Slow Walker

平時真係好少寫comment，但今次真係好伏$55換來一杯暖水？求其沖都唔該用點心！今日行到攰，諗住搵間咖啡店歇一歇，點知就喺呢度中咗個伏。見到餐牌有「法國玫瑰龍眼花茶」，寫到幾咁吸引，諗住可以舒緩下心神，點知完全係惡夢嘅開始。$55一杯花茶，飲咗個寂寞。一啖飲落去，我懷疑自己係咪味覺失靈——完全冇玫瑰花香，一絲都冇！龍眼嘅溫潤甜味？對唔住，我連影都見唔到。成杯嘢飲落去，同飲暖水冇咩分別，仲要係$55一杯嘅暖水！呢個價錢，我去便利店買支蜜糖水再加支蒸餾水自己溝都好飲過佢。…查看更多

星期六想坐下cafe hea下，因為open kitchen入到去油煙味好大，員工態度幾好既，叫左杯咖啡同牛角包。咖啡先到，味道ok，等左陣，牛角包黎到，真係嚇親。雖然熱辣辣，但入面未熟哂，可能寧願將呢個牛角包剔除，更好。…查看更多

行了一整天的街，找個地方飲飲野係一個救贖。那天，我同太太行完尖沙咀，行下行下來到佐敦。本想帶太太去食野，但我們真的是不肚餓。所以，就找家咖啡店坐坐，休息一下算。在我們本來想光顧的餐廳對面，原來有一間叫《Slow Walker》的咖啡食店。我們倆就決定入來，飲杯凍咖啡兼讓雙腿休息一下。一入到《Slow Walker》，看得出整個空間都是狗狗的裝飾呀! 好明顯，這是一間寵物 friendly 的餐廳 / 咖啡店。但我們來的當日，就沒有發現有人帶寵物來。反而有一班教友在聚會。那天，行到身水身汗，所以，我們都是每人一杯凍飲比較開心。我點了一杯冰凍的 Espresso Orange Tonic。因為單純的 Espresso Tonic 我已經覺得很單調。加了橙味，就會多了一個層次的味道。以橙香味配合唐力水及咖啡的甘香味，苦甜甘的味道集一身，加上夠多冰，絕對是一杯透心涼的一杯美妙咖啡飲料。太太不需要咖啡因，所以點了一杯簡單的 Strawberry Soda。香濃，香甜的士多啤梨 syrup，更可以說這店直頭放了士多啤梨果醬在梳打水內。入口非常之甜美。比起單純用那些可能只是味道添加劑的支裝 syrup 來得好，味道更接近果香。二人輕輕地休息了個多小時，也甜蜜地渡過了個多小時。飲品既甘又甜，空間又舒適可愛。的確，是一個慢活的開心空間。令人不斷地想，keep coffeeing。…查看更多

去咗 Slow Walker 食 brunch，成體驗都幾好。佢哋嘅亞特蘭全日早餐份量足，最大賣點係有鬆軟嘅 pancake，再加埋煙三文魚同太陽蛋，一甜一鹹配搭得幾好，價錢算合理，性價比高。之後叫咗牛油果🥑手C 豬肉 pizza，用料真係唔手緊，牛油果新鮮，配搭手C豬肉非常夠味，咬落口感豐富，幾特別。最後甜品試咗巴斯克芝士蛋糕，出面燒燶咗帶住焦香，入口滑溜又香口，好有傳統風味，味道比預期好。咖啡酸苦度啱啱好，飲落幾舒服。整體嚟講，食物水準同環境都唔錯，係一間會想再返嘅 café。…查看更多

俾$100食咗一個牛角包 上邊啲肉又唔多明太子意粉 冇咩味 似忌廉意粉多啲椰菜花飯過得去 叫咗手撕豬都係冇咩肉叫咗三杯唔同咖啡 咖啡味唔出 唔好飲全部嘢食都過得去，唔係難食但係呢個價錢呢個質素係完全唔值環境乾淨，但係星期六都冇乜人就知唔係好吸引喺佐敦嚟講，應該會有更多選擇成餐飯食咗成五舊水都食唔飽又唔算係打卡Cafe 限時90分鐘都叫坐得耐嘅OpenRice要寫200字先可以評分。。。。。。。。。。。。。。。。…查看更多

朋友介紹，第一次來吃，可能是公眾假期關係，人流不多，打開 menu 看看，始終是小店，選擇不多，而且食物都會標榜用什麼食材，以佐敦位置來講，感覺價錢是偏高些少，食物水準普通，不會有驚喜，飲品價錢都係 $40-$68 之間，平日跟主餐才有半價優惠！服務方面不過不失，而且都係主張自助形式，自己攪掂🤣另外應該係可以帶竉物入內，因為見到隔離枱有帶狗狗，但我就覺得食肆最好有講明，始終唔係所有人都喜歡！餐廳環境有點像快餐店設計，以木傢俬為主！…查看更多

去佐敦睇醫生之前仲有啲時間，於是就打算係附近搵Cafe 坐一陣，上網睇相見到呢間Slow Walker 嘅空間幾寬敞，Menu又幾多選擇，而且又幾近我要去睇醫生嘅診所，所以就入咗去食嘢🍴我order咗一份牛角包窩夫配雪糕🧇🍦同一杯熱Matcha Latte🍵牛角包窩夫好煙韌好有口感，而且好香牛油味🧈，on top 仲淋咗糖漿，配埋一球雲呢拿味雪糕食好正✨而Matcha Latte就好濃抹茶味，飲落好順滑…查看更多

我希望呢篇野老闆們睇到，令你哋之後有改善其實野食唔差，但我覺得我永遠都唔會再嚟其實你哋個廚房係極級應聲，回音勁大你哋嘅所有對話或煮食聲音，係會係成間餐廳共鳴係哄鳴今次早餐叫咗個手撕豬croffle, 牛油果大蝦sour dough, 72% mocha Total張單27x嗰手撕豬croffle 同大蝦sour dough其實算唔差，調味都幾岀色，如果喺油尖旺區Cafe食嘅croffle同sour dough 都算係中上質素選擇但mocha 就都好一般，首先第一口入去啲奶係凍嘅，然後Mocha朱古力粉完全唔融(唔知係咪故意), 但入口個口感好差朱古力味極之濃郁，但完全冇咖啡口感另外星期六朝早，想係間cafe輕鬆安靜地食個早餐特別係喺價格大約係150per head 嘅cafe 大家係希望食物及環境都舒服嘅地方用餐當日，餐廳得4,5個客廚房有6個staff ( 包括老闆 ) 不斷大聲及興奮地講野唔知係咪餐廳新開，大家好興奮可以一齊做嘢但你哋嘅高談闊論係嚴重影響客人嘅用餐感受，真係食物質素幾好都冇用當日上致你哋喺花墟買聖誕花幾多錢,你哋沖咖啡用咩奶, 甚至你哋着鞋唔着襪，好不幸地，我全部聽晒入腦，仲要餐廳無啦啦喺度洗地我唔知我究竟入咗一間餐廳食嘢定係入咗你哋嘅廚房後欄食嘢我感覺我用咗$300去買咗我一個鐘頭好難受呢個唔係我對一間餐廳用餐嘅期望希望你哋改善啦，因為我覺得你哋食物差，但係我真係唔會再嚟…查看更多

松子仁白菇菠菜汁長通粉（$98）Okok見佢份量都算ok☺️加松子仁都唔錯呀，同老人家嚟食西餐，啱啱可以了畀佢食細細粒細細粒😁💙手撕豬溫泉蛋牛角包窩夫（$100）非常麻麻，中下品，仲要呢個價錢🥲。。Lolll，絕對不推薦的有啲女仔影緊相打卡，雖然我唔識呢個角色立牌係邊個抹茶latte小冰（$50）Ok嘅✓原味巴斯克蛋糕（$58）麻麻，而且價錢也Emm…查看更多

今日黎到廟街見到呢間Cafe環境好舒服，於是就入去試試。入到去，座位都算闊落，環境的確好岩想清靜下坐下既人。我地點左All day 🍽+ 牛油果手撕豬Pizza🍕, 2杯Flat white☕️, 先講All day , 我地加$20轉左酸種牛角包🥐，$188， 但黎到個賣相就有啲失望，呢個價錢應該可以做得更好。到Pizza, 好味，但唯一想佢改善係切pizza時，唔好切到其中一塊係咩材料都冇😅。到咖啡☕️，一般，咖啡唔夠濃。…查看更多

早上十一點幾路過，望入去見餐廳環境舒適，就入去試試。裡面環境濶落，首先吸睛嘅係牆上大相，好吸引，即刻要order expresso orange tonic, 夏天來一杯冰凍expresso加上tonic微氣泡嘅gur，再加橙汁嘅清香微甜，一啖又一啖好舒服呀！另外配埋午市套餐，明太子意粉及莎樂美腸&火箭菜pizza, 兩款都飽肚美味，可以慢慢食又唔迫又無人趕，與友仲可以閒聊一番，身心都滿足哂。走時更發現此店pet friendly, 可以帶寵物入去，下次要帶埋家中小可愛去…查看更多

好地方，可以一班人又得，兩口子又得，今次大人，小朋友，仲有加Baby真係咁人都啱。開心任選咸甜小食，正餐，甜品。一班人，當然要選一嗰併盤，就咩都有。炸薯條，雞軟骨，魷魚圈。超熱氣但勁開心，可以齊齊分享。然後就明太子帶子意粉，真心帶子大大件，意粉好creamy ，真係凈意粉都可以食到一大碟。仲有食得飽早晨全餐，有腸仔大啡菇，巴拿馬火腿，炒蛋，牛油果，茄汁豆，酸種麵包（麵包控必選），勁抵食。仲有青檸多多，玫瑰花龍眼茶，鮮奶咖啡。加埋芝士蛋糕作結，好。…查看更多

PASTA-多數都好好食可以放心試。明太子帶子意粉 ($118)係我最中意既意粉。有明太子、帶子、蘑菇同快熟義大利粉。帶子輕輕煎過，冇OVERCOOKED，而醬就具有明太子既鹹香和奶油口感，好中意咁BALANCE的感覺。豬肉腸番茄義粉 ($188)有豬肉腸、義大利番茄汁、車厘茄同快熟義大利粉。番茄醬醬汁濃郁入味，都唔錯。辣小茴香白酒虎蝦意粉($148)所有ITEM中最辣個碟，有虎蝦、小茴香、白酒、紅辣椒同快熟義大利粉。味道是一種獨特而多層次的組合。都幾辣的辣椒、同芳香的小茴香、清爽的白酒和鮮美的虎蝦，形成一道唔錯既主食。椰菜花飯椰菜花飯既口味都唔錯，有大啡菇、白菇。松子仁白菇菠菜汁長通粉 ($98)白蘑菇好香，而且菠菜做汁有豐富的蔬菜營養和松子仁的健康脂肪，望落好健康。唔錯。黑松露忌廉雞腿肉長通粉 ($138)黑松露唔係好出，但具有濃郁的忌廉香氣。還好-薄餅-唔建議唔建議係SLOW WALKER食薄餅，真係薄過餅乾。巴拿馬火腿配火箭菜薄餅($128)巴拿馬火腿片數唔多而且餅底太薄，會令到火腿片味好出好咸。火箭菜都中和唔到個味道。芒果蟹肉牛油果薄餅($148)有芒果、蟹肉、蟹籽、酪梨同黑椒蛋黃醬。食落有少少似牧羊少年個PIZZA，都幾日式。但餅底太薄係一個BUG位。-…查看更多

有狗狗fd子生日，包左場開生日party🎉店員都好中意狗狗，好友善☺️因為係包場，一早已經揀好晒野食.✨香煎帶子魷魚圈配薑黃✨好少見cafe有幾款椰菜花飯揀😍呢個薑黃味椰菜花飯比想像中清淡，主要都係椰菜花同紅椒既甜味，再配搭埋薑黃微微既辛口感覺🥬帶子同魷魚如果可以大粒d就正😛✨食得飽全日早餐✨材料好豐富😍最中意就係芝士大啡菇🍄雞蛋都炒到好滑😋好滿足～～✨Expresso Orange Tonic, 柚子海鹽多多✨加左橙汁既Expresso Tonic會偏酸dd, 但幾得意😁而柚子多多有香甜既柚子同益力多味，係好適合夏天既飲品✨另外仲食左無影到相既心太軟配雪糕🍰🍦好好食！😝唔會好甜又好濃郁既朱古力味，流心既內餡加埋雲呢拿雪糕就係perfect match!🙌🏻🙌🏻…查看更多

佐敦呢幾條街coffee shop 林立，呢間真pet friendly 得黎坐得舒服，食物同咖啡都好高質，絕對唔係齋食環境嘅cafe~ 杯Dirty 啡味濃好nutty，個全素all day超有驚喜同抵食，加$20仲可以轉牛角包窩夫，充滿牛油香同口感脆得黎有牛角包嘅層次，食物份量仲要係比一般打卡cafe大好多，個豬肉腸蕃茄意粉做到真正al dente再加上新鮮車厘茄做個汁好好味，我最怕食d假蕃茄醬意粉，呢個啱哂口味！小食叫咗薯條，好香口但偏硬未必個個鍾意，個松露蛋黃醬味道合格有餘但相對無太大驚喜，屬於口痕吹水可以一食系列。呢度仲有cocktail叫，不過今次無試，下次可以黎試吓，以cocktail 嚟講價錢算平。始終位置所限同埋夜晚cafe真係少啲人幫襯，公眾假期dinner time都只係得一枱客，好可惜，希望好餐廳真係有多啲人會賞識，唔想成日見住啲好餐廳因為位置差唔特別打咭就默默結業，之後會多啲支持。…查看更多