S3 186 (已結業)

原來深水埗都有高質嘅西餐廳㗎！今次朋友生日，就一於去試試吧！🎂😎💃店內掛滿了很多燈飾，氣氛浪漫又有情調！🥰1. 香草忌廉汁煮藍青口，青口鮮甜、加埋濃郁嘅忌廉汁，口感好正！😋😍2. 阿拉斯加長腳蟹海膽汁扁意粉，長腳蟹好新鮮，意粉彈牙又掛汁，非常美味！🤤😃3. 濃情蜜意，係士多啤梨味嘅cocktail, 口感有d似奶昔，有少少酒味，酸酸甜甜，上面有一個白色的棉花糖，非常靚！😃😬4. Missing You, 係紅色嘅cocktail, 由Rose, cranberry, vodka, gin, mint組成，上面有一個由冰做成嘅心形❤️，好靚呀！🥰5. 火焰雪山🔥，外層係雪白的蛋白霜，內裏係朱古力海綿蛋糕、雪糕🍦，店員將酒淋在雪山上，之後燃起藍色嘅火焰🔥，打卡一流！又冷又熱，口感特別！😎餐廳設有寫字畫碟服務，另外9月生日嘅客人仲可以免費有一客火焰雪山！😍🔥S3 186: 深水埗北河街185-187號地舖

餐廳位於北河街地舖, 環境以星光作主題, 帶點浪漫情調, 是一間ғᴜsɪᴏɴ菜西餐廳, 主打多國菜扒類、意粉、小食及特式酒精飲料✨我們點了火焰金箔和牛🥩 賣相非常吸引, 店內招牌人氣之選, 上枱前服務員會隨即點火形成火焰效果, 充滿視覺享受, 金光閃閃的金箔和牛十分奢華, 肉味特別甘香濃郁, 配了薯條, 非常豐富可加+ $𝟔𝟖 轉左晚市套餐套餐包括是日廚師餐湯配蒜蓉包/ 特式沙律及飲品餐湯升級法式龍蝦湯🦞 湯頭濃郁有鮮味、濃而不膩, 還有龍蝦肉黑松露野菌扁意粉🍝 滿滿野菌配香氣十足的黑松露, 醬汁濃郁、意粉軟硬適中, 味道層次分明甜品經典火焰牛角雪山🔥 外層鋪滿層層蛋白霜、內層是海綿蛋糕包住雪糕球, 服務員將酒點火淋在雪山上, 燃起藍色火焰, 滿滿視覺效果和酒香, 冷熱交融的口感非常特別飲品🍸ʙʟᴜᴇ sᴋʏ 杯邊用了鮮花作裝飾, 海洋鮮豔的藍色, 荔枝果香清甜味道, 入口冰涼清爽濃情蜜意 甜絲絲的棉花糖充滿少女心, 味道帶酸酸甜甜這問餐廳是寵物友善餐廳, 可以帶毛小孩一同用膳, 枱與枱之間空間感十足, 每位服務員都很有禮、細心服務, 由入座至用餐都很親切, 性價比高餐廳有寫字畫碟服務

首先預約了7:30，去到話已在open rice預約了，跟住肥叔叔已很不滿話點解要喺嗰度約唔打電話嚟。然後帶了我去門口的位置，我開頭也沒問題的，但其實入邊還有兩三張枱，因為佢冷氣的風口吹到我個頭及好凍，我問染咗頭髮嘅男仔，話可不可以關細一點風或者轉枱，佢第一句就話唔得全部都有人訂枱，然後就走咗去。隔咗一陣有兩個客人入嚟話沒有訂枱，竟然俾佢坐入面😡我就向肥叔叔投訴，點解我有訂枱話因為凍想坐入邊，但不給我掉枱，而人哋冇訂枱又可以坐入邊，肥叔叔話現在轉俾你，你咁燥而家都唔凍啦🤬原來而家仲有呢啲態度，由於約咗朋友他未到，所以我沒有轉餐廳，但已經唔係好想食了

主菜加左set我地2個女仔食一份豬扒，一份飯豬扒唔乾，個軟殼蟹飯正有湯有沙律，有餐飲仲有雪糕價錢中性啱晒朋友間小聚由地鐵站一條路上去非常方便，會下次再約老闆娘份人好nice

Honey 預訂了位於深水埗西餐廳，平日客人不多，很寧靜，適合聚餐或慶祝生日的地方。首先是order 了兩杯特飲的開場,用餐前可以先解解口渴。這種特制飲品不僅能夠愉悅心情,還能為接下來的佳餚做個開場白。緊接著是清新爽口的沙律，可以開開胃先。接著奉上了熱騰騰的湯及多士,不論是濃郁的湯底,還是配料的搭配,都令人胃口大開。作為主菜, 點了威靈頓牛和油封鴨無疑是這頓晚餐兩大亮點。威靈頓牛的完美烹飪,肉質鮮嫩,外皮酥脆可口。油封鴨的皮脆肉嫩, 最美味是那個醬汁，差點連碟都脷埋，美味程度讓人難忘。最後的甜品,則為整頓大餐劃下了圓美的句號。最後最後加上有生日祝福字句既甜品甜到入心。總括來說, 度過了一個難忘而愉快的生日晚餐 👏🏻

大半年前食過一次，感覺唔錯。今次再約友人黎慶祝生日，原來已經改左好多新菜式，樣樣都有驚喜。人氣打卡火焰牛不得不試份量大約有10oz,口感淋有肉味。新菜式海鮮風暴，其實係海鮮拼盤。隻老虎蝦真係好大隻，肉質仲好夾甜新鮮，仲有好多配菜同海鮮，大大份好低食。仲有個半隻龍蝦飯，用新鮮澳洲龍蝦唔係用波士頓龍蝦。個頭有膏，肉就真係有半隻咁多，侍應問左我哋想唔想啲肉放晒落飯度定原件上碟，我哋就揀左原件上。肉質新鮮有鮮味，夾甜。揀左兩杯新cocktails,一杯係紅色心型冰冰，酸酸甜甜。另一杯藍色花花，飲落去原來有凍粉係入面好特別。最後當然係食甜品，揀左個櫻花樹下超靚，侍應溫馨提示話要盡快食用，因棉花糖無加添加劑所以比較快溶。

價格唔係特別平，但係食物份量極其少之又少。連我一個女仔都覺得食唔飽。出咗門口我同個F一人點咗一碗雲吞麵。😅食物質量都尚算OK。裝修比較老土簡陋。唔係高級餐廳嗰種格局。 今次試咗佢個金箔牛扒，和牛肉質尚算嫩滑。炸豬手皮好硬，如果牙齒唔好嘅朋友建議唔好點。龍蝦飯份量極之少。 唔夠一個成年人飽肚。個set裏便仲有甜品同埋一杯飲品＆沙律。總括嚟講就係性價比唔高，因為佢價格唔算平。但係裝修又只係等同茶餐廳Level。試一次無妨，不過唔會再去第二次。

差，非常差的經歷!一心想同朋友慶祝生日，原本是想叫金泊和牛打下卡影下相，但佢地有個90分鐘任食，又好似有好多選擇，咁2個人想試多d野，就叫左呢個餐。串燒是凍的，雞翼是生的，裡面重有血的，鹽酥雞裡面是全生的，重係透明的啫喱狀，凍蟹腳是梅的，個湯咸過海水。食得落只有一個炸薯條，1塊羊排同牛排，起碼是全熟的但沒有味道。其它串燒一係就燒到全黑，可能因為叫炭燒。埋單$867, 得個唔關事既侍應埋嚟道歉。見侍應同老闆娘反影完重要苗苗嘴。真係沒有下次，難怪d人要北上消費食飯，咁既質素，想收銅鑼灣價錢，你地真係要白交下租先同好好檢討下！

超級大伏！又貴又難食！叫左90分鐘無限任食，落單後好快有串燒上枱，但全部係凍既，相信一早整定擺放已久。再試芝士焗生蠔，又腥又凍，完全未焗熟。烤羊扒又騷又肥，極難食。自助食物只有少量炸物，蟹鉗麥樂雞等，但竟然都係好難食。蘑菇湯稀似水，完全冇味。叫左杯+$68凍飲Oreo smooth，基本上成杯都係冰，飲兩啖就冇哂。5人用餐，餐廳只提供一支水，再加水要每支收$10。當日入座率只係一半左右，多次漏單冇上齊食物。用餐日期係星期二平日，星期三係佛誕紅日假期，原來仲有假期前夕附加費！餐牌底下有小字註明但職員介紹時完全冇提及過，冇紙巾提供，甜品冇甜品匙，然後仲收加一。食完餐飯後一直耿耿於懷，做左超級大傻仔。咁貴既收費完全冇任何加分位，簡單係人生食過最伏餐廳榜首…

食物方面：是日餐湯及甜品⭐️⭐️⭐️叫一個主食加$68有沙律，餐湯同甜品。蘑菇湯正常發揮，可以多返d鹽味會更好。烤美國安格斯肉眼扒⭐️⭐️⭐️味道Ok，肉味都濃，不過本身叫5成熟但塊扒接近7-9成熟，食到最後有d柴。黑松露薯條⭐️⭐️⭐️薯條好熱辣辣，黑松露味唔算濃。龍蝦汁意大利飯⭐️⭐️⭐️⭐️⭐️呢個上菜時好有驚喜，半隻龍蝦已經起左肉，啖啖肉真係好正! 隻龍蝦好新鮮，有埋d膏好好食😋 意大利飯有口感，有龍蝦味唔錯👍🏻服務方面：侍應態度有禮，不過成日都想收走我地d食物，有種趕住收工既感覺。環境方面：裝修幾靚，不過安排我地兩個人坐係一張唔係對住坐既位置，係坐係隔離既位，坐得有d逼。

第一次光顧！成間餐廳得個黑字😅$388 既火焰和牛 真係好一般。。。得2件牛 目測應該無200g我諗應該係食佢個著火個下+牛上既1片金薄😅生蠔 $168/6隻 冇咩口感冇味得個夠凍字😅 軟殼蟹海膽意大利飯$168真係硬過龍，未食過依款意大利飯 同埋一D海膽都搵唔到，可能飯色係橙色就當係海膽😅全部加$68跟餐 有湯，多士，沙律，餐飲咁就成為 $9××😅😅😅😅同埋有加一服務費但連張紙巾都冇😅😅😅唯有同自己講句：笨實一次過😅😅😅😅😅

本來朋友生日想搵間靚餐廳慶祝，點知啲食物又唔好食，服務態度非常差。一去到，明明訂咗五人枱，得一張梳化仔同二張凳，問佢有冇多張凳，佢叫我地梳化坐埋d就坐到（肥少少都坐唔到）跟住問佢可唔可以比張凳我地放下野，最後佢先比左張高過我地張枱嘅bar枱凳我地，同朋友真係呆咗。到食物質素，叫咗個芒果大蝦沙律，個沙律係得啲好碎嘅芒果仲得好少，仲要係有啲霉嘅感覺，好似放咗好耐好唔新鮮。另外叫咗個龍蝦pizza，唔細心睇都搵唔到龍蝦係邊，中間有個龍蝦頭同埋個龍蝦殼。個Pizza好似冇任何配料喺上面咁。之後叫咗卡邦尼同長腳蟹意粉，冇特別不過不失。問店員意粉上面有兩舊唔知係蕃茄定係配菜，係咪可以撈落意粉，佢話佢唔清楚。唔知點解可以答得咁唔專業。最後，本身提前一日同咗餐廳講有朋友生日想食生日慶祝字落甜品碟，而且已經提前一日order咗甜品，最後上甜品嗰陣竟然就咁上咗甜品，咩字都冇寫，問店員點解冇生日嘅字眼佢話：你頭先唔講？如果我可以即時講咁點解我要提前一日去同你落order呢？最後個甜品都係好難食，入面好硬，食咗第一啖已經唔想再食。

本人從未寫過食評，今次真係用劣黎形容滿心歡喜同女朋友去openrice揀一間評價比較好既餐廳食西餐，就book位去啊，去到見到環境唔差，入到去個waiter 好求其咁比左個位，睇左menu試下食評佢招牌龍蝦飯 同 豬手 加左小食 （雞皮餃子） 左2個主菜加套餐 2個套餐都升級 而我個餐要加多$18先有龍蝦湯 但黎到龍蝦湯飲落似味精，係差黎形容之後黎左個龍蝦意大利飯 ，飯太硬，同個龍蝦得個壳 ，頭入面膏冇曬，空既，之後等左好耐先個咸豬手先黎啊， 個咸豬手真係極品黎 重味精到暈又有雪未食左一半冇要 未食過旁邊配菜好味過舊豬手 比埋個燒汁Tim 。就係食到好口渴，嗌waiter 加水 之後同我地講唔好意思加水要比$10買 一樽 ，連個小食都漏單無黎到，間餐廳人手多但唔知做咩..同女朋友食完第一個飯就收曬d餐具， 最後餐茶都唔要走左 。未食過一間西餐廳會咁差 今次係第一次真係燒鵝價錢，庶渣享受

深水埗有不少臥虎藏龍的餐廳 常在深水埗出入的我要介紹近期的後代名單了🤭 s3_186cafebar 是這區試業一段時間的餐廳近期調整了menu 一看就知道是誠意之作！用料不手軟食物大大份之餘 價錢又很合理👍🏼重點分享龍蝦明太子薄餅🍕整隻大龍蝦造型已經很有氣勢🦞Pizza上除了有龍蝦肉外 內層都夾着濃郁的明太子醬是我點評必吃的MVP 價錢還只是$200多🤭另外阿拉斯加長腳蟹海膽汁意粉都有長長的蟹腳裏面真材實料+厚肉多汁 完全不是裝飾😏👏🏼最後想要更震撼的視覺效果 就一定要叫火焰金箔和牛！他們會先用火紙蓋在食物上方 點燃之後就好像變魔術般揭示食物🔥🪄而且和牛上面有一整片金箔好高貴呢✨這間星空為主題的餐廳環境寬敞🌛加上食物CP值之高 真是很適合一班朋友來聚餐share分享🍽️😋

與朋友難得幾年一次的聚會，但要就其中一個近佢公司的地方，於是揀左這間。發現原來是在酒店內嘅餐廳，環境屬於打卡able，有月亮星宿銀河系主題。Menu都幾多選擇，有各種肉類，Pizza，意粉，串燒和甜品等。90分鐘放題對鐘意食唔同嘅肉尤其啱key又可以A LA CATE。佢地嘅烤嘅肉類做得出色，味道不太咸，調味適中。另外職員服務態度非常之好，沒有交枱時間可以暢所欲言不用趕住走。所以這食店性價比高，會介紹給朋友們光顧。