Say Cheese (將軍澳中心)

將軍澳區有三個商場連埋，其中包括將軍澳中心，將軍澳廣場，尚德商場，加上有將軍澳海旁，整個地方即刻變咗美食天堂。我哋今次行吓行吓去咗將軍澳中心睇睇，這間餐廳在眼鏡舖附近，我們試吓佢平日的lunch set。我哋兩個lunch set share來食，叫一個飯一個包，跟沙律，份量唔錯，仲有大大杯檸茶。…Read More

呢間餐廳位置唔開陽，所以我𢦓日經過但都遺忘咗佢嘅存在。今日一早行過又冇人，所以就入去試一試！服務員十分熱心介紹餐牌，態度友善，值得一讚👍🏻午市套餐選擇唔多，但餐牌上嘅菜式都算唔錯，選擇唔算單一，所以我覺得ok，但如果想食客回頭，可能需要多啲菜式先吸引多啲顧客！套餐方面，包湯或沙律，另加一杯飲品。我選擇了湯，個湯係紫薯湯，顏色好特別，味道OK，紫薯感覺健康，亦好飽肚。意粉我選擇了明太子野菌意大利粉，入面有好多明太子，材料充足，而且份量好多，大食嘅人啱晒！另外亦加咗個炸芝士，有三條，好味！不過樣樣都多份量，所以好飽😆午市時間冇乜人，所以坐得幾舒服，值得推介👍🏻…Read More

餐點不是太貴而且好吃，份量也足夠！！提供寶寶椅（椅子上還有貼卡通圖案）和兒童餐具，也有兒童餐可以點，離開時還贈送兩把扇子跟氣球給小孩（可能有活動），小孩玩具掉了，店員還會跑來撿，覺得好親切！！下次帶小孩出門會想再光顧的好店家！！…Read More

今日帶兩小朋友去清水灣游水搭車過來將軍澳 順便解決埋晚餐之前聽朋友講過這間環境唔錯就來試下7點幾到店 餐廳人不是特別多 坐卡位都幾舒服服務態度好好 職員很細心 見到有小朋友 主動準備兒童餐具👍👍食物水準都唔錯卡邦意粉一上來就清碟下次可以再來…Read More

🌎Say Cheese (將軍澳)我訓到好晏先起身，想搵一間餐廳食得飽肚d，呢間餐廳下午茶套餐有飲品、沙律同主菜，幾豐富喎，一於食呢間啦！估唔到新鮮沙律咁大碗，仲用黑醋 健康開胃。▫️燒芝士扇貝黑松露意大利飯$82原隻連殼加埋芝士焗過扇貝聞到陣陣芝士香味，大大粒扇貝彈牙 味道不錯，另外黑松露意大利飯十分香濃，飯粒分明有嚼口 唔會好腍 入面好多菇菌 食落去彈牙爽口 好正！混合一齊食味道好好！▫️黑松露軟殼蟹漢堡配薯片$88呢款味道一般，軟殼蟹用粉漿炸左 食落去唔夠脆 仲有少少油味 ，烘烤過既漢堡麵包都算鬆軟，材料有蕃茄、大大塊芝士片，味道可接受。餐牌寫係薯片，出到黎係薯條，但都炸得香脆野味 還有少少餘溫💵人均消費：$95✨環境衛生：8/10🙋🏻‍♀️推介指數：7/10📍將軍澳唐德街9號將軍澳中心1樓173號舖…Read More

有安靜的環境，熱情的招呼，幽默的經理欣賞甘荀湯，非常好味欣賞明太子意粉，非常鮮味，料非常豐富最喜歡熱熔芝士！配搭Main Course，滋味十足yeah牛扒亦非常好，肉汁滋味，肉質嫩滑！推薦～…Read More

晚市重開，在忙碌的一星期來臨前，跟男朋友一起食個飯輕鬆一下！小妹每次路經呢間鋪都以為呢度只賣🍝意粉，😂原來是有套餐的。🥣餐湯-粟米湯 (6/10)：小妹挺喜歡這個入口食到啖啖粟米粒的質地，男朋友就不喜歡啦，口味人人不同呢！🥃飲品-少甜少冰凍檸茶 (7/10)：店員送上枱時小妹「嘩!」咗聲🤣望到玻璃耳朵杯已經加咗分，少甜真是有少到！有時去到一些餐廳叫完都是超甜會好失望，而這杯茶、糖和檸檬比例不錯。🌯巴馬火腿菠菜龍脷魚卷伴百里香荷蘭汁 Parma Ham & Spinach Sole Roll with Hollandaise Sauce (5/10)：軟淋淋的口感，中間夾著的芝士加重了魚卷的味道，如果表面有煎香更好。薯蓉略差，不夠軟綿，亦無薯香，還有些未壓好的部分。🍝蒜香黑松露巴馬火腿扁意粉 Linguine with Parma Ham and Garlic Black Truffle (6/10)：黑松露平均分佈在整碟意粉上，質地較硬身，口感還可以，份量偏少。🍨Movenpick雪糕-士多啤梨味 (7/10)：原以為是獨立包裝，原來是筒裝，😛又幾大球喎！🏞️環境設施 (7/10)：卡位闊落舒適，前後間板有足夠私隱度，適合談天。🤵服務質素 (7/10)：店員態度有禮，上菜速度正常。😋回頭率 (6/10)：這裡勝在不用等位隨時入得，但如想食美味西餐，相信有更好的選擇。…Read More

19/2/2021 Fri 朋友訂左Say Cheese, 好耐無去呢邊食飯.星期五晚7點幾, 無咩人,  兩個人可以任揀位坐, 我地坐左最入面卡位. 好舒服又隱秘.講食物之前, 讚下SERVICE先, 所有服務員都好有禮貌, 唔該前唔該後, 令我好深印象.當晚揀左個$368套餐, 食物質素水準都唔錯.紫薯忌廉湯好特別, 平時外面比較少飲到, 味道較清淡, 都幾好飲.紐西蘭肉眼扒10oz配新鮮薯條, 肉眼扒都幾厚, 唔會好薄,我地要medium 都粉紅同JUICY!黑松露芝士雜菌意大利飯, 係接近清碟O既.Movenpick朱古力雪糕好好味, 飲品 凍o 茶正常.我地不停傾, 太投入, 無影相, 同時食得超級慢,服務員都成日過泥加水, 而且個個都好有禮貌!坐到快9:30pm (堂食限收十點), 有個店長(?)見我地未食晒個扒+意大利飯+薯條,過泥關心係咪D野唔好食, 我話唔係呀, 野食OKAY, 係我地掛住傾偈, 同埋都真係食唔晒,然後我有同佢講, 佢同服務員都好有禮貌!讚!佢表示之前果批店員服務態度差, 俾人投訴, 已經換過一批, 依家呢個時世, 大家都艱難, 希望做返好, 吸引返D客回頭.我自己覺得呢度環境寬敞, 價錢唔貴, menu算多選擇,大家經過可以入去試吓^^ …Read More

今日係平安夜，夜晚7:05落單叫左三個主菜兩個前菜小食同飲品，落單時服務員小姐同我講要等20分鐘，到咗7:40都未有，就入去問我落單嘅女職員: 之前話等20分鐘，而家已經30分鐘。得到一句回覆就係「有就會叫你」，ok fine準備行返出去繼續等嘅時候，意想不到係突然有個男職員一句喝過嚟，「今日多單呀！」，係喝，係態度極差嘅喝！發生咩事係你話等20分鐘，我等到半個鐘有多嚟催一下好大問題？之後我話：ok明白，以後唔會嚟幫襯然後該男職員繼續「阿哥，今日邊度食嘢都要等㗎啦，阿哥！」最後個「阿哥」仲要大大聲講，哈，阿哥？真係嬲咗我話，乜嘢阿哥呀！跟住該男職員怒睥住我，「你唔鍾意我可以同你void咗張單，呢度好多餐廳你唔洗幫襯我地，要唔要void?」woo氣焰之大我估佢一定係老闆無誤！我嘅time cost你點計？我四百蚊客仔可能你唔志左，但係住咗喺將中十幾年，逢weekend實出街食或買外賣，就從來無咁俾人鬧過，無錯，係鬧呀！學呢位男職員話齋，成個將軍澳將中將廣pop corn，天晉滙真係有好多餐廳，會接納你意見永遠唔會再幫襯。完。…Read More

黎過幾次呢度， 都覺得食物嘅質素水準維持得好好🤤🤤CP值好高👏🏻👍🏻呢個火腿牛角包配薯條， 牛角包夠暖、夠鬆、夠脆！😋配新鮮薯條同沙律🍟🥗正呀🙌🏻另外黑松露忌廉扁意粉同肉醬意粉都整得好好🙀唔會過鹹😹😹黑松露入味🤗忌廉汁唔會太結或者好漏🤤總結係性價比高，價錢不貴但菜式種類多😬😬下次一定要嚐埋呢度嘅甜品☺️…Read More

一個人黎到將軍澳食飯🙆🏻‍♀️路過say cheese一直以為佢只係得飲品同甜品🍮賣原來有正餐食🤣就入左去坐低🤤平日冇乜人 一個人都可以坐卡位🤩🤩午餐時間有lunch set一個係價錢包湯/沙律 主菜 飲品 如果要加特飲就要加15蚊最後叫咗自家製牛肉漢堡配薯條🍟($88)餐湯係南瓜湯正常細細碗嘅size 飲落有南瓜味但唔算好好好濃漢堡都幾厚🤣2塊麵包皮夾住牛肉 煙肉 芝士 仲有一片番茄🍅牛肉都幾厚 唔會好薄👍🏻薯條有軟有硬硬身嘅比較難咬😳凍奶茶我冇叫少甜少冰一上黎見到大半杯冰 飲落去偏甜 下次再飲要叫少甜了😳門口有體溫機check體溫Staff態度都唔錯👍🏻$100埋單都ok推介🤩🤩…Read More

Sunday Brunch讓我和朋友享受了一頓精緻又美味的早午餐， 好好獎勵自己！Cafe 嘅食物和服務都唔錯特別喜歡黑松露芝士野菌燴扁意粉🍝吃到有新鮮白蘑菇，大蒜、牛油、忌廉、parmesan cheese ，黑松露，加埋少許黑胡椒，好味更香濃…Read More

Tea time入去包場無客陰公真係好淡市Tea set驚太細份都係叫左lunch set扒ok好食 我地要medium well 都好ok 唔會太熟漢堡beacon 太乾薯條ok好食特飲上面啲芝士奶蓋好得炸芝士都唔錯幾好 夠熱 拉絲最後mp雪糕 雲呢拿味應該加咗拖肥質地有啲怪怪 草莓反而仲好食啲少少提議：- 鹽樽上面舖晒塵 仲要無蓋，可以處理下- 湯碗崩左- Waitress 只有一位，唔係無禮貌，不過機械式而且非常大聲地「朗讀式」咁講野好古怪，令有啲唔舒服嘅感覺🙊…Read More

（注意⚠️宜家未必有咁抵啦！）🥡外賣自取75折，有兩款意粉仲要半價！朋友話係食咁多外賣中最好食嘅一間，一齊睇下有咩食啦！第一張係第一次食，第二張係幾日後encore多次～·✨三文魚忌廉蘆筍扁意粉（半價$49，原價$98）將軍澳外賣意粉我都食過幾間，beans $38餐同埋cherry cafe都食過，但都唔夠呢兩款意粉好食🤩🤤不過朋友話個汁唔夠味，三文魚太少🙊·✨煙肉卡邦尼意粉（半價$54，原價$108）終於食到杰身嘅卡邦尼，仲好濃芝士味，意粉唔會太腍有咬口，好正🤩睇相係未拌勻前的相片，拌勻後係好杰身掛汁的🤣·✨紐西蘭肉眼扒8oz 🥩跟南瓜湯🎃（75折$111，原價$148)朋友話想食扒，我本身諗住外賣嘅扒應該唔好食啦，畢竟焗住哂應該太熟好韌，但竟然有意外驚喜，第一次叫medium五成熟，大部分嘅位都幾腍，係好味嘅，係對得住價錢嘅第二次叫medium rare三成熟，就係第三張圖睇到紅紅的不是血水，而係滿滿的肌紅蛋白☺️個人更喜好medium rare，不過我朋友覺得太生攞去微波🙊同埋味道又冇第一次食咁入味😅·✨雙重芝士海鮮焗飯 跟南瓜湯🎃（75折$68，原價$90)呢款相對失色少少，汁唔多同無咩味，炒飯底但好乾身，不過面頭嘅海鮮有加分嘅，有虎蝦🦐、藍青口、魷魚🦑·✨芝士焗雜菌 （75折$39，原價$52）芝士好濃，雖然我覺得有少少偏鹹但都接受到嘅，雜菌就主要係蘑菇，75折後都唔係特別話好抵食咁，可略過～·✨肉醬意粉（半價）佢嘅半價意粉每日有兩款，款式會日日唔同，第二次食就係卡邦尼同埋肉醬係半價咁，大家叫外賣前可問問是日半價款式先🤪🤪·🌟Tips: 一個星期食咗兩次嘅一間餐廳😆推薦半價個兩款意粉（記得款式會轉架）同埋牛扒三成熟呀，唔夠飽可以加小食，主餐牌都有75折架！…Read More

平時小來將軍澳呢頭，今次一於一試位於將軍澳中心嘅呢間 Say Cheese ，睇下係咪真係可以笑住 Say Cheese ！環境：位於商場入面，冇乜景觀可言，但勝在坐得舒服，環境寬敞，唔錯！食物：中午時間去到，佢都有做午市套餐，平均六七十蚊都可以接受。不過今次我哋就冇叫到，因為想試佢嘅鵝肝意大利飯同埋照牌嘅火焰卡邦尼意粉，整體味道幾好，特別推薦佢嘅鵝肝意大利飯，各位師兄師姐可以一嘗。鵝肝意大利飯：鵝肝十分香口，油香味濃，入口即溶，而意大利飯味道同口感都唔錯，一個字，正！火焰卡邦尼意粉：呢個見係餐廳嘅推薦，就叫左一試。賣相唔錯，忌廉同芝士好濃郁，食落都好香濃，不過成也蕭何，敗也蕭何，正正就係佢嘅忌廉汁太過濃，有點兒過咗火位，不過整體嚟講味道都算唔錯，但係老老實實，真係冇想像中咁好食。…Read More