影片
以上資料只供參考, 請與餐廳確認詳情
行街經過依間小食店，鮮橙色裝潢令人眼前一亮，重點佢係 ᴘᴇᴛғʀɪᴇɴᴅʟʏ .ᐟ.ᐟ 可以帶埋毛孩們一齊黎 ᴄʜɪʟʟ ੯• ໒ ꒱ 店員同老闆都好親切熱心，一路食一路吹水，由演唱會講到寵物體檢，真係食得開心 ~呢度嘅特色係全部炸物都可以自選醬汁，包括自家製粒粒他他醬、辣沙律醬、咸蛋沙律醬、黑松露沙律醬、明太子沙律醬、蜜糖芥末醬同車打芝士醬。本人係選擇困難症患者，企喺 ᴍᴇɴᴜ 前諗咗成 10 分鐘，好彩有店員推薦，最後每款菜式都配唔同醬汁，完美體驗各種風味 ~○ 巨 大 英 倫 炸 魚 & 薯 條 // 4oz $88份量十足，外層麵衣酥脆得嚟唔油膩，魚肉雪白鮮嫩多汁，配埋自家製粒粒他他醬，酸甜開胃，解膩一流 .ᐟ.ᐟ薯條炸得金黃香脆，外脆內軟 ⸜(｡˃ ᵕ ˂ )⸝♡○ 招 牌 單 骨 雞 翼 配 明 太 子 白 汁 意 粉 // $98雞翼可以揀蒜香風沙 / 香脆蜜糖，最後揀左後者 ~外皮炸得金黃酥脆，蜜糖醃製充滿甜香，肉質嫩滑多汁。香濃 ᴄʀᴇᴀᴍʏ 嘅白汁包住彈牙意粉，微微鹹香，食到停唔到口 .ᐟ.ᐟ另外意粉都有四款口味畀你揀添 ~○ 雙 皮 奶 雞 蛋 仔 // $38之前係 ᴛʜʀᴇᴀᴅs 見到話雞蛋仔好食，終於試到꒰｡• ◡ •｡꒱雞蛋仔可以揀原味 / 朱古力味，即叫即做熱辣辣出晒煙，外脆內軟，內餡嘅雙皮奶滑溜香濃，充滿奶香，甜而不膩，口感層次豐富 .ᐟ.ᐟ老闆話好多熟客都中意外賣返屋企食，120 度焗 6 分鐘，就會同剛做好一樣咁脆 ( ˶ˊ ᵕ ˋ )੭臨走時老闆仲好熱心幫我焗返食剩一半既雞蛋仔，用新設計既立體外賣盒幫我裝好，等我可以攞走一路行街繼續食，真係超級貼心呢 ~○ 炸 蟲 草 花 雞 肉 燒 賣 // 10粒 $30外皮炸得金黃，口感鬆軟兼帶少少嚼勁。怕熱氣可以揀蒸嘅，蟲草花味應該會更突出，嗜辣人士仲可以配埋靈魂辣汁，香辣過癮 .ᐟ.ᐟ○ 英 國 海 龍 島 炸 小 龍 蝦 // $48外殼酥脆，蝦肉彈牙鮮甜，配埋濃郁嘅車打芝士醬，香濃得嚟帶微微鹹香，送啤酒真係一流 ꒰ ˘ ³ ˘ ꒱○ 日 本 原 宿 長 薯 條 // $48條條都長過手掌好香脆，加埋明太子沙律醬勁惹味 .ᐟ.ᐟ留意因為本人太飽，要求咗細份試試味 ~ 正常 size 多好多條 ٩꒰๑´ ∇ `๑꒱۶○ 小 山 園 抹 茶 雙 皮 奶 // $48抹茶香氣馥郁，入口幼滑，充滿奶香 ꒰,,꒪ ᐞ ꒪,,꒱底部仲有粒粒香滑奶凍，完美平衡抹茶嘅微澀。○ 玫 瑰 西 柚 原 個 檸 檬 果 汁 // $28清新西柚同玫瑰超夾，酸甜適中，消暑解渴，仲有淡淡花香，完美中和油膩感 .ᐟ.ᐟꕀ
繼續閱讀
朋友話未去過AIRSIDE，於是有過一次經驗的筆者大膽自薦做導遊，週末一起出來遊玩。搵餐廳醫肚期間，見到地下的這間「THE CAPTAIN'S FISH & CHIP BAR 」大排長龍，一於趁墟加入試試！香脆的單骨雞翼，空口吃已非常香口惹味，選擇了香脆蜜糖口味，鹹中帶點甜。海膽汁意粉呈橙紅色，質感偏乾身，不過口感又幾彈牙，海膽香味都頗為濃郁。4oz炸魚的份量已經非常大塊！魚柳外皮炸至脆卜卜，裡面的魚肉十分滑嫩，也可以蘸點店舖自家製的粒粒他他醬。配上粗薯條，同樣炸至外脆內軟，滿滿的薯香味。根據排隊點餐期間的觀察，小食顯然是最受歡迎！燒賣有6個款式供應，更可選擇炸/蒸做法。揀選了炸的蟲草花雞肉燒賣，外層香脆，雞肉餡幾香，但就未太感受到蟲草花口感。醬汁也是自由配搭，配上明太子沙律醬，增添了微辣感，更加惹味。這個絕對是店舖number 1的人氣小食！基乎人人都有order，誇張到要等候接近35分鐘。雞蛋仔新鮮做起，外脆內軟，入口有蛋香味。而每一粒都有雙皮奶內餡，雙皮奶滑溜，奶香味道濃郁。整體味道不會過份的甜膩，食完一底都不會太膩。
繼續閱讀
傳說中最近好多宣傳既雙皮奶雞蛋仔落單買既時候店員就話等15分鐘左右結果最尾等左最少40分鐘先整好然後一食個雞蛋仔係有陣燶澀味既。。問店員係咪本身個味係咁係正常 就話整過底新既俾我地聲稱等5分鐘結果又再等左15分鐘先有其實無信心咁短時間整到可以直接講定等大家有講心理準備係咪要繼續買/等前後差唔多浪費左一個鐘時間for呢一底雞蛋仔第二底係正常返但未好食到值得浪費呢個時間🤡或者好想食既話考慮平日先好去幫襯
繼續閱讀
都幾鐘意去AIRSIDE 行下街食下野，環境都幾舒服，今日行到咁上下，我地去左「THE CAPTAIN'S FISH & CHIP BAR」食下小食。英倫炸魚薯條即點即炸，估唔到炸魚會咁大條，炸魚份量足夠同朋友Share 黎一齊食，炸魚外層炸到金黃香脆，不會太油膩，魚肉好厚身，好嫩滑，薯條用上粗薯條，外脆內軟，更加有口感雙皮奶雞蛋仔首創，雞蛋仔加左入雙皮奶，雞蛋仔嘅香脆同雙皮奶嘅軟滑奶香互補，食落有層次感，意外地好夾。朱古力雞蛋仔外層薄脆帶蛋香，甜度適中唔膩口，我鍾意朱古力味可以再重D。單骨雞翼配咸蛋沙律醬單骨雞翼炸得外皮金黃脆卜卜，咬落去啲雞肉嫩滑多汁，唔會乾爭爭，配上咸蛋沙律醬，咸蛋黃嘅獨特鹹香同沙律醬嘅creamy口感融合。
繼續閱讀
呢間小食店係Airside入面，俾佢嘅雙皮奶雞蛋仔吸引到！除咗雞蛋仔，仲有好多小食同意粉，食物都係即點即製！⚓️雙皮奶雞蛋仔 $38外皮質地有點似窩夫，質感柔軟，入面有滿滿雙皮奶內餡，充滿奶香，甜度剛好，用雙皮奶呢個配搭幾新穎，都唔錯喎⚓️單骨雞翼配香草番茄意粉 $58雞翼揀咗蒜香風沙味，熱辣辣炸得金黃香脆；扁意粉口感彈牙，酸酸甜甜好開胃，都幾大份⚓️英倫炸魚配薯條 $88點咗4OZ嘅炸魚都好大件，炸粉厚度適中，入口酥香無比，有外脆內嫩嘅感覺；薯條份量都好多，香脆又好味⚓️蟲草花雞肉炸燒賣 $30燒賣可以揀炸/蒸，燒賣有香菇豬肉、花椒麻辣木耳豬肉、魚蓉等等，都幾多款式，仲可以自己配醬汁⚓️黃金雙皮奶卷 $28卷物入口酥脆，內餡濃郁奶香味，層次感十足，食落唔會太油膩
繼續閱讀
您可能會有興趣的...