Tallore

營業中

休息中

嚟到灣仔利東街睇新年燈飾….順便喺附近食個quick lunch 🥙 …. 餐廳位置非常方便…. 地鐵站出利東街果出口一上到地面就係….🐾 煙三文魚墨西哥卷餅配牛尾湯卷餅嘅餡料非常豐富….青瓜…牛油果…蕃茄…菠菜…洋蔥沙律….當然唔少得主角….煙三文魚…外皮烤到少少酥脆….每一啖都好有層次感…份量仲好充足添…牛尾湯煲得入味….湯底濃郁….入面仲有新鮮嘅蔬菜….飲落去暖心又暖胃….好滿足…🐾 沙律拼盤配意式雜菜煙燻雞湯可以自選三款沙律…我哋簡咗凱撒沙律….菠菜蘑菇朝鮮薊沙律同巴馬臣芝士意粉沙律….凱撒沙律嘅生菜爽脆….加上溝咗沙律醬嘅雞肉絲同香脆嘅麵包粒….口感豐富….蘑菇同朝鮮薊都煮得好入味…..意粉有濃郁嘅芝士香味🥰好好食…湯嘅材料好均衡…有蕃茄…薯仔…翠玉瓜…紅蘿蔔….雞絲….酸甜可口….湯水煲得非常入味…好開胃🤤…..

今日想食得健康d, 發現原來灣仔近利東街有呢間專賣salad wrap既餐廳佢擺出黎既salad都幾多款式, $68蚊可以簡3款我簡左分別簡左:-Pesto Pasta Salad with Blue Cheese意粉配左淡淡既blue cheese,調味岩岩好-烤蝦羅勒醬藜麥佛陀碗沙拉沙律藜麥充滿羅勒醬,好香口,入面仲有好多蝦肉-南瓜沙律配楓糖醬入面既烤南瓜配上楓糖醬好香甜, 仲有好多烤南瓜籽, 令到口感更加rich呢個份量真係好大份,成個盒都塞到滿滿, $68呢個價錢真係抵跟住仲簡左個湯 Smokey chicken soup佢有D似羅宋湯,入面好多雜菜,仲有雞絲,口感好豐富係咁凍既天氣下飲即刻覺得暖番個胃我仲叫左個Wrap, 佢Wrap既選擇都幾多今次我簡左the chicken 入面有手撕烤雞肉,生菜,蕃茄,青瓜,車打芝士手撕烤雞肉既份量好多, 係滿滿既protein! 生菜蕃茄都好新鮮食落好滿足又飽肚呢個真係好岩追求健康既人去食, 有時食健康野唔一定話唔好食同貴其實都有好多選擇

灣仔廈門街附近有間專門賣自家製沙律、墨西哥捲餅和椰菜花飯嘅舖頭。點咗兩個Set Menu， 第一個點咗煙三文魚捲 （$78）材料豐富，有煙三文魚、馬蘇里拉芝士、牛油果、菠菜苗、蕃茄及青瓜同埋配上自己製香草蒔籮醬，捲餅蔬菜比例重，食落清爽，而且份量有兩隻手掌大，食完一定夠飽。再額外加咗個自家製沙律（細）（+$35），餐廳提供多達11款沙律，而細沙律入邊可以揀其中兩款。我哋就揀咗三色番薯栗子南瓜配黃金楓糖醬&羽衣甘藍紫椰菜配西班牙曼切格芝士沙律，兩款沙律都好新鮮爽脆，有機會都想試埋其他沙律朋友選擇咗煙三文魚椰菜花飯，煙三文魚含有豐富Omega 3，喺健康好食之選，除咗煙三文魚之外，仲有鮮粟米、糖心蛋、車厘茄、紫椰菜、椰菜花飯配合，食落清爽無負擔，而且高纖維、無麩質同埋豐富蛋白質，都幾適合減重/注重健康既人朋友受選擇加點湯品（細）（+$30），南瓜香草湯，質地濃稠，香草味明顯，咁凍既天氣飲尤其適合。我地飲品都選擇咗澳洲諾亞天然果汁（+$22），total有四款果汁可以揀。我地選擇咗以橙、蘋果、菠蘿為基底嘅果汁，充滿熱帶風情

Used to work in Wanchai and literally had Tallore at least once a week (or could be every day! - I’m never tired of it) for a few years since it opened. And I still order it or come to the shop whenever I have the chance when in Wanchai, have recommended to many friends.Ingredients are fresh and healthy, tastes are consistently great, reasonable pricing, lovely staff. Great to see it is still around till today! Highly recommend it if you enjoy / need a healthy and delicious salad / wrap fix!

咁岩去灣仔同朋友揀左間健康營養餐一人一個SET MENU套餐組合👍超級豐富 營養 ！好簡單幾個Steps有好多野食😆飽 滿足STEP 1 CHOOSE MAINPROTEIN POTS高能量營養碗~意大利波隆那雞肉醬配飯或意粉+Smoked Salmon 煙三文魚+Cheese~CAULIRICE椰菜花飯配挪威三文魚柳STEP 2 MAKE A COMBO!~Side Salad自家製沙律(細）可以揀兩個組合👍羽衣甘藍紫椰菜 配西班牙漫切格芝士沙律👍烤蝦羅勒醬藜麥佛陀碗沙拉沙律~Small Soup湯(溫)STEP 4 DRINK澳洲諾亞天然果汁~Apple Beetroot Orange Carrot Ginger Veggie juice👍有Super food紅菜頭~Apple Peach kiwi fruit Mango Lime Juice Smoothie😆中意酸嘅朋友比較岩 有好多種偏酸嘅水果

🌱招牌意式雜菜煙燻雞湯陣陣嘅蕃茄味，加上雜菜同埋煙燻雞，非常足料，而且酸辣酸辣，幾開胃🌱Smoked salmon & Avocado Wrap呢個係新推出嘅～煙三文魚同牛油果都好足料，係好健康嘅配搭！🌱Mixed Salad差不多有10款可以揀，最多就可以揀3款～有幾款都幾吸引，今次就揀咗：🥗經典凱撒沙律最推介！唔會太多沙律醬，調味啱啱好，加上雞絲，清新之選！🥗菠菜蘑菇朝鮮薊沙律呢個都幾有特色，食落甜甜地，加埋蘑菇一齊食，口感唔錯！🥗蒔蘿及巴馬臣芝士意粉沙律如果想食返少少澱粉質嘅話，呢個係好好嘅選擇，意粉煮得剛剛好，加上少量芝士調味，令人好滿足！

灣仔有度好就係界乎民居與商業區之間未到甲級寫字樓地段但又唔至於龍蛇混集換言之聚集喺同一個點但一街之內餐廳嘅選擇同價位可以好多元化亦係有時間嘅話值得大家慢行發掘小店嘅社區之一解鎖一間比較適合健康人士嘅餐廳主要係沙律bowl、墨西哥卷同湯品等有堂食，不過來來往往見客人多數係grab n go價位由6-9x都有沙律選擇大概有8至9款湯品同食材配搭都好flexible 只少我覺得追求健康人士心中嘅雞胸、三文魚、椰菜花飯同其他super food 嘅options 都有用份量計經已抵食過訪間好多salad bowl 餐廳Set menu 仲可以on top 配湯、細沙律同飲品細食嘅可以一餐分兩餐，真心係抵deal湯品店員話有四款其中pumpkin soup同雜菜煙燻雞湯係regular item試咗後者都幾重口味辣辣哋味道好濃

最近開始健身要食得健康啲，唔可以再成日出去餐廳食嘢，所以一般都係屋企自己處理如果出去食嘅話都盡量揀一啲高纖維低澱粉高蛋白質嘅食物呢度出名健康餐單，例如有墨西哥卷，沙律等想食得健康啲選擇咗自選沙律，沙律一盒可以揀三款我揀咗三色薯泥番薯分別有南瓜紫薯同薯仔，另一款揀咗羽衣甘藍蘑菇雖然沙律一般般俾人感覺好清淡唔好食，但係佢哋嘅沙律配搭非常之好，醬汁全部都配搭適中，健康好味得來又超級有營養，完全唔覺得減肥係一件辛苦嘅事而且超級方便外賣，又快手，另外揀咗佢哋最新出嘅煙三文魚墨西哥卷，裏面煙三文魚份量豐富，而且牛油果都唔，$78嚟講呢一個配搭非常之抵！推介比會健身嘅要嚟試。

又到左星期五，忙完一個星期要食餐好嘅慰勞下自己，喺利東街睇完聖誕燈飾，就喺附近睇下有咩好食，比"Tallore" 鋪頭入面嘅介紹吸引左，好難得有咁健康嘅鋪頭，有沙律、有烤捲、有椰菜花飯、仲有湯。真係啱曬想減肥，又鐘意食好野嘅我⭐️招牌南瓜香草湯新鮮滾熱辣，好香南瓜味，係南瓜嘅甜味呀。仲有香草吊下味，好夾，好好味⭐️墨西哥捲餅：煙三文魚捲大大舊，好足料，入面有煙三文魚、馬蘇里拉芝士、牛油果、菠菜苗、蕃茄、青瓜，仲配埋自家製香草醬，真係又健康、又好食、又有營養⭐️⭐自選沙律⭐三色蕃薯栗子南瓜配黃金楓糖醬顏色好靚，蕃薯、南瓜好淋，仲好甜添。估唔到栗子都可以用黎做沙律，好新穎嘅配搭，但係又好食喎，豐富左個口感⭐️蝦烤蝦羅勒醬藜麥佛陀碗沙律有蝦、三色藜麥、車厘茄、青瓜、火箭菜，材料好豐富、好健康，食落嘅口感都好豐富，正呀，大滿足⭐️雞肉薯仔沙律薯仔好淋，雞肉唔會一大舊，撕碎左，好方便食，個沙律汁好輕微少少辣，同薯仔、雞li類本身冇乜味嘅食物好夾3個沙律總括黎講就係：又高纖、又健康、又好食，真係一次過滿足你3個願望呀

去咗一間營養餐為主題嘅餐廳，最啱我依種成日想減肥嘅人。我首先叫咗個煙三文魚卷餅，佢一個卷餅係超豐富，而且都幾大份，有煙三文魚，馬蘇里拉芝士，牛油果，菠菜苗，蕃茄，青瓜同埋，自家製香草醬等，真心營養豐富，而且佢裏面嘅菜係好多，配埋有少少鹹嘅煙三文魚同埋佢嘅特色醬汁，意外地咁夾得來又好食。我另外仲叫左一份高能量營養碗，雞肉醬意粉，佢嘅肉醬好香，而且份量好多，有足夠嘅肉醬撈入去意粉度。然後我加咗一個湯，秘製煙燻雞湯，飲落就好似雜菜湯咁樣，不過多咗啲雞絲，而且裏面有唔同嘅蔬菜營養好豐富。而飲品，無論果汁，椰青水定氣泡水依度都有提供，而且打卡嘅話，仲會有免費嘢飲添。

I recently had the pleasure of dining at Tallore, and I must say, it was a delightful experience. This restaurant truly embodies the essence of healthy eating while offering a warm and inviting atmosphere. The menu features a fantastic variety of wraps and vegetable soups, all crafted with fresh, high-quality ingredients. I decided to try the Hummus wrap, packed with vibrant veggies and a zesty dressing. It was not only delicious but also filling without feeling heavy.Overall, I highly recommend

喺灣仔嘅呢間小店每次一到天氣凍嘅時候我都會諗起佢，因為呢度嘅熱湯真係我飲過全香港最好飲嘅，另外呢度都有好多多款pasta salad同wrap，每樣嘢感覺都超健康！今次我要左smoked salmon caulirice，有豐富嘅omega 3之餘，因為係cauliflower rice，所以減少咗澱粉質，完全適合注重健康嘅人，當然啦，健康嘅食物都一定要好吸睛，所以佢哋都用咗粟米、cherry tomatoes、purple cabbage同soft boiled egg，所有嘢都好新鮮，食落去完全零罪惡感！當然一定要叫埋佢個pumpkin and sage soup，呢個係我每次都俾點嘅item，因為超creamy，加埋sage嘅earthy tones真係好配！今次都要埋salad combo，pasta salad係我最鍾意嘅沙律，因為除咗菜之外都可以食得好飽肚，而佢今日有我最鍾意食嘅pesto pasta，更加有couscous salad。我第一次食couscous配miso sauce，原來都好好味，有d umami flavour！

今日夜晚同老公嚟到廈門街食夜晚，我哋揀咗間輕食同高蛋白啲嘅！夜晚凍凍地，所以嗌咗兩碗湯，熱辣辣嘅南瓜湯好香~ 飲落去甜甜地。另一碗係signature嘅雜菜雞絲湯，入面好多料，食完都少少飽啦！之後嗌埋一個三文魚wrap~唔係講笑，菜超級多，仲有牛油果加埋一齊食，非常夾呀😝Salmon cauliflower rice😀佢仲要有啲枝豆，同埋有啲藜麥😃 食落去都幾夠乾身！加埋佢少少嘅dressing一啲都唔會太單調，下次做完運動都要嚟食！

🍴🍽🍴🍽🍴🍽🥙🌯🥙🌯🥙🍴🍽🍴🍽🍴🍽-Set 1️⃣🥢自選沙律(三款)$68 🥢南瓜湯 $30🥢果汁$22細沙律可以揀三款，我就揀左南瓜沙律，椰菜花沙律同埋時蘿藍芝士意粉沙律。南瓜好淋身，配埋南瓜籽同燈籠椒撈埋Feta cheese 一齊食味道更昇華。烤椰菜花沙律配咗秘製嘅石榴芝麻醬，味道甜甜哋幾特別。藍芝士意粉沙律幾令我驚喜，估唔到呢款藍芝士味幾易入口，而且有少少愈食愈上癮嘅感覺，螺絲粉質地亦好彈牙，唔會淋到一pat冇咬口咁。加配嘅南瓜湯大大碗，南瓜味濃郁，仲有粒粒南瓜，非常香口👍🏻。Set 2️⃣🥢自選沙律(三款)$68 🆙🥢秘製煙燻雞湯 $30 🆙🥢果汁$22 🆗第二款沙律揀咗烤蝦羅勒醬藜麥佛陀碗沙律、雞肉薯仔沙律、凱撒沙律。薯仔整得好淋身，加埋雞肉絲口感幾夾。caesar salad好爽口，而藜麥沙律亦可以增加飽腹感，仲要喺營養價值超高嘅superfood！煙燻雞湯較有少少辣，入面好足料，有大量嘅雞肉、蔬菜、豆類等等，飽肚又健康👍🏻。🥢公司捲 $68 🆙煙燻火腿 l 車打芝士 l 煙肉 l 雞肉 l 生菜 l 自家製黑醋 (煙三文魚 +$22)捲皮微微烘烤，內加咗生菜同黑醋更清新，煙燻火

呢間餐廳主要係食健康餐，呢度既職員好nice，食物比較岩健康人士，減肥人士同埋想做運動吸收多d蛋白質既人士食用。我地叫左一份三拼既沙律，沙律款式都好多，可以自選食乜，我地揀左南瓜盛夏沙律入面有烤南瓜，烤南瓜籽，烤甜椒菲達芝士混合而成，角切吞拿魚沙律配橘子芝麻醬，烤蝦羅勒醬藜麥佛陀碗沙律，沙律份量好多，食完都好有飽足感，而且沙律健康又美味，南瓜又有益，南瓜籽好香脆，南瓜又大塊又軟熟，吞拿魚沙律配左芝麻醬開胃芝麻醬惹味混埋沙律食好夾。呢度仲有其他沙律選擇，椰菜花飯，湯品，手卷都有。煙三文魚蔬菜卷係新出既食物：墨西哥卷好厚實，小編最近都幾鐘意食卷物，因為會易有飽肚感又比較低脂高營養，三文魚既魚肉同蔬菜咬落脆口，三文魚入味。