Sweetheart

營業中

休息中

係荃灣食完父親節飯， 唔係幾夠喉， 想食甜品，諗起荃灣除左路德圍之外， 「鐵皮屋」嗰頭都好似都有一兩間糖水舖，因此就過來探秘一下， 就揾到呢間小店，小店空間不大，坐位很少，所以10點左右來到來係排曬隊，咁我哋就去路德圍飲杯野再過來11點左右返返來， 無人排隊，等左一兩分鐘就可以入座雖然地方狹小，但坐得還算可以。叫左2 份糖水都相當有水準（因為本來無打算寫食評，所以無影相）1）椰皇xxxx(唔記得咩名，但編號係123）-$48原隻椰子🥥，一個成年女性手掌🖐️大小，啫喱底，椰子沙冰係主體， 椰子沙冰面有7-8粒龍眼果肉， 5-6粒小丸子同埋一粒芝麻湯圓。成個甜品唔係好大個，一個人食剛剛好， 雖然係椰子沙冰加左椰汁，但唔會好奶，成個甜品好清新， 龍眼肉多汁厚肉， 小丸子同芝麻湯圓都正常，不過不失。成個甜品的配搭同份量比例都好恰到好處2）蜜糖青檸千層班戟 - 46自從上年年尾食完沛公個千層蛋糕之後，就無對任何千層蛋糕/班戟有期望， 但佢呢個班戟可以算是喜出望外。首先佢個班戟底做得很好， 1）夠濕潤唔會乾晒， 2）又唔會太厚， 3）夠軟且有彈性4）青檸味好出， 真材實料至於忌廉方面1）唔會搽得太厚

o係「江湖小棧」食咗個唔係咁愉快嘅母親節飯之後, 攞車途中見到呢間叫Sweetheart嘅糖水舖就忍唔住入嚟, 食返啲甜品開心下~一入門口撲面而來嘅就係椰皇嘅香味, 未食都已經覺得好吸引!!佢個Menu好靚, 封面做咗laser cut, 可惜唔記得影相, 大家去嗰陣時可以留意下甜品種類好豐富, 睇完一輪我哋分別點咗椰皇蛋白桃膠同埋椰皇八寶兩款甜品都好好食👍🏻👍🏻 椰皇嘅香氣好濃郁, 蛋白桃膠好滑, 椰皇八寶入面有好多唔同嘅材料, 口感非常豐富😋😋呢間甜品舖值得推介❣️❣️

疫症期間成日都冇得外出食飯突然好想食 燉椰皇朋友推介左呢間比我我們唔叫得多，所以前一晚打左去問佢甘少送唔送店主好好人話安排到呵呵我自己就 椰皇燉湯圓小丸子椰皇蛋白配上湯圓小丸子一次過滿足 三個願望😍😍😍椰皇燉蛋白底清甜椰皇味配上滑嘟嘟蛋白👍👍芝麻湯圓 一咬流出的淡淡芝麻香🤤🤤堅韌小丸子配上 蛋白清甜味店家仲非常好送我們椰皇水超級清甜，好青涼食完椰皇配上椰皇水ichiban的 享受足不出戶但係非常滿足😍😍😍😍👍👍👍👍

喺荃灣食完飯，覺得要食個甜品先夠圓滿。無意中搵到呢間甜品舖，就決定一試！我哋大概10點幾到達，門口已經有人排緊隊但人數唔多，我哋大概等左5-8分鐘就已經可以入座。見到個個客人都叫椰皇甜品，就知道呢個係呢間鋪頭嘅招牌，就叫左個榴槤公主 再加 龍眼撈水晶粉（唔記得個名係咪咁😂）榴槤肉加埋椰果、蛋白，真係超好味呀，一食就停唔到口，真係冇揀錯！我哋另外叫嘅呢一款甜品，味道就比較清甜，裏面有新鮮龍眼肉、椰果、布甸、椰子肉同水晶粉都值得一試。臨走前，店主仲送我哋一大支新鮮椰子水，超足料超清甜，好surprise呀❤️❤️

上次試完呢間既鮮奶麻糬(๑´ڡ`๑)～今次終於黎試埋呢間既招牌新鮮椰皇甜品🤤果然冇令我失望🤤💗一入舖頭已經聞到勁香椰子味🥥～椰皇甜品有芋圓、蛋白、椰皇啫喱、芒果/榴蓮、養身等系列選擇✨細數之下唔同配搭都有成22款選擇架😍樣樣都想食，有排試😋椰皇芒果 $48 (8.5/10)(芒果肉➕小丸子➕湯圓➕椰皇啫喱)芒果新鮮香甜，份量亦唔少(*´∀｀)芒果汁亦食得出係用新鮮芒果打成，好鮮甜唔會似許留山溝左糖水個種死甜🤣😛椰皇啫喱夠曬特別，椰味突出好香好清甜！同芒果好夾💛小丸子口感軟左少少，如果可以煙韌啲會更好！仲有粒芝麻湯丸，夠曬豐富呀！椰皇桃膠 $45 (8/10)可選凍/熱，我簡左凍❄️椰皇蛋白椰味香濃突出 入口幼滑😚凍食好似食緊布甸咁😝甜度亦啱啱好唔會太甜桃膠份量多 每粒晶瑩剔透 口感滑嘟嘟～仲有養顏功效 啱曬女仔食🧚🏻‍♀️兩者簡單配搭已經好好味 ლ(´ڡ`ლ)仲可以挖埋啲椰肉出黎食 好幸福呀🥰

我唔食榴連，朋友叫左個榴連公主好大陣味，不過佢話好好食 😂 我就No comment la我個椰皇雪燕好味呀！椰子入面係有燉奶、燕窩同椰汁。熱食幾補咁，但我個人覺得佢太水，奶都好林咁。但整體ok。食完後成個椰子都可以刮肉出黎，食完好飽 😋坐得較逼。但張櫈幾舒服

食完晚飯 想食個滋潤既糖水呢度就啱曬啦👍🏻嗌左個椰皇蛋白三色芋圓 （$48）首先椰皇蛋白好岀色 好鮮甜 食落去好重椰青味，啖啖肉，又爽又甜！芋圓份量唔多，但好有心思！有成4個味道，粒粒都好彈牙～🤩

飯後甜品成日唔係窩夫就楊枝甘露，真係你唔悶我都悶。荃灣被譽為美食之都，今晚叫個熟路荃灣嘅朋友帶我食啲特別嘅甜品。我哋三個叫咗三個招牌水果山，每座山都有好大份嘅水果，椰果，自己揀味嘅雪糕，同埋啫喱底，口感好豐富，啫喱底係用椰汁整成，完全對得住裝係椰殼呢個外表。😂癡喺椰殼嘅椰肉好soft，好ready俾我不出黎食 😚 連同椰汁啫喱一齊食， Perfect match嘩！榴槤，本人不予置評 😂芒果山，睇個樣都知佢足料啦！龍眼超好味超甜呀

107椰皇芒果椰皇底是用椰青水製成是啫喱，很好吃，濃濃的椰青味。口感很好。配有芒果和椰汁，兩者都是很好的配搭，但芒果肉太少了，而裡面的水丸子大小剛好，不會太大粒像湯圓，而且夠軟彈。

今日帶朋友黎試呢間甜品店，之前食過幾次主要都係試椰皇蛋白，但係夏天會想食啲消暑啲既甜品。椰皇芒果呢款甜品包括左椰皇啫喱，芒果肉，芒果汁同小丸子。第一啖食落芒果汁是新鮮果肉打成，味道略酸，非常開胃。小丸子煙韌，意外地當中原來包括左一粒芝麻湯圓，不過湯圓一般係熱食凍食既湯圓偏硬身。呢款甜品既靈魂：椰皇啫喱非常清甜，同略酸既芒果汁互補。榴槤寶藏相比本人點的椰皇芒果內容豐富很多，有榴槤肉，椰皇啫喱，牛奶布丁，椰果，金薯同椰汁鮮奶。榴槤肉意外地同椰汁鮮奶非常夾，不過重口味既榴槤肉味道太強，搶走左椰皇啫喱既香甜味，但榴槤迷一定會滿意呢款甜品。

是日收工後，約左朋友仔一齊食甜品，本身係想食pancake的，點知間舖頭冇開到，於是我地就響Openrice 度搵到呢間餐廳。去到9點幾，係食糖水既peak hour，我地響出面等左成20分鐘，中間等到太熱，我仲走入去舖頭入面涼冷氣。等左勁耐，終於入到去，本身見佢個紫薯千層蛋糕好似幾吸引咁，但呢間好似最出名係椰皇，咁就揀左椰皇桃膠花膠雪燕。上到枱，係好足料的，見到有三樣料，個甜品係水水地，好有椰香味，唔太甜，最正係個椰子唔太老，一了就了到哂d椰子肉出黎，食到超飽

朋友話成日食松記發記滿記，不如試下啲糖水小店，於是就帶左我黎呢間sweetheart喇。佢主打椰皇椰青嘅甜品，好多都係燉奶，然後有唔同嘅topping喺上面。今次第一次食，就梗係試最基本個個先啦。我地一行幾個都係叫同一個，估唔到好快就有得食喇。今次我食熱，個椰皇黎到嘅時候溫度岩岩好，唔會太熱，暖暖地。個燉奶好香椰味，但又不失牛奶/蛋白嘅味道，兩個味道完全拎到個平衡，仲要好滑好軟，火候岩岩好，一定會再黎食呀！

同大家介紹一間喺荃灣，位置一啲都唔起眼，其實位置都有啲差😂😂😂但係真係十分之出色嘅椰王甜品！😋😋佢最出名嘅淨係買椰王🤔🤔但係淨係買椰王都夠佢做，因為真係好好食😭😭😭♥️♥️♥️今次我同男朋友去食呢一間甜品舖，我就叫咗一個桃膠燉鮮奶椰皇，而男朋友唔太想食熱野，淨係叫咗個西瓜西米露黎陪我🙆🏻🙆🏻個桃膠燉鮮奶椰皇，一上嚟真係好重嘅椰王味😍😍😍好明顯係好足料嘅😍😍個燉鮮奶配埋桃膠煮，真係非常之補👍🏻好適合女士去食👍🏻👍🏻食完即刻覺得自己皮膚好咗😂😂😂椰皇裏面嘅嘢肉我仲食曬😂😂個西瓜西米露唔好睇呢一間淨係專賣椰皇，其他甜品都唔差！個西米露有好足料嘅西瓜 ！兩個人加埋$70左右，絕對抵食！

2018年最後一日約了朋友一起吃甜品然後再一起倒數！大約夜晚10:45左右到達，基本上都不太用等位！這間小店前身是只做外賣，之後搬了入店就有座位終於可以坐下慢慢享受！這次叫了椰皇燉蛋白加三色芋圓，可能因為是除夕的關係，等了快45分鐘才上菜！來到拍完照片就迫不急待先試了芋圓，味道和口感都不錯，黃色的蕃薯圓特別有蕃薯香味，是三色芋圓最好吃的！椰皇燉蛋白一如以往好吃，非常香的椰皇味的，吃完蛋白還意猶未盡的很努力去刮椰皇肉吃！結帳時不知道是否因為節日關係還送了一樽椰皇水！

超級足料既椰子甜品，d"餸"比椰汁多，Cp值高! 我覺得係荃灣最好食既甜品鋪 ，相比路德圍個幾間連鎖店，呢間真係無得輸👍🏻👍🏻只係位置輸左少少今次選了「112」椰皇8寶，桃膠，雪燕同椰汁好夾，又有咬口！而栗子同椰果都好正 好似西方甜品咬口 但有中式味道👍🏻🤣🤣如果唔係荃灣人 可能唔會發現呢間小店 但味道絕對誠意之作, 全部甜品都係即整的👍🏻，所以可能要等一等先有得食家庭式甜品店，同朋友每次荃灣食完飯 必定黎食😂絕對可以無限encore