SONIA COFFEE

營業中

休息中

呢個舖位前身我都幫襯過好多次,其實大家都係為咗佢嘅甜品而黎🤣🤣,既然今日行過,又係dinner 時間,不妨試下呢間新舖!因為時間尚早關係,只有一個客,之後黎menu,QR mode落單,睇過menu晚市套餐較少,散叫既都唔多,我叫左個和風吉列蠔蛋包飯套餐,包沙律或味噌湯其中一款,同包一杯飲料(如飲料多過某個價錢要加錢),我杯梳打要加$8,屋企人叫左個海老拿玻里意粉套餐,亦同我一樣沙律+梳打,首先黎兩杯梳打,調較到啱啱好,唔太甜,之後黎套餐送既沙律,雖然係普通野,d菜身仲算新鮮,黎主餐,海老拿玻里意粉正常發揮,蝦新鮮無霉,不過和風吉列蠔蛋包飯,首先唔好理佢係咪用日本米,但係蛋包住白飯??因為我食過好多間既蛋包飯,d飯唔係炒飯底就係燴飯底,今次食蛋包白飯真係第一次!,未上菜時心諗,和風完熟蕃茄汁再加燴飯底一定會好好味,真係諗多左,就算唔係難食但係好寡,蕃茄汁要慳住食,呢個要扣分,睇番餐牌定價價位亦都高左少少,呢區食肆競爭大,唔多睇好……

喺Mikiki仲圍緊版嗰陣都已經諗住要食吓佢，見佢都有貼晒啲甜品、蛋包飯，好似幾吸引😍！早排有日天陰陰冇乜人排院終於試到。佢店內裝修都幾舒服，有種古典得嚟又幾high end嘅感覺🎻，影出嚟都靚嘅！本身係沖住佢個窩夫而嚟，但原來Lunch Time冇得嗌窩夫㗎😵‍💫！ ！ 問咗店員話要2點半之後先會有，建議我哋可以嗌住其他Cake食先！咦…仲諗住同啲同事Share份窩夫嘆吓添😩😩呢度Lunch Set選擇唔算太多，不過有🍛日式蛋包飯、🍝意粉都係大家會揀得落嘅選擇，味道都OK。我個意粉都幾大兜，但略嚴偏淡，唔係好夠濃郁同Creamy🙈，不過啲同事話蛋包飯唔差喎👌🏻👌🏻。而咖啡我就嗌咗成日都會揀嘅Iced Mocha，感覺稀咗啲，上面啲朱古力碎都好似唔係太夾😅成個味再沖得再濃郁啲會更好！另外，見到佢啲切餅都有好多選擇🍰，都幾大件吓，價錢貴貴哋但係可以接受嘅範圍，又有得跟餐加錢嗌，有機會可以再試吓！遲吓有機會試埋個窩夫再寫返個食評出嚟先，如果Lunch Time可以增設窩夫餐就好喇，聆聽吓我嘅訴求啦🫣！

呢間新開既分店座位比較少，晏晝基本上都要排隊，坐近門口有唔少蚊滋，值得一讚既係侍應們態度幾友善🫢▪️ 和風吉列豬扒蛋包飯 （7/10）💲83 (Lunch Set)吉列豬扒個皮脆身，肉質有少少乾，但未至於好鞋口，蛋都尚算嫩滑，飯底有兩款可以揀，分別係野菌咖喱或者洋風完熟蕃茄，我地要左後者，味道都幾鮮既🍅▪️ 黑松露奶油味噌雜菌意粉（6.5/10）💲73 (Lunch Set)食落係奶油味為主，無咩黑松露或雜菌味，意粉軟硬度適中，整體感覺好清似健康餐🍝▪️ 忌廉焦糖吉士布丁（6.5/10）💲+32 (Lunch Set)其實我係為咗佢個布丁而黎🍮口感未有人地講到咁軟滑，而係偏挺身帶點彈性嗰種，蛋味亦唔夠香濃，焦糖會係比較稀身，有微微既先甜後苦🫣▪️ 靜岡抹茶鮮奶（6/10）💲+23 (Lunch Set)本身加$15可以配$40或以下飲品，再補$8差價要左呢杯，不過飲落抹茶味好淡🍵🔎 整體評分（6.5/10）

今晚去咗新蒲崗行下知道有間昭和風cafe新開又突然想食蛋包飯 見有dinner set就去試下我地兩個order咗一個吉列炸蠔蛋包飯同牛肉薯餅手打漢堡原來dinner set係貴過散叫因為佢包咗一杯40蚊或以下嘅飲品同沙律或者湯所以除非想飲野同要前菜dinner set其實唔係平好多賣相就還可以而味道就我地兩個都配咗佢地嘅野菜咖啡汁漢堡煎得好似唔夠香會expect佢可以燶少少咁外表會香脆d而且入面嘅芝士都會溶d牛肉薯餅同吉列蠔其實都冇咩可以唔好食至於重點嘅蛋包飯就如果蛋可以多少少就好因為有d薄所以都唔係好食到蛋香

新開嘅Sonia Coffee，環境好chill好舒服。本menu好精緻，選擇好多🤤-首先order左1個主食-1️⃣和風芝心漢堡扒 x 黑毛和牛薯餅蛋包飯 配 野菌咖喱 $108 ⭐️賣相好吸引，有精心擺盤，令人食慾大增🤤！野菌咖喱唔辣，好香口；再配上半生熟嘅炒蛋、白飯同埋蟹籽，滿滿一啖咁擺落口，真係超滿足。大推和風芝心漢堡扒，一切開真係有滿滿嘅流心芝士🤩，毫不吝嗇。漢堡扒同薯餅都好大塊！雖然薯餅唔太食到黑毛和牛味，但薯餅個texture綿密細滑，有外脆內軟嘅口感。-另外order左2個甜品1️⃣靜岡抹茶小豆窩夫配豆腐雪糕 $98 ⭐️一嚟到發現幾大份！窩夫偏挺身脆口，最鐘意將餡料擺入d窩夫格仔度食🤣值得一讚係d綠茶蕨餅，軟濡煙韌，恰到好處嘅綠茶苦澀味同一旁甜甜地、粒粒分明嘅紅豆蓉中和番，好食👍🏻豆腐雪糕擺落窩夫度唔太食得出豆腐味，要分開仔細品嚐先食得出淡淡嘅豆腐香。-2️⃣伯爵茶巴斯克芝士蛋糕 $58呢度嘅芝士蛋糕質地比較實在，個人偏好較流心嘅巴斯克芝士蛋糕。伯爵茶口味偏淡，蛋糕旁邊嘅士多啤梨忌廉，原本以為會好膩，但忌廉食落好輕身，士多啤梨味唔假，同蛋糕一齊食令味道昇華左。-仲有2杯飲品1️⃣泡沫黑咖