PizzaExpress (新城市廣場一期)

營業中

休息中

平日夜晚嚟到超多人的沙田新城市搵食，依一間有位就入咗去。叫咗prama ham 拼盤，烤鴨pizza，同個意粉。個prama ham 拼盤都OK不過略嫌鹹咗少少個Pizza等左好耐，但係唔知點解覺得外賣嘅pizza 仲好食啲。叫咗三樣嘢，買單成$500 ，總係覺得唔係好抵😂

今日黎沙田行街，諗住食個午餐,但見周圍食肆人山人海，排晒長龍，度度都要等位，Pizza express 竟然完全唔需要等位，直入，或者中午來講佢算貴，叫咗個二人餐，叫咗個海鮮pizza，蕃茄意粉，有埋羽衣甘藍沙律，仲有小食拼盤，最後就係甜品，好豐富，連鎖店來講味道都保持到水準，食物都好精緻，味道唔錯，或者比較少人食，上餐上得好快，但價錢一啲都唔平，呢個價錢應該有其他更好既選擇，因為周圍都有，下次未必會再嚟

今日同男朋友專登出沙田買傢具，因為知道沙田太多水貨客關係，人山人海，無咩都唔會特別去逼餐懵。咁買完就搵個地方醫肚，見周圍餐廳都排哂長龍，唯有每間都拎張飛碰碰運氣，邊間快就食邊間，最後是pizza express跑出😂我地點左一份頭盤麵包球配上蕃茄羅勒肉丸，麵包球細細粒好滴骰，外面都有微脆口感，裡面軟綿綿，點埋肉醬食，酸酸地幾開胃。好快就食哂👍🏽話明pizza express當然要食佢嘅pizza啦，點左一份植物雞羽衣甘藍薄餅，一開始趁熱食都唔錯嘅，脆脆地又多料，但擺耐左就開始出油，雖然知係橄欖油，但被油浸到淋哂嘅薄餅都真係唔想食。最後再點了一份蕃茄海鮮意粉，味道唔錯嘅，有少少辣，都幾惹味，但份量就較少，同埋都係....太多油喇，雖然唔用油啲意粉會痴埋一齊，但真係多得過份🤦🏽‍♀️

補返打聖誕食左呢間😂平安夜個日咁岩係沙田，夜晚驚多人都已經六點就搵餐廳食飯，一到門口見無人等就揀呢間，叫左野食就後就開始有好多人等位！因為係聖誕，有特別既餐牌set dinner!可以揀既款唔算好多，不過都勝在有哂基本野。:::---湯係普通羅宋湯，勝在好夠熱！---麵包球配芝士忌廉來到已經好香，麵包外脆內軟，有驚喜，不過個醬就略嫌太咸，蓋過左面包味---芝士蘑菇牛肉pizzaPizza皮薄脆皮係佢出名地方，就算多人都維持到質素，仲要兩個人食真係好大份！---意粉無影到，普普通通---甜品加左錢食個拼盤有心太軟，吉士撻同士多啤梨蛋白塔心太軟唔算好流心，吉士撻還好，蛋白塔就甜，滿足既甜食---野飲係聖誕版熱朱古力幾有節日氣氛，係出既時候唔知點解會凍左扣分！

晚上跟友人試食位於沙田new town plaza 的pizza express ，等大約15分鐘才被安排入座環境安靜，位置挻多 不過服務生比較少,所以入座,叫餐,上菜皆需等待簡單點了個2人晚餐，包括一份雞肉沙律,一份雞肉意粉跟2杯可樂老實說，味道不特別，而且價錢還挻貴的唯獨是手工麵包挻好吃的,沙拉很大碟,意粉的味道不過不失相比起同類型的意式餐廳仍有待改善但於新城市而言也是普遍餐廳晚餐的價錢一試也無礙,但若要再光顧就要考慮一下

週末假期與家中細細到沙田大會堂欣賞舞台音樂劇。看畢表演就近到彼鄰的新城市廣場用餐。 繁忙時段在沙田用餐實在一位難求，好不容易在 PizzaExpress 找到位置。座位在薄餅廚房的一旁，可邊吃邊欣賞薄餅製作過程。 「焗芝士麵包球」一向是餐廳的佳作，面上的巴馬臣芝士食味搶香，麵包球鬆軟中又留下少許煙韌。不怕肥膩的話輕蘸少許牛油風味更佳。 「焗蘑菇芝士沾醬」同樣是麵包球菜式，雖然蘑菇芝士沾醬味道可口，但麵包球口感很韌扣減了不少分數。 「烤焗雞翼」製作未予驚喜，外掛芥末醬能為雞翼的味道帶來新鮮感。 整碟「瑪莎拉雞肉長通粉」只有四條鞋口雞絲，實在要投訴。 「卡邦尼薄餅」以巴馬臣芝士、意大利煙肉、白汁、蒜蓉油及溫泉蛋等烤製而成，味道很好。煙肉鹹香，邊位焦脆亦是值得加分的地方。唯一要改善之處，是溫泉蛋變熟蛋，或多或少扣減了印象分。「玉桂蘋果撻」出品美味，玉桂香而不搶，蘋果嫩爽味甜，再加上酥皮撻品的層次脆感，讚！ 「意大利咖啡雪糕」食感冷熱交集，既有感觀上的刺激，又能以另一角度品嚐咖啡滋味。PizzaExpress 作為一間薄餅連鎖店，食品水準普遍能保持在一定水平。個別經典美食如「焗芝士麵包球」及「

8點鐘左右到好多人等緊位, 等左大約半個鐘之後總於入到去, 叫左個SET, 有頭盤沙拉主菜同飲品, 沙拉既主廚沙拉都唔錯,有好多料幾好食, 但係之後頭盤既MEAT BALL就唔係太好食, 食落有D淋. 配埋個有D燶燶地既DOUGH BALL就唔係太好啦, 至於主菜既蟹意粉就好食啦, 個汁同個意粉煮得岩岩好,整體就覺得唔太抵食,食完兩個人都唔夠飽

食Pizza嘅餐廳多不勝數，但係講質素，Pizza Express一定係當中數一數二的。植物雞羽衣甘藍醬薄餅係其中一款健康之選，賣相滿分。雖然佢用上全素材料，但與其他薄餅同樣香口惹味，芝味可口。Pizza Express嘅雞翼係我每次都必點嘅一個小食，金黃色嘅賣相已經十分吸引，食落口更皮脆肉嫩，係唔想食咁多嘅必然之選（雖然佢一個Pizza都夠兩人飽）雖然Pizza Express睇落價格雖然稍高，但佢真材實料，而且一份主食夠食飽兩人，係一間既高質又抵食嘅餐廳。

一行五人有少少肚餓就揀pizza express，六點鐘左右唔係好多人唔洗等位，即刻可以入座。大家都唔係好肚餓，只係叫咗幾款食物。最好味係雞翼同肉丸，雞翼煮得好好味，好入味，好夠肉汁，如果鍾意重口味少少，可以點埋個蜜糖芥末醬。意式焗肉丸配麵包，肉丸出色，口感豐富，但麵包就一般，仲有少少太乾。蝴蝶粉個汁好夠濃，唔會太稀太水，咸淡適中，平時食意粉類好怕意粉汁太咸。雞肉pizza就太過一般，平平無奇，下次再去都唔會再食。至於松露煎蛋pizza，大家嘅評價比較兩極，我本身都會食松露，所以覺得夠香，同好味，但對於唔喜愛松露嘅朋友就比較抗拒。蝴蝶粉，個汁好夠濃，唔會太稀太水，松露味都香。

常常經過Pizza Express可這次還是第一次光顧啊～～等位大約半小時只得我和老公二人，所以沒點太多款食物就只點了松露蘆筍薄餅及瑪莎拉雞肉長通粉(Pollo Marsala)松露蘆筍薄餅，配料有蘆筍﹑菇﹑雞蛋﹑軟芝士﹑巴馬臣芝士及黑松露醬賣相不怎麼精美，但松露醬的香氣夠突出！用了蘆筍及菇，味道清爽雖然用了兩款不同的芝士，再加上白汁，可一點都不覺得膩滯！！批底夠薄夠脆，與軟嫩的食材相配合，口感頗有層次！瑪莎拉雞肉長通粉，配料有雞肉﹑菇﹑洋蔥及百里香加上瑪莎拉酒﹑忌廉及巴馬臣芝士醬汁較少，略嫌乾身了一點而且味道較清淡，不是預期中的白汁味道長通粉的質感偏為硬身了一點，可能是醬汁不夠之故吧！總括來說，這次點的一款素食pizza味道不會太單調有松露帶出食物的香氣可被長通粉拖累了一點分數呢！獲編排坐的sofa位算是寬敞舒適啊～都值得再試試其他食物的！！

食過幾次lee間 Pizza Express，算唔錯。喺新城市廣埸想食 pizza，唔係意粉屋就係佢。今次叫咗麵包小食，蟹肉白酒汁意粉同美國薄餅。蟹肉白酒汁意粉次次都叫！炒意粉香得嚟都入味，仲有汁唔會好乾，面頭的蟹肉唔會得少少。Pizza底夠脆夠香口，重蕃茄味。面嗰啲辣肉腸，唔太辣，令本身Pizza嘅味仲豐富咗。

係沙田行街諗下食咩最後因為好耐無食pizza所以去左食～之前其實成日經過 但係一直都覺得唔吸引 不過經過今次之後又覺得幾好 唔錯啵個餅底幾薄 薄邊脆脆地幾好食 味道方向佢既辣度適中 唔會太辣 醬底唔會太多搞到佢pizza 好濕～ 食完之後我對佢地改觀左 唔錯 可以下次再食之後到我平時都好鐘意食既粉 個汁濃厚唔會太稀 味道唔會太咸 同蝴蝶粉好夾 而且雞肉口感唔錯 同個汁好夾 最後係雞翼，佢個雞翼醃得幾好食唔洗點醬都好好食～ 雞外面整得唔錯之餘仲保留到肉汁係入面 真係唔錯 點埋佢個芥末醬 可以食多幾隻

話明係極速午餐，就係因為同加友人參加跑步比賽，只有半小時午餐時間，所以唔講咁多，拿拿林選定左呢間沙田新城市裹面既pizza express因為極速關係，淨係點左3樣食物，分別係蒜容包、雞翼和海鮮清酒炒意粉。從點餐至上菜（蒜容包、雞翼）都係10分鐘內既時候 有效率👍🏻蒜容包入口香軟，外皮有小小脆，個底無烤濃，但略嫌蒜容味較淡，但勝在外脆內軟。 雞翼旁邊有一小碗蜜糖芥茉醬，點住黎食，好開胃最後清酒海鮮意粉等候了10分鐘就到，時間已經十分快，意粉口感軟硬適中，橄欖油頗多，食完數口，要用紙巾擦擦口，但蜆分量好足，整體來說不錯。

今日特別想食Pizza，就黎左以到啦，Pizza set lunch未計加一價格大概$100，有一杯餐飲同一個小食 今日小食叫左焗麵包球，除左跟碟既牛油，可以叫waiter比個香草醬，我覺得更加夾，而且無咁膩Pizza有辣肉腸，芝士同蕃茄，係薄底既，味道到okay

Food quality was terrible. Pepperoni slices no bigger than my nipple, pizza texture comparable to that of a soggy sock. Everyone is better off buying a frozen pizza from parknshop. There you can get pizzas twice as good and for a fifth of the price. 名不副实。质量真的差的不得了。市场的冰比萨饼比这儿更好吃