Sinsaeat Korean Kitchen

營業中

休息中

今日去咗機場，準備上機嘅時候見到呢一間喺禁區入邊嘅韓國餐廳，餐廳喺入閘food court ，我哋四個人去食就打算叫兩個唔同嘅韓式食品大家一齊食，冇諗過呢一間餐廳嘅食物原來都幾大份，而且味道都非常傳統！真係非常有驚喜！餐廳有六種唔同嘅早餐俾大家選擇，我就揀咗韓式炒年糕，加$5就可以轉唔同嘅飲品，其實呢一個價錢嚟講CP值都算幾高，又唔算太貴，機場入邊禁區嘅食物閒閒哋都起碼$100+，佢嘅早餐只係大概$6x-$7x ,同出邊餐廳嘅價錢其實都係差唔多，所以我覺得佢嘅性價比其實都算幾高！首先介紹吓佢嘅韓式炒年糕，份量都好多，除咗有年糕之外，當然仲有魚腐同埋一隻蛋，拿到嚟講唔算話好喇，但係味道其實都算非常傳統同出邊餐廳識到嘅韓國味道都係差唔多！呢個係非常令到我哋有驚喜！冇諗過入到閘之後都可以食到咁傳統嘅韓國食物，以為都係韓國快餐嘅質素，點知原來味道都真係算幾好！ 另外朋友就想試佢豬肉粉絲辣湯，跟餐係有另一個飯，再加埋本身上面嘅飯素！湯嘅份量都好多，而且有好多片豬肉，加埋粉絲同埋泡菜嘅配搭，簡直係非常好食，辣辣地令人非常開胃！另外我哋叫咗提子汁同埋梨汁，食完辣嘢之後再飲呢啲甜甜哋野飲簡直就係正！

香港機場的早餐飛之前梗係嘆個醒神早餐！機場所有餐廳都偏貴 ୧( •̀ㅁ•́๑)૭✧最尾揀咗呢間韓國嘢！因為其他睇落都冇乜特別 都係啲湯麵!…價錢嚟講$100內都還可以啦我哋叫咗個牛肉拌飯飛之前想食啲菜 你都知㗎啦，去親旅行都係食肉🤣🤣🤣喂，幾有驚喜喎 等咗大概8分鐘 如果趕時間嘅你千祈唔好叫石鍋飯啲醬汁好好食，好甜～～牛肉都好唔錯～另一個嗌咗泡菜湯麵 都唔算好辣相當之唔錯下次嚟機場一定會再食呢一間韓國嘢！臨走之後我哋再買多個韓式飯團上飛機食但係喺飛機掛住食，冇影到相 都係好好味嘅一個飯卷🫶

因為搭廉航，所以臨上機前要搵啲嘢食咗先。見到呢間韓國嘢覺得佢價錢都唔貴wor, 揀咗我至愛嘅石頭鍋飯--韓式牛仔骨石鍋飯（$168). 面頭有兩大塊厚肉牛仔骨，底下有墊住各式泡菜（紅蘿蔔，大白菜，芽菜，菠菜都有），再底下係用珍珠米，份量好多！另外因為我係勁鍾意泡菜架所以又再加多左個泡菜小食（$58)~ 牛仔骨肉質都夠腍，個醬汁好香架，石鍋飯最正嘅係一定熱辣辣上👍覺得呢間韓國野食都係機場性價比高嘅其中選擇，留意到佢有早餐menu架，下轉早機又可以食！

有事突然要去個business trip, 懶醒早左三個鐘入機場預左有排先塞到入去、殊不知一路順風順水，check晒in過埋關，都仲有兩個鐘頭先有得上機...（閘口號碼都未有🤣）咁多時間剩、實行去祭下個五臟胕先。上到food court，年多前見過既餐廳已經洗晒牌。眼見間間都未食過、就純憑嗅覺行事，聞下邊間食得過🤤未上電梯、就開始聞到啲拉麵味、即時成個胃扯一扯，此刻腦內只有麵。但當我正想排隊時、眼見場內空位所剩無幾、自己又拉住個hand carrry、如果仲要拎住大大碗熱湯麵咁去搵位就真係太狼狽。退以求其次、見到旁邊韓菜啲配菜都幾正咁、炒粉絲又無湯、岩晒我一個人買完野仲要搵位既人士。經過一番挑選、揀左個「韓式炒粉絲」($82) 。另俾左$15 變左做套餐，套餐會有跟小配菜、幾粒韓式炸雞及一碗疑似海帶湯既例湯。以我活左咁多年、成過不同的韓餐日餐的配菜來作準則、呢個配菜的味道算是合格以上了。除了泡菜味道略嫌過辣之外、麻油波菜的調味及牛蒡條的甜味都足以令我有衝動系食主菜之前就清晒個配菜佢。😋相反呢個疑似海帶湯的例湯就令我覺得誠意略微不足😕飲落極似海南雞飯個例湯、沒令我解渴之餘、仲令我想飲多啖

朝早喺Sinsaeat叫個牛肉辛辣麵食個麻油味超級重未食已經聞到d麻油味重到我差d以為自己食緊出前一丁係有少少辣但係完全feel唔到辛辣味早餐58蚊個認真唔抵囉