Space cafe & kitchen

營業中

休息中

今日要去牛頭角買貨，所以順便在那邊吃Lunch ..行行吓突然看一間cafe ，再看看門口餐牌，Set Lunch 價格也不貴，所以決定這間吧！入去坐低，侍應就送上2杯水，然後我們就看看餐牌有什麼吃😋除了卓上餐牌，牆上亦有餐牌可以選擇的！最後選了匈牙利配牛肋條配薯條（轉薯條要加$5）和安格斯牛扒扁意粉！每款也有沙律🥗餐湯和蒜蓉包！熱騰騰的南瓜湯配上香脆可口的蒜蓉👍🏻安格斯牛扒加豬肉腸，豬肉腸略嫌幼細，因為以為是粗大的那些...牛排很香牛肉味但可惜過熟..不過可以接受的！扁意粉爽口！牛肋骨有驚喜，肉質鮮嫩和夠淋，份量很足夠👍🏻

同朋友係牛頭角打完羽毛球之後就想搵D野食下～咁岩又見到呢間鋪頭D菜式好似幾岩食咁 就行咗過去叫咗個豬扒 配飯 佢話係是日醬汁 今日個汁係白咖喱香茅汁 個汁都幾香 小小辣但係有幾有椰香味 如果可以多汁就perfect 了 塊豬扒都幾嫩口 唔會話好老同埋好鞋烚烚 不過質素就平平無奇啦 但係睇埋價錢都會值得一試既仲叫埋套餐就會有個湯 今日個湯係南瓜湯 端上黎既時候都幾熱既 而且都幾濃 濃過一般出去食西餐既餐湯都算係幾驚喜既～不過如果lunch黎既話就有餐湯熱飲夜 夜晚after 1730就要加$18所以要食的話 lunch 會抵D所以下次再回頭都會係食lunch XD值得一提既係 小店職員都好親切 笑笑口咁好舒服同埋唔賣可立克 因為佢太藍了～我同朋友都傾咗幾耐計下都冇趕人 會係同朋友傾計既好地方～

無意中去食Lunch遇到呢間平民西餐小店，店裡面裝修都好有心思架😍香茅汁香草豬扒配意粉🐖🐷🐽 $57呢個價錢包西湯同熱飲，真係平民價，而豬扒好大塊，都仲好Juicy，不過邊邊位可能煎得過左頭，有小小焦味，而我幾中意呢度既香茅汁，除左好creamy，仲有好香既香茅味，唔係越南菜個種，偏向西式香草味個種，凈係用個汁拌意粉食都好好味😋 **而個沙律唔係用緊普通生菜，而係沙律菜配小小黑醋，個人覺得呢個價錢都幾抵食 *ig: venus.holic **

食過幾次，今次帶朋友黎食，一入到舖頭，員工完全無招呼，塊面黑到無得再黑，完全無禮貌，落完order，餐湯系凍既！面包都系凍既！叫左個差國安格斯西冷，幾成熟無問，上到枱，以為未夠熟，拎翻入廚房整完再出黎，再放入口，臭左既扒！員工乜野表示都無！道歉都無！到最後埋單先搞笑！話收翻我D餐湯.薯菜錢？甘我無食個D系米扣翻錢丫？員工同我地理論先好笑，你塊扒臭咖喎，你自己都試左拉，系米臭先？員工答，吾系臭！系吾新鮮！有乜分別丫食到我地成肚氣！員工態度極差！無下次！

今次到伴娘帶我去食附近嘅午餐佢話呢度係近住宅區有好多好嘢食同我兜咗個圈之後，我決定食呢間西餐因為見佢門面都幾靚價錢又可觀姑娘仲話呢間野好好食我一望個餐牌見到龍利柳就即刻已經有定案伴娘就食咗A餐豬扒，而我就係B餐龍利柳可能大家都太肚餓嘅關係我哋冇share食不過應該都係好好食，因為我同伴娘成碟食晒🤣🤣🤣味道就真係真心推介但係人手非常不足可能得一個人招呼我哋咁多枱人嘅關係伴娘佢嗰碟飯整錯咗，佢係要意粉嘅點知俾咗飯佢然後伴娘驚佢換嘅話又唔知等幾耐所以話咗唔換，但係廚房堅持要攞走最後因為等左好一陣，所以食到急急忙忙😵侍應姐姐都因為得佢一個，所以態度都麻麻地🙈

牛頭角小街搵美食早日同朋友係牛頭角搵食，係一條唔係好多人經過嘅街到搵到呢間餐廳，餐牌望都冇望就行入去。（佢個外觀都靚靚仔仔食西餐嘅～）入到去位置唔多，但裝修都有心機，好有外國風情小店feel，個感覺好親民。我地一同4人叫左幾款野食，之後店員就送士頭盤。-南瓜湯配多士湯好甜，蒜蓉多士仲好好食。-小食拼盤($118)全部都係新鮮炸起，好吸引，影左一陣相都係好熱，拼盤有薯條、雞翼、暑假、炸洋蔥圈、炸魚塊，份量對於4人黎講都算可以。-芝士蘑菇意大利肉丸($48)相比起拼盤之下，肉丸就比較遜色，味道比較淡。-是日精選：百加地雞扒 配意粉($60)雞扒意粉份量都算大份，雞扒好滑～-是日精選：安格斯牛扒拼豬肉腸 配意粉(9$4)牛扒比雞扒大塊很多，完全覺得自己賺左。雖然牛扒質素唔係特別的好，但相比起這個價錢來說，都算抵食，牛味都算重。-忌廉汁雜菌燴意大利飯($98)我覺得最令人驚喜嘅係蘑菇意大利飯，意大利粉超有菇味，好好食。-隱世小店，一班朋友去聚餐，傾下計，價錢合理，值得再去。

今天有事要去牛頭角辦事，完事後到定安街Sapce餐廳來個early 的優閒lunch；因為正常午膳時間比較人多。坐低後，經厨師推介，點了是日精選的(A ) 扒香草豬扒跟白咖喱香茅汁。喝過什菜湯後，便是主菜，一塊大大的豬扒，還有滿碟的醋汁菜沙律及薯角，好快便給我KO全碟；可惜，想點的蘋果芝士餅缺貨。環保小店的凍檸茶是走塑用不繡鋼飲管。

食物已經一般，晚餐97元，食物比一般茶餐室差，四眼男服務態度極為惡劣，越叫越走，眼神和黑面已經夠客人難受，第一次光顧已經當客人是仇人，不知道是否四眼男情緖有問題，光顧一次已經不希望再踏足，附近茶餐室比較便宜，服務也好很多，食物質素也比它優勝，如果喜歡受氣可以試一試

約人不知去處，隨步入定安街，還在微雨中，眼前一黑見不招牌，也不知什麼，但又好像食得的地方，再望多眼，午餐牌上A至I食價錢就60到80，咁就閃咗入去。地方，呀！又幾好喎，西式二、四人枱活動開大餐都得，坐落越來越多人，我地三位就各點一餐，有湯有蒸蒜泥法飽，又幾香喎！二話不說好快就餐到扒香茅豬排，汁香肉鬆唔黏骨。朋友就香煎龍脷柳，都唔細條金黃皮脆，另位就百加地焗雞扒食落都唔似冰鮮，大厨手法都唔錯。結尾唔使講咖啡奶茶任飲，都係一杯，收貨無投訴，下次再撞入嚟食週過。磿姑湯法飽仔扒香煎豬排伴飯香煎龍脷柳跟意粉百加德焗雞扒上飯。

老友在這地方工作，難得老公放假就約好探下佢，也順便行下兒時成長的地方，變了很多啊！哎呀！老友突然有事去見客，就叫我們先食飯等等佢，好啦！工作要緊呢！於是就搵食先，原來呢度也多了很多食肆呢！行了一陣就比呢間吸引咗，外觀不錯，也滿座，入到去侍應生熱情招待，行到最入還有卡位坐添， 以這區有這個feel 真的唔錯了，又有情調價錢本人覺得有點貴，因為是食中午餐呢！不過態度一流又好笑容，還介紹午餐添，我們就選了A同B餐羅宋湯 有少少酸如果甜番啲就好了香煎龍脷柳配是日特別醬汁有沙律菜伴碟 成碟飯都醒神龍脷柳香趣有魚味扒香草豬扒配是日特別醬汁有沙律菜拌好開胃豬扒不算硬汁甜甜地啱我凍奶茶夠大杯

雖然九龍灣係好多野食，但當你日日系尼頭返工都唔知食咩好。某次同事發現原來系定安街入邊有間門面唔起眼既小店。一到lunch hour尼度就排曬長龍要等好耐。店面好細，位唔多。但系尼頭嚟講，算係一片綠洲。Lunch set 由50幾蚊到100幾蚊都有。跟set 已經有湯同包，仲有野飲。尼個價錢行上德福就一定搵唔到。講返d野食先。今日叫左個平平地既豬扒飯。係厚切既豬扒呀！😍😍仲配左d沙律菜。而個飯底雖係白飯。但對於我尼個飯桶嚟講。尼個白飯已經係對比附近嚟講算似返個飯。除左飯，仲可以配意粉、扁意粉、長通粉，或者加錢轉沙律。岩曬突然想食菜菜菜既OL。加埋個凍飲58蚊埋單。都算係咁啦！☝🏻☝🏻如果weekend嚟食會坐得舒服d。

已經多次聼到同事反映，這餐廳食物可以但服務愈來愈差，今天忍無可忍，離場抗議！事緣今天中午接近一時半到達，餐廳內只有1/3客人，而且坐得很疏落，卻安排我們6人擠進已坐了2人的6人桌，坐下後變得手臂貼手臂，於是禮貌地提出換抬。同枱的食客也主動大方轉枱，我們一邊道謝一邊凖備下單，但四眼男侍應竟然瞪著我們晦氣地堅持，說這張本就是8人枱！其實事情不是已經解決了嗎？為何仍要拋出晦氣說話！？一心支持卻換來一肚氣，算了！走！好自為之！

帶着一點期望去光顧此餐廳因為同事告訴我，這是一間有誠意的小店。約中午十二點十五分到訪,餐廳面積有點小，坐得好迫迫的，簡單去形容有點超載所以有點不舒服的感覺。重點是員工的服務態度是極差的，當我們下單時，待應強迫我們一起下餐飲，經過數次說不，他們便版着面離開。湯不夠熱，上菜的態度也是極差，可以說是用挑戰你的服務精神去挑戰你的EQ！食物質素還好！還有一點，他們經常要求客人換位置，方便他們安排位置給其他新來的客人。

呢日同男朋友慶祝紀念日特登嚟返我細個生活過嘅社區順便食埋晚餐雖然嚟到牛頭角 我最想食嘅都係牛肚米但見係紀念日 都係食間環境好啲嘅西餐啦Space cafe&kitchen係附近好少有嘅西餐廳所以其實係冇得揀見到門面細細入到去一般cafe裝飾客人唔多可能因為係平日都幾多人係自己一個食呢日同男朋友試咗安格斯牛排配長通粉仲有卡邦尼意粉安格斯牛扒燒得ok靚不過口感偏硬味道似快餐嘅牛扒卡邦尼意粉都係好普通有汁但冇creamy果種感覺料好足 呢樣抵讚好多青豆 個人唔係好鐘意整體同自己喺屋企整嘅差唔多價錢唔貴嘅但真係一分錢一分貨平日落街食飯都叫好選擇嚟

帶阿女睇醫生，響牛頭角周圍搵野食，其實冇乜得揀，已失望之際，竟然見到一間門面交靚嘅餐廳！再望望出面餐牌，原來係食西餐！我叫左個雞扒扁意粉，冇影相俾大家睇，因為一黎到，我個女已經义左落去，亂唒🤣🤣🤣個賣相係好👌🏻架，不過份量我覺得少左d，意粉兩注就冇，反而雞扒有兩塊（細細地），味道吾錯，雞扒都几滑，几嫩，個汁亦幾開胃！因為份量吾係好夠，所以我嗌多個蘋果cheesecake 😋😋$25個芝士餅就不過不失，冇乜特別！另跟餐有湯同包+飲品$60吾使加一我都覺得大家不妨一試，不過大食者就要叫埋甜品會好d😜😜