Simplylife Bakery Cafe

營業中

休息中

今日諗住食個下午茶，雖然真係好抵食，亦都唔係好貴仲加咗個蛋糕🤗食物味道當然係物有所值好唔錯🩷但係真係可能餐廳太大定係啲員工響餐廳做得唔係太開心🤣🤣已經係自助式落單,但係我同老公🧔🏽‍♂️都仲未係好慣唔用飲筒，所以都有要求要飲筒🤗但係餐廳員工好似唔係好慣啲客人有要求態度都非常之Hea,去到埋單嘅時候過嚟嘅員工仲嘴藐藐🥺

喜歡這間分店，環境比較舒服，有自然光，佈置有啲似坐喺花園入面，最喜歡放假的時候下午過來吃午餐。新春幾日都係賣假日brunch餐牌。燒雞味道唔錯，而且好大份。底下仲遮住咗一半菜，有啲黃色同綠色嘅zucchini ，仲有兩舊焗薯。呢個餐雖然貴$20 ，不過性價比就高過其他。紅菜頭三文魚的Egg Benedict ，雖然作為一個假日早午餐很適合，但是樣子和味道都比較較行貨。煙三文魚用紅菜頭醃過，變咗紅色，但係味道就好一般，底下鬆餅都好Hea。伴碟比較簡單，呢一份餐收百幾蚊就真係唔值。另外仲叫咗炸魚薯條冇影相，炸魚都幾大份，有兩大條，不過炸粉好厚。杏仁牛角包，出面幾好食，入面嗰啲吉士餡heavy。咖啡唔錯，服務都幾好。

行到好攰，見到apm新開左間西餐，價錢ok，入左去試，冇諗過有驚喜喎，味道ok的，百零蚊，+$38有沙律/湯+嘢飲！🍴餐包 (7/10)勁大份🤣個包偏硬，牛油加左金橘幾清香！🍴是日餐湯 /沙律 配 本季限定冰茶/汽水 +$38 (7.5/10)沙律足料，有橙同蘋果，沙律菜爽口，酸酸哋幾開胃！個茶可以走甜，似水果伯爵茶，幾香的。🍴美國黑安格斯肉眼牛扒 $280g $288 (9/10)五成熟，肉味濃重牛香，肉質嫩滑，薯條香脆，蕃茄同大啡菇幾唔錯！好食，呢個價錢冇諗過咁高質！🍴慢煮牛豬肉碎手製闊條麵 $138 (8/10)足料大份，肉醬幾香多肉粒，蕃茄微酸，手製闊條麵有口感，唔錯！🍴 自家製蛋糕 + $36 (7.3/10)揀左拿破崙同佛手柑海棉蛋糕！拿破崙香脆，個cream幾滑，略厭未夠酥化，蛋糕正常個樣靚打卡一流，酸酸哋清新輕盈ok的。推薦指數: 8/10雖然係連鎖但意外好食，冇諗過，諗唔到食咩西餐，想性價比高啲可一試。

今天到觀塘找朋友吃午飯，中午吃飯時間，觀塘多人多得很誇張，要找一個坐得舒服，休休閒閒吃個午餐的地方確實不容易，尤其是位於觀塘商業中心區的 APM，最後選了這間西餐廳，幸好早來半小時，否則又要大排長龍了。這裏的午市套餐百多元，非常豐富，頭盤可以選擇湯或沙律跟一個法式麵包，跟一個普通飲品。主菜一個選了烤魷魚糙米飯，用了意大利飯的做法，加入糙米，效果不錯。另外選了大蝦沙律，份量非常充足，加上頭盤基本上一位女士是吃不完的。美中不足的地方是，飯桌太小，坐得很迫一張四人的餐桌，基本上兩個人吃飯都不夠放，又前菜又飲品，顯得有點狼狽。

呢排觀塘出沒都係去駱駝漆搵食多，今日諗住搵吓 apm 有咩好食，見到有simplylife，對上一次食已經係 covid 前，數吓已經有成5、6年無食過。Menu 加 $38 可以配餐湯/沙律 + 果茶/汽水，餐廳設計、服務都keep 得住 simplylife 風格及水準。枱同枱之間距離都闊，坐得舒服，又無限時。阿根廷肉眼扒，配左焗蕃茄、薯條、大啡菇，肉眼扒好香燒烤味，有牛味之餘仲唔會靭，好味。辣味蟹肉手工意粉，滿滿既蟹肉，唔會碎濕濕，每啖都可以食到好大啖既蟹肉，意粉帶微辣，絶對係可以接受到既辣味，微辣得黎有辣椒香味，唔係死辣，呢款都好味。加左餐湯，係薯仔湯，再食埋一坐低就送既餐包，好飽好滿足。

逛APM搵小禮物途中，被Simplylife Bakery Cafe的麵包香味吸引住，結果忍唔住入去試下午茶！🍴✨ 🥐葡萄牛角包 （$28） 牛角包外層酥脆，內裏鬆軟又有餡，仲帶住陣陣牛油香，真係食過咁多間都數一數二好味！ 🫐藍莓酥 （$23） 酥皮鬆化到一咬就散開，加埋藍莓的微微甜酸，簡直幸福感爆棚～ ☕英式早餐茶 （$30） 暖笠笠嘅奶茶襯埋甜點，絕配！💯 總結：呢間Simplylife真係又靚又好味，聖誕氣氛濃郁，推薦大家去試呀！🎅 📍Simplylife Bakery Cafe (APM) 地址：觀塘創紀之城五期apm 1樓L1-Xsite 1D號舖 交通：觀塘站A2出口，步行約2分鐘

Simplylife 嘅呢個烤意大利黑醋蜂蜜雞腿真係好有水準，雞髀煮得啱啱好，外皮微微焦香，帶有啖啖蜂蜜嘅甜香味，仲滲透住黑醋嘅酸香，味道唔會過鹹，反而啱啱好中和晒配菜方面，燒青黃瓜同烤薯都係亮點，青黃瓜咬落仲保留住鮮甜汁水，烤薯外層微脆，內裡綿密，完全感受到新鮮材料嘅用心處理。呢啲配菜同雞髀一齊食，味道層次豐富之餘，仲感覺唔會太膩至於送嘅芒果橙茶，可以自由選擇走甜或者走冰，無論係咁濃烈嘅蜂蜜雞定係香滑嘅烤薯，呢杯茶都能夠好好中和口感，令整個午餐更加完美。簡單但充滿質素，值得推介！

Lunch hour同同事嚟到Simplylife Bakery Cafe，想喺APM輕鬆食一餐。呢間Cafe嘅環境其實幾舒服，裝修都算靚，氣氛唔錯，但係枱位唔算太多，大枱更加無，要分枱坐，如果一大班人嚟就麻煩啲。餐牌上面有唔少午餐set，幾方便，價錢唔算平。Simplylife主要提供西式餐點，有唔同款意粉、薄餅、沙律等。每個午市套餐都包咗餐湯、餐包同飲品，選擇幾多元化。整體來講，如果唔係太執著性價比嘅話，呢度算係唔錯嘅選擇。是日餐湯 - 紅蘿蔔湯 + 餐包一開始上枱嘅係餐包同紅蘿蔔湯。湯色橙紅靚仔，紅蘿蔔味幾香濃，飲落去都有啲甜味，幾出色。不過個餐包就真係幾一般，食落有啲硬，搽埋牛油都冇乜特別，純粹係填肚咁。主菜 - 野菌黑松露忌廉手製闊條麵今餐最有驚喜嘅係呢個黑松露意粉！黑松露味道超級香濃，真係幾滿足。意粉煮得啱啱好，有啲咬口但又唔會太腍，野菌嘅味道又甜又鮮，配埋忌廉汁成個味道都幾平衡，唔會太膩，呢個真係值得一讚！本季限定冰茶最後嚟咗杯冰茶，味道普通，冇乜特別，飲完係有清新感覺，不過唔算話好出色，當清清味蕾咁就啱啱好。Simplylife Bakery Cafe 作為Lunch

朋友帶我黎新開一段時間的simplylife食晚飯，餐廳地方開陽，位置也多，非常有氣氛。最重要的是食物也非常好味。真杉實料的南瓜忌廉湯，好creamy,又好清甜。主食是燒紐西蘭羊架.薯蓉.車厘茄西班牙甜椒辣肉腸，7成熟羊架肉質啱啱好，好軟熟，又唔會太重羊膻味，配搭住醬汁，味道有所提升，但又不會太膩。值得推介

午餐時間幾乎都要排隊，但入面座位都幾多，所以都唔算等太耐，大約15分鐘入座~餐廳既裝潢加上上面既透光玻璃，用餐環境格外relax~ 座低之後用QR Code下單，Lunch Menu 選擇都幾多元化，睇完個Menu就覺得烤春雞同埋鱸魚都感覺幾吸引，最後擇左鱸魚~ 鱸魚煎得好香，個皮有少少焦香，加埋個燒薯，真系好夾~ 個人好推介呢個Choice！佢包左一杯冰茶，同埋餐湯/沙律2選1~ 以Lunch Menu既價錢來說，我覺得性價比很高！Pan-fried Seabass．Herb Potato．Sauteed French Bean．Lemon Herb Butter香煎鱸魚．香草燒薯．法邊豆．檸檬香草牛油汁HK$105  (另收加1服務費)提外話，原來佢系美心集團旗下的餐廳~

Simplylife Bakery Cafe 今日去咗APM Simplylife食下午茶踏入九月，學生返學了，人流少咗，餐廳都唔使等位Simply life 提供多款下午茶套餐,有輕食，麵食，漢堡及甜品，價錢適中，介乎$58-75。今次我點了闊條麵及白咖啡（+$12)慢煮肉碎手製闊條麵 $75配咖啡/茶/限定冰茶/汽水份量輕盈，肉碎較少 手製麵條煙靭，有蛋味醬汁濃稠度適中，配合面層芝士溶化，充滿肉汁及鹹香味。白咖啡特色飲品需補回差價，咖啡略為遜色味道欠層次，只有苦味，未有果香或花香感下次都係飲返限定冰茶，之前飲過幾款嘅果茶都很喜歡，蜜桃及百香果及士多啤梨果茶都不錯。📍觀塘創紀之城五期(apm)1樓L1-Xsite 1D號舖

一直都好喜歡呢一間餐廳，特別係佢嘅下午茶，非常之優惠，選擇亦有好多款，多元化，意粉都非常好味，我最鍾意食佢嘅煙肉芝士漢堡，煙肉非常美味，而且漢堡包非常鬆軟，又夠脆，芝士味夠濃郁，再配上一杯冰茶，我十分滿意仲有佢嘅麵包，同西餅，都好好食，而且款式好多，定時亦都有優惠， 我好欣賞交通非常方便，喺地鐵站旁邊，服務非常之好，又有禮貌又細心體貼，而且係大集團式經營，更加有信心嘅保證，環境衛生整潔乾淨，而且別具特色，好有風格。

平時真係好少寫食評，但今次真係激到一肚氣，呢間分店真心覺得需要改善，今時今日咁嘅服務態度，食物質素就算OK，但態度唔改善真係等執笠。開始叫野食時，其實啲職員態度已經一般，本身唔係咁計較所以無理會，但問多兩句問題就開始黑口黑面，自問自己態度係客氣詢問，有疑問想問多兩句都唔得？其實多些耐心、友善講解下係咪真係咁難？好似全世界欠左你咁，本想好好地寧靜吃餐飯，但就受左一肚氣，去過附近其他分店都無咁樣，下次唔會再幫襯呢間野。

❣️今個weekend 試下呢間lunchtime成日排長龍嘅cafe，每次經過都見到啲bakery好吸引🤩🥯，Weekend Brunch Set 有超過10種選擇，主打 Benedict egg 🥚 、Pizza 🍕、Pasta🍝、Salad🥗、Risotto🥣價錢$153-$173，包餐湯/沙律🥗、麵包🥖、水果茶/汽水/紅白酒🍹，環境舒適、食物咖啡質素唔錯🫶🏻👍🏻🌟巴馬火腿火箭菜薄餅🍕🌿 $173Pizza 餅底唔會太厚，十分軟熟，Parma ham同火箭菜好足料，好味😋🌟水煮蛋伴紅菜頭醃三文魚🐟 $153🌟水煮蛋伴巴馬火腿🥓 $153水煮蛋🥚有做到流心效果，滿滿嘅蛋黃沾上咸香嘅煙三文魚同火腿，再夾住鬆軟嘅English muffin一啖食落口👅，好滿足😋

好多麵包嘅選擇，用嚟做早餐係幾開心嘅。蛋糕就有啲幾好食，有啲OK啦。食物質素都係中規中矩唔會特別好食，唔會話好難食囉。唔會特登過嚟食呢間，環境係幾舒服嘅，食物質素就真係普通。