Season. Café

營業中

休息中

難得來到葵興呢頭，梗係要喺地鐵站附近嘅Life@KCC食埋野啦！今次來到呢間Season. Café，餐廳風格以木系為主，比人一種悠閒嘅感覺～香煎深海大蝦盲曹魚配龍蝦汁💰HK$238盲曹魚經過香煎之後，表層嘅魚皮變到非常香脆，魚肉厚實嫩滑，係啖啖肉嘅感覺！最有驚喜嘅係旁邊嘅大蝦，完美地挑走咗成條蝦腸，非常貼心～蟹肉帶子蘆筍羅勒忌廉汁意粉💰HK$138帶子外層微微脆，中間肉質鮮嫩！每一條意粉都沾有醬汁同埋蟹肉，另外仲有爽脆嘅蘆筍！呢到嘅羅勒忌廉汁比人一種好田園嘅感覺，好清新～海鹽奶蓋美式💰HK$55美式咖啡同埋海鹽奶蓋嘅味道出乎意外地夾，層次分明～富士山下💰HK$55賣相好似富士山一樣，打卡一流！味道好特別，值得一試👍🏻～

又係約朋友食Lunch時間， 今日嚟到葵興站，搵到一間可以望窗景嘅CAFE，入面地方不算大，露台有窗口位，采光不錯，Lunch時間也頗多人。CAFE通常也主打意粉及咖啡，看看這家的質素如何吧。我們選了＜激讚蒲燒秘製豬軟骨配珍珠飯＞$85 及＜蟹肉菠菜羅勒忌廉汁意粉＞$108, 配咖啡要加錢，因為又係快閃1小時食Lunch，所以又係配個免費綠茶算了。＜激讚蒲燒秘製豬軟骨配珍珠飯＞配有前菜小量，雞肉煎香脆，秘製醬汁沒什麼特別，珍珠飯口感適中，建議前菜多點。＜蟹肉菠菜羅勒忌廉汁意粉＞很香，忌廉汁很Creamy唯覺得蟹肉比較少，可能攪碎後覺得太少肉，建議加入煙肉或火腿或雞肉豐富份量。配特定茶飲不用加錢，普通茶飲不作介紹。整體來說環境不錯，食物份量也足夠，價錢與出面CAFE差不多，在葵興區比較少舒適CAFE，如果有時間大家可以買杯COFFE慢慢HEA。

餐廳喺工業區一棟商廈樓上, 除咗返工食lunch, 都值得大家行多幾步去搵呢間Cafe!⭐️南美香料炸雞塊加入咗南美香料，惹味得來又同平時有啲唔同,加上芥末沙律醬平衡返炸物嘅油膩⭐️鵝肝松露雜菌意大利飯$138呢個價錢出面只可以食到普通雜菌意大利飯，但係呢度竟然有埋鵝肝，仲要唔係敷衍得少少，而係勁足料！鵝肝油滲入意大利飯之中，每一啖都有鵝油香味！⭐️蟹肉帶子蘆筍羅勒忌廉汁意粉$138⭐️紫薯牛奶⭐️富士山下以為藍色就係蝶豆花整嘅飲品! Nono, 原來佢係用咗一種特別嘅酒調成加上creamy 嘅奶蓋

今日係情人節，我同另一半去咗葵涌一間café，最吸引嘅係佢哋居然冇加價，真係好難得！我哋叫咗一個套餐，仲散叫咗一個意大利飯同埋一個漢堡包！套餐價錢$188，包括一碗蘑菇湯、拼蒜蓉多士、一份水牛城雞翼，主菜就係帶子蟹肉忌廉意大利粉。首先，蘑菇湯真係好滑，味道濃郁，喝落去感覺好溫暖，啱啱好適合情人節嘅浪漫氛圍。拼蒜蓉多士外脆內軟，蒜香味好濃！接住嚟，我哋就食水牛城雞翼，雞翼炸得金黃香脆，肉質嫩滑，配上特製嘅醬汁，辣辣的味道非常開胃！而主菜帶子蟹肉忌廉意大利粉更加正！蟹肉新鮮，帶子煮得剛好，唔會過熟，忌廉醬香濃滑順，拌埋意大利粉食落去，口感好豐富，真係每一口都好享受。之後，我哋再叫咗一個蕃茄雞肉丸意大利飯，飯粒鬆軟，蕃茄醬味道酸酸甜甜，雞肉丸又嫩又多汁，搭配埋意大利飯，真係好搭。食完都覺得意大利飯好有家常味，令人好有親切感。最後，我哋仲叫咗一個牛肉芝士漢堡，配埋薯條，漢堡包嘅牛肉餅煎得剛好，肉質好厚，芝士融化得啱啱好，咬落去好滿足。薯條外脆內軟，咬下去嘅時候，口感超正，真係一個完美嘅配搭。飲品方面，我哋加咗$20轉鮮奶咖啡，咖啡香味濃郁，奶泡滑滑，飲落去好香甜，為呢個浪漫嘅情人節畫上完美句號

Season. Café1月23日 Thu呢一棟乜乜KCC 對區外人嚟講真係 hidden agenda。葵興MTR已經冇乜睇頭，仲要天橋飛天橋行6分鐘，跟住仲要上8樓，一定要搭𨋢，如果唔係轉到頭都暈。不過上到去你就會覺得all the hard work pay off。裝修得好舒服，大量natural light暖暖感覺。枱凳選擇得非常適宜，好穩陣（唔係講笑呢個要求真係好卑微唔係度度有）坐得好舒服。好適合傾嘢、close大deal、拍拖調情、briefing……..除咗地方好，啲食品都好出色。意大利+美式為主。我覺得佢哋意大利系列嘅出品比較啱我口味。- 慢煮牛脷串燒火牛啱啱好，外脆內Juicy，好香口。- 蟹肉餅通常去啲好高檔嘅餐廳先有，仲要冇佢咁好食。真係抵讚，比多幾草野都抵。跟住隨便叫咗兩個基本嘅意粉。都做得非常之出色。

大家好今次去左KCC 8樓一間既 Season cafe食野不過好明顯食物質近似一間高級西餐廳而唔係Cafe既水準果日點左兩個$188既晚餐首先係是日餐湯既西蘭花湯西蘭花己經打溶左配好脆既法包跟住就上前菜第一個前菜係水牛城炸雞翼雞翼炸得好香脆仲保留左肉汁醬汁係另上自己想點幾多都得另一個前菜係呢度既招牌蟹餅呢個蟹餅要額外+60蚊個蟹餅present得幾靚食到都幾多蟹絲加少少薯蓉幾好食跟住上主菜帶子蟹肉蘆筍羅勒忌廉汁意粉這個意粉都係用左幾多既蟹肉去整同比較幼身既意粉混為一體所以個汁比較杰仲有少少幼身既蘆筍另一個係西班牙海鮮炒飯這個飯都係要加$80上枱見到呢個飯都幾大碟同埋好多海鮮好似係蝦 青口 魷魚 蜆飯既煮法有D似意大利飯比較煙韌同埋加左意大利香腸多左咸香既味道比較正宗飲品就點左是日果汁橙汁同埋凍綠茶總括呢間店人唔太多食物都係即叫即做質數都唔錯

今日係葵興KCC呢個商場做野，咁大個仔都係第一次黎到呢個商場，估唔到整得咁靚。樓上搵到呢個Season cafe，比佢木系舒適氛圍吸引到，順便食埋野先走Set menu好抵，呢個價錢全包前菜小食主食野飲，仲有甜品！前菜凱撒沙律唔係求求其其比啲菜就算，面頭加上芝士碎同巴馬火腿，唔會太dry咸咸地好入口牛舌芯夠厚實，咬落唔會好淋反而好爽口，有啖啖肉既感覺，面頭加上海量香蔥勁香！是日餐湯唔會好水好足料，不過最令我impressive竟然係個蒜蓉包！好耐無食過脆身重牛油既蒜蓉包，一食停唔到口無激素雞羅勒忌廉意大利飯，首先飯質住得啱啱好，唔會食落好硬好似有啲未熟曬咁，忌廉杰身香濃，雞肉亦非常嫩滑，出色香煎深海大蝦盲曹魚配龍蝦汁，份量令人眼前一亮！香煎魚柳足足有兩大塊，面頭煎到卜卜脆食落有聲好正。配菜既配搭都好有心思令成碟菜好靚，配上龍蝦汁食無得輸今日雪糕賣晒，鋪頭比我地轉做cheese cake，睇樣都覺得好靚好味，芝士勁濃味，好睇又好食黎cafe叫dirty打卡基本野，夜晚唔想飲咖啡都有其他野飲，蜂蜜紅棗蜜勁大杯！

唔係朋友約黎，都唔知呢個商場原來8樓有間cafe，晚餐時段座位相當鬆動，叫左兩個set dinner，$188有餐湯、法包、前菜、主菜，同甜品。Parma Ham沙律都幾新鮮，火腿都夠咸香無筋，炸雞塊香口肉嫩，有少少芥末味嘅醬好正。大蝦黑松露雜菌意粉，忌廉奶味味道濃郁，帶黑松露味，掛汁同意粉彈牙程度唔錯。要加$50都值得，香煎大蝦盲曹魚確實煎到好香，蝦殼都好惹味，盲曹皮香，配龍蝦汁正。餐飲可以揀果汁，仲有特別飲品好似紅棗蜜咁。今日雪糕賣哂，甜品竟然可以出蛋糕櫃揀，仲要非常大件！Tiramisu 同Blueberry cheesecake 咁大件實在抵。

早排約朋友食dinner，想搵間靚靚cafe坐下傾下計💕朋友帶路去左位於葵涌KCC既【Season Cafe 】 ☕️搭lift上8樓就可以輕鬆搵到餐廳😆Cafe裝修以淺木色為主，配上綠色既植物擺設，環境安靜舒適，仲有成塊落地大玻璃🧡可以望到出面既景觀🏙️❥ 惹味水牛城狂野雞翼（4隻） $58雞肉好嫩滑，配上微辣帶酸既水牛城辣醬，惹味而唔會過辣！好食😋❥ 大蝦帶子龍蝦汁意大利飯 $148龍蝦汁非常濃稠😍每一啖飯都吸盡龍蝦汁既鮮味✨好正🥹Risotto軟硬適中，有煙韌感😋北海道帶子好彈牙，煎得好香口🥰大蝦食落啖啖肉，充滿鮮味✨整體好好食，唔會過膩，好快清晒😋❥ 珍寶至尊烤菇手打美國牛肉雙層芝士漢堡配薯條 $158Burger超級厚身！！！牛肉份量多🤩牛味香濃，連埋半溶芝士、生菜、蕃茄、烤菇、黑松露醬汁一齊放入口，又真係有驚喜😍～食落外脆內軟，好juicy😝身為芝士控既我覺得都好滿意❤️薯條新鮮炸起🍟同朋友Share唔會太heavy，正👍🏻❥ 焙茶鮮奶 $45拉花幾靚，睇得出有心思☕️茶味香醇突出，唔會太甜👌🏼😙冬天飲呢杯暖入心❤️❥ 小白咖啡 $40鍾意飲咖啡既我，一定要試試呢度既咖啡！Flat

昨天放工後獨個覓新地方食個late lunch 以前起葵涌區工作都好少去搵食原來KCC楝商夏咁多嘢食揀咗起八樓嘅Season. cafe 一上到去地方好大好舒服揀咗坐岀去露台大塊玻璃可遠望 環境好舒適寧靜唔知食咩好所以請店員推介蟹肉帶子蘆筍羅勒忌廉汁意粉心入面其實掙扎緊定要大蝦黑松露意粉既然店員推蟹肉果個就試吓啦碟蟹肉帶子意粉賣相好精美雖然帶子得一粒但超厚肉用牛油乾煎得好香甜肉鮮嫩蟹肉係拆碎連埋羅勒忌廉汁一齊煮份量亦唔少 啖啖粉都有蟹肉蘆筍好幼身新鮮爽脆配上洋蔥粒一齊食就多重口感好欣賞個羅勒忌廉汁唔會好油同膩亦唔會過大香草味慢煮香蔥牛舌串燒 呢個係成餐飯嘅surprise 超級好食 🤤厚厚嘅牛舌烤得恰到好處肉質好嫩及外層蔥油後可中和燒過嘅牛舌保持濕潤味道剛剛好咖啡柚係杯西柚拿鐵用西柚汁撞咖啡同鮮奶飲前店員提示必須攪勻攪勻後仍飲到晒三種taste西柚清新帶小小酸撞落香濃嘅咖啡同醇厚嘅牛奶雖有奶但感覺唔覺得好飽一邊食一邊睇住遠處嘅地鐵經過感覺好chill 好relax 食光光好滿足嘅一個下午下次再嚟 Season. Café (葵涌)葵涌葵昌路72-76號Life@KCC 8樓801號舖@

Season Cafe是小清新餐館，純樸木系風格，感覺輕鬆安逸。小露台有舒適吧枱，透入自然光，加上綠色植物點綴，洋溢度假氣氛。餐廳有多款滋味餐點，及特式飲品，在週末尋找片刻寧靜。甘荀餐湯配蒜蓉法包25温暖的甘荀湯，入口香甜，拌勻濃稠忌廉，散發清甜的甘荀香，把香脆法包沾上熱湯，十分暖笠笠，簡單滋味。大蝦帶子龍蝦汁意粉138帶子保持嫰滑口感，蝦肉彈牙，意粉掛滿濃郁的龍蝦汁，鮮味十足。配上燈籠椒和蕃茄，提升誘人香氣，令人回味。經典手打牛肉芝士漢堡配薯條 138漢堡巨型，麵包皮微脆，手打牛肉入口熱燙，肉汁豐盛，配以半溶芝士，更加邪惡。中間夾著蕃茄及生菜，大口咬下去，口感飽。薯條是粗厚綿密，炸至香脆熱辣，越食越過癮。水牛城狂野雞翼 58水牛城醬汁由蒜蓉、茄汁、紅椒醬調配，雞翼外皮脆卜卜，沾上醬汁，微辣惹味，十分吸引。奶蓋茉香綠茶 45厚厚奶蓋入口柔順，奶滑濃稠e，加上淡淡的茶香，清爽解膩。香濃紫薯牛奶55 紫薯牛奶順厚，沁出天然的紫薯甜香，入口香醇，層次豐富。

平日夜晚約住得好遠嘅朋友通常都會揀返大家嘅中間點見面～ 加上因為好耐冇見，所以都要搵返啲人流少，坐得耐嘅地方慢慢吹水同食飯🍴夜晚嘅葵興真係好靜，如果大家都有好似我咁有咁嘅需要可以考慮吓KCC入邊嘅餐廳～ 前排就去咗𝗦𝗲𝗮𝘀𝗼𝗻 𝗖𝗮𝗳𝗲☕️ 同朋友一致認為覺得冇揀錯地方😌Dinner set包餐湯+蒜蓉包、前菜、主食、雪糕、飲品☕️ 前菜同主食嘅選擇都幾多👍🏼 $188有齊咁多款嘢食，價錢合理～➿ 是日餐湯👉🏼 洋蔥湯🧅➿ 慢煮香蔥牛舌串燒 爽口嫩滑，油脂豐盛😋➿ 惹味水牛城狂野雞翼 雞翼炸得香口，水牛城雞翼辣汁另上，自己鍾意幾重口都得，如果有埋blue cheese就好喇！➿ 帶子蟹肉蘆筍羅勒忌廉汁意粉好creamy的意粉🍝 蟹肉份量好慷慨🥰➿ 意大利迷迭香黑醋烤雞 (+$50)烤雞色水幾靚，雞肉有滲透到rosemary 嘅味道～ 鍾意佢嘅配菜好多唔同嘅意瓜～➿ 是日雪糕👉🏼 朱古力雪糕同朋友都覺得雪糕嘅質感比較特別，似gelato🍦朱古力味濃郁嘅～➿ 是日果汁👉🏼 蘋果橙汁🍎🍊唔會太甜，兩款果汁撞埋一齊個味道幾夾～➿ 焦糖咖啡 (+$25)啡友朋友話未見過咁樣有個烙印嘅咖啡，所以都影

今日同個friend專登行過嚟頭食飯，因為有新嘅商場成幢都係食嘢嘅又未嚟過，跟住差唔多近頂樓見到有間西餐廳好似好好食，所以就入咗嚟呢間食。我哋分別叫咗個黑醋烤雞套餐同埋忌廉意大利飯跟沙律同埋炸雞。我哋嗌完餐之後就好快嚟咗個餐湯同埋餐包，餐湯蘑菇湯加蒜蓉包，個蘑菇湯好豐滿味道非常好，好開胃配埋個包啱啱好，之後嚟咗個沙律同埋炸雞，沙律都幾大碟下，啲菜都新鮮，跟住個炸雞就非常脆口，個醬都好唔錯，似係佢哋自己調，之後個雞肉忌廉意大利飯就到咗啦，意大利飯都好正宗，個味道好特別好重忌廉味，但係又有另外一種味好難形容好特別嘅感覺。食到差唔多個烤雞就嚟咗，因為個烤雞即時烤所以等候時間比較耐，但食落去非常有肉汁，加埋佢嗰個醬汁非常出色，外面係脆入邊係嫩口多汁，一睇就知落足功夫。最後叫咗甜品Tiramisu，甜度啱啱好好有密度好有口感，好適合呢啲唔係好鍾意食甜嘢，但係又想食甜品嘅人。#seasoncafé

食物不俗，舒服Cafe 📍地點：葵興🍽️菜式：西式💰人均消費：午餐 HK$120~150🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：方枱/ 長枱📝落單方式：侍應生落單免費🅿️：❎【大蝦帶子龍蝦汁意粉】💰HK$138大蝦大大隻，帶子熟度剛好，龍蝦汁帶重重的燈籠椒味。【SEASON.經典手打（美國）牛肉芝士漢堡配薯條】💰HK$138手打牛肉非常純牛肉，肉汁和牛肉味充滿口腔，配搭蕃茄生菜。薯條夠粗口感佳。【炸魷魚圏】💰HK$78酥脆酥脆的外皮，Q 彈的魷魚圈。【脆香蒜味法包】💰HK$48脆度爆錶的法包，加上牛油香非常吸引。【西柚冷泡烏龍茶】💰HK$45西柚甘甘酸酸，清香的鳥龍茶。#foodcourt #foodxcourtx #foodxcourtx?KH#葵興搵食地圖 #葵興美食 #葵興 #西式.@Season. Café🏷️葵涌葵昌路72-76號Life@KCC 8樓801號舖

葵興呢間Cafe非常高質，環境唔錯，又風景好好嘅窗口位置，嘢食亦都有好多選擇。平時返工食lunch都成日過嚟食嘢，呢日放工就約咗屋企人去食dinner 。打開餐牌，見到有好多選擇。今次點咗香煎深海大蝦盲曹魚配龍蝦汁，大蝦大大隻，口感彈牙，同新鮮嘅盲曹魚，配埋香濃嘅龍蝦汁，好味道。另外，仲點左蟹肉菠菜羅勒忌廉意粉，creamy既意粉上面有充滿鮮味嘅蟹肉，再加埋菠菜，健康又好味。飲品方面，點左丸久小山園抹茶同埋紫薯牛奶，拉花好靚，色香味俱全。