Steak ART

營業中

休息中

今晚即慶與兩好同事嚟北角搵晚餐，係OpenRice見到，被食物既相片吸引到嚟幫襯一下，餐牌是有點貴的，但食物質素同服務已覺值餐牌上的價錢是值的，今晚成晚都是的我們3人包場，侍應都有禮地招呼我們，聽侍應講星期五至日會好好多既，昨晚都冇咁靜，冇辦法啦，假期都多人北上消費，呢區係靜左好多……明白的，希望你哋仍可撐下去，努力💪#龍蝦意粉有驚喜，好味😋#牛扒🥩叫5成，ok好食#羊架肉質好#薯條🍟任食😋😋😋

Happy Friday星期五同同事去公司附近食好西🩷呢間Steak House已經嚟過好多次，價錢都偏貴，但係真心好食👍🏻👍🏻Lunch set揀一個主菜，然後加$38可以揀多兩款升級套餐嘅嘢，我就揀咗餐湯同埋薯條，同事就揀咗餐湯同埋飲品，飲品冇咩特別嘅所以唔介紹😛🦀🥦今日嘅餐湯係蟹肉西蘭花忌廉湯，味道唔錯，都有唔少蟹肉，不過略嫌冇咩西蘭花味道，亦都唔夠忌廉，稀咗啲😅🥔炸薯條次次都會叫，真係炸得好脆，外脆內軟，而且每條薯條都好均勻咁灑上鹽同埋黑椒，就算唔點茄汁都好味😋😋🦐🐷我嘅主菜係豬柳配大蝦，豬柳煎得好香😍，亦都夠腍，咬口啱啱好，唔會好似其他餐廳用咗好多鬆肉粉嗰種淋得滯，上面有啲蘋果粒蕃茄粒做嘅醬汁，好開胃好夾🍎🍅👍🏻👍🏻 大蝦開邊，肉質彈牙，但係既然開咗邊，點解唔順手挑埋蝦腸？條蝦腸真係煞風景😟🐮另外兩位同事叫嘅係封門柳，五成熟，兩位都讚口不絕，五成熟真係剛剛好，有血水👍🏻👍🏻封門柳嘅特徵係有嚼頭、牛肉味濃，所以如果要食好腍嘅牛扒嘅人就唔適合叫呢個😛😛餐廳喺北角匯嘅地舖，落地玻璃對住出邊行人路大草地，面向碼頭嗰邊比較清靜，坐落傾偈都舒服🥰🥰

北角匯有一間專食牛扒西餐廳，餐廳開揚，落地大玻璃，雖望唔到海景，但時不時見倒居民放🐕🐩～菜式是不錯，但午餐價錢不算便宜，性價比中等～❤️烤澳洲草飼肉眼牛扒·季節性蔬菜·烤肉汁 牛扒烤到medium靚靚烤焦色，雖烤到小小過火，但仍保留肉質的嫩滑及Juicy；搭配烤過的蔬菜及烤肉汁，讓肉質美味口感更加突出。❤️雞肉忌廉雜菌扁意大利粉 意粉🍝煮到Q彈有咬口，完美吸附香醇忌廉汁；雞肉鮮嫩多汁，同時融合左忌廉汁的濃郁，再加上蘑菇黃椒，令整個意粉不會過於單調，不錯✨🔹蘑菇🍄‍🟫湯/炸薯條🍟 蘑菇湯味道ok，口感滑順，但蘑菇味濃度可再厚點；薯條份量多，但略嫌唔夠脆

夜晚食呢間，入去之前見餐牌覺得都貴啦，但入去食，性價比都出奇地高喎，係飲品麻麻有任食前菜，包括沙律，薯條同湯然後有好好食嘅鵝肝再嚟主菜，嗌咗牛同豬扒全部都好好食

📍Steak ART北角渣華道123號北角匯二期地下G17號舖大大塊落地玻璃，景觀開揚！但唔會有海景，只係望到居民放狗。 烤澳洲草飼肉眼牛扒、季節性蔬菜、烤肉汁 $198叫咗medium烤得焦香、鎖住肉汁，配嘅烤肉汁都好出色！美中不足嘅就真係塊扒太多筋，咀嚼困難。因為同事birthday lunch所以揀咗呢一間嚟食 都幾多人需要book枱 另外都可以預訂甜品會幫你寫埋祝福語

為了慶祝井上老師筆下的流川 楓 生日，當然要精心挑選一間無論食物和環境都要令人滿意的餐廳一起共進午餐。一行9人並渡了一個快樂又難忘的下午。  店員服務細心；Lunch set  有多種選擇，食物味道和環境不錯。  

熟成NZ肉眼扒軟滑M9三角牛肉味濃封門柳牛香亦好食個羊架最出色每款份量亦吾少無花果吞拿鱼沙律同黑松露醬薯條任叫，兩樣都好食有水準仲要有客鹅肝多士，不過件多士有D硬，鹅肝都煎得好香。湯就好一般，另外有杯飲品。整體係好食值回票價的。服務員態度亦非常好，令人食得舒服。店舖不太，但寧靜舒適。

小朋友們說想吃牛扒，就近近找了一間西餐店，環境還不錯，服務員態度也很好，又送甜品給我們吃，不過點錯了一個意粉可能是辣的，吃不了，有點浪費了。不過總體來說還是不錯的。

今日同朋友去北角匯食午餐， 平日下午經過都滿座， 我地叫左一份魚 + 牛， 牛叫左5成熟，煮得好，牛味都幾出， 魚煎得好脆， 配上咖喱汁好味😋 ， 平日午餐可以電話訂位， 餐廳座位唔多， 店員服務好。

我們選了兩份晚餐定餐。前菜沙拉很咸加的日本芝麻醬，蘑菇湯OK沒什麼亮點。帶子義大利米飯正常質量沒有很好吃也不難吃，新西蘭牛排很難吃，沒有肉味，除非沾料沒有一點牛肉味道感覺不新鮮。本來試探點甜品結果被工作人員強行點好，火焰蛋糕也是極其難吃，奶油甜到膩人沒法下嚥。總的來說非常不划算的晚餐，完全不推薦不推薦！！兩人加一花了800元還不如隔壁吃一碗麵。千萬別點主餐牌，工作人員不停地介紹，很想upsale，好在沒有成功。

今個情人節男朋友預約咗呢度帶我去食情人節晚餐💕相信佢係比豐富嘅menu吸引咗！一入到餐廳 台上面就有玫瑰花 原來係送嘅！$680 一個人每人有兩個頭盤 一個主食另外兩個主食係share嘅甜品都係一份share薯條任添超級飽！頭盤1北海道帶子薄切、阿根廷紅蝦刺身、柚子油醋汁好食！柚子汁帶到帶子同埋蝦嘅鮮味頭盤2香煎鵝肝配多士、芒果、蟹肉沙律、西班牙火腿燴梨卷我超鐘意食鵝肝🥹🥹 好好味 份量啱啱好沙律嘅蟹肉好足👍🏼西班牙火腿就差啲 顏色唔係好新鮮 同埋唔係好夠油分主菜1胡椒魚湯浸鮮石斑柳、鮮飽魚魚好滑 鮑魚好彈🤩 好入味以上三碟都係每人一份以下就係兩個人一份薯條任食 係幼薯條🍟🥹🥹👍🏼👍🏼主菜2澳洲M9純種和牛 - 三角肉超好食….入口即溶嘅感覺本身食牛扒食開三成 但職員好好咁提醒 熟少少會冇咁油 所以揀咗五成 好正主菜328日乾式熟成美國頂級荷斯坦365日穀飼牛 - 肉眼呢個又係好好食 啲肉好淋 超級有肉味 同埋特別嘅乾式熟成味！甜品西班牙玉桂條、榛子朱古力醬churros都係我好鍾意嘅！佢新鮮炸 外脆得嚟裡面又軟熟整體嚟講係好抵 兩個都食到捧住肚走同埋本身佢個兩塊扒 平時就咁食都四百幾

假期最後一日 ，原本諗住食好啲 去咗呢間，見到好靚嘅西餐廳環境唔錯不過服務就一般啦 叫咗一份牛扒一份豬扒牛扒食咗第一啖 非常之咸完全食唔到牛肉味， 根本唔值二百幾蚊豬扒個味道係ok嘅 但係就煮得好鞋都係唔值一百七十幾蚊環境雖然係舒服 但係冇諗過食物質素咁差兩個人食咗五百幾蚊 真係非常之失望

本身見到其他食評寫環境靚 有海景都充滿期待結果去到，係一間比較細嘅餐廳 但係都唔緊要 重點係完全睇唔到海😂到返啲食物 前菜同飲品正常冇乜特別意大利飯幾好食 同埋薯條都夠熱 但係個牛話要三成 結果係五成偏熟另一個屋企人食嘅話要全熟 但係出嚟有血水。。。人均400 認為有更好選擇🫠

呢間主打𝐟𝐮𝐬𝐢𝐨𝐧風格創意料理嘅扒房環境超級舒適，大部分都係對住落地大玻璃，可以見到有好多狗狗跑黎跑去，實在係賞心悅目❤️今次一早𝐛𝐨𝐨𝐤定位，𝐰𝐞𝐞𝐤𝐞𝐧𝐝 𝐥𝐮𝐧𝐜𝐡 𝐭𝐢𝐦𝐞黎到估唔到有𝐋𝐮𝐧𝐜𝐡 𝐒𝐞𝐭叫🥹👍🏻 - ✤ +$𝟑𝟖升級套餐 ｜雜菜沙律/精選餐湯/薯條/飲品 (四選二) 蘑菇忌廉濃湯濃郁𝐜𝐫𝐞𝐚𝐦𝐲，食得到真材實料係打到稀巴爛嘅菇菌；薯條酥脆份量多🍟✤ 美國極黑和牛、牛油果醬芝士漢堡 $𝟏𝟐𝟖 採用𝐒𝐑𝐅級別嘅和牛做漢堡扒真係好有心🐂呢個漢堡扒肉汁豐富、牛味濃郁；夾雜住不少配料：脆皮燶邊流心太陽蛋、半融芝士、番茄、生菜等！咬落去好滿足！ ✤ 紐西蘭肉眼牛扒配野箘汁、季節性蔬菜 $𝟏𝟖𝟖 作為扒房呢度嘅牛扒當然都好有水準🥩焦香嘅牛扒一切開依舊可以見到粉嫩依然；外層焦香十分、格仔炭爐烙印清晰可見；食落完全唔會韌！ ✤ 酥炸單骨雞翼 $𝟔𝟖 另外特意叫多份單骨雞翼估唔到有驚喜🥹𝟖隻雞翼炸到超級酥脆，一咬落去食得到超級濃烈酒味，味道好出色👍🏻配合埋個𝐬𝐚𝐮𝐜𝐞更添風味！

平時lunch 時間經過都滿座，今次早一日book 定，終於可以一試！今次叫咗lunch menu 再加$38升級套餐，套餐可以四選二：餐湯/飲品/薯條/沙律雞絲菠菜野菌忌廉扁意粉 $128味道剛好，唔會太鹹或者太淡。意粉入面有一塊塊既菠菜，仲有唔少雞絲同菇，好足料。意粉嘅口感都好啱我，Al dente！而且份量好足，食唔晒…薯條+飲品 $38係粗薯條，外脆內軟。飲品可以揀menu上$38以下既。總括黎講係西餐既正常價錢，環境同味道不錯，會再幫襯。