SENSU (太古城中心)

營業中

休息中

上次嚟食過蛋包飯，好食。隔左一排再嚟，換左餐牌，多左唔同嘅食物。今次叫左晚市二人餐，download app成為會員可享會員價。一行幾人嘅關係，再叫多個蛋包飯。套餐前菜揀左沙律，是日餐湯係南瓜湯。意粉/意大利飯可以選一，揀左意大利飯，飯粒煮得啱啱好。主菜揀左ribs，一切已經離骨，煮到好林，小朋友都鍾意食。雖然望落唔係好大份，但食落其實啖啖肉。額外單點嘅蛋包飯，多啲汁會好食啲。另外仲有兩份甜品（二人餐），各有3粒macaron同埋一件cheesecake。如果兩個人食，可能就太甜太滯呢，幾個人分就啱啱好。食物好食之餘，服務都好👍 經理同侍應主動攞碗仔同細叉匙俾小朋友，又耐唔耐會睇下我地食完未，食完就好快收走啲碟。唯一覺得可以改善嘅係，我地坐嘅卡位上面有盞大燈，用白光管，略嫌太光，如果改用黃光嘅會舒服啲、感覺又暖啲。

我們3人於2023年5月5日(星期五)於太古城的Sensu餐廳午膳，因有關Food Story Membership的問題查詢店長唐經理， 雖然正直午膳繁忙時間，唐經理也非常熱心，不厭其煩地主動向我詳盡清楚地解說，除此之外，我亦見到唐經理不會自持經理的身份， 鎖碎事交由屬下員工處理，反而他是無論大小事項都落手落腳趕快與同事們合作盡快完成，每每面露親切笑容，熱誠， 謙虛，懇切地招待客人，在他之友善和良好的榜樣領導下，他的層下員工亦是賓賓有禮，非常勤力，令食客可以享受一頓舒暢愉快,賓至如歸的午餐。我再次感謝唐經理盡心盡力的協助及殷勤熱忱的服務。

同朋友三個人夜晚係太古城搵食，呢間餐廳坐得好舒服，食物好食同埋服務100分！🍽️叫咗2人套餐再加蛋包飯同飲品。蛋包飯蛋味濃同埋汁好creamy意粉揀咗帶子鹹蛋黃忌廉意粉🍝，味道好fusion好特別。Main係豬肋骨，肉質好柔軟同好有蜜糖味🍯。配菜番薯仔亦好好食。好鍾意佢哋嘅抹茶latte🍵，奶味同抹茶味都好出，份量亦夠一邊食一邊飲。最讚係服務態度！而家好少會有餐廳會幫手換碟，同埋會參考客人對味道嘅感受，睇得出餐廳係味道方面同服務都係非常講究。經理哥哥仲送多咗一份甜品比我地。😆😆最後嘅甜品外觀非常打卡able之外都好好食！馬卡龍唔算話太甜，甜度適中。Cheese cake 都好味😋其實裝飾個朱古力波勁好食🤣🤣平時出銅鑼灣尖咀食，價錢唔平之餘仲大部分餐廳限時，坐得唔舒服。基本上住港島，如果真係想同朋友慢慢坐低吹水，輕鬆下，其實去太古呢間餐廳都幾推介。👍🏻👍🏻

餐廳環境舒適，適合一家大細來，位置亦很方便，位於Apita 內。但由於中午時段來，需要預先訂座。點了肉丸意粉，三文魚薯蓉，雞扒蛋包飯，黑松露芝士山葵醬薯條。另外點了優惠套餐，會員價只需300多元，配前菜沙律，龍蝦汁意粉，燒墨魚配薯蓉及兩杯飲品。食物質素保持一貫水準，尤其喜歡薯條配搭的黑松露醬及芝士山葵醬，食物份量亦適中。而餐廳服務亦非常之好，很照顧小朋友的需要，由於怕小朋友凍，一進來職員便幫我們把冷氣關掉。

上星期去了太古城Sensu食晚市二人餐，有：湯～夠熱又creamy沙律～三文魚新鮮、菜爽脆意粉～帶子鹹蛋黃醬意粉，非常惹味主食～烤豬仔骨鬆軟香口甜品～有馬卡龍和紐約芝士蛋糕😋另外，要讚賞他們的服務，尤其是經理Cougar服務細心周到👍見下午茶有新menu，下次會再去食。

十年唔去一次太古城， 發現有一間 不錯的cafe 環境舒服 , 食物水準高最重要是 service 做得好好， 特別是 cougar and ken ， 我帶著小朋友去， 他們好細心take care 我地， 我地未講出要什麼， 已經比到我地， 真心說句， 了不起

同細女去太古城買嘢，順便食埋飯，見餐廳有位，唔使等便選擇了喺Aprita裏面的Sensu。Order了慢煮雞胸沙律、和原條鰻魚蛋包飯share食。另外細女叫了一杯士多啤梨香橙梳打。沙律都幾大碟，鷄胸肉都幾滑，味道清淡，沙律菜加了些黑醋，酸酸地幾清新。鰻魚蛋包飯的鰻魚好大條，但是日本超市外賣加熱貨色，味道普通。個黑色墨魚汁不新鮮，沒有應有的濃香味。士多啤梨香橙梳打就清新好飲及不太甜。整體食物質素普通，性價比不高。

環境，服務一流，待應細心，無微不至炸豆腐金黃香脆，配上沙律清新怡人意粉creamy,雞胸有少少鞋口，但整體都好好味薯蓉幼滑，配菜顏色豐富，煎魚肉質幼嫩豬仔骨入味，配上燒菠蘿酸酸甜甜，餅皮香脆，食材豐富芝士蛋糕幼滑

今天同姐姐逛太古城, 無意中發這間餐廳, 在點餐時, 不能找出餐牌上的項目, 有位戴著眼鏡女侍應,立即注意到我有遇上困難, 並細心教導我, 態度親切, 非常有禮貌, 我個人認為除食品質素好, 員工款待客人態度也十分重要, 總括而言, 今晚除享受食品外, 員工友善款待感覺良好, 下次必定再去位於太古城分店的Sensu.

點解係清靜的晚餐，因為星期六五點幾我就吃晚餐了，餐廳得幾枱客。雖然得幾枱客，不過我一坐底，店員便跟我說用餐時間是90分鐘。但不影響我，因為我一家大細吃碟飯就回家了。我和弟弟先坐下，店員放下兩杯水，爸爸和哥哥分別之後自己到達後就要自己叫先有水啦。蒲燒原條鰻魚黑咖哩蛋包飯，黑咖哩味道有點怪，蛋是滑的，鰻魚是原條。香辣甲拋大蝦肉碎蛋包飯，這是四個食物中餸的份量算最多，蛋是滑的，香辣肉碎香口。北海道帶子櫻花蝦明太子意粉，有3粒帶子，明太子意粉味道唔錯。味噌雞肉配香草忌廉汁蛋包飯，這是四個食物中最差的，蛋是滑的，雞肉鞋的，香草忌廉汁不滑又淡。餐廳環境舒適。個別店員服務極好，親切有善款待，但其他就...食物性比價一般。

意粉非常好食，對女仔嚟講份量啱啱好服務態度非常好，甜品有驚喜好精緻。而且調味亦非常合乎香港人口味，環境亦好精美，好適合情侶，一家人同閨蜜食飯同聚餐！可以話係十分之推薦比各位黎食！下次會再黎試埋個明太子意粉！💗🫶🏻

有好幾間分店，餐廳出面都擺左d canp，配合返露營主題😅行行下街攰嚟食個輕食yeah1️⃣ 香烤雞扒配黑松露蜜糖醬 $168 ⭐️7/10分量少唔夠飽，個雞扒烤得唔錯，皮少脆，加埋d醬就好似bbq燒個d雞扒，冇咩黑松露味bor，價錢貴2️⃣ 海鮮明太子忌廉扁意粉 $138 ⭐️7/10個汁幾濃，扁意粉軟硬適中，夠多汁🍝有青口、蝦、八爪魚🐙味道唔錯不過分量都係偏少--係Apita入面，價格過高Food: 7/10Environment: 7/10Service: 6/10Price: 4.5/10Overall: 5/10💸 ~170 pp

📍SENSU (太古)太古城商場入面一間日系簡約風cafe環境唔算大 不過都坐得幾舒適～食左個平日限定嘅lunch set🍴.#日式香辣海鮮炒飯 $118蝦、魷魚、青口等等海鮮都算足料飯粒有咬口 整體辣辣地好香口🤤💯.#香烤雞扒配黑松露蜜糖醬 $168雞扒係幾好食 不過食落同快餐店差唔多同埋份量少到真係覺得are you kidding me🤦‍♀️呢個價錢完全唔抵食 覺得被騙🙅🏻‍♀️.#薯條配黑松露醬 (跟餐)薯條炸得好香 黑松露醬比較稀但份量唔少 每條薯條都沾到醬～.#白桃烏龍鮮奶+$48烏龍鮮奶就見過 加埋白桃配搭睇落幾特別 就試下估唔到加上淡淡的白桃香味幾夾 味道都平均🍑🥛而且杯具都好有質感☕️.♥️回頭度：7/ 10

同朋友於康怡個邊睇完戲後，就過黎太古城中心*Sensu*食晚餐😋，好在於openrice預先訂左位，咁就唔駛等直接入座了，餐廳以露營木系風格，雖俾安排係角落坐，但環境都開揚唔焗促😌。So Smooth $58👍呢杯(紅色)原先以為會好伏，番茄汁+百香果糖漿+椰子水+桃，但飲落酸酸甜甜，與朋友叫一枱野食都好在有佢解濟先可清碟。藍蝶花香芋奶茶配寒天$48韓式泡菜黑豚肉薄餅$148👍超足料嘅薄餅，薄薄的餅底配埋泡菜+豚肉一啖啖咁食都唔會覺得好濟，幾開胃😋。Oppa辣炒八爪魚蕎麥麵$148蕎麥麵配埋湯汁都較淡味，好在八爪魚夠辣，配埋食先okay~蒲燒原條鰻魚黑咖哩蛋包飯$168鰻魚都好大條😅，配搭黑咖哩食其實都幾夾吓，冇違和，但條鰻魚都好多細骨，食時感不方便。馬卡龍鮮啤梨撻$88👍啤梨撻餅底夾住啲蛋糕，食落去又唔會話好死甜，與朋友都覺得呢個幾好食😄因係openrice預先訂左位，食夠$500就有8折優惠。食物質素幾好，店員服務態度好好，值得與朋友搵次再黎過黎食。

平日放工近近地, 成日都會過City Plaza HK 太古城行街, 之後搵嘢食，果到越開越多食肆，真係好方便，最後揀咗Apita 入面間Sensu, 門口擺設好得意，設計走露營風, 店入面佈滿露營用品, 好特別同吸引, 就決定入去食喇。. 我哋6點幾到😂 好快安排我地坐低同比menu 我地, 服務都好恩勤👍🏻 .🔺龍蝦濃湯 $58上枱已經聞到香濃龍蝦味，湯身很挺身香濃，入口有大量龍蝦肉，飲完好滿足😍.🔺木魚花炸雞粒玩芝士醬 $78外皮炸得香脆可以，細細粒一口一細，唔覺唔覺成碟清晒😂😂.🔺蒲燒原條鰻魚黑咖哩蛋包飯 $168原條鰻魚非常厚身，蛋雞嫩滑，配上黑咖哩，賣相配搭吸睛，黑咖啡香而不辣，拌飯跟鰻魚一齊入口，回味無窮😘.🔺Oppa 辣炒八爪魚蕎麥麵 $148八爪魚入口初頭唔覺辣，但有啲後勁😂 拌上蕎麥麵一齊食味道好夾，冷麵入口清爽，配辣味道一流😎.🔺迷霧白桃烏龍氣泡茶 $68氣泡茶入面有大量生果同爆珠粒粒，白桃味清簡，裡面啲提子🍇好香，飲下食下好爽😎.🔺藍蝶花香芋奶茶配寒天 $48香芋味非常濃郁，顏色賣相非igable , 口感棉滑，三層顏色都有不同味道，玄米、芋泥、茉莉香，層次特出