PizzaExpress (新城市廣場一期)

意式肉迷薄餅 🍕＄182（原價）.個餅底唔錯，夠薄夠脆個豬肉丸都好好吃（不過好少）不過個pizza落咗甜椒，所以個pizza偏甜口，中意吃甜口pizza嘅人不妨一試.香辣蕃茄牛面肉焗貝殼粉 （走辣）.唔知係咪因為走辣，所以味道超清淡問咗職員俾樽鹽，就好好多但個蕃茄醬確實唔錯，唔酸，好入味牛面肉都燉得好淋，好好吃唔知係咪焗耐咗，覺得側邊冇high到醬嗰啲貝殼粉會乾身，有醬果d就冇事…查看更多

間中會去食 lunch set，固定會食蜆肉意粉同兒童餐。兒童餐暫時不變，但係蜆肉意粉細份咗。仲要質素變差，成個底變咗油湯。服務方面就明顯人手不足，最近都需要等比較耐。最無奈係甜品每次都要叫起，人手少，揾人都揾成5分鐘，再等埋甜品就更加耐。唔明點解唔學其他連鎖店用 QR code，人唔夠又唔靠AI。做死員工點會有好面口。…查看更多

新城市的 Pizza Express 是帶小朋友黎食的理想選擇。這裡除左有BB凳，兒童餐都好美味，還附有小禮物，讓小朋友們開心不已。此外，孩子們可以享受貼紙遊戲，讓媽媽們有更多時間放鬆，解放雙手。目前餐廳推出特別餐牌，半價優惠，菜品依然保持高品質，令人滿意。值得一提的是，檸檬茶可無限添飲，讓飲品愛好者大快朵頤。不過，建議在星期一至四前來用餐，這樣可以享受到更舒適的用餐環境和優質的客戶服務。相對而言，周末和公眾假期人流量較大，可能會影響用餐體驗。總體而言，新城市的 Pizza Express 是個適合家庭的好地方，值得一試！…查看更多

今日母親節，就係唔想人迫人，用咗成千蚊係openrice買外賣，到咗自取時，問個侍應有得囉未，佢無表情同唔客氣講，你俾個單嚟先得架，咩態度呀，我真金百銀俾錢，同埋我都唔係外送員啦，駛唔駛咁講嘢，睇完單就話叫人幫我睇，之後攞咗一個order,我仲有另一個order,再問佢有得囉喎，因顯示可取，佢望完無理就走咗去，我真係想小佢，見佢扮忙，我再問另一個侍應，先叫我去pack嘢個邊攞，喂，外賣係俾咗錢架，駛唔駛咁對啲攞外賣嘅人，我真係替啲外賣員慘，日日要受呢啲氣，香港再請啲咁嘅侍應，唔好話堂食，就嚟外賣我都唔幫襯，唔該想救香港飲食，陪訓下啲侍應先啦…查看更多

PizzaExpress 我地成日都食 🍕😋水準穩定 價格又合理嘛~ 唔想諗食咩, 所以直接行入去食 lunch (lunch set $158起) 先~(其實隔多幾個字 就有 tea set, $98起咋, 仲抵的!!!但我地好餓, 唔想等了…) 主菜又黎直接簡番我地嘅例牌: 🧡 Four cheese pizza 🧡 肉醬長通粉保持一貫水準, 呢度嘅同事又 nice, 開心心~ 🤘🏻繼續係有分店响附近就會去食~ btw,生日甜品 靚嘅同時, 都好好味…查看更多

個人很喜歡吃簿簿脆脆的意式披薩。PizzaExpress的披薩餅底比較合我口味。於是建議去這家吃午飯，歡送同事。這家分店人很多，無論午市或晚市，要早點在網上訂座。因為偶爾會吃這家的披薩，所以一早就網上登記做會員，領取迎新優惠／節日優惠。這次，同事選了北京烤鴨薄餅，第一次吃這個口味，做得挺像的，由薄薄的皮換上脆脆的意式披薩。如果自己再來吃的話，個人喜歡芝士，會選四式芝士薄餅。…查看更多

全港至差啲Pizza Express今日和屋企人去沙田Pizza Express食晚飯， 見識咩叫劣食西餐中嘅典範， 我哋叫 海鮮扁意粉， 卡邦尼亞扁意粉和 meat lovers pizza, 先不講pizza。 兩個意粉都冇乜味，不論是白汁或蕃茄汁都不夠汁，意粉乾乾地又油膩， 海鮮意粉得3粒蝦， 乾到柴嘅魷魚條和兩三粒蜆仔， 最神奇係有一大堆切半的蕃茄仔， 好似食緊沙律咁， 白汁嗰個意粉直成料都冇， 得少許超肥嘅 煙肉，仲係只見肥膏不見肉嗰隻。 兩個意粉煮到不知所謂，最弊冇乜味。 Pizza超多油， 除了油膩感超重，亦唔夠料，pizza底亦不脆。最差的是服務，我坐底問攞杯暖水，佢哋服務員話我店只提供hot water 和 tap water, 咁係咪即係寸客人或叫客人自制 暖水，今時今日咁嘅服務點得呀， 香港人點唔北上呀。 絕對冇下一次超難食服務又差。…查看更多

上網見到買一送一優惠，覺得非常抵吃😍👍🏻👍🏻👍🏻味道也不錯！😋😋😋我帶埋奶奶去，－共3人，因為我們細食，其實2個餐也足夠😂當天是老公🐻🐻🎂，所以加叫雞翼俾奶奶，我也叫咗甜品拼盤當🎂同老公慶祝😍🫶🏼👍🏻🥂有機會也會再去吃🫰🏻當晚叫咗🍕🍗🥗🍝🧆，也叫了…查看更多

羅馬pizza係pizza入面嘅首選叫咗一份，好香好味料勁惹味感覺真係好食過意大利嘅餐廳仲有個肉丸，個醬好食過個丸叫多份魚，焗到好脆好香，連汁都撈埋雖然連鎖店但呢間做得好過其他…查看更多

今日叫咗兩個set lunch 係pizza express。南瓜湯南瓜湯好清，飲到有甜味，不過就唔夠濃烈，佢配上一塊蒜蓉包，不過蒜蓉包就得香味，唔鍾意食完蒜蓉包嗰種成浸蒜蓉味嘅就應該好啱食。蒜蓉包同佢跟湯蒜蓉包一樣，剩係得香味，食落冇乜蒜蓉味。對於我係蒜蓉控就有啲失望。肉醬意粉肉醬意粉就比較偏多肥豬肉，味道都一般，不過佢真係比較清淡，要自己加黑椒同埋辣椒仔。但係口感嚟講就肉同意粉比例幾好，唔會太少肉粒。北京烤鴨薄餅反而北京填鴨薄餅有啲驚喜，佢用嘅燒汁甜度啱啱好，而佢唔係用普通鴨肉，反而用煙鴨胸肉，用煙鴨胸肉令到佢嘅肉質唔會太瘦，食落彈牙啱啱好。成個餐最主要就係佢可以送白酒同埋啤酒，不過食物就比較清淡，如果唔係就要加啲調味料配合返大家口味。…查看更多

今早約左朋友去沙田新城市食早餐，經過 Pizza Express 原來有早餐食就入去試下。早餐有驚喜，叫左杯 latte 有拉花，啲奶打得好順滑，咖啡香濃好飲，仲有我鍾意嘅 lotus 餅乾再來個生銅早餐，個蛋炒得好滑，牛油果同蕃茄仔都好新鮮。早餐也有 pizza 同意式焗蛋餅都好特別，下次會試下其他款式。服務都好好，第一次嚟唔知食咩好，侍應都好用心推介。上餐時間都好快，環境清靜，適合同朋友聚會傾計，下次會再來幫襯。…查看更多

見到咁多人話服務差，我就放心了。其實大部分侍應都幾好，只係埋單出事！負責埋單個位黑衫樓面態度真係好差！我哋同一位女侍應表示要埋單，並出示新鴻基app想用優惠券。女侍應當時表示明白，攞左我哋張卡去埋單。黑衫樓面自行碌左張卡，我哋表示要用coupon，然後黑衫嘖一聲就掉頭走左。再過來時就大聲指責我哋下次用coupon早講呀，可以出去埋單架。妹妹新黎佢唔知咁多。原來做顧客要知道你哋餐廳流程，仲要了解埋你員工新定舊。我真係大開眼界呀🙂跟住再埋多次單，呢位黑衫樓面拎住2部掃qr code既機(掃coupon)，好開心咁話:部機開唔到呀😆😆真係星期日既美好心情，都比呢位黑衫樓面一野掃走左。呢個黑衫樓面連尊重人、尊重自己份職業都唔識！…查看更多

Not a fan but the kids wanted pizza . Again , pasta and apps was soso . My pizza was the worst as the crust apparently so thin the oil from the ingredients soaked through . Christ , I know thin slice pizza but they just messed it all up . Not to mention they’re understaffed on a Saturday afternoon that cause some of the dishes I see just sitting on the kitchen counter . Deal breaker was the 16 dollar water service . What a joke . …查看更多

本身以為間間分店食品差不多，原來不是。Pizza整得乾爭爭又硬，咬到就嚟牙痛。朱古力麵包球完全唔係平時食開個樣。都未講飲杯水都冇要$16買支水。侍應態度差越叫越走，總括嚟講食完會覺得貼錢買難受。平時食親都幾好食，呢間分店真係唔得…查看更多

🍞焗麵包球（6粒）麵包球煙韌彈牙，非常有口感，香濃麥味，愈食愈上癮！🥖蒜蓉包麵包質地鬆軟，蒜蓉香味撲鼻！不錯👍🏻🌽🍅 香烤蔬菜（小）表現一般般，蔬菜偏硬，可以不用嚐試！🦆北京烤鴨薄餅$158片片的鴨胸肉，配上滋味的海鮮醬，是北京烤鴨的味道！薄餅脆身而且滿佈馬蘇里拉芝士、青蔥、青瓜，非常飽肚！🍕軟心芝士薄餅（$158+$28升級）大塊大塊誘人的軟心芝士、鮮艷多汁的車厘茄！加上橄欖、羅勒及巴馬臣芝士，入口滿足奶味香濃，簡單而健康的薄餅！🍝蒜香蜆肉扁意粉（$158）大量蜆肉，加上白酒、辣椒碎及蒜蓉的調味，鮮味十足，少少微辣！扁意粉口感煙韌彈牙，就是用油偏多！…查看更多