THE MATCHA TOKYO (屯門市廣場1期)

✨今日行街行到攰，中午搵間餐廳食野抖下，經過Matcha Tokyo見佢有set lunch又唔洗排隊就入去試下。🍝Set Lunch - 拿坡里意粉意粉好腍，個汁都hea，冇乜配料，似叮叮意粉質素，冇咩可以唔洗試，真係貪平試下，填肚用。包左杯抹茶梳打，幾清爽但偏甜。🍨甜品 - 士多啤梨抹茶芭菲呢個芭菲超好食會覆卓，最頂係抹茶雪糕，然後有士多啤梨脆脆、cream、士多啤梨雪糕、士多啤梨醬、白玉。值得一讚係個脆脆超脆，通常店舖為方便出餐d配料都係裝起一大盒一大兜，會較易令材料受潮，但呢度個脆脆係比雪糕浸濕左表面都仲食到中間係脆，令成個芭菲多一重口感，配埋抹茶雪糕唔錯！白玉都超大粒煙韌，配埋雪糕果醬一齊食好正。加左個Croffle，唔夠熱唔夠脆唔夠香，冇咩特別。🍹飲品 - Matcha Latte抹茶濃而不澀，粉幼細，同奶blend得好好，唔記得叫少甜但都唔太甜，個平衡唔錯。🏠餐廳裝修以簡約風為主，水泥、木質靠牆位同白色小圓枱，唔算坐得舒服但食個快嘅ok接受啦。總結嚟講，set lunch冇咩特別，唔洗浪費卡路里試，填肚可以考慮，$58包野飲算係咁。甜品飲品都好味，黎食tea幾好，抹茶類嘅甜品飲品都高質，雖然定價少貴（用set lunch價錢比較的話），但用料高質份量實在，性價比高。…查看更多

對The Matcha Tokyo印象一般。南豐紗廠分店未結業前，去過飲抹茶、食甜品，當時剛開業，人多擠迫，食物水準唔高，惟獨抹茶軟雪糕幾好食。今日有機會喺呢間分店再食抹茶軟雪糕。店舖佈置簡約，檯椅組合係2-4人檯，有明亮黃光，感覺唔錯。抹茶軟雪糕：份量幾大，可揀杯/筒裝；雪糕奶味重，夠凍夠滑但快融；雪糕面灑咗綠茶味糖粉，有沙沙的口感，配搭軟滑的雪糕一齊食，幾好味。服務方面，舖頭有3-4個店員，佢哋除落單外，可以講係0服務+0服務精神。出餐時，佢哋唔會主動俾餐盤；想要水就要直接同佢哋講，然後，佢哋會將斟好的水放喺出餐檯面，由顧客自取。每張餐檯有標示話食完請自行將食具放到counter，不過，店員都唔得閒即時處理。另外，對住客人（包括落單）時，佢哋冇一個有笑容。出去食具位置，諗住攞隻甜品匙食雪糕，發覺冇細匙羹，問店員，佢話喺其中一格（放食具的筒）自取，但果格空空如也，然後，佢答：「冇就冇喇」。最後，只好拎咗大大隻的飯羹，返埋位𢳂雪糕食。唔知日本係咪都係咁？抑或開到嚟香港，就毋須執著日本的服務同用餐文化？再次對呢間舖頭失望添~…查看更多

平時得閒都會嚟Matcha Tokyo 食吓甜品嗰啲 呢間推介抹茶控嘅你咁啱又想搵個地方坐呢間就適合你啦 ！😍😍今次嗌咗平時都會食嘅兩款芭菲黑糖啫喱抹茶芭菲 抹茶雪糕再加埋黑糖啫喱真係好夾，一攞到上嚟佢哋個分層已經好靚打卡一流！本來會以為好細杯啦，但其實夠晒兩個人食都得😁😁芭菲入邊呢佢最上層就有一個好玩嘅抹茶雪糕啦，跟住中間就會有啲黑糖啫喱再加油脆口嘅餅啦最佳都有層牛奶雪糕真係好正 另外嗌咗個草莓白玉抹茶芭菲 （唔記得咗佢個名係咪呢個） 嗰啲白玉好有咬口好好食 再配上抹茶雪糕超級正 中間仲有層士多啤梨果醬配脆口嘅餅乾超級好食推介…查看更多

最近試了這款凍抹茶朱古力，感覺有點失望。雖然抹茶的味道還不錯，但朱古力的部分卻沒有了忌廉，口感變得乾澀，讓人有些不滿。再加上現在的價格上漲，卻感覺到材料的減少，實在不值。希望能夠改善配方，讓這款飲品回到以前的水準，否則真的不會再回購了。唉，期待能有更好的改進！…查看更多

想搵個地方坐下，而又鍾意抹茶嘅你，呢個係一個好好嘅地方！今次我叫咗兩款產品！1. 抹茶鮮奶黑糖啫喱我試咗抹茶鮮奶黑糖啫喱，真係令人讚不絕口。啫喱嘅質地非常滑溜，入口即化，搭配濃郁嘅抹茶香氣，令人感到非常滿足。黑糖嘅甜味亦適中，唔會過於膩口，令整體帶來一種完美嘅平衡。非常建議抹茶愛好者試一試！2. 黑糖啫喱抹茶芭菲講講黑糖啫喱抹茶芭菲，呢個甜品層次分明，視覺效果已經好吸引。本來以為會好細杯同埋份量會好少！但令人驚喜嘅係比我想像中好好多！上層係香滑嘅抹茶冰淇淋，中間有黑糖啫喱，底部則係脆脆嘅餅乾屑，口感非常豐富。每一口都有唔同嘅味道交織，令人回味無窮。整體來講，呢個芭菲絕對係一個唔錯嘅選擇，適合分享或者自己享用。希望呢兩款甜品可以帶俾你一個愉快嘅味覺體驗！…查看更多