Simplylife Bakery Cafe

營業中

休息中

評分：80/100 前排一個人喺金鐘搵地方食下午茶，見到Simplylife環境幾正就入去試試。餐廳位置方便，入到去第一眼覺得環境好唔錯！店內用咗好多木質設計，木桌木椅加木地板，感覺夠溫暖，仲有大片玻璃窗，採光一流，坐低真係好chill。雖然天花板有啲工業風，露咗啲管道，但同木質搭起來唔會太硬，幾有型。牆邊有個大木櫃，放咗Heinz番茄醬罐同玻璃杯，幾有格調，睇得出佢哋有心搞裝修。我點咗一份黑椒火腿哥達芝士多士配沙律，下午茶套餐$82加一服務費，包一杯招牌冰茶，價錢算OK。多士一上枱，賣相夠吸引！黑椒火腿切得厚實，上面有黑椒粒，味道好正宗，咬落有陣辛香，火腿夠juicy，唔會乾。哥達芝士溶得均勻，奶香濃，帶啲堅果味，配微脆嘅麵包同新鮮番茄片，味道好平衡，唔會過咸，食落好爽。旁邊嘅蘋果椰菜沙律夠清新，白椰菜同紫甘藍爽脆，蘋果切片甜甜地，加咗少少油醋醬，食完多士再食沙律好解膩。招牌冰茶夠清爽，微甜唔膩，飲落幾過癮。不過多士如果加多啲菜，會更豐富。沙律份量夠，但加啲堅果會更好食。侍應態度唔錯，幾有禮，但見到主管對員工態度差咗啲，講話大聲，聽到有啲唔舒服。整體黎講，Simplylife嘅下午茶

基本上金鐘返工嘅人都會食過呢間😂Lunch set都好有質素 而且包嘢飲同埋就算Walk in都唔使等好耐啱晒所有趕時間嘅打工仔haha如果嗰日心情好仲可以鋸下扒😋地點都好方便 喺金鐘廊見佢啲自家製pastry都好吸引有時可以打包幾個返office做下午茶🥳- Lunch Set -🥩燒澳洲肉眼扒（280克） $258配胡椒汁香草焗番茄，烤大啡菇，卡真薯條牛扒煎得好好 3成熟冇overcooked好大塊 對得住個價錢連埋啲配菜真係勁飽 好滿足😂😂送個杯果茶都幾好飲～

好耐冇放假出嚟食西餐 今日係假期 叫咗個brunch set $158/set 另加一跟餐沙律 青蘋果 今次嘅青蘋果沙律加埋啲醋好開胃 仲有個橙做配搭 好清新 跟餐湯 蕃茄湯好濃蕃茄味 冇乜特別 正常嘢烤豬肉腸辣車厘茄醬手製扭紋粉 呢個簡直係必食之選 佢嘅辣味適中 好濃嘅車厘茄味道 而且有少少洋蔥配搭 好健康 手製扭紋粉好有咬口好煙靭 唔會太硬唔會太軟 味道啱啱好 豬肉腸份量亦都好多 所以brunch set嚟講可以一試英式大早餐 English big breakfast 英式all day Breakfast 有腸 煙肉 炒蛋 蘑菇 芝士蕃茄 蕃茄豆同多士 份量亦都十足 正正常常本季限定冰茶 藍莓藍莓冰茶好fresh 好解渴 而且唔會太甜 味道啱啱好總結: 侍應好細心喺我哋落單之前已經講解咗今日嘅沙律湯同冰茶嘅選擇 而且食物質素中上 下次會試牛扒或者魚嘅其他菜式 環境係英倫風舒適寬敞

工作日早上跟朋友相約在金鐘廊的Simply Life共進早餐。這家餐廳雖然位於商業區，但環境優雅寧靜，是小聚的好去處。朋友點了一杯熱紅茶，搭配香氣四溢的朱古力肉桂蛋糕。蛋糕口感鬆軟，朱古力與肉桂的比例恰到好處，甜而不膩。我則選擇了一杯香濃的flat white，奶泡細膩順滑。配上酸種麵包，外皮焦香酥脆，麵包內裡帶有天然酵母的微酸，口感紮實有嚼勁。兩人人的早餐都是各自搭配飲品加主食的套餐，每人消費42元。

在中環辦完事，想起這間餐廳。之前食午餐比較多，今天星期六食Brunch。去到未到12點，有空枱，餐食好多選擇，飲品可配紅酒白酒添！來一份焦糖香蕉法式多士 .煙肉. 楓糖忌廉+沙律，另一份叫英式大早餐+是日餐湯。每次來這店都喜愛吃餐飽，好脆，好正👍 餐飲2杯限定冰茶，美中不足係咖啡要另加$🤣 可能有一陣子無來了，好似加咗少少價錢了，也理解的。地方整潔，氣氛Ok。之前係叫服務員下單的，現在都改為手機下單，跟上時代步伐，服務就少了一份接觸了，cool😅

好耐冇去Simplylife 吃Dinner ，今次叫咗兩個dinner set ，包麵包，餐飲，同餐湯或沙律🥗。Simplylife的麵包真係又脆又好食，配埋蕃茄湯一齊食perfect match ，重有是日冰桃茶。蕃茄湯有濃濃的蕃茄味，好似好多蕃茄煮，好飲。🔸香煎鱸魚茴香龍蝦汁手製扁意粉🔸$176鱸魚煎得剛剛好，外皮煎到卜卜脆，鱸魚味夠濃，肉質又軟滑，幾like 香濃龍蝦汁配手工扁意粉🍝一齊食幾好味😋。🔸香茅烤雞（半隻）青咖喱有機糙米飯🔸$176烤雞烤得唔錯同幾香香茅味道，烤雞底有機糙米飯，用了青咖喱汁調味用嚟撈埋糙米飯一齊食好味。

中午返工跟朋友一起去吃lunch🍽️，路過simplylife看到這次沒有很多人排隊就去要來試下l🥳，simplylife位置很方便這一帶上班族，而且上菜速度很快👍🏻，味道也口碑相傳🤩中午的lunch set 種類也很多，這次我點了蘑菇濃湯、番茄海鮮意粉，有兩個大青口🐚、鱸魚🐟等，既有番茄🍅的酸酸甜甜味，還有辣椒的微辣味🌶️，融合得很好，味道不錯自家製限定冰茶，每次來都點，微微淡淡的冰茶味，清爽解膩💓

用餐體驗極！！！今日一個人去食LUNCH, 約1點左右入座, 被安排座一張2-3人枱, 手機點餐ORDER左蜆肉磨菇白汁意份, 食物約10分鐘後嚟到 (即係 1:15分), 食物質素一般.大概 10-15分鐘食完, 就有待應行過埋嚟問我係咪食完, 問我介唔介意搬過隔離座位座, 我認為餐廳係唔識定係唔尊重客人, 客人食完都冇15分鐘就逼人走, 唔知以為去左茶餐廳!最後我都即刻埋單走人, 費事阻人做生意啦!差！！！

今晚六點幾去食飯，有個南亞裔女侍應負責睇我哋張枱，佢嘅態度好傲慢，唔想做等收工咁。例如佢冇事做時企埋一邊，示意叫佢過嚟張枱想問佢關於個menu嘅嘢，佢竟然反眼！Come on, you get paid to work! 除此之外，我哋兩個人食飯, 佢手中攞住一碟前菜，咁就求其放落喺其中一個人前面，我哋真係呆一呆，簡單嘅food service都唔識，係佢懶散，定係管理層冇training?!

晚餐點了一份牛扒要medium，主菜來了送來一個medium well，立即跟阿侍應說，她淡淡說了一句I don‘t know，我都費事同佢再糾纏落去食完以後，唔再嚟。

我同今天朋友過去食 lunch, 我選左漢堡包，我略覺得肉質較乾，可能我選全熟關係😜，薯條吾脆口， 餐飲只可以選果茶或可樂。朋友選左鷄胸，佢心急那那聲食左一部分， 我先記得影相😂，佢話肉質嫩， 味道ok。餐湯幾creamy, 麵包吾錯好味道夠脆，我個人好鍾意食😊。2:45開始有下午茶，價錢幾抵下，下次會同朋友過去試下😀。餐廳service 就一般， 侍應冇咩主動， 要叫先埋檯收野， 積極性一般但so far都有反應。整體如果去開個頭， 價錢合理， 一般cafe價錢。

我以前好鍾意食，經常都會嚟食，最近發現食物質素慢慢下降，份量自動減少，好失望呀！我諗以後都唔會再食了🫣😵‍💫😵‍💫😵‍💫😵‍💫價錢又改咗🤧但係就追唔返以前水準！都係算把🫣 連冷氣都冇乜，唔知係商場問題係咩，感覺已經唔佳。都唔知講咩好，真係以後都唔會食😥😥😥😥😥😥😥😥😥😥😥😥😥😥😥😥😥😥😥😥😥😥😥😥😥😥😥😥😥😰😥😥😥😥😥😥😥😥😥😥😥😥

行過路過這餐廳食下午茶（以前都去過這餐廳食的），唔使等位，餐牌選擇好似少咗。點咗漢堡飽及意粉類，飲品就叫咗冰茶及後上的black coffee。食物熱辣辣，賣相唔錯，個雞肉蕃茄醬扭紋粉有驚喜，唔知係咪落咗D ‘青口’汁，加埋茄醬，覺得非常之好味，飲品也不俗，唔錯的餐廳。餐廳燈光調校暗咗，枱面放蠟燭燈，加埋播放音樂，有氣氛，稍為唔係咁好嘅地方係D音樂聲太大聲，有D耳鳴嘅感覺。地方清潔，服務方面，中規中矩。

第一次光顧金鐘廊的Simplylife,餐廳燈光柔和,環境優雅,不過餐卓和其他的Simplylife一樣都比較細小,三人枱放了三個主菜,飲品和餐具已非常擠逼.先來餐前麵包,外皮較硬內裡卻很鬆軟,自家出品水準尚好. 惜麵包咬落有點涼,應該是擺放時間過長了. 蕃茄湯~濃郁香甜. 但另加38蚊才有餐湯或沙律和冰茶,如果餐湯配紅白酒就要加48蚊,確實有點貴.燒焗黑鱈魚.檸汁拌青豆苗.牛肝菌汁~之前去Simplylife 總是點牛扒,燒雞和豬扒,今回新嘗試吃燒焗黑鱈魚,魚外皮燒到卜卜脆,鱈味夠濃,肉質柔軟帶點鬆散,配菜上加上一點點碎胡桃粒,則令口感更豐富.燒美國安格斯肉眼扒（10安士）•鼠尾草薯條•燒烤蘑菇•伯納西醬汁(五成熟)~賓利士汁（Béarnaise Sauce）配牛扒是我至愛. 之前在沙田新城市廣場Simplylife 吃的一塊牛扒有「格仔紋」,今趟金鐘廊吃的卻沒有. 肉味夠濃,但正正欠缺了一股炭燒的肉香.車打芝士牛肉漢堡配牛油果蓉伴薯條~牛油果蓉好美味,感覺清新. 薯條炸得香脆,似乎幾新鮮. 牛肉漢堡塗上半溶芝士好惹味,漢堡肉質感鬆軟,味道較淡.三人用餐埋單近九百蚊,比較失望是主餐牌

大約下午五時到逹，剛剛轉晚餐時段，餐廳只有大槪1/4的餐桌有客人，都是仍在用下午茶的。進入餐廳站一會才有職員招待，被安排坐在一個以為比較清靜但並非不當眼的窗邊卡位，滿心歡喜。可是 .... 原來呢 .... 一位應該是部長的職員安排了家人(太太及兩名約3-5歲年幼女兒)之後坐在旁邊的八人卡位。點了燒紐西蘭羊架．薯蓉．車厘茄西班牙甜椒辣肉腸，加沙律及冰茶，結賬HKD325.6。羊架比較咸，薯蓉可以滑一些，汁及甜椒都美味，整體來說食物只是一般。由於製作需時，等半小時也算合理。想強調的是客人會對這個檔次的餐廳有一定的期望，不應該是落餐後便沒有人理！用過的碟都是在上另一道菜時順便收，所以呢….吃完主菜半小時都沒有侍應收走碟/餐具，飲品杯及水杯清空大半小時都沒有侍應理會！約個半小時用餐時間中，很多時都有起碼兩三位侍應站在一旁，跟本不缺人手！另外，完全不明白為何經過我的餐桌數次、為部長家人端食物的侍應及部長本人都沒留意到在我餐桌上需要清走的碟及需要添水的杯呢? 其他侍應也沒有巡視客人的需要。並非要求貼心的即時服務，但似乎基本的都做不到！鄰桌很吵，母親大聲講電話、責罵女兒，小朋友尖叫、在座位又跳又爬