅甜品上寫birthday message~ Panqueques係一份甜到漏嘅甜品！Crepes入面包住超級無敵甜嘅dulce de leche焦糖牛奶醬，小朋友應該會好鐘意。Peras al Vino Bianco紅酒燴梨散發著濃濃嘅紅酒味，第一次試Malbec ice cream感覺好特別，紅酒雪糕微酸冇一般雪糕咁甜，不過我都係prefer淨飲紅酒多d。壽星仔對今次阿根廷扒房嘅體驗表示非常滿意~ Yeah~Menu-…查看更多