PURADAK CHICKEN (金巴利街)

朋友生日，佢話想食韓國嘢，咁當然落嚟尖沙咀韓國街依度搵啦⋯⋯之前其實選定咗一間，點知入到去個職員話得60分鐘時間😱我笑咗出嚟，😆😆😆所以我哋即刻走，跟住就揀咗一間吖…..餐廳唔係好大，一般裝修都可以容納10零枱，啲食客都佔咗六七成嘅韓國人，都證明有料到，侍應有外國人有韓國的，但一般英文都OK..黃金時間都坐滿亦唔算好嘈…. 另外無限時呢！叫左傳統辣炒年糕，魚糕湯（2人份），牛肉大醬湯，半半炸雞（無骨）- 青陽辣椒MAYO/紫菜味，梅子梳打，西柚梳打，Terra啤酒日，真露It's Back0，忌廉芝士波，什錦炸薯，檸檬梳打，芒果梳打…..年糕就一般同埋唔係好熱，反而個魚膏湯同個牛肉大醬湯幾好食，同埋熱辣辣….. 炸雞都唔錯，尤其是佢啲醬汁幾出色…跟住第二轉叫左啲小食飲下啤酒飲下野，感覺上幾好都值得推薦….…查看更多

Puradak Chicken 尖沙咀分店位於市中心黃金地段，環境舒適，適合朋友聚會或宵夜。今次哎左個4人餐！招牌必哎韓式炸雞外皮香脆金黃，肉質鮮嫩多汁，配合特製微甜微辣醬汁，層次豐富令人回味無窮。韓式炒粉絲加入彩椒和木耳，不過鹹左少少。傳統韓式炒年糕，哎左個唔辣嘅，好入味！薯條拼盤有齊好多個唔同種類嘅炸物，值得一試！最後海鮮薄餅好足料，個皮唔會太厚！店員服務親切，整體用餐體驗非常滿意，絕對值得一試！…查看更多

真係垃圾到極，完全唔值得晒錢同時間嚟受氣！今日咁鬼死熱，成三十幾度，諗住入去涼下冷氣食餐晏啦，點知間舖頭啲冷氣弱到呢，同冇開根本冇分別，焗到成身汗，未食已經燥底！仲要叫咗個招牌豆腐湯，心諗實冇死啦，點知一啖飲落去，嘩，**淡茂茂**，淡過滾水，完全冇豆味冇鹹味，真係唔知飲緊啲乜，即刻冇晒胃口。最**離晒大譜**嘅係，佢哋居然要客人自己掃枱面張 QR code 落單！好啦，我哋咪乖乖哋自己搞囉，明明見到牆上面大大張海報掛住個set menu，睇落幾抵食，咪揀咗個 set menu 落單囉。點知等呀等，等咗成大半個鐘，枱面仲係**吉嘅**！乜嘢都冇嚟過！頂唔順叫個侍應過嚟問下咩事，佢哋先如夢初醒咁查，查完居然話：『唔好意思呀，個系統顯示唔到個 set menu，所以你落唔到單㗎。』聽到真係火都嚟！**大佬啊！** 個 set menu 海報咪大大張掛喺你哋牆上面？咁大個陷阱？成班職員喺舖頭入面**行嚟行去**，好似好忙咁，但就完全冇人留意到有客坐咗喺度成半個鐘都冇嘢食？冇人主動過嚟問一句『有咩幫到你』？當我哋透明㗎？叫佢哋過嚟問咩事，唔係解決問題先，而係一個二個企喺度**拗爆頭**，你眼望我眼，面懵懵，個樣仲迷茫過我哋！完全唔識得即時補救，例如即刻用人手落單，或者主動提出其他解決方案，淨係識得話個系統壞咗。咁嘅服務態度同應變能力，真係令人**激鬼氣**！最最最**過份**嘅係，埋單嗰陣，張單上面仲要**大大隻字寫住收加一服務費**！嘩，我真係俾錢都俾到**扯火**！冷氣唔凍、食物難食、落單系統壞咗冇人理、要我哋呆等大半個鐘、職員完全幫唔到手，由頭到尾有邊忽有提供過『服務』？仲夠膽收我『服務費』？呢啲簡直係**明搶**！呢間嘢，**貼錢買難受**，永不錄用！…查看更多

今日叫咗Puradak Chicken試佢哋嘅招牌炸雞，真係有驚喜又有啲失望位！ 首先講吓 **Corn-So Amazing 炸雞** 🌽，真係冇改錯名！外皮脆卜卜，仲有啲甜甜哋嘅粟米味，好惹味！雞肉算係juicy，不過雞胸部位就爭啲，有啲鞋口，如果全部位都咁嫩就完美啦～ 至於 **瘋狂蒜香炸雞** 🧄，老實講，有啲普通。蒜味係有嘅，但唔算好突出，同其他炸雞店差唔多，冇乜特別驚喜。如果鍾意重蒜味嘅可能會覺得唔夠癮。 最後試咗 **泡菜煎餅** 🥢，厚度係夠嘅，但係外皮已經唔脆，有啲淋咗，泡菜味都算濃，但口感扣咗分。 整體嚟講，Corn-So Amazing 真係值得試，其他就見仁見智啦！ #PuradakChicken #炸雞控 #食評 #韓式炸雞 #美食日記…查看更多

炸鸡还不错，lunch set也是划算的，但是海鲜煎饼基本没什么海鲜，连葱都基本没有几个，面糊实在过厚，吃起来都是面粉味，三个人一人拿了一片都没吃完，算是吃过比较差的煎饼。…查看更多