QUE (東薈城名店倉)

營業中

休息中

✨ 日本蟹肉甲羅燒飯配蟹籽（$198）Risotto飯底好重奶油香，撈埋甲羅燒嘅蟹肉相當唔錯，不過始終係Risotto，會有少少Heavy感，加上配料比較單一，個人覺得同朋友Share就岩岩好 😝。✨ 三色魚生丼（$178）同餐牌對比冇照騙 🤭，刺身真係厚切 😆👍🏼，質素亦唔錯。✨ 京都宇治抹茶蛋糕（$68）切開蛋糕中間夾咗柚子麻糬同紅豆，整體甜度較低，適合我喜好，但抹茶味相對較淡，如果可以再濃郁啲就好 🙈。✨ 濃郁朱古力沙冰（$62）正常發揮，杯墊上嘅小貓好可愛 🤭。·東涌新開西日Fusion Café，甜品由得奬日藉師傅主理，店舖裝修好有和式Feel，店內仲有少少逼真嘅貓貓擺設 😆。上星期行東薈城嘅時候經過見到新開店面幾靚，睇埋Menu覺得吸引，於是就約埋朋友今星期嚟試 😝。我自己其實都係第一次係東涌食飯（成功擴大覓食版圖 😆），整體嚟講用餐經歷唔錯，個人認為係一間幾適合同朋友聚會嘅餐廳，再嚟會想試吓其他出品 😝。·🧾 需加一服務費💰 $557

東薈城開左間新餐廳 裝修得好靚 今日終於都有時間去試下 好醒目地早左出去 所以唔洗排隊🤭揀食咩都揀左好耐因為好多都好似好好味😅咖哩味炸魷魚配香蒜蛋黃醬($78)一黎到就聞到咖喱味好香 但食落口又唔會太搶味 啱啱炸起熱辣辣好脆炸 炸粉好薄 魷魚好厚肉 配埋蛋黃醬食超好味軟殼蟹意粉配蟹肉蕃茄忌廉汁($148)軟殼蟹都係新鮮炸起 但意粉個汁就淡味左d 都好食既 但唔係十分驚豔燒春雞配自家製燒肉汁伴芥末薯蓉($148)燒春雞既皮同埋芥末薯蓉唔錯 墊底既西蘭花都好好味 但d肉略嫌鞋左少少特濃朱古力蛋糕($78)本身諗住一件蛋糕要$78有d貴 但黎到見到隔離有個小雪糕好得意 一切開件蛋糕發覺原來入面係有好多層唔同既layer 有朱古力Mousse 中間有d榛子醬 有啲金沙feel 個底有海綿蛋糕 朱古力味好濃 又唔會過甜 好好味😋下次試埋佢其他野先😬

-𝙌𝙐𝙀有日番工係東薈城 lunch 發現有間新餐廳做完research 先知原來呢間係由亞洲頂級日藉糕點師 Rin Horiuchi主理既輕奢和洋餐廳主打西日fusion菜 有墨西哥x 日本既sushi taco 亦都有法日融合既甜品好中意呢台既日式簡約風格裝潢以木系 x 簡約風為主 周圍都放置左綠色植物 成個用餐體驗都好舒適☁️✨Dinner Set ($558/2ppl)🍽️ 套餐價錢因應所揀既主食而不同Snacks 🌮軟殼蟹壽司塔可 (+$48)係其中一款主打菜式 呢個好有驚喜外層既紫菜係以天婦羅形式炸過入面軟殼蟹（比想象中大隻得多！）蔬菜 蟹子 洋蔥 特調醬汁 真心好好味❤️🐣 脆炸單骨雞翼一共有6件 即使係單骨都好多肉食 而且炸得好香脆 最欣賞既係配明太子蛋黃醬 非常夾又好惹味❤️Salad🥗黃金凱撒沙律新鮮沙律菜 + 金黃色炸流心蛋 = ✨Main🐟香煎比目魚係一道豐盛既海鮮菜式厚切比目魚煎得好香 肉質嫰滑 配搭青口 紅蝦 蜆 紫蘇番茄汁 想講呢碟既重點係個汁好好食 店家好貼心提供埋自家製法包多士 點汁食 最後我地食到個碟係完全冇汁 真係好好味呢🤤Dessert🍦靜岡縣紅茶甜筒

讚1 坐得都幾闊落既彈1 軟殼蟹Taco同抹茶甜品都好麻麻，Taco調味好淡，而且炸得有油膩感，抹茶甜品樣係靚，但實在唔多覺有抹茶味，而且忌廉太多太厚2 價錢貴，一件Taco賣成七十幾，一件蛋糕要近豬，仲貴過酒店

28/10/22 一行六人食個奢侈午餐，因為叫做新開就去試吓，預期份量叫細的，有些女仕夠食，男仕可能要追加其他小食或甜品。叫咗L2，L3，L5，L7，L8 參考餐牌同相，都叫好食的。（平均每人$160連加一）但自助落單就要有好網絡才做，我坐得入都唔肯定自己係咪真落到單，要確認。反而出飯有點慢⋯

-「靜岡有機抹茶豆腐紅豆沙冰」，嚴選之有機抹茶粉帶有清爽的口感，配上豆腐紅豆，意外的品嚐到完美之結合！抹茶的新火花，對我這個抹茶控而言，充滿幸福美滿之感覺。-「芝士炸蠔司塔可🧀」脆口「芝」味，融合創意新潮文化之烹調風格-「明太子意炒配北海道三文魚籽及紫菜」，creamy程度達至滿分！明太子忌廉汁，和魚油脂魚嘅三文魚籽，口感十足！餐廳運用創意結合不同食材，創作出多種特色料理。推出多款日式飲品、主食及甜品菜式，以日本資深甜品師傅炮製出獨特之甜品創作，呈獻出與別不同的新口味。如果想和伴侶來一個輕鬆約會，不妨試試這家餐廳試試，誠意推薦！

今日同屋企人去東薈城行街，早排哥哥見IG已介紹Que，講得上今日係順便專登嚟食Lunch1點前嚟到，大約等咗十幾分鐘就有位。入面當然坐滿晒人。其實都無咩機會欣賞到Cafe嘅裝修。好可惜點餐時，家姐同哥哥最想食嘅牛飯都無晒，連其中一款想食嘅小食都無。哥哥係想走去轉場嘅🤣🤣🤣不過最後，都揀咗其他想食嘅食物。坦白講，食物就一定唔係平，不過真係好味，而且某D女侍應服務態度都唔太好。唯獨遇到追食物時個男職員反應同態度真係好禮貌。

Shopping完搵野食無意之中搵到間裝修好得意嘅餐廳 貓貓Logo 原來係一間西日式餐廳 個環境裝修咁靚 就決定試吓佢！店員推介左幾款受歡迎嘅菜式同飲品. 最特別必試「壽司Taco 」利用壽司原理，將塊紫菜炸完再包住飯同配料，有個紙托拎住食，方便又唔會整污糟手，個設計好體貼另外仲叫左個蟹肉甲羅燒飯 店員教我地將啲蟹肉撈落個飯到食 ，加上個飯有海膽忌廉汁，食落去個飯好香好鮮甜 😋 店員話 蟹肉薯仔球係佢地招牌菜 受歡迎程度係會賣哂 襯宜家仲有緊係叫黎試試先. 蟹肉加上薯仔蓉炸成一個波波 香口又野味 讚👍🏻 嗌咗杯我最愛嘅桃味梳打 飲落去好清甜清新好消滯 尾聲叫埋甜品就大滿足 綠茶芭菲 好玩又好食 將熱嘅綠茶汁倒落杯有白朱古力嘅芭菲到溶左去 呢個配搭食落唔會太甜 麻糬有咬口同味道濃郁下次黎 我要試埋門口賣嘅牛角包同蘋果批 🤘🏻

一家大細行閒東薈城，見到商場介紹一間剛開業的cafe”Que”，剛到飯點梗係要去踹場試新嘢啦。該店裝修雅致，別人具日本風味感覺舒適自然。值得一讚的是入座不久就有waitress埋來細心推介講解，原本無咩嘢頭緒既我們好快就決定左order👍

今天同先生同BB三人到訪。12:30pm到達禁機取飛，我張飛是B27. 因為發現是用GULU,可以用電話睇吓叫到幾多，所以我地係商場周圍行。由12:30到1:00半個鐘，B飛都完全無郁過，到1:15pm,我見佢叫到B25,所以我地起程返去餐廳，由4樓搭lift去返2樓，過程5分鐘。點知返到去佢竟然叫到B29. 我真係覺得自己好黑仔，頭先咁耐都唔郁，依家短短5分鐘就郁4個no. 我就好有禮貌同帶位短髮阿姐講：唔好意思呀，我張飛過左呀佢話：下？過咗呀…甘你要等等喎，我要叫多兩張先可以安排返比你我話：好呀，唔該我一邊等一邊心諗，佢甘specific 講叫多兩張，甘應該係公司機制黎。我仲專登仔細睇吓手上張飛，佢寫住「如叫號超過5個，需重新輪侯」我心諗好彩，我過左2個no.者，如過左5個我就要重新輪過。執返身彩的感覺。之後過咗5分鐘，佢開始叫B飛。B30? 無人。B31,有人，齊人入得。我見佢叫左兩張，我心諗，下張應該到我啦。點知佢過一陣就叫埋B32,人齊入得。我等到佢帶完位返黎就問佢我問：你唔會唔記得左我架可？你記住要補比我喎佢話：小姐甘你都真係要再等下了，我要安排位比其他人先我話：下？你頭先

𝑸𝑼𝑬 -🌮 軟殼蟹壽司塔可🍽️ 軟殼蟹意粉🍽️ 日本蟹肉甲羅燒飯配蟹籽☕️ 熱玫瑰鮮奶咖啡☕️ 熱玉桂楓糖鮮奶咖啡日本木系café！環境一流，味道いちばん！大門既大樹裝飾支撐住成間餐廳既設計，清新簡約！Café 每個角落都靚到一幅畫咁(⁎⁍̴̛ᴗ⁍̴̛⁎)主食好多選擇，花多眼亂(˶‾᷄ ⁻̫ ‾᷅˵)最creative莫過於係"壽司taco"！有多款combination, 見軟殻蟹梗係要舉手♪(´ε｀ )！用tempura 既idea, 炸過既紫菜包住1/3份量既壽司醋飯，加上原隻炸軟殻蟹！滿滿既蟹籽，加上少少既蔬菜同埋少少辣既既醬汁，起惹味！外面既炸紫菜同炸軟殼蟹十分脆卜卜( ͡° ͜ʖ ͡°)但一啲都唔會成口油，加上辣辣地既醬令我更加開胃！食落極有層次！十分推薦٩(˃̶͈̀௰˂̶͈́)و MUST ORDER!第二個推介係軟殼蟹意粉！配上蟹肉蕃茄忌廉醬，超級creamy但又佈滿 滿滿既蕃茄味！意粉軟硬到適中，幾掛汁(^｡^)一啲都唔膩，仲反而幾refreshing(≧▽≦) 軟殻蟹更係超厚肉！之後幾crab meat risotto, 比前者較heavy~ 但擺碟吸引，放上原個羅燒蟹殻，fill with滿滿既蟹膏蟹

嚟得東涌只有3件事會做，一喺就行山，一喺就宅渡假，一喺就有嘢想買，行Outlet。自從上次入嚟宅渡假，有較多時間逛逛東薈城，發覺多咗個二期，開咗好多餐廳。今次所試嘅日式西餐廳「QUE」又喺晌二期呢邊，並且喺新開無耐。 晌門口已隱約感覺到餐廳嘅裝修風格，以木系為主調，裝修清新簡約，而店內更有唔少植物作點綴，尤其近門口嘅「大樹」，更喺當中重點打卡位。再加上地方闊落，樓底又高，予人感覺寬敞，讓整體氣氛更閒適，讓人有多一份寧靜。 我哋被安排最入面嘅卡位，細心留意嘅話，猶如和風古居嘅風格，餐枱都喺實木所做，敲落去喺沉實嘅木聲。 此外，要留意嘅喺店內有好多特色小擺設，如甚具日本古雅風嘅盆栽，仲有好多好可愛嘅「貓貓」，像真度非常高，霎眼望埋去，幾可亂真呀！主餐牌製作精美，翻一翻，選擇都非常之多，作為西日餐廳，菜式真喺頗為特別，類別分為小食、壽司塔可、沙律、全日早餐及三文治、主菜、意粉及意大利飯、日式丼飯，剛好晌門口拎咗張單張，兩頁紙就印晒所有食物。 不過，甜品及飲品就要睇番主餐牌，選擇極多，尤其特色咖啡及各類特飲。雖然餐牌無列出嚟，但見鋪面嘅餅櫃仲有啲烘焙產品，如牛角包、招牌蘋果批。 不過，計落都喺

東涌東薈城呢間新開嘅日式餐廳我就最鍾意周圍試新餐廳有新鮮感麻😂木系裝修設計有貓貓🐱公仔係門口，差啲以為係真貓咪坐低左原來連掛畫都有貓貓 好可愛介紹食物先午餐除咗日式刺身，仲有西式意粉選擇🍽黑松露貓耳朵配野菌木魚絲及芝士🍸3⃣️色魚生井飯厚切刺身真係好吸引🍴蒜香廣島蠔意粉配芝士忌廉汁意粉入口好creamy 加埋蒜粒有口感🍯追加 脆炸單骨雞翼配辛子明太子醬重點 我哋最愛甜品🍦靜岡縣紅茶甜筒配紅茶汁（自選）自己整碎甜筒 再淋上紅茶汁好治愈💗溫馨提示午餐份量比較適合女士男士可能未必夠飽或者要追加多幾份小食😜

行行吓俾佢餐廳裝修吸引咗，好似日本商店嘅裝修天馬行空創意十足，一於去試吓。青蘋果泡泡綠茶：口感好創新，好少餐廳會將果汁放落綠茶嗰度，飲落去有清新嘅蘋果味，之後仲有綠茶嘅回甘，雙重享受。北海道蟹肉薯仔球：呢個必食推介，鍾意食香口野嘅真係唔好錯過。汁燒鰻魚壽司塔可：呢個係店員推介，可以稱得上係佢哋嘅signature dish，平時經常接觸嘅壽司手卷，佢竟然將塊紫菜炸咗，口感即刻昇華，真係未試過，推介。日本蟹肉甲羅燒飯配蟹子及海膽忌廉汁：呢個都係店員推介，用咗近期好Hit嘅日本蟹肉甲羅燒，配上日本米造成嘅意大利飯，西日合璧，食落好Creamy，蟹肉甲羅燒份量好多，店員仲主動講解將啲蟹肉同意大利粉撈埋一齊，口感即刻唔同晒。總結，好適合去影相打卡嘅餐廳，同埋創新嘅食材配搭，推介餐廳。

之前朋友同我講東薈城開咗一間頗有特色既餐廳環境風格&食物都唔錯~今日同女朋友去完360順路黎慶祝試試佢~一黎我地都係鍾意日食既人~二黎360行過黎都好近~行過黎都唔駛5分鐘路程,等左一陣就可以入座服務同環境都唔錯~餐牌都幾多選擇亦都有唔同種類既餐點可以選擇,一黎到就當然叫杯飲品飲下先再慢慢諗餐點~先講下佢地杯(青蘋果泡泡綠茶)青蘋果果香味濃厚得黎又唔會搶走綠茶既茶香十分清新~主食方面就比佢餐牌張(日本蟹肉甲羅燒飯配蟹籽及海膽忌廉汁)相吸引左旁邊有一小碟柚子汁蘿蔔前菜~酸酸甜甜十分開胃~蟹肉鮮甜濃郁海膽忌廉汁飯相當有層次~真係好惹味我地仲叫左兩個小食一個係(北海道蟹肉薯仔球配紫菜木魚絲及日式芥末醬)不單鬆脆可口亦都鮮甜之極~第二個就係(酥炸廣島蠔配唐辛子檸檬蛋黃醬)相比平日配燒汁既食法真係別具一格~唐辛子既香加配檸檬蛋黃醬清新得黎又驚又喜一d都唔腥~完食之後就叫左個(京都宇治抹茶芭菲)甜甜既蜜餞豆+麻糬~配上濃濃既抹茶汁淋上杯頂既白朱古力尼個配搭對綠茶控黎講真係食多一杯都冇問題女朋友都大讚好好食