ROYAL INN

午膳時間行經銅鑼灣皇室堡，見到餐廳環境唔錯，就去試下。餐廳入面竟然有噴水池+水晶燈， 感覺好grand, 仲要有落地玻璃，可以望到維園，景觀好開揚。星期日餐廳提供 brunch set ,我地每人order左1set.All day breakfast呢個set份量相當足夠，食完覺得好滿足。有雙蛋﹑雙腸﹑煙肉﹑沙律菜﹑薯仔﹑磨菇﹑茄汁豆﹑面包。佢嘅面包值得一讚，軟中帶脆，烘得啱啱好，仲有少少牛油香，好食；雞肉腸唔咸又好味，整體好好食。香煎大蝦辣肉長通粉大蝦一啲都唔『鞋』，又唔『梅』，食得出好新鮮，加埋啲辣肉腸，味道啱啱好。set仲包一杯飲品，如果想加前菜，只需加多$28元。餐廳仲有唔少酒精飲品提供，款式都唔少，啱晒夜晚約埋幾個朋友一齊嚟傾計飲酒relax下!

餐廳位於皇室堡。主打法式風情同設計。一入門口已經見到大大個水池，同埋吊燈。大家可以嚟打卡。食物方面，松露蒜香炒蝦意粉好足料。有成6隻蝦。意粉有淡淡松露味。最推介香草牛油焗田螺。一上菜已經好香。田螺好容易掹出嚟食。而且下面嘅薯蓉超級好食。法式大蒜蘑菇忌廉烤雞，仲配埋麵包，可以點忌廉汁食。而且雞嘅份量十足，唔驚食唔飽。甜品叫咗依一個必點嘅火焰雪山，店員會走過嚟點火，好有儀式感。成份甜品超級打卡。面層係cream，而入面係朱古力雪糕蛋糕。

環境：一進入餐廳，便會感受到驚喜的氛圍。以法式風格為主題，門口的水池和鮮花裝飾增添了優雅的氛圍，讓整個環境顯得更加浪漫迷人。食物法式大蒜蘑菇忌廉烤雞 $268雞肉嫩滑多汁，搭配酸種麵包，完美中和了忌廉的濃郁，讓每一口都充滿層次感。烤製的蘑菇和薯仔吸收了香濃的調味，味道更加誘人。松露野菌忌廉汁手工閱面 $148手工麵條彈牙滑順，完美地吸附了濃郁的忌廉汁。松露的香氣輕柔而迷人，與野菌的鮮味相互交融。忌廉芝士雜莓法式班戟 $92外層金黃柔軟，內裡包裹著絲滑的忌廉芝士，口感豐富。

喵～琴日同喵女去咗銅鑼灣皇室堡嘅「ROYAL INN」，體驗咗一餐充滿歐洲宮廷風嘅浪漫晚餐！✨ 餐廳裝修華麗優雅，水晶吊燈、白色噴水池、拱形門窗，真係好似置身喺歐洲宮廷咁！👸🏻 環境舒適，氣氛浪漫，好啱情侶撐枱腳或者同閨蜜慶祝生日！🥂 食物方面，擺盤精緻，味道有驚喜，絕對係視覺同味覺嘅雙重享受！🤤ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 燒三文魚香草忌廉手工戒指意粉呢個意粉真係好有特色！🍝 手工戒指意粉口感煙韌，充滿蛋香！🥚 香草忌廉醬汁濃郁 creamy，味道清新，同燒三文魚簡直係絕配！🐟 三文魚煎得外脆內嫩，肉質鮮美，✨2) 法式大蒜蘑菇忌廉烤雞（配四片酸種包）呢個烤雞真係好惹味！🍗 雞肉烤得外皮金黃香脆，肉質嫩滑多汁，充滿大蒜同蘑菇嘅香氣！🧄🍄 忌廉醬汁濃郁香滑，味道醇厚，配埋鬆脆嘅酸種包，真係一流！🥖 酸種包可以蘸滿醬汁，每一啖都充滿幸福嘅味道！🤤 炸洋蔥絲香脆可口，為成個菜式增添咗唔同嘅口感！🧅✨3) 藍莓醬巴斯克芝士蛋糕配雪糕呢個甜品真係完美ending！🍰 巴斯克芝士蛋糕口感綿密，味道濃郁，帶有焦糖嘅香氣！🍮 藍莓醬酸酸甜甜，同芝士蛋糕

今晚我們到Royal Inn享用晚餐，餐廳的裝潢極其優雅，洋溢著法式宮廷的歐陸風情。讓我們要實實在在的分享一吓。餐廳整體設計以純白色為主調，中央矗立著一座裝飾著藍白花的羅馬柱噴水池，周圍輔以宮廷風格的燭台燈及黑白格仔地磚，十分漂亮！進入餐廳，首先映入眼簾的是那個氛圍十足的水池，懸掛的吊燈華美而精緻。我們選擇坐在噴水池旁，空間寬敞且私密，桌與桌之間的距離恰到好處，令用餐體驗倍感舒適。我們點了：香草牛油焗田螺大大粒的田螺肉鮮嫩彈牙，搭配綿滑的薯蓉，讓人一口接著一口。香草牛油的香味四溢，用薯蓉沾上牛油，味道更加濃郁。再配合烤過的農夫包，麵包的脆口感與田螺肉非常配合，好味！法式大蒜蘑菇忌廉烤雞一上桌便撲鼻而來的烤雞香味，令人無法抵擋。雞肉鮮嫩多汁，忌廉汁清新不油膩，奶油香濃郁。雞肉外皮金黃酥脆，咬下去時保持了肉質的鮮嫩。靈魂在於那濃郁的忌廉醬，讓人一口接一口。配菜的薯仔和大啡菇也鮮香順滑，蘸着醬汁吃非常好味。搭配脆脆的麵包，沾著忌廉醬，簡直是法式風味的完美呈現。此外，炸蒜也炸得很鬆脆，實在值得一讚。流心布袋芝士紫薯意大利飯這道流心布袋芝士紫薯意大利飯比較少見，所以我們便點了試試。米粒煮得恰到好

法式大蒜蘑菇忌廉烤雞雞肉外皮金黃酥脆，內裡卻嫩滑多汁，搭配濃郁的蘑菇忌廉醬，香氣四溢，令人陶醉。每一口都彷彿在品味法國的浪漫。牛油燒波士頓龍蝦半隻海鮮愛好者的夢幻選擇。龍蝦肉質鮮甜，搭配濃厚的牛油，讓人感受到奢華的滋味。烹調得恰到好處，保留了海鮮的鮮味，令人一試成主顧。這兩道菜無論是口感還是風味，都讓人陶醉，絕對值得一試！

好耐冇過嚟皇室堡行街街喇行下行下上到3樓望入去見到呢間餐廳裝修好靚呀門口個噴水池非常吸引仲見到兩個女仔不停響度打卡入面間房個地板黑白格仔好似rosewood咁呀即刻拉老細入嚟坐低叫個dinner set！北海道帶子刺身薄切：頭盤嘅帶子刺身，配埋三文魚子，加咗酸酸甜甜嘅醬汁同啲黑胡椒粒～非常之開胃！！法式白酒煮蜆：個白酒湯煮得好好味，蜆亦都好新鮮，啖啖肉！份量仲唔少添～法式芝士焗洋蔥湯：個洋蔥湯面頭塊芝士，好明顯用火槍燒過，一放低就問到陣陣芝士嘅香味！！雖然叫濃湯，但係口感比較清淡，唔會覺得佢好膩！龍蝦意大利餃：比較少食西式嘅餃子，呢個龍蝦餃餡料其實係cottage cheese，鍾意食羊奶芝士嘅一定唔好錯過！！面頭拆咗肉嘅龍蝦肉好鮮味，配買龍蝦汁，口味唔錯！安格斯平鐵牛扒：要咗medium～上枱粉粉嫩嫩～賣相好吸引！😍夠牛扒好嫩滑，熟度啱啱好！醬汁都唔會太過濃，配菜仲有紫色嘅椰菜花同埋焗薯，食完飽飽！！連甜品都無位放啦！！

今晚去了銅鑼灣皇室堡的Royal Inn晚餐，餐廳以歐陸庭園風格裝飾，氣氛很好。食物很精緻。法式大蒜蘑菇忌廉烤雞法國野雞肉質香嫩，烤得金黃香口。忌廉湯中包含茴香籽、大蒜等，並配以蘑菇、薯仔、烤蒜絲，香氣滿溢。一定要提的是，附上的幾片淺烤過的酸種麵包，蘸著烤雞湯汁品嘗，實在太美味了，絕對是個意外驚喜！！流心布袋芝士紫薯意大利飯因看中了它的紫薯，所以點了這道意大利飯，雖是素食，但色香味俱全。布袋芝士有流心效果，微甜的紫薯混合意大利飯，口感綿密。配料有蘆筍同甘筍。藍苺醬巴斯克芝士蛋糕配雪糕軟綿綿的巴斯克芝士蛋糕配香草雪糕，點綴著三色堇、士多啤梨和用新鮮藍莓自家製的藍苺醬，色彩繽紛，令這一餐畫上了完美休止符。

Thanks to Royal Inn in Causeway Bay for inviting me for a tasting at their restaurant. Very fancy not just with their food but as soon as you walk in with the fountain piece in the middle, and all their interior. For our starters, really enjoyed the Escargot ($118) which nicely presented, and tasted great with the garlic herb butter, mashed potatoes, chives and crispy bread.The Spanish Oysters ($49 each) looked just as impressive and very fresh and refreshing with a squish of lemon juice.Also ha

寶貝女生日，當然要搵個靚靚餐廳同佢慶祝！今次我地選擇咗Royal Inn，位於銅鑼灣告士打道嘅皇室堡。呢間餐廳裝潢真係優雅得嚟又充滿法式🇫🇷風情，行法式宮廷歐陸風，以白色為主調，中間有個用藍白花🪻裝飾嘅羅馬柱噴水池⛲️、宮廷燭台燈🕎💡、黑白格仔地磚⬛️⬜️，好適合打卡！一入門口就見到個好有氣氛嘅靚靚水池，上面既吊燈都好靚又華麗。我地就坐喺噴水池旁邊，地方寬敞，枱與枱之間有足夠空間。而再行入啲，就可以坐喺玻璃窗旁嘅卡位，望到維多利亞公園，或者坐喺水晶燈下，真係好有氣氛。呢度設有VIP房，適合大夥兒聚會，餐廳面積大，裝潢以宮廷風為主調，歐式水池的佈置十分搶眼，水晶燈及古典擺設，感覺優雅，充滿浪漫氣氛。我地點咗一個premium business set lunch，同埋一個express lunch。首先，我地試咗主菜：grilled angus rib eye 8oz ($228)同grill US pork rib eye ($128)。安格斯西冷牛扒🥩真係推薦，質素非常高，牛扒外層烤到香脆，裡面保持住鮮嫩多汁，肉質完美粉紅色，牛味濃郁，食落真係令人回味無窮。配菜有串茄同特別處理嘅薯仔，味道

曾經去過尖沙咀總店，已經覺得餐廳佈置嘅氣氛好好，似花店，有去咗法國🇫🇷河邊餐廳嘅感覺。 嚟到銅鑼灣更加誇張，在餐廳入口位已經有個噴水池係餐廳內，水仲要係流動中、好有去了歐洲嘅感覺。再加埋餐廳上面嘅水晶蠟燭吊燈，呈得高貴堂煌。餐廳分了兩part位置，一part 近Bar枱，另一part近窗邊。西班牙黑毛豬鞍架擺盤非常精美，以BB蘆筍同車厘茄伴碟，豬鞍為主角。西班牙黑毛豬上還烤到有格仔花紋，切完之後豬肉內裏，肉呈粉白色非常漂亮，肉質煮到剛剛好，唔會過韌。煙三文魚香草忌廉好少可西餐廳係意大利短管粉上面比足整舊煙三文魚腩魚肉，非常抵食。看得出係新鮮打爛香草再做成忌廉汁，所以漿汁呈綠色，非常好香濃。意大利短管粉，好有麥味，口感煙煙韌韌，再吸收晒三文魚同香草忌廉汁嘅味道，好夠味。香蜜甜橙用英式瓷器茶壺裝住熱茶，非常高級。飲落陣陣香橙味，再以Garl Grey做茶底，超重佛手柑味道，感覺好清新，飲完後for 餐後非常消滯。牛油果奶昔非常香牛油果味，再加牛奶整出嚟嘅奶昔，非常健康好飲，唔會過甜飲完唔會覺得好滯。

一間充滿宮廷氣派嘅餐廳，到處都係華麗優雅嘅裝潢，包括水晶燈、噴水池，仲有唔同嘅花，非常有氣氛，超適合打卡📸我叫左個Tea Set同姊妹開心Share。💜ROYAL TEA SET $388 for two個Set有兩層鹹，一層甜，先食鹹，最後食甜，由下而上咁食，底層以海鮮為主，最鍾意個帶子刺身，好新鮮。中間既鹹點都好精美，鴨肝幕斯配無花果味道好豐富。最後一層既甜點，最愛係瑪德蓮貝殼蛋糕，甜度適中，剛剛好。🍴整體食評✅適合打卡✅環境舒適✅食物味道好

銅鑼灣親民價錢法國菜。也可以成為金銀會員就有優惠。Royal Inn。松露蒜香香炒扁意粉: 蝦本身嘅甜味配搭黑松露油同蒜片。有幼筍。法式大蒜蘑菇忌廉烤雞：濃厚嘅芥末忌廉味，同埋罂粟籽做醬。材料有大啡菇，烤鮮嫩雞，切韭葱。面頭加炒韭葱絲。再加4塊牛油烤酸種麵包用嚟點醬食。藍莓醬巴斯克芝士蛋糕配雪糕：有新鮮雜錦莓，乾柚子(甘味)，杏仁片，奶油忌廉，巴斯克芝士蛋糕，雲呢拿雪糕（開心果碎喺面）。唔同配搭撈埋一齊食，美味無窮。朱古力香蕉奶冰沙：食到香蕉本身。用新鮮生果榨嘅。總括：佢哋有普通會員，用QR code登記。可享有九折。銀會員要俾$500有$100 couponX3, 可享八五折優惠,送crab cake。$1200金會員我享有八折優惠，有$100 couponX8。送ribeye steak.

平安夜叫左兩個聖誕dinner set, 份量比較少，味道ok的，要餐飲還要加錢，book了位也沒兩人枱，要拆四人枱做兩張二人枱比我們，坐得好迫，體驗一般，本身諗住打卡，同其他人迫住坐，影相都要就住

星期三中午去這裡食lunch，兩個人叫咗兩份set lunch，蘑菇湯沒有味的，可能廚師忘記落鹽，我及朋友原封不動放喺枱上，無味道而且不熱啊，最怕喝湯不熱的，這個餐廳必需改善下，之前去尖沙咀店，食物方面挺好的。Main course也是不熱的，已經是預制菜，也不加熱才給客人🥴 服務方面，可能工作日lunch time時間，服務員也不多，所以服務態度也是一般的！裝修標榜法國宮廷式，女生打卡拍照必宮廷式愛的，但也有少許殘舊了。