THE CAPTAIN'S FISH & CHIP BAR

已有半年沒有與舊同事見面，我們相約在啟德站Airside G樓〈The Captain's fish ＆chip bar〉。在等待同事到來期間，發現很多食客都在等待外賣，買的全是雞蛋仔。難度這間餐廳的招牌菜是雞蛋仔而非炸魚和炸薯條嗎？看看餐牌，一間細小餐廳竟提供多款優質的美食，有主菜、小食和飲品。單單燒賣已經有六款，可炸或蒸，醬汁都有四款。意粉可配雞翼或船長炸魚，飲品有奶茶、果汁和咖啡，還有六款雞蛋仔。我們三人點了：雙皮奶雞蛋仔、奇異果原個檸檬果汁、士多啤梨原個檸檬果汁及金橘熱情果原個檸檬果汁、香菇豬肉燒賣、英倫炸魚配自家製粒粒他他醬、慢煮雞胸意粉 (蕃茄汁) 和炸雞翼意粉（蒜香雞翼）。雙皮奶雞蛋仔~很久沒有吃雞蛋仔，這個雞蛋仔帶給我驚喜，外層熱辣辣又酥脆，內裡有濃郁奶香的雙皮奶餡料，真是很好吃。果然相信排隊的食客是沒有錯的！後來上網搜尋雙皮奶內餡是來自順德民信水牛奶，特別順滑香甜。香菇豬肉燒賣配XO醬~燒賣充滿著香菇粒和豬肉，入口鬆軟彈牙。雖然燒賣不及雞蛋仔驚艷，但是味道也不錯。英倫炸魚配自家製粒粒他他醬~嘩!魚柳粗大如手臂，外層炸得金黃酥脆，朋友主動想吃香脆部分，魚肉肉質仍鮮美滑溜。他他醬果然是自家製，有很多酸黃瓜粒，另一位朋友吃著薯條也常醮這個醬。慢煮雞胸意粉 (蕃茄汁) ~賣相不吸引的雞胸，卻充滿著內涵。經慢煮的雞胸肉，滑溜不「柴、硬和乾」，單吃雞胸肉也不錯，配搭蕃茄汁意粉，微酸又醒胃。炸雞翼意粉（蒜香雞翼）~香脆單骨雞翼份量不少，單吃雞翼也非常香口惹味，選擇了蒜香味，配搭白汁意粉很不錯。值得一提店家使用的意粉是扁而幼的意粉，雖不是手工意粉，但是口感比一般意粉彈牙和好味。奇異果原個檸檬果汁、士多啤梨原個檸檬果汁及金橘熱情果原個檸檬果汁~毎款果汁都冰涼，有著新鮮果肉，吃到奇異果肉、士多啤梨粒和熱情果粒。…查看更多

Airside開左好多新既食店，呢間喺Airside唯一有雞蛋仔賣，仲要有啲菜式可以外賣拎去草地chill下，呢到店員好盡責，有陣時會拎到出店鋪到交俾食客。價錢非常相宜，所以今次叫左呢啲：雙皮奶雞蛋仔🐣Double Layer Milk Custard Egg Waffle原來雙皮奶都可以整到雞蛋仔，食落去好似食緊雙皮奶咁，但唔會好甜～招牌單骨雞翼配明太子白汁意粉🐓🍝Deep Fried Single bone Chicken Wings今次揀左蜜糖單骨雞冀，煎得非常白口，而且個明太子醬汁好creamy, 愈食愈開胃～英倫炸魚（4Oz）配薯條🐟🍟Fish and Chips* (4oz)4oz既炸魚份量都超級大份，長過隻叉～呢個份量足夠食得飽～配左自家製粒粒他他醬酸酸地幾易入口～另外配埋脆身薯條～英倫咖哩大魚旦English Curry Big Fish Ball超級大粒，同埋好彈牙，整粒魚旦都沾滿咖哩汁士多啤梨原個檸檬果汁🍓Strawberry Lemonade金橘熱情果原個檸檬果汁🍋Passion Fruit Lemonade食啲煎炸野，似返杯檸檬果汁係好解膩，士多啤梨個杯個底仲有粒粒果肉呀～…查看更多

帶住狗狗我就最鐘去啟德 Airside，既有好多地方打卡走走之餘，仲可以同狗狗去食好西。我地係商場同玉桂狗打卡次後，就去THE CAPTAIN'S食返個下午茶抖返一下啦！第一次嚟「THE CAPTAIN'S」食，當然就食佢地嘅招牌主打，英倫炸魚薯條，有8oz同4oz選擇，我地想食多少少款，所以就嚟一份4oz。不過唔好睇少依4oz，原來都好有份量，估唔到炸魚係會咁大條，即叫即炸所以啲炸魚外層炸得好香脆，入面嘅魚肉厚身得嚟好嫩滑，而且又唔會好油膩，配埋自家製嘅粒粒他他醬，提升哂成個味覺。粗身嘅薯條都係另一亮點，有口感得嚟又脆口，而且份量仲唔少添。另一個驚喜就一定係雙皮奶雞蛋仔，雞蛋仔外面脆卜卜又充滿蛋香味，入面包裹住濃郁軟滑奶香嘅雙皮奶餡料，食落足料爆漿，食落超有層次感，最重要係每一粒雞蛋仔入面都有雙皮奶餡，絕對係超足料。我地仲再叫多左一份燒賣，有多款口味選擇，仲可以揀蒸或炸，仲可以自己配醬汁 ，最係我地就揀咗蒸嘅香菇豬肉燒賣。燒賣唔會好粉而且個口感都好彈牙，而內餡就充滿豬肉汁同香菇鮮味，味道唔錯哦。當然就唔少得飲品，既有英倫炸魚薯條所送嘅香濃烏龍味嘅冷泡冰茶。另外仲有奇異果原個檸檬果汁，入口非常清新，而且味道酸酸甜甜，啱晒炎熱天解解渴呀！…查看更多

行街經過依間小食店，鮮橙色裝潢令人眼前一亮，重點佢係 ᴘᴇᴛғʀɪᴇɴᴅʟʏ .ᐟ.ᐟ 可以帶埋毛孩們一齊黎 ᴄʜɪʟʟ ੯• ໒ ꒱ 店員同老闆都好親切熱心，一路食一路吹水，由演唱會講到寵物體檢，真係食得開心 ~呢度嘅特色係全部炸物都可以自選醬汁，包括自家製粒粒他他醬、辣沙律醬、咸蛋沙律醬、黑松露沙律醬、明太子沙律醬、蜜糖芥末醬同車打芝士醬。本人係選擇困難症患者，企喺 ᴍᴇɴᴜ 前諗咗成 10 分鐘，好彩有店員推薦，最後每款菜式都配唔同醬汁，完美體驗各種風味 ~○ 巨 大 英 倫 炸 魚 & 薯 條 // 4oz $88份量十足，外層麵衣酥脆得嚟唔油膩，魚肉雪白鮮嫩多汁，配埋自家製粒粒他他醬，酸甜開胃，解膩一流 .ᐟ.ᐟ薯條炸得金黃香脆，外脆內軟 ⸜(｡˃ ᵕ ˂ )⸝♡○ 招 牌 單 骨 雞 翼 配 明 太 子 白 汁 意 粉 // $98雞翼可以揀蒜香風沙 / 香脆蜜糖，最後揀左後者 ~外皮炸得金黃酥脆，蜜糖醃製充滿甜香，肉質嫩滑多汁。香濃 ᴄʀᴇᴀᴍʏ 嘅白汁包住彈牙意粉，微微鹹香，食到停唔到口 .ᐟ.ᐟ另外意粉都有四款口味畀你揀添 ~○ 雙 皮 奶 雞 蛋 仔 // $38之前係 ᴛʜʀᴇᴀᴅs 見到話雞蛋仔好食，終於試到꒰｡• ◡ •｡꒱雞蛋仔可以揀原味 / 朱古力味，即叫即做熱辣辣出晒煙，外脆內軟，內餡嘅雙皮奶滑溜香濃，充滿奶香，甜而不膩，口感層次豐富 .ᐟ.ᐟ老闆話好多熟客都中意外賣返屋企食，120 度焗 6 分鐘，就會同剛做好一樣咁脆 ( ˶ˊ ᵕ ˋ )੭臨走時老闆仲好熱心幫我焗返食剩一半既雞蛋仔，用新設計既立體外賣盒幫我裝好，等我可以攞走一路行街繼續食，真係超級貼心呢 ~○ 炸 蟲 草 花 雞 肉 燒 賣 // 10粒 $30外皮炸得金黃，口感鬆軟兼帶少少嚼勁。怕熱氣可以揀蒸嘅，蟲草花味應該會更突出，嗜辣人士仲可以配埋靈魂辣汁，香辣過癮 .ᐟ.ᐟ○ 英 國 海 龍 島 炸 小 龍 蝦 // $48外殼酥脆，蝦肉彈牙鮮甜，配埋濃郁嘅車打芝士醬，香濃得嚟帶微微鹹香，送啤酒真係一流 ꒰ ˘ ³ ˘ ꒱○ 日 本 原 宿 長 薯 條 // $48條條都長過手掌好香脆，加埋明太子沙律醬勁惹味 .ᐟ.ᐟ留意因為本人太飽，要求咗細份試試味 ~ 正常 size 多好多條 ٩꒰๑´ ∇ `๑꒱۶○ 小 山 園 抹 茶 雙 皮 奶 // $48抹茶香氣馥郁，入口幼滑，充滿奶香 ꒰,,꒪ ᐞ ꒪,,꒱底部仲有粒粒香滑奶凍，完美平衡抹茶嘅微澀。○ 玫 瑰 西 柚 原 個 檸 檬 果 汁 // $28清新西柚同玫瑰超夾，酸甜適中，消暑解渴，仲有淡淡花香，完美中和油膩感 .ᐟ.ᐟꕀ…查看更多

市面上雞蛋仔口味層出不窮，而近期最具討論度的莫過於啟德的雙皮奶雞蛋仔👀———————————————————————每粒雞蛋仔內都填滿了微甜的雙皮奶餡料🍼十分足料，誠意可加🫡可惜奶味相當之淡😓未能發揮雙皮奶應有的醇厚，基本上可說是淡而無味😕作為外殼的雞蛋仔上手一刻尚算鬆脆，但吃到中段就經已如毛巾般軟腍😥令人大失所望😮‍💨而且蛋香欠奉，味道和口感都未如理想🙅🏻‍♂️我想還是傳統雞蛋仔較得我心😅———————————————————————雙皮奶雞蛋仔雖然概念創新，但兩者融合後結果卻強差人意🤐會如此受人追捧實在令人費解🤨…查看更多

嚟到啟德．一定要食大氣大熱嘅雞蛋仔除咗傳統原味之外✨雙皮奶雞蛋仔 亦係呢度嘅招牌口味店員話可以同蛋撻 各半口味 一次過可以品嚐兩款即叫即製．外脆內軟．充滿順德奶香味✨朱古力雞蛋仔啖啖朱古力味道濃郁．亦唔會太甜另外多款港式地道小食同意粉都好受歡迎✨招牌單骨雞翼配香草蕃茄意粉 雞翼外皮香脆．揀咗蒜蓉風沙口味可以選配唔同醬汁嘅意粉✨高蛋白慢煮雞胸配招牌香蒜白汁意粉 想健康啲有啖啖肉嘅慢煮雞胸香蒜白汁口感好Creamy✨六吋長倫敦豬肉腸 外腸香脆．肉汁豐富✨香菇豬肉燒賣 裡面粒粒冬菇除咗蒸燒賣．呢度嘅炸燒賣好香口仲有多款醬料✨金橘熱情果原個檸檬果汁 酸酸甜甜．冰凍消暑…查看更多

比位於Airside既The Captain’s 推出既雙皮奶雞蛋仔吸引咗😍，順便食埋晚飯🥣！餐廳既小食總類豐富，可以喺餐廳內堂食，又可以拎出去公園Chill住食，同時都岩晒去啟德睇波睇演唱會，但又唔夠時間坐低食正餐嘅嘅觀眾。🌟雙皮奶雞蛋仔餐廳推出唔少雙皮奶嘅菜式，雞蛋仔即叫即整，拎上手熱辣辣，而且每粒都充滿雙皮奶，食落香脆而且富有奶香，超級足料，食完滿足又飽肚。🌟炸蟲草花雞肉燒賣（配鹹蛋黃沙律醬）多款燒賣可以揀，例如香菇豬肉、魚蓉燒賣等，而且仲有得揀蒸定係炸！最後我地揀咗炸蟲草花雞肉，炸燒賣唔會硬，口感十分彈牙，都好有好濃嘅雞味。🌟秘製單骨雞翼（配松露沙律醬）炸單骨雞翼都幾Juicy，唔會炸到太乾。再配埋自選醬汁（松露沙律醬），呢個組合絕對冇死。🌟巨大船長炸魚配明太子白汁意粉炸魚足足有15-20cm咁長，而且外皮超脆，魚肉嫩滑得嚟亦同他他醬十分夾。而意粉亦可選多款醬汁，明太子味白汁意粉，富有蒜蓉同明太子嘅鹹香。🌟金橘熱情果原個檸檬果汁餐廳提供幾款好味嘅Lemonade，金橘熱情果檸檬汁🍋夠晒清爽，甜度唔算高。🌟抹茶雙皮奶茶話晒餐廳提供咁多雙皮奶食物，梗係要試埋佢哋嘅雙皮奶飲品！抹茶雙皮奶茶嘅雙皮奶分量十足，比起平時飲台式飲品加奶凍口感豐盈。人認為如果抹茶味🍵更濃郁會更好😆。…查看更多

雙皮奶雞蛋仔：每一粒雞蛋仔都有雙皮奶，都有幾足料嘅奶餡不過如果一個人食晒嘅話會口乾同埋膩，所以就要配埋杯嘢飲🥤下午茶去食啱啱好推薦指數 👍🏻👍🏻👍🏻👍🏻…查看更多

餐廳地方唔大，但都乾淨企理。雙皮奶雞蛋仔雞蛋仔就食過，但雙皮奶雞蛋仔都係第一次聽，估唔到都幾好味。雞蛋仔好大份，而且好堅挺，入面嘅雙皮奶唔甜，同雞蛋仔原來好夾。英倫炸魚配自家製粒粒他他醬+薯條呢個係佢哋嘅招牌，炸魚真係超大份，仲長過我哋嘅手掌，而且炸得好香脆，魚肉都好嫩滑。蒸香菇豬肉燒賣蒸香菇豬肉燒賣味道都唔錯。慢煮雞胸蕃茄意粉佢嘅慢煮雞胸真係幾好味，雞胸唔會鞋，口感同味道都好好，蕃茄醬汁同意粉都好味。炸蒜香雞翼白汁意粉佢哋嘅炸雞翼係單骨雞翼，炸得香脆，有蒜香味，而且食起嚟都好方便。士多啤梨原個檸檬果汁呢杯果汁有士多啤梨味，又酸酸地，幾清新幾好飲朋友叫咗奇異果，如果芒果果汁同埋金橘熱情果原個檸檬果汁，佢哋都話好好飲。估唔到呢間餐廳嘅食物都幾好味，大家行過可以去試吓。…查看更多

落咗咁多日雨，終於放晴，狗仔都可以出街！！！為咗滿足我哋嘅肚仔又滿足佢嘅去街街慾望，梗係揀返啟德，又有餐廳又有寵物空間！！！✨巨大船長炸魚配蕃茄意粉超大件炸魚，炸粉唔厚啖啖魚肉，仲要有蕃茄意粉同冷泡茶跟配！唔鍾意食蕃茄意粉都有白汁、海膽、明太子俾你揀(⁎⁍̴̛ᴗ⁍̴̛⁎)✨蛋撻雞蛋仔連詩雅都推介嘅雞蛋仔，小編當然要試一試，仲可以加兩蚊轉朱古力殼！裏面真係粒粒都充滿着蛋漿，外皮好酥脆！✨金橘熱情果原個檸檬汁真係大片大片檸檬，飲落去都幾清新，建議可以叫少甜～✨英倫咖喱大魚蛋真係大大粒魚蛋，有別於港式咖喱，但醬汁都係濃郁嘅～✨香菇豬肉炸燒賣淨係燒賣都有好多款，可以揀蒸可以揀擇炸，而且各有唔同嘅醬汁～燒賣唔會話炸到特別乾身，外皮脆卜卜！揀咗個鹹蛋沙律～✨抹茶雙皮奶奶茶好特別嘅一個配搭，雙皮奶令到成杯飲品嘅奶味偏重，但好滑～…查看更多

Airside唔止得打卡咖啡店，原來仲藏住呢間甜品小驚喜！The Captain’s唔單止賣炸魚薯條，佢哋嘅雙皮奶雞蛋仔簡直係意想不到嘅甜品黑馬😋！雞蛋仔即叫即整，外層烘得香脆，內裡仲保留住綿軟空氣感～一打開就見到流心雙皮奶內餡，奶香濃郁又滑口，甜而不膩，食一粒停唔到口！雞蛋仔外皮仲可以自選原味 or 朱古力口味，無論你鍾意香濃定經典，總有一款岩你味～👯‍♀️唯一要注意嘅係，舖頭位置有啲隱秘，要考下眼力先搵到～但係為咗呢份滿足感，絕對值得一搵再搵📍❤️…查看更多

📍 全港首創雙皮奶雞蛋仔 — 𝙏𝙃𝙀 𝘾𝘼𝙋𝙏𝘼𝙄𝙉’𝙎 𝙁𝙄𝙎𝙃 & 𝘾𝙃𝙄𝙋 𝘽𝘼𝙍🧇✨最近啟德Airside呢間小食店嘅雙皮奶雞蛋仔爆紅，今次一於黎朝聖下😻🔥舖頭鮮橙色嘅裝潢令人眼前一亮🧡堂食位置唔算多，大概得五六個位，主打外賣～🥡見到好多人排隊買雞蛋仔😆今次我同朋友除咗食雞蛋仔，仲試埋其他招牌小食，估唔到有驚喜！𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🌟雙皮奶雞蛋仔 $39雞蛋仔可以揀原味或者朱古力味，全部都係即叫即整嘅，拎上手真係新鮮熱辣，外脆內軟😆🧇每一粒都包住爆漿滑溜嘅雙皮奶餡，好足料，雙皮奶充滿奶香又唔會太甜～🥛不過建議大家買完要即場食，擺耐咗好快會變冧🤣🔆炸香菇豬肉燒賣（10粒） $30燒賣可以揀炸/蒸，而且有非常多口味！今次揀咗炸香菇豬肉燒賣，香脆有咬口～另外仲有好多款醬料可以選擇，黑松露醬非常惹味，推薦！🤤🔆巨大船長炸魚(4oz)配明太子白汁意粉 $118塊炸魚真係大得好誇張！成隻手咁大！🥹炸粉薄脆，裡面嘅魚肉好嫩滑～明太子意粉都好值得一讚👍🏼意粉好掛汁，明太子汁都好creamy，完全唔會輸比出面餐廳嘅明太子意粉🍝整體黎講不錯～🔆秘製單骨雞翼（8件） $38單骨雞翼炸得香脆，配埋明太子醬更惹味🔥不過略嫌雞翼炸得比較乾身，如果可以juicy啲會更好🤓🔆日本原宿長薯條 $48每條薯條都好似飲管咁長，長達30cm😍🍟自由搭配各種醬汁～薯條炸得好香脆，而且勁大份！我哋兩個人share都食唔晒要打包走🤣不過要留意薯條都係容易變冧，趁熱食就最好食～✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽賣相：🌟🌟🌟💫味道：🌟🌟🌟🌟性價比：🌟🌟🌟💫推薦度：🌟🌟🌟🌟…查看更多

早排見好多人推介呢間喺啟德AIRSIDE嘅人氣小食店，店舖除咗超有人氣嘅雙皮奶雞蛋仔之外仲有多款小食同意粉都好好味，仲份量十足🤩ღ招牌雙皮奶雞蛋仔 $39雞蛋仔外層脆卜卜，咬開入面有流心雙皮奶餡，奶香濃郁但唔會死甜，感覺似飲燉奶咁滑溜，一咬落去蛋香奶香齊爆發，熱辣辣最正！ ღ招牌單骨雞翼 $98配明太子白汁意粉雞翼外皮香脆，肉質嫩滑，明太子白汁意粉creamy又帶少少鹹香，好開胃ღ蟲草花雞肉燒賣 $30可揀蒸/炸口感煙韌，蟲草花帶點清新，燒賣嘅雞肉飽滿唔"鞋口"ღ黃金雙皮奶卷 $28外皮微脆、內裡滑溜，雙皮奶味道唔會太膩ღ六吋長倫敦豬肉腸 $38皮脆肉彈、肉味十足ღ美式白咖啡 $42咖啡香濃，奶味順滑，唔會太苦或者太甜ღ抹茶雙皮奶茶 $48抹茶味濃，帶微甘，雙皮奶滑溜低甜度，飲完會想Encore！…查看更多

雙皮奶雞蛋仔既然佢咁出名 當然要去朝聖下 估唔到真係咁有驚喜！舖頭最出名 確實名不虛傳！雞蛋仔焗得香脆，包裹住軟腍嘅雙皮奶餡，口質豐富。而且蛋香奶香兼具，一次滿足兩個願望，好食又打卡able，好值得入啟德一試👍仲有唔少主食 一個set好大份 我覺得小鳥胃嘅你 可以Share 炸魚意粉 明太子汁 炸魚比一隻手掌更大，而且有8oz重。外皮炸得超級香脆，魚柳又嫩滑，配埋他他醬簡直係一絕，十分好味。意粉嘅明太子醬味頗為濃郁，而且好creamy，好match😍；慢煮雞胸意粉 海膽汁，非常健康，好多雞胸，滿滿嘅蛋白質。而且只簡單用鹽調味，可以話係少鹽少油之選，適合正在瘦身/健身嘅你。而且慢煮嘅關係，肉質非常嫩滑，健康得嚟又好味。而意粉十分creamy、濃稠，帶有淡淡嘅海膽味，令味道上增色不少😙而且意粉跟餐送冷泡茶，今次就揀咗玫瑰普洱同四季春，味道清雅，具茶香，十分唔錯😎餐廳仲提供咗唔同小食 例如 炸燒賣拼盤 幾正嘅燒賣拼盤，炸得好香之餘，燒賣仍保持口感同味道。有唔同味道可試，有傳統魚肉燒賣、香菇豬肉燒賣、蟲草花燒賣等，任君選擇，仲有多款醬汁選擇，值得一試 同埋 魚皮餃，好少地方有得嗌魚皮餃，十分特別。魚皮餃嘅餡料好香胡椒粉味，超正！作為小食可以話一流😚…查看更多

上兩個月嘅工作時間比較混亂，日日唔同 😵‍💫 有日下晝喺啟德附近開工，趁下一場工作前，快快衝去食少少嘢補一補血糖！🧇️ 雙皮奶雞蛋仔 😋😋😋😋😋依款特色雞蛋仔需要等約10分鐘，熱辣辣到手時發現幾大份下，有小編🤲🏻咗上下大～ 外層好乾身好脆，裡面軟腍腍，每一粒都有雙皮奶餡，有蛋🥚奶🥛香 👏🏻 微甜～ 成份一個人KO晒，非常飽肚！😆☕️ 美式白咖啡 (熱) 😋😋😋😋店員話係固定嘅美式白咖啡，冇得好似奶啡咁揀款式，小編聽到覺得幾特別，就叫咗一杯嚟試下～ 😲 冇諗過原來熱啡都咁大杯，聞落有啲似馬來西亞白咖啡，飲落唔甜、奶味唔會太厚，咖啡☕️味都算濃郁～下午茶 💵💵 約港幣$80/人💁🏻‍♀️ 小食店仲會提供正餐，例如：意粉、炸魚薯條🍟，店內座位唔多，大約6-8個，亦有少量戶外座位～ 之前經過見到佢哋都有同粉絲提供Jay Fung、老闆🦊應援套餐～ 如果有興趣食有餡嘅雞蛋仔，記得要預留時間等一等～ 一份share食就啱啱好 😉 🙆🏻‍♀️ 最後，喜歡嘅話，歡迎follow @foodirectory.hk ！…查看更多