Simplylife Bakery Cafe

營業中

休息中

汲取過經驗，再來光顧Simpylife就不會再選burger了～由於下午會有party，就決定點選較為light的主食從中選了Egg Florentine (水煮蛋伴菠菜牛油果藜麥)配餐湯 / 沙律 + 飲品 (lunch set $138)是日餐湯是南瓜湯，帶南瓜蓉，口感綿密但薑味過重，蓋過南瓜的香甜味！黑糖麵包夠香夠鬆軟～～Egg Florentine這是我第二次試Egg Benedict類型的菜式poached egg (水煮嫩蛋)放在英式鬆餅上，中間夾著芝士﹑牛油果蓉，再灑上一些藜麥及粟米粒poached egg一切開就流心，蛋汁滿溢！！食材的配搭較為清淡，惜醬汁的味道不夠出色幸好有夾上一片芝士，蛋汁和芝士的味道尚能滲到muffin之中也許個人習慣肉食，這樣罕有的清淡一次，會覺得食物的味道不算出色～屬中規中矩的質素！喝不出是日的冰茶是什麼水果茶，有點像西柚類味道不酸，帶微微的甜飲品中加入了奇亞籽，增加了口感！雖然今日的主食較light，但吃完整份餐點之後，都有十足的飽肚感！不能少看這些輕食類的份量啊！！

今天好忙冇食lunch,做完野早左放工，返到將軍澳見到simplylife又肚餓，所有入左去試吓。坐低左見到Tea menu, 價錢都ok $52+10% 餐廳內不多人，可能平日加疫症關係，以前一定要等位排長龍。我覺得呢度service真係好差，我想要杯水，佢使唔使黑我面，我仲要叫左兩次😓我都已經有講唔該俾杯水我🙄呢度已經唔多人做乜要黑面呢😣難道真係好辛苦佢到杯水俾我😡今天叫左個Beef Burger加焦糖咖啡@$52焦糖咖啡好好飲 Burger好乾唔好食同我以前食質素差咗好多，以前覺得不錯。但係而家⋯⋯

今日要去太婆家拜年的，因為瞓得晏，原本想行下街先去的都冇行街了。只係在家附近食左個Brunch，之前講左好耐都好似冇同婆婆食過Simplylife。今日就同婆婆去食啦，因為起身冇耐，其實都不太餓，我就同婆婆Share一個漢堡餐，仔仔就叫左個奄列。Brunch都唔平，好似一百三十幾一個，加埋一差唔多百五。但就有湯或沙律同有杯凍飲。咁覺得好味都抵既。仔仔叫左湯，法包點湯，正。我同婆婆叫左沙律，個沙律都幾大份，重有塊包...真係都飽左一半。仔仔叫的奄列，佢話好好味，但係好漏，都多芝士係入面的，而且睇佢個Size應該都用左2,3隻蛋。又可能岩岩瞓醒冇耐，所以胃口又細D，仔食完叫好飽囉。我最鍾意食既漢堡真係覺得佢幾好味，漢堡肉岩岩好，唔會太熟又唔會生都出血水；有D汁漏出黎。不過我都係細食，同婆婆切開左一人一半，但係最後我都食得好辛苦先食得晒個半個漢堡，而薯條最後都係食唔晒。講真，本來諗住食少少野行一陣再去太婆家食晚飯。點知依個Brunch會咁飽，去到太婆家我同仔都冇乜胃口食野呢。如果再晏D，5,6點黎食，想Dinner就好抵食啦，300蚊食飽我同婆婆同仔仔。不過依個係Lunch ，老實覺得有D貴

昨晚睇完個飲食節目，介紹左好好味嘅牛扒，令人肉食指數上升！想食性價比唔差嘅牛扒，會諗起呢間！價錢只係二百頭，可以食到十安士嘅燒羌活國安格斯肉眼扒，配鼠尾草炸薯條！加三十蚊可以配埋餐湯或沙律及特色冰茶！今晚係忌廉甘荀湯，幾香滑，配埋自家製麵包，唔錯！講返件肉眼扒先，七成熟，燒得外面有點焦香味入口仍然juicy, 有點嚼囗，點配芥末，好味道！仲有呢杯番石榴菠蘿冰茶，啖啖香甜番石榴味，又係好飲嘅，呢$30抵加！

平日食包最怕乾憎憎，見到只有牛油就不太想吃，於是問問有沒有黑醋和欖欖油，結果係有🤩黑醋仲要係吾會太水，不會太酸，帶有甜味，係靚醋！吾怪得要問先有喔。包係自家製造，雖然皮身屬硬身，但硬得黎又脆，吾會咬崩牙👍🏻裡面就當然軟綿綿，充滿著黑醋和欖欖油的香，無得輸👍🏻餐湯都真材實料，吾會超稀，飲落會食到南瓜。想健康一點，冰茶可走冰，飲品浮著奇亞籽，對身體有益喔！燒春雞，外皮煎得香脆，內有肉汁，起初以為辣肉腸係紅色那一款，原來係另一款啡色的，雖然賣相不太吸引，但加上雜菜味道還是不錯的。晚上時間都不算多人，反而覺得水準比之前高了，可能慢工出細貨吧！

我的好友很喜歡到simplylife吃飯， 所以同她慶祝生日當然都是到這裏， 我已經和她去過好多間分店了，今次約了大年初六的下午在將軍澳popcorn商場地下的simplylife吃午餐，店鋪地方闊落座位舒適， 當日我們點了兩個set，車打芝士牛肉漢堡配牛油果蓉$138， 白酒煮蜆辣肉腸手製扁意粉$138， 是日餐湯和本季限定冰茶。車打芝士牛肉漢堡配牛油果蓉～ 牛肉漢堡質感鬆散， 但配上牛油果蓉有軟滑的口感， 不過相比其他分店， 這間的品質就比下去了。白酒煮蜆辣肉腸手製扁意粉～ 扁意粉上有幾條薯條， 是因為檯子位置太少，完全放不到兩碟主菜啊！蜆肉鮮味， 因為有辣肉腸的關係令到整碟意粉帶有少少辣味， 食落更加惹味。是日餐湯～ 餐湯上枱的時候已經凍凍的， 味道偏淡。本季限定冰茶～ 點菜的時候叮囑店員要小冰， 但冰茶到的時候還是很多冰。這間simplylife的服務質素普通， 食物也沒有其他分店的水準， 但勝在位置方便，座位舒適。

搬到西貢住咗3年，終於跳出框框，去到將軍澳開飯。星期六是工人姐姐放假日子，所以係外食日。今晚初到貴境，由亞仔帶路，因為我是素食者，一定要找家可以提供無肉餐單的食肆。一於就在 Simply Life 落腳啦！這家店位於地面商場，樓底非常高，門口還有吸引顧客的出爐麵包售賣部，好多一家大小的客人在試吃及訂購。好有氣氛。。。店內位置甚濶，多是二人小枱及4人小枱，燈光效果浪漫，整體來說是十分 cozy 舒適。好喜愛。我自己點選了羊奶芝士黃菌有機糙米飯，另加甘筍濃湯及冰茶(可以走冰，咁就係室溫茶喇 )。他們兩父子就吃葷食。首先送上的是外脆內軟的麵包，自己塗上薄薄一片牛油，灑點胡椒碎及幼鹽，充滿歐陸風味，讚然後送來冰茶，peach 味道配上 basil seeds，有咀嚼感，淡淡的茶香，配合我的味蕾。亞仔就嫌太淡，各有各喜好再來是甘筍濃湯，老公超貼心，切了一角麵包給我們沾著湯來吃，超讚！這個湯濃濃的，好有飽足感，味道略為偏咸。最後是糙米飯，不可以看輕，以為薄薄的一層，結果吃了3/4份量已經挺飽了，其餘就送到兒子的肚子去。綠色蔬菜的醬汁包著煮得像意大利飯的口感，煙煙靭靭，也是我的心頭好。配上黃菌，有點

話說當日想同女朋友睇場戲就去咗將軍澳站Popcorn點知睇唔成咁又唔知食咩好靈機一觸就發覺好耐無食過simply life 羊膝配薯蓉羊膝煮得好淋薯蓉都好滑 好有牛油香值得一試安格斯牛扒配薯條蘆筍牛扒我叫咗三成熟其實都好淋好香但可惜牛扒本身比較多肥膏所以有部份都切咗出嚟冇食到蘆筍都非常爽口不過希望肉質可以做得更好

Very nice and chill brunch. Service there is excellent.The day I went there was Saturday, so they seem to have brunch menu only. I chose omelette as I didn’t want to have a heavy brunch, but turned out it was quite large in portion which is over my expectation. Served with soup and bread and ended with a fruit tea. What a nice start for my day.

今午約左家人在將軍澳Simplylife 食早午餐，爬個文話呢間口碑不錯，就係知道假日人流甚多，所以專登選擇今日閒日黎。📍 Simplylife Bakery Cafe (將軍澳)📍將軍澳唐賢街9號PopCorn商場地下G43-45號舖（港鐵將軍澳站C出口)［環境］一行入去，感覺自己置身於外地，昏暗的環境，感覺非常舒適寫意，以為自己去左旅行。另外，餐廳設有開放式廚房，各樣西式廚具都增加氣氛，的確有別於其他西式餐廳。由於我係平日去，都沒有人流及需要排隊情況，所以已經好快入座。餐廳係開早上11點，我同家人大約11點就入座。環境對於一餐飯是十分重要，這樣既環境及氣氛，已經好舒服。［餐牌］ 餐牌中英對照，只係一張紙，感覺好西式。午餐既所有套餐都可以選擇加湯/沙拉（每個套餐為82可另加$10 選擇加湯/沙拉），套餐贈送一杯限定冰茶或汽水，咖啡需要另外收費（額外收費$15）。如果以這個環境，收費尚算合理。P.S.星期一至五價套餐為$92 連湯/沙律（未連加一）公眾假期為$138 連湯/沙律（未連加一）［前菜-湯 沙律 麵包冰茶］每日既餐湯都會吾同，是日餐湯係竹筍湯，味道濃郁，最有驚喜係湯裏面會有芝

雖然食物質數唔錯，但大部分侍應都黑口黑面。張枱又細，同侍應講左食物係sharing 都唔會自動比碟。一行4人，叫左3個sets, 但張枱都放唔晒。又唔會幫你手放晒所有食物。企喺度等你，其實呢日都唔係full house,比多一張枱都唔係好過份姐。廚房煮緊野食又勁講野。食物方面:自家制麵包羊膝牛扒叫左5成熟，外脆內軟闊麵好oily哈密瓜蛋糕 中伏Blueberry cheesecake 可以朱古力nuts 見到好多食評，原來好多人都話服務員態度差。

近排比較多來這裏享受午餐，今次介紹一下飯類及意粉類主菜。主菜都跟冰茶或汽水。自從上次說冰茶走冰略甜後，之後的冰茶甜度適中了👍!加$12有是日餐湯或沙律，都跟一片麵包及牛油。 麵包外脆內軟，塗上牛油很好味!沙律菜新鮮，加上幾片水果很清新😋。煙肉青豆嫩菠菜有機糙米飯，我要走煙肉。 一上桌有驚喜，沒想過飯是青綠色，很特別😂! 飯除了糙米，還有野米，豐富口感。有幾片嫩菠菜葉，適量青豆，還有一片芝士。 因為走了煙肉，味道比較清淡。松露忌廉雜菌手製闊條麵，有兩次見過其他客人吃，賣相都幾吸引，加上是手製，成功吸引到我試😃。松露份量適中，氣味不太濃烈😆。 手製闊條麵煙韌，略嫌不夠滑。 雜菌份量足，對我來說少一點雜菌也可以。 那片薄薄的芝士不易溶，味道不濃，有沒有對我來說分別都不大，因忌廉本身已夠濃。整體來說飯及意粉都ok，不妨一試，但我個人喜歡吃魚多些😊，又覺得吃有肉類的主菜比較抵😁。

想買蛋糕過下癮 見到佢出左新口味😍本身仲見到出左個綠茶竹炭蛋糕 成個黑色的但係比呢2個既賣相同味道吸引左😆上面個個係哈密瓜🍈伯爵茶蛋糕🍰清新得黎又帶啲茶味 哈密瓜味係清清地唔係好甜個種 伯爵茶都唔會好濃 兩邊唔會搶左大家既味 好好食👍🏻👍🏻 上面仲有粒蛋白糖 開頭仲以為係cream黎😂下面個個係椰子🥥白桃🍑蛋糕🎂 除左上面有啲乾左既椰子之外 個蛋糕係冇椰子味既 白桃味唔算甜 入面都有白桃果肉 上面啲乾花加分 當打下卡都好🤭 overall 不錯

近期喜歡去這裏吃 lunch，試過中午12:00前入座或1:30pm之後入座都不會限時，中間繁忙時段就會限用餐一小時，到時到候就會有侍應來提你。我多數來這店都是吃魚， 餐廳有時提供鱸魚，有時提供鰽魚。 個人喜歡鱸魚多些，覺得鰽魚 肉太稔。喜歡沙律菜多種類、新鮮，還加上一小片水果。法式麵包每次都不同，外面脆，裏面煙韌，塗上牛油好味些。煎鰽魚夠大件，配上芥末汁吃都不錯。雜菜炒的不會太稔，烤薯也夠味。冰茶走冰略甜，但都好味!我喜歡坐在入到餐廳的右邊，比較寬敞舒適及寧靜。

每次行過見到啲cake同pastry都覺得好吸引。辛勞完一星期就獎勵一下自己。買左件strawberry cheesecake。$32。士多啤梨微酸。cream微甜唔太香。芝士算滑。不過芝士味唔濃。曲奇餅底微甜。不過唔脆又唔香。餅底口感同個芝士蛋糕差不多。整體味道真係好一般。口感亦都比較單一。不過唔會過甜過膩。雖然價錢唔算貴。不過期望個質素會較高。用木叉一路食一路食到好大陣木味。而陣木味係出過啲芝士味。餐廳可能要考慮下食具影響味道呢個問題。