Stimulate Cafe & Restaurant

營業中

休息中

假期一個人去小店relax下 本身都預咗cafe一定係貴夾唔扺食 抱住chill下嘅心態入去 結果好有驚喜Menu上面樣樣都幾吸引 最後揀咗parma ham guacamole egg Benedict 牛角三文治 跟個沙律 首先 沙律用冰菜 冰菜生食原來係好爽脆 葉身夠厚 水份夠 醬汁除咗日式胡麻醬 仲加咗啲herbs同新鮮蕃茄 好味到牛角三文治 超級足料又大份 味道豐富又唔搶 食到中間有幾啖食到類似開心果醬咁嘅果仁香 推薦大家試呢個！ 啡味道正常 嗌咗expresso tonic $38好抵 平時出面至少$45up 最後雖然好飽 但唔執輸叫多個cinnamon roll加雪糕 造型好可愛 非常滿足特別要多謝侍應們 本身係門口等位嗰陣見到佢地無乜表情 少少惡咁 但當我自備咗外賣盒 想買多個意粉走 佢地包裝好之後再三提醒我個外賣盒蓋冚唔實 仲好好咁加咗橡筋俾我 又提我要小心啲拎 超細心 兩個主菜 前菜任加 有啡 有甜品 埋單唔洗$200 抵到爛 會再嚟！

見到網上好多人都讚呢間餐廳，終於搵到時間來試下啦餐廳menu做的套餐係前菜+Brunch/主食+飲品前菜如果揀是日餐湯+餐包或者素沙律，都可以無限供應做完前菜來講，呢個沙律真心唔錯，係用冰菜整的，同平時食到的前菜沙律比，對我個人來講，呢個真係無得輸！！是日餐湯真係驚豔到我，平時我好少飲西湯，但係呢個湯我試飲真係經驗到我，唔係罐頭湯hea客人。餐包，我就覺得味道同outback個黑糖燕麥包好似，我個人來講係好鍾意食！！呢個蟹子蟹肉義大利飯，分量夠，而且一d都唔流，比平時食的義大利飯更對我口味呢個牛扒味道都唔錯，但唔似前面的菜式咁驚豔到我，但都真係唔錯，而且配菜係用冰菜，車車厘茄，脆肉瓜同烤焗薯，就幾match的搭配 野飲本身配美式咖啡/柚子蜜係唔洗加錢，其他飲品跟餐就半價。柚子蜜味道啱好，比較清甜。Expresso Tonic就發揮正常。整體來講，呢間餐廳性價比好高，呢個價錢食到呢個質素，可以再encore。希望餐廳可以一直做落去，比我地呢d普通市民多個高質選擇！！

係建生一帶開西餐廳真係唔容易因為有超高質嘅JEP同Dineland暫時試咗一次，覺得似乎佢都有佢嘅定位就係比呢兩位再平啲啲，但都係勁有heart嘅🦞龍蝦汁大蝦粗管粉$68🥣叫主食係包湯/沙律+包今日嘅湯係蘑菇湯，佢絕對唔係開粉嘅湯🍄係真材實料蘑菇同薯仔湯，好香好味！🥖包係同Dineland一樣，似乎係黑糖麵包，熱辣辣，本人超級鍾意！🍝講返主菜龍蝦汁粗管粉，for偏好超重口味嘅me佢如果再濃啲就完美啦，佢絕對唔係唔夠味，只係佢好味質嚟，如果再濃多少少就好，因為管粉比較唔吸味，所以個汁再濃啲會比較適合🦐總共有四隻大蝦，都真係算大大隻，肉質實淨，係好味嘅🦀蟹粉蟹籽意大利飯 $68對比JEP其實真係差好多，但68嚟講佢絕對算很可以算有蟹粉嘅味道，但係唔會腥，而且飯軟硬適中，都算大碟，如果可以多一兩嚿肉之類就好啦🍨跟餐甜品每份加$28肉桂卷配雪糕🥧佢嘅肉桂卷好香，唔會死甜，佢係酥皮嘅肉桂卷，感覺幾得意，但係同當日嘅雪糕芝麻雪糕完全唔夾，所以我分開咗嚟食，但係分開食嘅話雪糕其實幾香濃，仲好滑添

今日特登預約咗枱同朋友慶生，今日所揀選嘅所有食物以致甜品都完全冇令我哋失望，甚至有驚喜！無論你嗌任何餐，都會免費無限供應餐湯同餐包，餐包好軟熟，好好味🤤主菜嗌咗蟹肉蟹籽意大利飯，以及牛扒，兩者都做得好出色又大大份！最後慶生仲揀選咗畫盤+肉桂卷，畫畫相當用心！會預先畫好畀我過目，肉桂卷配上雪糕都好好味。埋單都係$385兩個人，包咗餐包餐湯兩份主菜兩份跟餐飲品一份龍蝦汁大蝦煲一份甜品真係食得好滿足😌

之前在Facebook見有人post過食評，話這間開張了4個月的cafe好味同抵食，所以今日特登去食個午餐，驗證一下。果然係真的，午餐食了一個蝦醬雞肉炒寬條通粉，連餐湯餐飽及一杯Americano，只係$60 + 10%。以及Cafe嚟計，非常抵食。味道方面，個餐湯好飲，另外，個餐包係暖嘅仲要有一片厚切嘅牛油夾咗喺中間。蝦醬雞肉炒寬條通粉非常惹味，有蝦醬嘅鹹香。Americano 好香濃。的確係用心製作，午餐嘅份量亦都係好足夠。今日掛住食午飯冇影到相。餐廳店舖雖小，但環境舒服，同三五知己飲杯咖啡，或者把酒談心都係一個好嘅地方。

經過見到新裝修嘅餐廳，見佢環境幾好，以為食物質素會有返咁上下，點知有啲中伏感⋯⋯當日食lunch叫咗個英式早餐牛角三文治，食物黎到後，即刻見到入面夾住幾塊勁燶嘅煙肉，同侍應講想換，佢個態度好懶散，好似唔想面對同應付問題。之後另一個侍應就話重新煎過塊煙肉比我，煎完要我自己夾返落個包到食咁嘅奇怪服務仲要收加一，而且全場嘅客人都無上到水，但明明咁大個水吧枱有晒水杯水壺都無侍應識得serve，咁嘅質素真係無下次⋯⋯

本來都好少黎呢區附近食野，今日難得黎到呢區，係因為比附近一間餐廳嘅德國豬手吸引左。可惜果間餐廳要我地8點交台，即使我地7點半先入座，一係就要8點先入座。所以我地只好在附近搜索其他餐廳。好彩比我地搵到!在這裡享受了十分美好的一個晚上。叫左餐無耐，就有一個好好味嘅湯送上黎，有龍蝦湯或者雜菜湯。個餐包味道也很好!我地叫左厚切美國極佳黑安格斯西冷，五成熟，口感剛好。上菜個碟好大，配菜的製作也很用心，值得一讚!另外叫左個闊條麪，味道都好濃郁。飲品方面，我地叫左杯好大杯嘅啤酒。唔錯!甜品方面，我地叫左個pancake，配荔枝味雪糕。味道又係無得彈呀!餐廳佈置好浪漫，燈光柔和，環境舒適!呢日係家人生日，所以我地特意外出用餐去慶祝。店員很好為我地準備蠟燭，提升氣氛。店員仲主動幫我地合照，不厭其煩幫我地影左好多相，留住美好時光。

厚切美國極佳黑安格斯西冷(200克) ，燒烤至七成熟，200g重量，都喺三百元左右，濃郁嘅牛肉味，肉質嫩滑，配搭焗薯、蕃茄仔、炸羽衣甘藍、雜菌碎，好抵食呀！龍蝦餐湯，濃郁又有龍蝦味道；手工麵包香軟，塗上蕃茄牛油，好醒胃。手工炸蝦餅配芒果香茅醬，蝦餅大塊足料，香脆爽彈，每口都有鮮蝦粒，蘸上芒果茅醬，惹味呀。脆炸雞翼配美式燒烤蕃茄醬，雞翼炸到黃金色澤，外皮酥脆，蘸上蕃茄醬就特別滋味。原個雲呢拿巴斯克芝士蛋糕配阿華田雪糕球，巴斯克芝士蛋糕散發啖啖嘅芝士香味，食落仲有雲呢拿味道，配搭香濃嘅阿華田雪糕，味道好夾。Stimulate Cafe & Restaurant📍屯門良德街3號豐連地下5號舖

屯門建生附近向來都好多好好嘅餐廳琳瑯滿目，聽講新開左間餐廳有一個叫做「放下•承載」嘅corner可以畀客人擺低一啲物品，餐廳會提供一張小卡片同信封💌，畀主人寫低✍🏻對物品嘅回憶同寄語，提供呢個空間透過放下承載住過去嘅點滴，通過反思同釋放情感泥為未來嘅故事埋下伏筆，成為心靈嘅港灣🩷🩵♥️💜💛💚🧡。於是GG揀左喺boxing day呢一晚嚟體驗下，如果想知GG放低咗咩嘢喺度嘅話，得閒泥睇下就會知😆📌龍蝦汁焗卜卜蜆粗管粉🦞海量嘅沙白蜆鋪滿成隻碟，蜆肉富含營養價值豐富嘅鐵質、鈣質、維生素B1、B2同D，岩曬有缺鐵性貧血嘅人，特別係女仔配以濃稠嘅龍蝦汁撈上煮得軟硬適中嘅粗管粉，非常掛汁，啖啖香濃📌賽螃蟹意大利飯配香煎日本元貝（含比目魚肉）🐟🦪🥚🍚最上面有兩粒日本刺身級數嘅香煎元貝，顆顆飽滿，肉質肥厚彈牙，煎完依然嫩滑，味道鮮甜中間有大量珍珠元貝炒出嘅賽螃蟹蛋白作鋪墊最低層有以比目魚肉同翠肉瓜粒作配料嘅意大利飯飯底口感非常豐富及有層次，味道帶有淡淡嘅海鮮甜味📌配龍蝦湯及手工餐包🦞🍅🧈🍞餐包好多地方都可以任添，呢度最特別係連龍蝦湯都可以任添，第二度單叫一碗都接近一百蚊🫣而今日嘅手工餐包係黑糖包配咗好特

屯門真係一個美食卧虎藏龍嘅地方，去完朋友屋企開完Party，佢話屋苑附呢間西餐廳唔錯《Stimulate Cafe & Restaurant》餐廳裝修簡約有格調，座位舒適，店員每上一道菜都會解說一下，睇得出餐廳好用心對待食材及客人頭盤龍蝦湯配餐包龍蝦湯料足濃郁，麵包配上佢地自家製蕃茄芝士醬龍蝦汁焗卜卜蜆粗管粉卜卜蜆鮮甜美味，卜卜蜆份量好多，龍蝦汁味道濃郁，配上有口感的粗管粉麻辣牛肉醬寬條麵配 62度慢煮溫泉蛋愛辣人仕可試，麻辣好惹味，加上溫泉蛋濕潤嘅口感，與辣融合，好味非常厚切美國極佳黑安格斯西冷200g呢個西冷上檯真係驚喜萬分🤩擺盤砌左一幅藝術品出嚟😍 羽衣甘藍炸完同紫菜口感係一樣，薯仔、菇類及車厘茄，亦花了心思。牛味濃郁有口感，一份主菜真係視覺味俱全👍🏻Order 2杯白酒，果味濃，岩哂我地口味餐廳當眼位置有一個雪櫃，睇到當日食材及扒嘅種類，整餐飯，色香味視覺有齊，下次絕對會回頭試佢地嘅黃油雞飯同M7和牛T 骨

屯門新開業小店 @stimulatecafe 大受歡迎主打coffee & fusion & steak連熟成肉類都有日啡夜酒 親民價錢拉近人的距離 仲寵物友善✨Never too late to stimulate your taste✨⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥩厚切美國極佳黑安格斯西冷採用無血水處理方法鎖緊肉汁 再燒至五成熟質感更Q彈軟腍🐂約200g重 成寸厚好幸福可蘸芥末醬 蒜鹽 蒜蓉醬 以番茄仔 焗薯伴碟灑上炸羽衣甘藍 雞油菌 雜菌碎 擺盤有心思·🍝麻辣牛肉醬寬條麵配62度慢煮溫泉蛋麵條光滑彈牙 與濃郁的麻辣牛肉醬完美結合牛肉醬香氣四溢🌶️與麻辣味交織 fusion不錯用上蘭王蛋慢煮而成 輕輕一戳 蛋黃緩緩流出瞬間增添了絲滑的口感 讓刺激味蕾完美緩和·🥖餐湯及手工麵包設龍蝦/番茄湯選擇 各有特色 味道濃郁好喝手工麵包同樣出色 再塗上自家製的香草牛油·🍨伯爵茶焦糖布丁配布朗尼及雪糕球+$15另配雪糕兩球甜品價錢都非常親民 仲要有畫碟 係三地鼠布丁質地順滑🍮帶濃厚伯爵茶香氣 甜味適中布朗尼外脆內軟 巧克力的濃郁味道恰到好處雪糕共三款口味：雲尼拿 阿華田 薄荷朱古力

屯門新開左一間好高質既餐廳, 小編第一時間就去試試佢,(≧ω≦)/ 餐廳內部裝修好有格調, 店員又好細心咁推薦佢地特色菜, 特別係唔同既牛有咩分別(๑•̀ω•́๑)佢地既頭盤係自家制既蕃茄餐包🍞配香草牛油🧈, 同埋2款餐湯係龍蝦湯🦞同椰菜花🥦湯,個餐包好鬆軟, 夾埋個牛油食帶出左包入既蕃茄香, 我朋友仲食完仲想食🤭而湯方面, 龍蝦湯入口滿滿既濃郁既龍蝦香(=￣ω￣=), 椰菜花湯就清淡D, 有一粒粒既口感☺ꕥ 手工炸蝦餅配芒果香茅醬(3件) $58蝦餅🦐好厚實, 仲好彈牙添, 而芒果🥭香茅醬帶少少甜, 令到蝦餅既鮮味再昇華✧*。٩(ˊωˋ*)و✧*。ꕥ 麻辣牛肉醬寬條麵配62度慢煮溫泉蛋 $168好少會見到麻辣配寬條麵, 又辣又香, 鍾意食辣🌶既朋友小編好推薦點(✪ω✪)ꕥ 美國極佳黑安格斯牛T骨(約400克) $488T骨扒有成塊面咁(⊙o⊙), 足足有2人份量, 配料仲有串茄, 風琴薯仔, 雞油茹, 炸過既羽衣甘藍,  特別係羽衣甘藍好香口好好食😋ꕥ Blue Lemonade $46ꕥ Lychee iced Tea $30🌟P.S. 餐廳門口仲有真空包裝左牛扒可以買返去自己煮, 大

放假早咗起身想食西式早餐，附近好多西餐舖頭11:30先開門，同另一半喺OpenRice見到呢間餐廳開咗，所以就過嚟食早餐。早餐套餐由$48至$68不等，送美式咖啡或柚子蜜，另收加一服務費。我哋揀咗「爐魚配沙律」（$68）同「肉丸配粗管麵」($68)，餐飲揀咗附送嘅Americano同半價換Latte。兩個餐點都好好食，配搭亦好豐富。可能早上沒有太多客人，店員有簡介菜式，亦及時回應我們的要求，服務態度十分好。我和另一半一致推介鱸魚，有機會下次再來吃午餐或晚餐！

隱藏係住宅區，門前面擺咗肉櫃嘅餐廳，如果想食扒佢哋會介紹比你，入面裝修簡約而有格調，很喜歡牆上壁畫，環境清幽舒服👍🏻 🐮厚切美國極佳黑安格斯肉眼 擺盤好似一盤藝術品咁🖼️，由炸完似紫菜口感嘅羽衣甘藍，唔同口感嘅菇類，到牛味濃郁嘅肉眼，一份主菜都食到由清爽到濃味嘅食材係幾有心思，而且肉眼保留到juicy又嫩嘅口感🤤 🐟賽螃蟹意大利飯配香煎日本元貝 (含比目魚) 意大利飯入面有絲絲嘅比目魚絲同原燈貝柱，口感幾豐富，輕柔調味剛好帶到鮮味出嚟 🎂原件開心果巴斯克芝士蛋糕配雪糕球原件係4吋圓形size，入面食到開心果粒，開心果味亦幾順滑濃郁，有得畫埋碟就加咗分🐰 套餐有埋餐湯同手工麵包，個自家製香草牛油真係幾好食，當日餐包係番茄麵包，淡淡番茄味幾夾🍅 一問先知原來早餐時間已經會開，住附近不妨試吓🙂‍↕️，餐牌會不定時轉，聖誕仲未諗食咩，可以試吓有心經營嘅小店，會再訪⭕️

經過見到呢間新西餐，諗住試吓新嘢，入到去店員好好禮貌👍🏻佢哋會耐心同我哋介紹菜式，又會貼心問我哋會唔會凍❄️第一印象好好😊😊上菜速度都很好，嚟到嘅質素都靚仔✨菜式坊間不常見到，但食落嘅味道非常好😋會令我下次想再去食，同埋份量足，呢個價錢但係有呢個份量非常抵食！😝😝😝男朋友都話：「嘢食好好食，下次會再去👍🏻👍🏻👍🏻」‼️‼️頭盤我已經好鍾意😊嗌完嘢食之後就即刻會有餐湯同餐包食，之前去其他西餐有啲雖然都會有送，但味道就不過不失，畢竟係免費的👉🏻👈🏻但今晚呢個餐湯同餐包，真心第一感覺就比我感受到店家係用心做嘢食❤️完全不是hea的👍🏻👍🏻2款湯都好濃郁，唔係個啲好水個種湯❌❌食餐包配上佢哋自家製牛油，真係幾正！😋😋✅✅✅‼️‼️比起泰國餐廳嘅蝦餅，我更加鍾意呢個😋食落肉質好緊實，同埋好抵食！🥳本身諗住3個唔夠食，點知黎到自己再切，不知不覺都食左好多舊🤣🤣份量足！下次再試炸墨魚餅🤟🏻‼️‼️食得出同睇到店家的真材實料👍🏻滿滿的蟹肉同蟹膏，味道不錯🥳🥳平時出面食，百幾蚊嘅義大利飯得少少🥹🥹但呢個份量好足，大家都係百幾蚊，但係個份量真係有好明顯嘅分別🤩🤩🤩另外，幾得意係仲有一個蟹殼🦀🦀但唔係空殼，入面滿滿嘅類似蟹