Soulgood Bakery

營業中

休息中

我哋成家人一向都好鐘意食巴斯克芝士蛋糕，今次生日買咗soulgood bakery best seller 之一嘅「炙燒奶蓋．芋泥巴斯克芝士蛋糕 Crème Brûlée Taro Basque Burnt Cheesecake」食！芝士蛋糕表層係crème brûlée 嘅焦糖 ，好有驚喜。之後有三層，焦糖下係奶蓋，中間夾住係香軟嘅手工芋泥，好似食雪糕咁，底層係招牌軟心半熟巴斯克芝士蛋糕層，非常軟熟好味！哩款蛋糕比一般食譜減少30%糖份，減少罪惡感。但係食小小已經非常之飽滯😂店內有好多款，期待下次再試其他味道！

打去問店員關於送貨安排，店員態度惡劣沒有認真解決問題，反而超級沒有禮貌地回答，然後"給線"簡直係唔優做生意,仲話同老闆講都係咁樣㗎啦👍🏻蛋糕市場競爭咁大，咁嘅服務真係搵鬼買咩？

抽中咗giveaway所以試咗呢個新出嘅鹹蛋黃巴斯克芝士蛋糕🍰 中秋就嚟到，我最鍾意食雙黃白蓮蓉🤣 果然鹹蛋黃味係有少少似食月餅嘅感覺，而芝士味就唔係太重，唔會話好甜好漏，切開個蛋糕入面仲會有流心！另外佢嘅外型好靚，中間有粒鹹蛋黃，再加咗啲cream整成個花嘅形狀，非常打卡-able📸 鍾意食cheesecake又想試吓新口味嘅可以一試🤤▪️Salted Egg Yolk Basque Burnt Cheesecake (4 inch)📍Soulgood BakeryB201-39, B2 Floor, K11 Musea, 18 Salisbury Rd, Tsim Sha Tsui

平時都唔寫食評，但呢個真係太伏！見多KOL 推，話個巴斯克蛋糕好食，就諗住一間bakery 其他野都應該唔差啦。。。。點知中晒伏今次因爲鍾意食咸蛋黃，就買左咸蛋黃曲奇。先講質感一啲都唔似曲奇，唔脆又唔係chewy ，非常鬆散，可能糖同baking powder 落太多？似muffin 或者pound cake 多過曲奇，咬落去個texture 已經失望。味道方面，完全食唔到牛油香味，但又油同滯，可能唔係牛油整？但連咸蛋黃味都冇乜就有點兒。。。泰國咸蛋黃薯片比佢更有咸蛋黃味最出眾嘅係甜味，甜到似食砂糖， 糖尿病嗰隻。。總結 ： 自己喺屋企焗失敗左嘅曲奇都好食過佢。。。大家避雷啦卡路里，脂肪同澱粉質都吸收晒，但一啲都唔好食，好後悔仲要成46蚊一個，食2個mrs Fxxxd 都冇咁嬲！個曲奇咁差，連cheesecake都唔想試

刚好看到K11MUSEA这家Soulgood Bakery蛋糕店🎂推出了母亲节限定款式——西西里岛开心果巴斯克蛋糕，买一个回家一起庆祝一下🎉我妈不太喜欢吃甜品，但这个不会过于甜腻味道刚刚好，她很喜欢💕第一次发现开心果居然跟芝士这么搭，内里是开心果流心，口感细腻丝滑，顶上撒了手磨的开心果碎，口感更丰富了。他们家还有一款草莓蛋白霜巴斯克蛋糕🎂颜值高也好吃！推荐👍🏻📍 Soulgood Bakery尖沙咀梳士巴利道 18号Victoria Dockside K11 MuseaB2楼B201-39号铺

如題，實物與圖完全唔一樣，根本違反商說明條例，這稱不上是一個巴斯克芝士蛋糕，令人相當失望！本人是巴斯克芝士蛋糕愛好者，已經買過十數次不同的巴斯克蛋糕。第一次見這款蛋糕完全沒有焗過的痕跡，跟普通芝士蛋糕一樣，跟網站的圖片是兩回事。玻璃櫃內的蛋糕是有燶邊，而我這個是一Pat Pat 嘅芝士，一點燶邊也沒有，像是沒有焗過的。希望想買的朋友要留意，不竟這個蛋糕價值五百多元，一點都不便宜，可以肯定這款蛋糕一點也不值。嘗試跟公司聯絡，想確認一下這蛋糕究竟有沒有完成，公司回覆話師傅指最底層係有焗過巴斯克芝士蛋糕，由於想面層手工芋泥舖上去時吻合得好，就將底層蛋糕嘅外邊片走，外觀上會層次分明。這樣的回應令人更懷疑公司是否認識巴斯克蛋糕，作為一間主打售賣巴斯克蛋糕的店鋪，顯然是不合理。

♡‎ ♡‎‎ ♡‎ ♡ 尖沙咀 - Soulgood Bakery ♡‎ ♡‎‎ ♡‎ ♡平時自己都鍾意食蛋糕今次咁啱經開尖沙咀記得呢間好多人排隊嘅甜品店今日買左個4寸芒果麻糬巴斯克芝士蛋糕仲有其他size提供兩個人食的話，4寸岩岩好入面有麻糬餡，好煙韌，仲有濃濃芒果味值得推薦我地都覺得呢款口味好好味平時只買到芝士味估唔到加埋芒果又咁正喎🗯️Soulgood Bakery地址: 尖沙咀梳士巴利道18號Victoria Dockside K11 MuseaB2樓B201-39號舖

今日屋企人生日，一向我負責採購蛋糕呢個環境😂收工經過見到呢間蛋糕店深深被吸引，店面裝修好鮮明少女粉為主題，店內空間雖然細細，不過蛋糕外觀好吸引已經足夠🤩店內還有提供少量座位，如果想打下卡，兩個人食地方都可以接受～而我一向鍾意食巴斯克蛋糕🍰今次買咗個芒果麻糬巴斯克芝士蛋糕，蛋糕有𣎴同尺寸大細可選擇，如果兩口子食4吋份量剛好。加上我本身係超級芝士迷甜品，所以無理由唔買呀😂今次呢個芒果麻糬巴斯克芝士蛋糕，內𥚃有好軟糯嘅麻糬做餡，入口好Q彈，煙煙靭靭層次好豐富，好香嘅芒果味，又不會太膩。價錢方面都係中位價，不過整體來講質素不錯👍🏻好好食～

一直喺IG見到好多人介紹呢間嘅蛋糕😍之前已經買過佢嘅抹茶流心巴斯克蛋糕為朋友慶祝生日🎂流心程度好澎湃😍抹茶味都好濃而今次就買左Soulgood Bakery 嘅芒果麻糬巴斯克芝士蛋糕💛蛋糕有幾個size選擇，因為得我同男友兩個人食所以4寸就岩岩好。作為甜品控當然食過好幾間巴斯克蛋糕😆而呢間人氣小店出品高質而且口感豐富👍🏼巴斯克芝士蛋糕creamy入面有煙韌麻糬做餡，配甜甜的芒果，食落層次多元化。見到佢仲有款4吋嘅芋泥麻糬巴斯克芝士蛋糕都好吸引，我朋友之前食過話好香芋泥味💜員工服務態度好好，好細心👍🏼店舖以粉紅同藍色為主，環境裝修都幾新幾吸晴😍位置唔多但坐係度食都好夠又可以打下卡

依個蛋糕好似完全係跟住我老大👨🏻口味咁每日返工前都會飲咖啡☕️有時放假係屋企又會飲下酒🥃依個新推出既蛋糕🎂簡直係𝐆𝐨𝐨𝐝 𝐅𝐢𝐭呀🤗~•~•~•~•~•~•~•~•~•~•~•~•~•~•~•~•~•~•~• ▪全新🆕微醺提拉米蘇巴斯克芝士蛋糕🥃𝟑層巴斯克蛋糕🍰上 : 超濃奶香 • 滑滑𝐒𝐦𝐨𝐨𝐭𝐡𝐒𝐦𝐨𝐨𝐭𝐡既意大利𝐌𝐚𝐬𝐜𝐚𝐫𝐩𝐨𝐧𝐞軟芝士🧀鮮忌廉層🤍中 : 索滿(白蘭樹下 • 淡墨) 全球首支❣️無糖咖啡甜酒既手指餅🤎 下 : 微醺咖啡味巴斯克芝士蛋糕🧀 (𝐔𝐫𝐛𝐚𝐧 𝐂𝐨𝐟𝐟𝐞𝐞 𝐑𝐨𝐚𝐬𝐭𝐞𝐫埃塞俄比亞咖啡豆☕️)食落口感 • 味道都有多重層次😝低糖 • 濃香咖啡 • 咖啡酒香醇 • 法國可可粉...微甜唔過膩😎🥃酒既濃度級數，仲可以自己揀 (無酒精版 • 入門級 • 微醺級 • 酒鬼級).𝟐個全新🆕曲奇系列 • 𝟔款口味🍪塊塊都係勁厚身，表面既配料又足👏🏻▪忌廉芝士夾心系列🧀▫️士多啤梨忌廉芝士曲奇▫️檸檬忌廉芝士曲奇▫️開心果忌廉芝士曲奇.▪美式曲奇系列🇺🇸▫️提拉米蘇曲奇▫️美式朱古力曲奇▫️焦糖脆脆棉花糖曲奇.▪Urban Coffee Roaster Drip Bag.~•~•~•~

👩🏻‍🤝‍👩🏼好朋友生日點都要食蛋糕慶祝下，本身佢好鐘意食芝士蛋糕，上次同佢行街經過Soulgood Bakery，見到蛋糕有幾個size可以揀，兩個女仔食，就買左個4寸蛋糕黎試下😋🔸 4寸芒果麻糬巴斯克芝士蛋糕芒果麻糬巴斯克芝士蛋糕入面有麻糬做餡，令個蛋糕口感同層次更加豐富😍 麻糬煙煙韌韌，芝士味都好濃郁，🥭面頭既芒果肉好新鮮好甜，令個蛋糕食落更加清新✨而環境方面，以粉紅色為主調，💕少女心十足，坐位唔算好多，同朋友坐低食，打下卡都好適合💲價錢屬於中上價位，舖頭係尖沙咀，整體味道同環境都唔錯，都可接受

父親節到啦！我搵左好面終於搵到幾款蛋糕買左2款蛋糕🎂同老公父親同埋自己父親一人一個😊K11 Musea B2樓渣，地點都好方便呀？地鐵站行去幾分鐘就到，買完又可以即刻搭地鐵走人☺️🔸4吋芋泥麻糬巴斯克芝士蛋糕🎂芋泥麻糬我都好鍾意食嫁🫶🏼佢個種好有咬口既質感好正呀😍香芋泥味好重👍🏻好正呀仲好香濃tim，一切開就聞到啦🔸4吋嘅芒果麻糬巴斯克芝士蛋糕芒果夠曬新鮮再加埋麻糬會有一直想食落去既衝動，口感依然好咬口，芒果唔會好酸，勁甜😍芒果控既我，食到停唔到口呀

呢排好多朋友都推介新開張嘅soulgood bakery，所以適逢另一半生日，專登去買左個芒果麻糬巴斯克芝士蛋糕嚟試下。 🤤🤤今次選左個4吋蛋糕，兩個人食分量岩岩好，足夠滿足食慾又唔會食唔曬浪費。呢個芒果麻糬巴斯克芝士蛋糕，一咬落去口感非常特別，除左食到蛋糕嘅軟綿綿，仲有煙煙韌韌嘅麻糬。而且芒果非常新鮮而且好甜，啱曬水果控嘅你地。配合埋芝士嘅香味，食完一啖又一啖。新店岩岩開張，環境裝修得非常靚，而且店員十分有禮貌和耐性，最緊要店舖可以提供到個靚靚地方俾客人坐底chill吓，打吓卡。🌿🌿

係香港專賣巴斯克蛋糕嘅唔多，加上本身係芝士x麻糬控，所以都好想試下Soulgood Bakery嘅麻糬巴斯克芝士蛋糕🍰趁屋企人就生日終於有籍口買啦😆最近Soulgood Bakery 仲推出好岩season 嘅芒果麻糬巴斯克芝士蛋糕，一於就買佢啦😆Soulgood Bakery 好窩心咁出咗唔同size嘅蛋糕比客人選擇，員工嘅服務態度好好👍🏻推薦我如果俾兩個人食的話，4寸就岩岩好😚 咁就要個4吋💗呢個芒果麻糬巴斯克芝士蛋糕入面有麻糬做餡，食落除咗有濃濃嘅芝士香味仲食到麻糬嘅煙煙韌韌😙令整個蛋糕口感同層次都變得更加豐富🤤至於芒果味方面都做得幾好，唔會係假味，仲有淡淡嘅甜水果香味添🥭另外環境方面，位置雖然唔多，但都夠同朋友坐係度食，而且仲有打卡位😍 咁就可以一邊食一邊打卡啦😚至於價錢嚟講，老實講都算中上，但作為一個好食嘅甜品🍮無論用料同味道都咁高質😎仲要係尖沙咀區喎😌OK可以接受啦😎Soulgood Bakery地址: 尖沙咀梳士巴利道18號Victoria Dockside K11 MuseaB2樓B201-39號舖

4吋芋泥麻糬巴斯克芝士蛋糕呢個size啱啱好，啱會太大個！芋泥麻糬巴斯克蛋糕係一款西班牙嘅甜點，呢間嘅cake口感好獨特。外皮香脆，內裡好軟糯，加埋麻糬煙韌口感好有咬口！香芋泥味香濃，口感好軟滑細緻！蛋糕又唔會太甜，好好食。4吋嘅芒果麻糬巴斯克芝士蛋糕呢款蛋糕結合咗芒果、麻糬、芝士同巴斯克蛋糕嘅創新甜點。口感好豐富，芒果夠新鮮，非常香甜。麻糬帶嚟Q彈嘅口感，芝士味道香濃，同巴斯克蛋糕嘅外酥內軟口感完美結合，令人一試難忘。芝士就加咗啲咸香味，同時又增加咗蛋糕嘅滑嫩口感。加咗麻糬真係食唔停口。