Smile Yogurt & Dessert Bar (已搬遷) 新店位置

同男朋友行尖沙咀行到有啲餓，但又未去到晚餐時間，所以想搵啲甜品頂住肚先。見到k11呢間smile,佢地既產品望落真係好靚好吸引，有幾隻係佢地設計好既，另外你都可以tailormade屬於你既yogurt。不過今次廢事麻煩，就直接叫左佢地餐牌上既Mango Fever啦。呢款就猶如其名以芒果為主題啦最底一層係有新鮮芒果，乳酪間有芒果布甸，再配一啲芒果熱情果棉花糖，朱古力圈，最高個粒就係芒果雪芭☺️整體黎講都唔錯架，唔會淨食乳酪咁寡，同埋時令芒果都好甜，而且乳酪係健康既食品，食完都無咁罪惡感～

飯後來到K-11附近的Smile Yogurt & Dessert Bar，雖然店舖從K-11內搬往戶外已有一段時間，但搬往後也未曾惠顧過。店內有多款Yogurt選擇，購買後可在店內進食，或到K-11對出的休憩位置呢，不過小妹就較喜歡在戶外吹吹風，感覺較為開揚。友人點了Very Healthy Mix/$53，小妹一向也甚為喜歡香蕉產品，故點了Banana Split/$53。試下幾口Very Healthy Mix，乳酪底部用上熱情果香蕉醬，吃落酸酸甜甜，頂層用上蜜糖及脆粒，不會太甜呢。還是較喜歡Banana Split，乳酪被凝固了的朱古力包圍，味道可不錯，不過就難以用匙刮來吃，最後還是當作一般雪糕筒般吃法，一口一口的咬下去比較方便(0_0) 自己就較喜歡襯托的蝴蝶酥，非常脆口。另外，乳酪底部也是與Very Healthy Mix一樣用上熱情果香蕉醬，但最底層則有鮮果沙律乳酪，層次感比較豐富，而香蕉味恰到好處，下次可再Encore呢!

食完咖哩。有人提意食乳酪！當然好啦！去左k11食smile yogurt 🍦 好耐之前食過一次。印象中乳酪味道軟酸。好岩我口味！但今次食好似無咁酸。味道無咁岩我了！今次我叫左i love green tea yogurt $72綠茶芝麻薄塊。香芝麻味。但好甜。食左半塊就無食。朱古力脆珠。加埋脆酪一齊食。增加口感！綠茶朱古力。濃郁綠茶味。又好滑。正！brownie 蛋糕。唔夠朱古力味！綠茶布甸。好實。但味道幾好。幾重奶香！仲有餅碎同芒果！好可惜綠茶麻糬買哂。雖然好大杯。但$72貴左啲。呢個價錢其他frozen yogurt 可以有更多配料！另外叫左vanilla skyChocolate lover3杯加埋$188

的確係有少少癲個日同男友去TST拎野咁岩行過K11 心血來潮就去左買雪糕食前提係我同男友個日一餐正餐都未食過LOL其實我知道男友好唔想食 (一來男仔不嬲唔係好鐘意食甜野 二來唔想晨早空肚食雪糕)最後 佢都係比我說服左坦白講 呢間SMILE 既YOGURT雪糕好貴 抵唔抵就見人見智 因為佢真係好多料!而且D料都唔係CHEAP料 全部都有DESIGN過 (好似係)入到去 有成10幾款味道結果我就簡左 MOUNTAIN SMILE (HKD68)點解會簡呢隻味 係因為裡面既材料主要都係COFFEE感覺好似食落去無咁甜 罪惡感都少D!ANYWAY, 味道方面 呢間YOUGURT真係特別出色又香濃 又滑同埋最大唔同係 佢唔易溶 因為通常個D YOUGURT 都勁快溶影完相 都已經溶左4成左右而呢一個 影完相仲係無溶過咁濟!! 真係好高質!同埋 個個COFEEE JELLY 真係好好味! 味道超級濃郁!

天氣冬冰冰，同個朋友行到攰攰地，就附近坐下，食個甜品，就入咗呢間yogurt 店！呢杯嘢真係好大杯，所以同個friend開心share! 我哋要咗一杯荔枝味嘅，yogurt 好濃味，好滑，配上荔枝汁，好開胃，整體成杯嘢都好靚！

天氣凍突然想食yogurt於是叫左個vanilla sky50幾蚊比坊間貴不過都幾多料面頭有薄脆中間有雲呢拿醬 芒果 藍莓同餅碎散佈得幾平均幾好食因為好大杯足夠兩個人share

以前的小店已變成了連鎖店，仲多左好多options。點左wild summer $70。Presentation都係咁attractive！ crispy apple 唔夠脆，有D諗，但係lychee肉份量都幾多，好味。棒棒亦如是。然後layer by layer夾住frozen yogurt 仲有mango 碎冰、果肉和脆脆。口感好豐富。食完有幸福的感覺，真係好大杯，share食最好！

平時同一兩個朋友知己慶祝生日，買生日蛋糕永遠都食唔哂，最近發現依間店出左迷你版既蛋糕，係供兩人食用，訂左Rose Garden因為我壽星女好喜愛花香味賣相好吸引之餘，蛋糕忌廉好軟滑，食落有陣陣既玫瑰香味，海綿蛋糕入面夾住士多啤梨，口感軟熟又唔會覺得膩濟，迷你版已足夠四個人食，兩人食又似乎多過頭，賣相靚味道又唔錯，買黎做生日蛋糕一流

難得偷到半日放假，想去捉精靈睇地圖見到K11有幾個pokestop，仲放緊Lure，天氣咁熱，搵個地方坐低捉精靈先😀😀呢度個menu畫每一款Frozen yogurt 畫得好清楚一層層，俾顧客可以知道每款嘅配料。呢日得1個店員，店內計埋我有3個客人，不過都好快就有得食啦基本上同個menu個圖係一樣嘅，份量好足好重手由面頭開始食起，芒果雪芭好好味，係成杯froyo最值錢嘅位，冰粒好細好滑Froyo上有d餅碎嘅脆粒，撈埋froyo效果唔錯下面有幾粒棉花糖，芒果味係無乜嘅，對我嚟講可有可無再下一層有芒果布甸，還可以，奶味比較重而食到最底係鮮芒果粒，呂宋芒味道係無得輸靈魂嘅Frozen Yogurt好冰凍，質地好滑好硬身，少少酸味，整體唔錯。下次再叫返呢款！

初初出現眼前時已覺得好靚靚😍成班人衝咗上前  😂仲諗住玫瑰花味蛋糕好少見到，點知一切開原來被騙了😱竟然係黑森林蛋糕，入面嘅朱古力仲勁足料😄但唔會太甜太膩口，蛋糕好鬆軟😋而且內藏🍒車厘子同🍫朱古力脆脆㗎

今年生日朋友買左呢個蛋糕比我非常驚喜因為呢個Pink lady 入面竟然係黑森林真係估佢唔到平時我就唔係咁鐘意食朱古力因為唔係咁鐘意咁甜咁濃但呢個我竟然食哂成件佢唔係好甜 蛋糕又鬆軟 仲有朱古力脆脆多層次口感 正呀

在尖沙咀吃完晚飯，又是繼續周圍行去捉小精靈，行到K11附近，我又想食甜品喇，我認為一餐要食完甜品先係完美。見到Smile Yogurt 就入去睇睇有咩新出品先。今次竟然再遇到我很喜歡的...Mountain Smile $68，雖然一向有Smile Coffee，但我覺得後者係超難食、沒有層次可言。乳酪伴以酸甜的熱情果醬，還有香濃的咖啡粉，味道相當突出。還有香濃幼滑咖啡雪糕粒、咖啡啫喱等出現在乳酪的中層及底層，完全不會單調，跟朋友開心share，是晚十分滿足。

突然好想食甜品, 去K11 本來係想食pancake, 點知排隊排到勁長龍...... 經過 Smile 見到難得有位坐就即刻入去啦!!! Menu 花多眼亂, 揀咗好耐終於決定點 I: wild summer!!!!雖然座位好少而且有d 逼, 但睇食物 sample 實在太吸引, 而且行到熱辣辣真係好想食凍冰冰嘅甜品$70/杯乳酪, 價錢其實都唔平, 但乳酪比雪糕健康, 罪惡感相對上即刻低咗, OK 啦等咗一陣終於有得食, 賣相好得呀!!! 原味乳酪配醒神嘅紅桑莓汁, 面頭有甜甜嘅荔枝肉, 中間有酸酸甜甜嘅芒果肉, 底層有d 類似木糠布甸果d 木糠嘅脆粒, 多重口感, 好fresh 好夾好好味!!!!

乳酪有益身心出進腸臟蠕動所以我本身都好鍾意食 但係平時就咁食有啲dry 所以好鍾意喺出面買一set嘅甜品乳酪 今次我就叫咗個低脂乳酪配雜莓 甜品底層一層低脂乳酪 一層 燕麥 再加多層低脂乳酪 頂層鋪上燕麥同埋 新鮮雜莓 低脂乳酪再加上言文又或不離有燕麥粒嘅口感好fresh好健康 再加上頂層鋪滿 新鮮雜莓咬落有酸甜口感令人食指大動十分開胃

好友生日，到smile挑選了一個mini size的chiffon cake慶祝。在蛋糕櫃前眼花繚亂，最後選擇了紫藍色，非常夢幻的violet ($159)。店員非常nice，知道蛋糕用作慶祝生日，送上手寫Happy Birthday的白朱古力牌，和蠟燭。蛋糕的cream非常輕盈、軟滑，只是微甜，吃起來完全沒有罪疚感。內裡的chiffon cake很鬆軟，底部有野莓粒和莓味的啫喱粒，酸酸甜甜的，讓整個蛋糕的感覺更light，女生必定會喜歡。