Sparkling House Seafood & Oyster Bar

營業中

休息中

今年生日已經同屋企人食左好多餐中餐啦！終於可以同自己朋友食返餐好西啦！朋友介紹這餐廳！因為比較靜，而且容易訂枱，星期五都無限時段。可以慢慢坐。不過由九龍灣地鐵站行來要差不多10分鐘。上到餐廳個平台花園超鍾意。有露天位有埋簷蓬添。我就揀左坐室內啦！入到去覺得裝修超正！靚得來又唔會太過豪華那種。有幅超大壁畫好特別。講返食物，我地兩個人叫了一打生蠔，兩款每樣半打（唔記得叫咩名啦）超大隻，好鮮甜肥美。還有叫了一個龍蝦Pizza, 賣$178 但龍蝦肉多到無朋友。最般一道就係活青口鍋，同樣好大份量，跟了兩片蒜容包。整體非常滿意。

來九龍灣國際交易中心見完客，見到二樓平台花園有幾間有室外坐位餐廳就行去望望餐牌，間間都好旺，室內外都坐滿客。睇中左呢間餐廳因爲有龍蝦包。平時好少機會食。等左十分鐘有得食。見到賣相好有驚喜，跟埋熱辣辣薯條同埋沙律菜。以前在中環同灣仔食一般都要再加錢先有薯條，但呢間竟然薯條同沙律菜都跟埋，非常滿足。龍蝦肉好有彈牙好有肉汁，而且好多龍蝦肉。賣$168跟埋餐飲非常抵食。室內裝修好靚，室內有棚架遮陰。見隔離左右好多人食lunch時已經飲杯白酒都好嘆。相信放工Happy Hour 時一定好熱鬧，要搵日叫埋同事來試試生蠔飲香檳先得

良朋共敍happy hour, 由5點飲到8點幾，幫襯咗2千幾蚊，平均每人五百幾，埋單篤多一支紅酒同一杯house wine. 好彩未醉得曬扣返支酒，但仍多收一杯house wine. 就算你食物ok, 服務ok, 但係我諗無人想比人呃。今時今日仲咁做生意，想唔black list 你都唔得啦！點解做生意咁短視，happy hour 洗5百幾嘅客，乜唔係想佢呢多幾次，再介紹埋高消費的朋友幫襯，生意越做越好咩？希望其他Open rice 友唔好中伏啦！

睇左食評話呢間餐廳幾好，所以決定今晚一試，我選擇坐indoor 位，竟然成晚得我一枱 indoor 客，其他客人都坐 outdoor 位，感覺好似包場咁，叫左個龍蝦湯，好好味，真係有半隻龍蝦喺個湯度，重要有蝦膏，另外點左個藍青口，成鍋上，多到食唔晒，好食，係靚嘅藍青口，再叫左三隻燒蠔，不過其中一隻帶腥，唔知係咪唔太新鮮，重有叫左個龍蝦包同 baby ribs, 龍蝦包值得一試嘅，而個baby ribs,意外地好食，啲肉唔鞋，好大份，整體來說，全部野都好好食嘅，可以再來。份量都幾多下，兩個人食到捧住個肚走。

同事生日，梗係要搵間好少少既餐廳食啦，因為比較多人食，所以都係book定位穩陣啲。去到餐廳都full哂，好彩有book位。睇左menu，樣樣都好吸引，我地最尾揀左兩個pizza, 西班牙海鮮飯， 炸魚薯條，忌廉芝士雞肉通粉。跟午餐set仲可以優惠價配生蠔。 生蠔都幾鮮味不過細隻左啲，幾個main course黎講最鐘意兩個pizza，料好足料，份量勁大，超好食，share食就perfect。西班牙飯都好好味，炸魚都唔錯，切開唔會散哂。非常推薦👍🏾

Always feel difficult to fix a place for lunch in Kowloon Bay with comfy seating & good food. This restaurant surprise me by satisfying these two criterion. I picked Lobster Roll and Spanish seafood rice. Both are nice and the Lobster Roll is surprise good. Managers and team are providing good service. I will definitely go again during my next visit to Kowloon Bay for meeting.

爸爸大壽，一家人都食厭左酒樓一圍圍菜式，決定好西餐！爸爸向來喜歡食海鮮，特別係生蠔。所以決定來這間餐廳，因應環境舒適無一般西餐咁侷促。餐廳經理預備左間包房給我們。先叫了三打生蠔，一打是紐西蘭生蠔，另外兩打是法國。各款生蠔都好鮮味，但始終Gillardeau 最多人讚主角是北海道雪場蟹，一隻兩食，腳身凍食夠鮮甜，蟹蓋蟹肉煮意大利飯啖啖蟹肉好滿足。囝囝唔食海鮮所以叫左客雞翼同燒西班牙黑毛豬肉串，燒得好香好入味，再加左龍蝦pizza同燒牛肉pizza, 還有媽媽至愛德國鹹豬手，飽到無朋友。最後另一高潮，預訂了一個兩磅蛋糕，師傅好有心機將個蛋糕同個碟裝飾得好靚。開左一支香檳，埋單五千同酒樓差不多，唔使成日食乳豬魚翅咁悶，大家都食得好滿足。

來九龍灣國際交易中心見完客，經過二樓平台花園見到有幾間餐廳就食埋個 lunch 先返公司。見到呢間餐廳比個裝修吸引左行過去望望，原來係主打海鮮生蠔。個人就對生蠔麻麻，不過有好多其他選擇。侍應介紹左個daily special 嘅白酒煮活青口跟蒜蓉包，見到隔離枱個龍蝦包又好吸引。最終都係試個活青口，果然無介紹錯，青口唔算大隻，但隻隻都好飽滿，好嫩滑。加埋兩塊蒜蓉包，好滿足。食食吓見到另一枱客又食個龍蝦 Pizza 我又想食.....好想多D來這裡見客囉😁😁

星期六晚老細約左個外國客叫埋我幾個同事出去食好野！係公司附近一間新開蠔吧！早兩年前都去過呢個位以前做泰菜。原來轉左手三四個月都唔知！餐廳重新裝修，完全唔同風格。有種講唔出嘅個性。因為我早到五六點成個平台都無咩人客。始終商業區星期六都比較靜。坐住戶外位等原來外面涼風好舒服。老細訂了間VIP房，其實大廳仲靚仲開揚。老闆叫了一隻波士頓龍蝦凍食，兩打生蠔 （點解歐洲人本地已經好多生蠔來到香港都要食法國生蠔架？）燒魷魚, 還有龍蝦Pizza同燒牛肉Pizza，燒肉眼扒，燒春雞同西班牙海鮮飯(淨係影左放我前面的龍蝦同埋燒魷魚，怕失禮)。樣樣都好味。老細叫了一支意大利香檳同一支法國紅酒，佢話好抵飲喎！我鬼識咩。食埋甜品最後6個人埋單約四幾蚊。人頭計六百幾算合理。睇左個 lunch menu 其實仲吸引，有龍蝦包本來好想食，老細話有客人唔好食包咁失禮喎… 會叫同事過來 Happy hour 試！

最近去過呢間餐廳happy hour，試咗幾種食物：包括雞翼、海鮮同肉類。幾種食物都好唔新鮮，有啲酸臭，食咗想吐出來。而經理嘅態度亦非常唔友善。如果大家對食物同職員態度有要求嘅話，可以慎重考慮一下你嘅選擇。

今日係朋友介紹下，去九龍灣試新餐廳，我地開左枝酒，半打生蠔，龍蝦包，黑毛豬串，龍蝦pizza，生蠔真係好新鮮，海水味唔會好鹹，超肥味，抵讚！黑毛豬串勁好食，肉質煮得剛剛好，完全唔硬。至於成晚最好味，一定係龍蝦包配粗薯條，淡淡龍蝦肉，一咬爆晒出黎，而且我比較鍾意食粗薯條，真係超回味。如果咁樣質素嘅食物，係旺區應該會好貴，但呢度價錢中價，環境舒服，值得推薦，另外，侍應的服務很好，好有禮貌，有機會一定會再試其他菜式！

某日喺呢頭做野，食埋lunch 先走。經過諗住同同事試試，佢係 蠔-lover. 果然無令佢失望啵。即開生蠔，我都食左一隻。我平時唔食架，怕腥...但今次呢啲無喎，口感都ok, 唔會一pat 咁...我又係最怕啲咁嘅texture .仲試左佢個龍蝦包，好味！啲薯條又好豐滿！夠熱夠脆！同埋食左個pizza, 好好味呀！總括黎講，啲野夠新鮮！係貴左啲嘅，不過都值吖！

吃一餐飯，通常包含了兩個價錢，一是食物，二是舖租！在中環和東九龍吃同一塊牛排，價錢可以相差四成！而且去東九龍吃，環境也不一定差，像新開張的「Sparkling House」，位於國際交易中心二樓平台，全落地玻璃，景觀開揚，和朋友開支紅酒嘆生蠔，好爽！ Sparkling House以藍色為主調，主打Sparkling Wine、生蠔及海鮮，與二樓平台的另一餐廳Chill是姊妹店，後者主攻扒類。 餐廳有室外和室內座位，共可容納120人，地方闊落，室內牆上有一幅3米X8米的油畫，非常搶眼，原來這是由本地年青壁畫家Neil Wang繪製，將餐廳一些主要元素：生蠔、香檳，再加上美女，就變成一幅獨一無二的圖畫。 Botter Prosecco Spumante (Sparkling) Happy Hour $68/Glass, Normal Hour $78/Glass Bottle $320 Grilled Lberian Pork Sewers ($98) 「燒西班牙黑毛豬柳串」，燒肉飄香，我很喜歡夾在豬肉中間的蒜頭，爽口惹味。 Lobster Roll with Frie

兩年前在日本食過龍蝦包，一試難忘。😋雖然香港都開左唔少龍蝦包餐廳，不過都未食過。難得今日公司請食飯，見餐牌有龍蝦包🦐，所以就試下。講真，個龍蝦包餐要$158，如果唔係公司請，平時絕對唔會食。但龍蝦包嘅質素確係唔錯，個包焗到好脆口，而龍蝦全部都剝晒殼，仲要啖啖肉，而且食到鹹鹹地嘅海水味，絕對值得一試。個餐跟埋熱辣辣嘅脆薯條和沙律，食埋就剛剛好夠飽。但之後見同事加$18要咗個水果沙律都幾新鮮，所以我都加埋個水果沙律🍒，果然比想像新鮮，食完無肚痛😂😂😂（我係玻璃肚，d野唔新鮮就好易肚痛）最後，我發現呢間餐廳原來主要食蠔同埋海鮮，所以下次會夜晚黎試吓呢度既野係咪真係咁好食同埋咁新鮮。👍🏻👍🏻

今天我們的飯局只有兩個字形容 “😍~~滿載~~😍” 食物，服務，環境，氣氛💯💯💯💯生蠔⋯⋯記住鍾意食不代表知道品種🤣(只懂吃😂)先來1打🤭⋯⋯當然不會足夠啦⋯⋯所以追單（不同的品種)⋯⋯這三種都是侍應先問過我們的口味再由他們拍板給我們😌⋯⋯woo~~~~ 食過後真的不想再飲水🤭🤭🤭怕冲走那種回香⋯⋯雞翅膀⋯⋯炸漿剛好只Jim到薄薄的，所以絶不油膩薯條🍟⋯⋯芝士醬鹹豬手⋯⋯跟外面的不同的是大細適中⋯⋯不會食完這隻手後⋯⋯就要我們停手🤣海鮮意大利飯🤤最怕停不了口🤦🏽‍♀️🤦🏽‍♀️🤦🏽‍♀️因爲不會黏咀喔🙈🙈🙈還有pizza OMG😳我識講，厚包⋯⋯但點解可以咁脆呢？真的要食🤤🤤🤤🤤最後甜品先⋯⋯嘩嘩嘩！侍應在送上枱時還哼著生日歌呢⋯⋯(還要是⋯⋯中文老土但而又好受的歌詞⋯⋯🎤🎼🎤恭祝你福壽與天齊，慶賀你生辰快樂😳😳😳👍👍👍 好靚的生日蛋糕甜品呢⋯⋯那個我記得名⋯⋯歌劇院蛋糕⋯⋯點解記得？因為真係好靚好靚😍😍😍吖⋯⋯還有我最喜歡的是這裡可以每位加240就可以享用紅酒任飲⋯⋯我們可以盡情的暢飲，盡情地摸杯底啦！😁😁😁酒鬼注意：外邊露天的還境⋯⋯剛好天氣好，不熱而且有點涼風⋯⋯就算餐