SOFFEE (T.O.P This is Our Place) (已結業)

今天同朋友來TOP行街，特登揀咗呢閒Café來嘆下午茶。櫥窗陳列啲cake件件都好精緻，好似藝術品！我哋嗌咗一件焙茶麻薯蛋糕，法國72%朱古力特濃蛋糕。我中意焙茶個件多啲，茶味濃鬱，蛋糕底裏面嘅抹茶醬融合得極好，最驚喜嘅都係夾住嘅個塊麻薯，好煙靭，提升食感，食落肚好開心，心情都靚埋！特濃朱古力個件都算幾好，朱古力味都係極濃鬱嘅！美中不足嘅就係冇音樂，chill唔到，傾計都要細細聲。…查看更多

平日午餐揀咗個黑松露雞肉燴飯，雞肉完全冇味，成個飯仲要係凍嘅，少少暖都冇，腥到不得了。。忍唔住問夥計，你哋係咪提前整定，佢竟然話係一次過炒晒出嚟。。你整定唔緊要，端個午餐連叮翻熱比客人都懶，計埋加一後$130⋯⋯無下次了！…查看更多

諗住同朋友慶祝生日，見到呢間啲cake個樣幾靚咁就book咗食lunch 一入去成個環境係好靜，冇音樂，好似去咗圖書館咁，講嘢要勁細聲 😂 叫左2個set lunch , 另外加兩個特飲兩件蛋糕個沙律就普普通通 ， 牛油果夠熟 個飯就.. 無黑松露味，雞肉無味，成個飯整體都冇乜味 😅 我地食左一半就放棄咗野飲算正常 叫咗兩件蛋糕牛油果蛋糕同海鹽焦糖咖啡蛋糕其實打卡就OK ， 個樣睇落幾吸引 但食落去… 🤦🏻‍♀️ 牛油果蛋糕食咗1/3 個海鹽焦糖蛋糕 … 雖然係海鹽姐 都唔使咁鹹㗎？ 鹹到有d誇張每人食咗一啖 ，本人好鍾意食蛋糕 所以諗住再食多啖 ，點知食唔到落去 ，都係放棄 收服務費但係點嘢食，想叫佢比杯水都要自己行出cashier ，真係唔明有咩服務？ 🤷🏻‍♀️ …查看更多

行行吓T.O.P商場有啲肚餓，於是乎係附近見到間食tea嘅鋪頭醫飽個肚先！叫咗個法國72%朱古力特濃蛋糕，一食第一啖覺得啲黑朱古力好濃郁，又唔會好甜，蛋糕外圍包住咗層黑朱古力，而內餡則有朱古力蛋糕、朱古力醬同朱古力脆脆，好味！另外仲叫咗個日本宇治抹茶麻糬蛋糕，賣相好靚之餘，味道仲幾好食，最外層係用咗薄脆抹茶朱古力，而內餡係用抹茶做蛋糕底，蛋糕裏面仲包咗塊好大舊嘅麻糬，食落好煙靭，以最面頭就搽咗濃濃嘅抹茶醬，同埋有啲忌廉，並以銀色珠珠同花花朱古力做點綴！…查看更多

💖終於捱到星期三，放假有望😎，食番件甜品開心下。呢間甜品店係旺角TOP地下，位置方便，甜品賣相精緻，人都開心啲🥳。1⃣️日本宇治抹茶麻糬蛋糕🍵 $58💖推薦！賣相超精緻，最外層係薄脆抹茶朱古力殼，入面係濕潤嘅抹茶蛋糕體，包裹住奶香煙韌嘅大塊麻糬。最上面係濃厚順滑嘅抹茶醬，仲有忌廉配上銀色糖珠同雛菊朱古力🌼裝飾。2⃣️芋泥珍珠奶茶🧋 $42💖飲品選擇多，除左咖啡果茶梳打等，仲有多款珍珠奶茶，要左芋泥口味，上台嘅時候都有啲驚訝，比想像中大杯，飲完都幾飽🫨。芋泥底綿密香濃，暖笠笠嘅芋泥撞上冰凍嘅奶茶，珍珠入口煙韌，份量多。💖餐廳環境舒服😌，除左多款甜品都有主菜等選擇，推薦大家黎chill下～…查看更多